御滿屋日本料理

营业中

休息中

見到呢間放題中午18x, 長者都係138 趁平日放假同爸媽梨食下，地點非常方便地鐵出口就係，入座都係夠鐘就入去，唔洗點等位，不過平日都幾多人食，講番食物刺身好新鮮，牛舌都整得好好食，最唔得係個羊架味道其實唔錯可惜肉質好鞋，炸榴槤一定要試好好味，呢度有好多酒類飲品，除左清酒，梅酒，仲有蘋果酒，啤酒仲有麒麟啤tim, 雪糕仲有movenpick, hagenzas 呢個價錢真係性價比高，總之i will be back

食第一轉既時候發現有細細隻小強係碟底走出黎本身想埋單走人，亦希望餐廳比一個合理既折扣比我但職員只offer 88折亦強調小強沒有經過食物，是環境問題我明白在旺角開餐廳，小強好難避免但應有合理賠償最後轉枱及延長用膳時間，加88折了事不開心的地方是，我地只係入左場30分鐘明明食得量不多為何不能給一個合理的折扣有小強是十分嚴重的衞生問題我們亦不是鬧事的人我看到小強從我碟底走出完全沒有大叫，靜悄悄叫職員處理因為不希望會帶給職員大麻煩但是給我的賠償太不合理我在openrice訂座已經有9 折給88折只是差小小與沒有賠償沒太大分別

星期日同朋友經開旺角行街街，行街行到好肚餓好想食下放題relax 下，朋友建議呢間滿屋日式放題。一入到去已經見到飲品有好多選擇又有沙律吧，啲款多到講唔晒嘅，實有一款啱你坐低我哋急不及待已經點了主菜其實一坐低見佢哋有兩本簿，有好多日式壽司，刺身，天婦羅甚至熟食，林林總總都俾你點，好多選擇啊。我最喜歡他們的鰻魚卷，海膽手卷，刺身亦非常新鮮，最驚喜係連黑松露焗菇都10分好味。最開心係可以不斷encore，而且上菜速度算快，唔使驚有排等。其實我哋order咗好多，真抵食。今次先知道原來佢哋有宵夜時段，如果我下次放工，可以過嚟盡情食個飽。

午市放題由1200-1500價錢比晚市1700-1930貴少少唔知是否剛開舖，所有雪櫃飲品都不凍。好多種飲品，但唔凍就冇乜興趣。仲有熱茶咖啡，清酒，呢啲就唔受個雪櫃影響。可能到晚市啲野飲就凍返冇呢個問題。熱食煮得一般般。天婦羅蝦皮好厚。燒菠蘿唔夠熟。手卷紙菜唔脆。炒粟米調味都麻麻。只有刺身係正常。環境算不錯，座位都舒適有自助區，格格脆都很脆。有湯，沙律和多種甜品。最後一人仲可揀一杯haagen dazs或movenpick.小雪糕，呢個就算抵返。服務員態度都良好，肯去幫你。不過呢個價錢，可以接受啦。

朋友生日所以搵咗間比較多好評嘅放題黎食下係疫情期間,呢間放題算係多人黎食，黃金時段$228一位一入門口就係自助吧, 冷盤有沙律菜、蝦、蜆、涼拌小食，而熱盤有炒蜆、菜等等，另外仲有炸物，湯類同朱古力噴泉，種類繁多整體而論，食物種類多質素唔錯，地方乾淨整潔，如果能夠將點餐紙轉做電子落餐就更好D涼伴小食唔係求其，幾好食而飲品方面，有咖啡機、清酒梅酒同凍飲櫃刺身新鮮種類多海膽吞拿魚茸 帶子鵝肝 花之戀 呢三款都幾好食迷你海膽手卷鰻魚味道幾好，但比較多骨炸榴槤球同炸蠔係即叫即炸🤤好吃仲有鹽燒牛舌同鹽燒雞軟骨都好食最後飽到甜品都差啲食唔落，正係食咗一個芝士撻喳😆最後每人可以揀一款雪糕有三款唔同牌子比你揀

好耐冇出街食飯, 呢日約左余爸爸慶祝 我地嘅紀念日, 揀左我地大愛嘅放題~<御滿屋>係旺角mtr E出口一出, 1分鐘就到,  非常方便! 2小時任飲任食, 可以放縱一晚了！入座時見到出面有salad bar, 更有炸物和朱古力噴泉,  小朋友見到一定好開心呢! 飲品和甜品都可以自助~ 更有熱飲(如豆奶, 茶)供應, 很細心~呢度嘅壽司種類非常多, 好多款都想試。。。 連我大愛嘅鵝肝帶子壽司都有呀！太好喇! 啱晒我地嘅口味~ 吞拿魚和花之戀都好好味~壽司飯是軟軟的, 每件配上新鮮的食材, 味道不錯~手卷是迷你size, 細細份可以過吓口癮, 我地叫左幾round海膽手卷啊！ 刺身又是吃過不停! 蝦類一定要點! 很新鮮~ 仲有放題少有嘅鵝肝多士, 烤得很香脆可口~ 很驚喜! 烤菠蘿很清甜, 榴槤炸彈更是必點!  是流心的, 榴槤味香濃, 榴槤控必試~ 牛舌很juicy爽口~記得食埋甜品先走呀！每人可自選一杯名牌雪糕,  我地揀左Haagen Dazs 系列, 正呀! 整體嚟講, 呢度嘅服務和食物質素都很好, 服務很勤快,  每人二百幾

困咗喺屋企太耐都想出去食下嘢…今日就盡地一鋪去咗食放題旺角御滿屋其實之前都食過幾次， 之後有一段時間去咗食其他，今日再返返嚟仍然保持水準食物種類都幾多幾大路除咗落單之外仲有好多小食可以自己拎沙律吧本人最鍾意就係食蟹子軍艦，非常值得一讚既係壽司都非常之新鮮！紫菜係非常之脆的！ 而且飯唔會好多，比例剛剛好，唔會用飯呢食飽客人刺身都相當新鮮壽司都非常有特色， 而且味道都不錯燒比目魚和燒一口牛柳燒比目魚非常值得推薦，比目魚用牛油煎香而且非常新鮮，肉質夠結實又夠入味！高質！牛柳粒唔會好韌而且都煎得幾香， 份量唔會太多鹽燒海蝦， 其實蝦應該幾新鮮因為啲肉都幾實但係有少少凍，可能已經燒好左一陣， 但係幾好食蘆薈燕窩燉蛋，有趣雜菜牛肉鍋， 肥牛都幾多， 如果牛肉可以再瘦少少就更加好，湯底好甜，雜菜都好入味餐廳仲有兩個甜品櫃 ，有很多甜品選擇因為都食得幾飽，我只試咗三款…個人覺得都係留肚食雪糕或者其他嘢更加好，甜品有待改善總括來說，熟食和刺身都非常出色，味道調較得不錯，熱食大部分都熱辣辣， 算係味道好，上菜又快的平民高質放題。

記得去過其他滿屋放題既質素都唔錯！！今日臨收工之際就有同事提議放工一齊去食放題滿足一下肚皮xpp面對呢個邪惡既建議，我最終都係抗拒不了，答應同事一齊去放肆下！！同其他滿屋既放題一樣，除左有得劃紙點食物之外，仲可以喺餐廳既自助食物區到自助部分前菜、炸物熟食等~~而部分既飲品、甜品同生果都同樣可以自取享用=]以食物種類黎睇，呢度既款式都幾多幾齊全，除左平日必點既刺身壽司之外，更會有一d特色創作料理！！同事係百分百既刺身愛好者，一坐低無耐就經已點好一大份刺身~~呢度既刺身質素唔差，特別係當中既有頭甜蝦同帆立貝都好鮮甜：）壽司方面，自己最為推薦既係火炙壽司，大推火炙左口魚邊，油脂爆燈超滿足！！！同事就較為欣賞有脆脆海苔包住既手卷，佢自己一個就經已KO左兩三件xpp熟食方面，我地都覺得呢度既燒物都處理得唔錯，尤其係燒鰻魚同比目魚西京燒！！呢兩款都係平時係其他放題中較少有既菜色，以呢個價位黎講有得任食，質素絕對收貨：）最估唔到既係連冬菇扒花膠呢類中式菜肴都食到添！！！燒菠蘿其實都係我地必食既，既可消濟又香甜~~最後仲每人有一杯H牌/M牌雪糕添：）

放題識食一定係揀性價比高嘅去食，今年生日同左屋企人去食御滿屋，任揀2小時都係$228，而撞岩疫肆虐，外出食放題嘅人好少。所以上食物嘅速度都好快。一坐底，趁個肚仲係空嘅時候就緊係先嗌刺身。魚生種類好多，有三文魚，蟹棒，希靈魚，吞拿魚，帶子，生蝦等。放上舖滿冰嘅刺身盤上面，令到刺身好夠凍。魚生，生蝦食落都好新鮮，食完一塊又一塊。壽司的擺放也十分漂亮，雖然是放題，但質素仍然十分高，真的十分美味，壽司的大小也剛好，一口便可以放進口內，隨左普通壽司外，仲有好多特式款式，好似火焰牛油蒜蓉三文魚蒜蓉香氣濃郁，提升三文魚鮮香；火灸芝士燒蟹棒，肉軟嫩，芝士香濃，入口即溶；芝士軟殻蟹卷同埋千島蝦卷食落脆卜卜，好有口感另外炸物叫咗忌廉蟹肉棒，芝麻雞翼，炸多春魚。忌廉蟹肉棒嘅忌廉口感比想像中輕盈，唔會膩；芝麻雞翼炸得香口；多春魚炸到脆卜卜，好看口。 食到最後就緊係掃甜品，有6-7款口味的蛋糕，亦有每人限定一杯的品牌雪糕(movenpick+ haagen daz)，今次真係食到滿載而歸。

香港嘅放題一般都係大同小異，但係御滿屋就好唔同啦，又有得玩，又有得食 。呢排仲要大割引，震撼價$175一位咋🤑，可以任食2.5小時。大家係咪好想知有咩玩呢? 就係呢部打印咖啡機啦。客人可以自製完咖啡就可以揀自己鍾意嘅圖案印落杯咖啡度☕，唔駛10秒就已經印好咗，得咗！除咗打印咖啡機之外，仲有棉花糖機，如果小朋友嚟，肯定啱晒！🤗唔飲咖啡都唔駛怕，有幾十款飲品任你揀，包裝罐裝都有，啤酒🍺、果汁🧃、汽水🥤無限添飲，仲有梅酒。🍶講到食方面，足足有十幾款類別可以揀，第一樣當然唔少得點刺身啦，有我超愛嘅北海道帶子，仲有空運大目吞拿魚、三文魚、甜蝦、大赤蝦、油甘魚、希靈魚、鮑片等，啲刺身都好新鮮。壽司款式仲多🍣，淨係壽司都有5張紙可以揀，而且夠晒特色，有黑松露牡丹蝦壽司、火灸芝味和牛、鵝肝伴帶子壽司、意大利黑醋雙重芝士鰻魚卷等，不過講到最好味就梗係芝士蟹棒黃金燒，真係好好味，無得輸呀！啲壽司仲要係迷你版，食多幾件都唔怕飽！炸物、天婦羅🍤、串燒全部都好正，特別要推介芝麻雞翼、自家製吉列炸蠔、虎蝦天婦羅🍤、鹽燒牛舌、鹽燒雞軟骨同埋鹽燒雞翼比大家，不過真係好熱氣，寶寶食完咁多樣即刻生咗粒飛滋，不過唔駛怕，即

御滿屋同朋友又想食放題，御滿屋是最近吃過質素比較高的日式放題飲品選擇超多，汽水啤酒都有，連平時較少見的Apple Cider都有提供葡撻食物未到可以去熟食BAR選食物先，葡撻屬高質素食物之選唔差，食完好想再食刺身每款試少少，雪味不重，推介甜蝦和馬刀貝。鹽燒海蝦都幾大隻，蝦肉結實不霉口。燒得岩岩好唔會老鐵板鵝肝鵝肝外脆內軟，好好味避風塘炒雞軟骨好香好惹味，份量都好足燒菠蘿同樣以件計多汁，味道都清甜。食物品種飲料選擇超豐富也絕對是亮點之一，酒類選擇都算多，愛飲酒人士最啱，性價比都幾高既放題

疫情之下呢排冇得去日本 ，如果要解下對日本嘅相思，咁唯有去食日本嘢啦今日黎左旺角既御滿屋放題，餐廳位置就係旺角地鐵一出既大廈入面，超方便一坐低第一樣當然叫刺身先啦...有成超過十款嘅刺身，選擇非常多，而且全部都好新鮮芝麻雞翼 雞翼炸得外脆內軟，個皮係脆到一個點呀！！ 雞肉亦非常嫩滑西京燒比目魚 比目魚魚質幼嫩， 每一啖都非常滑，食極都唔會膩和風牛柳粒 牛柳粒肉質軟腍 ，一啲都唔靭鐵板廣島蠔 每粒蠔都幾大粒喎，而且好鮮甜，一啲都唔腥天婦羅炸物大蝦肉質爽口彈牙多春魚鬆脆，連脆都脆到可食黃金燒帆立貝帆立貝燒得香口，好味喔薄燒牛肉卷起既薄燒有一層層既口感，好juicy燒牛舌細細塊，好爽口喎！燒菠蘿燒過既菠蘿果然清甜d甜品櫃有好多唔同嘅甜品選擇，有mousse，有cake，仲有水果添最後每人可以order一杯雪糕，有haagen Dazs， dreyer's同 Movenpick揀，超正呀！！

困左係家甘多日，要報復式去吃飲玩樂甘先爽yy… 所以今晚跟朋友去左食放題。岩曬啦～我要報復式甘食食食。。 估唔到餐廳都有唔少同路人。。 可能一樣仰壓太耐了，要食返夠本。。。講真，知呢間都係滿屋集團開，應該都唔會太差，甘我當然食返d招牌菜啦～冷盤又好，熱食又好。。質素都keep 到，賣相ok, 食落新鮮，呢個時候新鮮先比到人信心架maaa.. 另外，我地淨係飲紙包同罐裝飲品，因為感覺比較衞生，不過都有好多好多選擇，除咗常見嘅汽水同果汁之外，仲有好多選擇，包括茶同酒，有好多唔同 解 茶，食得太多可以飲，唔知有幾多功效，但起碼心理好過d，啤酒有好多選擇，有成櫃係啤酒，而且有apple ciders，想發生親密關係都好多花款最後每人有一個雪糕，其中有焦糖脆餅雪糕，味濃而且有粒粒脆餅，好好味好特別，而且好甜，好適合餐後配一杯熱嘅黑咖啡

响旺角唔知食乜好，所以去咗食放題，點都有嘢啱口味，諗住依排少咗人出街，應該無乜人，其實都幾多人，本來安排坐大廳嘅位，但有d怕人群聚集，咁啱見有檯卡位埋單，所以問侍應，佢地好好，執埋檯就比我地坐刺身同壽司嘅選擇好多，而且除咗一般款式，仲有好多特別配搭，刺身好新鮮 而且都幾大件，而壽司份量啱啱好，一口一件，而且飯量好細，可以試到更多款除咗刺身同壽司，熟食都好多選擇而且好好味，特別係芝麻雞翼係意外地好食，惹味好適合伴酒，榴槤波波都推介，意外地濃味，榴槤味响口腔久久不散，仲有串燒甜薯好煙韌好甜，唔好得講字，有圖有真相。

近日旺角人少了，行起路來輕鬆的多，放工到旺角，被舉牌的放題吸引了😂餐廳不受環境影響，除了餐廳自主減少桌數，幾乎滿座餐點選擇很多，生魚片、壽司、炸物、烤物一應俱全以放題的標準來看，生魚片的品質還算不錯烤物以鰻魚最推薦炸物也挺吸引人，炸雞翅、貓山王榴連炸彈很值得一試，飲料的部份選擇很多，仲有燒梅酒最後還可以選一杯冰淇淋餐廳大多數食材都是現點有侍應端上來，相較之下會比開放式的自助餐來的衛生和不浪費食材出餐的速度很快，侍應的態度也都很好，整體感覺舒適的餐廳。食材當然比不上高級日本料理店，但以這個價錢能食到的食材和總類，算是放題很好的選擇