影片
更多
2019-01-18
878 浏览
※本文以用餐當日的環境、服務和食物質素為準，口味亦因人而異，文章只作參考之用。-近來風摩一時既台灣茶飲連麵包店，同屬Sharetea茶飲店既Share le Pain一口氣黎到香港連插三旗。之前係台北都有飲過佢地旗艦店出品既飲品，味道唔錯，比糖漿出品有誠意多了。而今次吸引人之處莫非係多款特別既台式麵包登場，完全岩晒麵包控！飲品亦都同平時既Sharetea完全唔同，所選用既食材都升級左唔少，當然價錢都比較貴。三間分店分別位於銅鑼灣、旺角同元朗，最方便我的一定係元朗店，就在元朗廣場內！有自設麵包工場，仲有沖製飲品的位置，環境比平時的麵包店大。飲品餐牌麵包款式六點多去到某些款式已經賣完，驟眼睇其實好多款都想試下呢！飲品分別叫左珍珠鮮奶茶 $36 同爆爆水果茶 $35，帶有漸層效果的鮮奶茶用上日本明治4.3特濃牛奶，底下的黑糖珍珠，珍珠煮得唔錯，煙煙韌韌富咬口，成杯飲品唔會過甜，如茶味可再重返少少會更好；而水果茶有不少水果在內，味道酸酸甜甜，味道清新，飲落唔會覺得甜到膩，這款夏天飲不錯。髒髒包系列 $35麵包款式網上討論得最熱門既應該係佢地三種口味既髒髒包系列，有士多啤梨、朱古力和抹茶味，每一
-
近來風摩一時既台灣茶飲連麵包店，同屬Sharetea茶飲店既Share le Pain一口氣黎到香港連插三旗。之前係台北都有飲過佢地旗艦店出品既飲品，味道唔錯，比糖漿出品有誠意多了。
而今次吸引人之處莫非係多款特別既台式麵包登場，完全岩晒麵包控！飲品亦都同平時既Sharetea完全唔同，所選用既食材都升級左唔少，當然價錢都比較貴。
三間分店分別位於銅鑼灣、旺角同元朗，最方便我的一定係元朗店，就在元朗廣場內！有自設麵包工場，仲有沖製飲品的位置，環境比平時的麵包店大。
飲品餐牌
麵包款式六點多去到某些款式已經賣完，驟眼睇其實好多款都想試下呢！
飲品分別叫左珍珠鮮奶茶 $36 同爆爆水果茶 $35，帶有漸層效果的鮮奶茶用上日本明治4.3特濃牛奶，底下的黑糖珍珠，珍珠煮得唔錯，煙煙韌韌富咬口，成杯飲品唔會過甜，如茶味可再重返少少會更好；而水果茶有不少水果在內，味道酸酸甜甜，味道清新，飲落唔會覺得甜到膩，這款夏天飲不錯。
髒髒包系列 $35
麵包款式網上討論得最熱門既應該係佢地三種口味既髒髒包系列，有士多啤梨、朱古力和抹茶味，每一個份量都唔細，用黎做正餐都無問題！小妹就試左粉紅色既「羞羞之胖」，姐係士多啤梨味髒髒包，面頭一層灑上士多啤梨粉的士多啤梨脆皮，麵包咬落軟屬帶點韌度，一向都頗喜歡台灣麵包這種口感；麵包內餡有忌廉芝士和少量果肉，酸酸甜甜食落很醒胃。
爆漿珍奶軟歐 $15
仲食左另一款招牌麵包，內餡係紅茶吉士同珍珠，食落有淡淡紅茶香，不過珍珠偏軟腍，還好。
花生金磚 $15
長條形的吐司裹上一層厚厚粒粒花生醬，食落麵包酥軟，花生醬味超級濃郁，仲帶有顆粒的口感，花生控的一定要試，回味無窮！
张贴
