御滿屋日本料理

营业中

休息中

我好鍾意食放題，經常同三五知己去食，港九新界我都食暈晒，都可以話係半個放題之皇，今次我介紹呢間放題，我都十分推薦，宜家就為大家介紹一下。首先食放題，最重要一定係食物嘅選擇同埋質素。依間放題嘅選擇都算多，一般見到嘅刺身，壽司，串燒，炸物，煱物等等都一應俱全。刺身方面，我就試咗佢哋嘅三文魚，帶子，池魚，希靈魚，同埋八爪魚，全部都相當新鮮，刺身嘅融雪亦都令人滿意，上碟時都有碎冰鋪底，保持住刺身嘅新鮮度的溫度。壽司方面，選擇亦都好多，質素與賣相相當合理，更加重要嘅係，壽司嘅飯份量比較少，令到我依啲胃仔比較細嘅食客可以食暈晒咁多款，都唔會好快就食到飽。第二，食放題當然要講求上菜嘅速度。依間放題上菜速度都令人滿意，一般嘅刺身同埋壽司都係5分鐘內就上菜，而最耐嘅鍋物，例如雪花牛肉鍋等等都唔超過10分鐘就已經可以食到，所以，你絕對唔使驚會唔夠時間，一定可以食到飽一飽先至離場。第三，飲品都相當重要，除咗一般嘅韓國汽水，果汁味汽水外，依度有幾款啤酒我覺得都相當有誠意，包括有Somersby同Hoegarden。如果鍾意飲清酒嘅朋友，一定會更加開心，因為嗰度有唔同款式嘅清酒，梅酒俾大家無限添飲，質素都相當唔