御滿屋日本料理

营业中

休息中

同朋友去旺角行街，朋友肚餓想食放題，我地去左彌敦道655號食放題，入面好大嫁，位置特別多，不過就張枱比較細少少，一入門口就見到好多熟食同埋海鮮俾客人拎，其他食物未到肚餓都可以食住先，仲有多款冷熱飲品同甜品，食物選擇都多，如果可以多幾款刺身仲開心，刺身拼盤上枱好大碟好靚，赤貝爽口，羊架好大隻，花膠都幾大塊嫁，入口滑溜溜，牛舌燒到好香，牛柳粒好淋，燒菠蘿好甜，上餐速度快，用電話QR code落單好方便，唔驚漏單。

今日同朋友一齊出去食飯，咁我見到疫情又開始，拿拿聲把握機會去同朋友去咗滿屋度食日式放題，真係食咗先講，驚遲啲又冇得食。我地叫左魚生有吞拿魚 、希靈魚、大赤蝦、馬刀貝、帶子、赤貝、甜蝦、油甘魚… 其實啲刺身都算係多選擇嘅而我覺得啲刺身亦都唔錯都幾新鮮大家可以參考我幅圖。燒紐西蘭羊鞍: 呢一個係本人 number one嘅至愛因為肉質都幾嫩口，生熟調教得啱啱好羊騷味都fine,而且落咗少少香草真係ok嘅,suggest食多幾件,因為出面去食都唔平。Sushi 有火炙海膽墨魚、山葵八爪魚軍艦、鵝肝伴帶子壽司、黑松露空運間八壽司、醬油漬吞拿魚吞魚壽司、海苔牛油醬伴鮑汁元貝、蟹子軍艦、香蔥吞拿魚茸軍艦、火炙蒜蓉和牛及火炙鰻魚... 咁其實款式都非常多， 大致上嚟講細細件雖然都飽肚，但其實都可以試得幾多件。 因為其實舊飯都唔係話太大。鹽燒雞軟骨: 鹹味同鹽燒嘅程度調得啱啱好可以試下，因為出去日本居酒屋一條都唔平。蒲燒鰻魚： 鰻魚fans鍾意嘅可以試下，因為其實佢都係畀細嚿你去試，咁其實個鰻魚都唔差，個鰻魚汁調得都ok嘅，鍾意食鰻魚嘅朋友可以試下，因為唔係太大嚿所以個肚應該都食得落。西京比目魚: L

之前去過佢哋荃灣嘅分店，對佢哋食物嘅水準都好有信心，而旺角分店嘅價錢亦都冇比荃灣分店貴，星期一至五特價時段最平$175起，真係值得早啲嚟食。食物款式大致同荃灣分店一樣，有小部份沙律、蛋撻、炸薯條等為自取，其他都係點單，佢哋最近用埋QR code點單更方便。我最鍾意佢哋嘅飲品好齊全，你就都有四款，Apple sider 、清酒及梅酒等，我最後都飲咗四五款唔同口味嘅飲品。刺身水準穩定，我特別鍾意油甘魚及帶子。鵝肝伴帶子壽司值得一試，淡淡鵝肝脂肪香氣。海膽吞拿魚壽司同埋牡丹蝦壽司亦係唔錯嘅選擇。火焰海膽墨魚壽司配搭得幾好。西京比目魚水準拍得住銀雪魚，只係魚骨比較多少少，魚肉嘅滑嫩程度都好高。酥炸廣島蠔亦係我必食之一，蠔身大隻。榴槤炸彈係我至愛炸物，炸得火候剛剛好。

今日去開旺角行街 突然興起想去食放題 於是上網就搵到 呢間放題 上到 去 好多人仲要攞籌等位 我哋等咗15分鐘左右終於有位啦等到有啲肚餓囉 職員先畀張雪糕 紙 我哋等我哋食完曬之後就可以order雪糕 刺身炸物呢啲都係例牌嘢 不過呢間個環境幾好而且幾乾淨 熱盆嘅選擇亦都有好多 如果想嚟食嘅就一定先訂位 因為 好多時都full booking 而且呢度又近地鐵站交通超級方便 食完一彎之後已經覺得好飽 我哋就已經叫甜品同雪糕食了下次會再嚟~

屋企人喜愛吃日式、火鍋、燒烤所以最理想去自助餐一次過滿足哂！ 方便他們出行要選擇就近地鐵《御滿》了！ 地點就在旺角站E1出口胡社生門外 😎上1樓後已發現有隊了！ 原來今年更獲得獎項😱 利害了 — 2018 年必吃放題 、最回味食府金獎、2020食店大獎入圍餐廳一段時間沒來，發現點餐紙更新了🤩 自助處放有蝦、蜆、螺海鮮、炸物、湯、甜品等等。 刺身新鮮還要夠凍！ 特別羊扒厚之如還入味～ 每人更有Hagaz- das / Dreyers / moven pick 選擇！ 其他的有餃子、墨魚仔、竹笙瑤柱蟹肉翅、海鮮鍋、少見的日式赤紅牛肉拉麵等等 包羅萬有 價錢方面，晚市放題 HKD 175 , 加一後 HKD 200 有找 實在划算。 環境潔淨企理，沒有痴泣泣。 燈光柔和，跟朋友聚聚傾計好地方。

I really could not remember my last Japanese all-you-want-to-eat buffet experience in MK. Maybe when I was still a teenager? With our recent good experiences at 滿屋 in CWB, my dinner partner suggested trying out 御滿屋 in MK.  So why not?It was my first visit. Location was very convenient, right outside MK MTR exit. Price was $10 cheaper than that in CWB at $228 per head for a 2-hour dinner buffet plus 10% service charge for Mon to Thu. If you book via OpenRice, there would be a 5% discount for dinn

🍽御滿屋———————————————🐈：食開放題就有條癮😂😂，要捉緊秋天既尾巴，因為冬天就唔會食🤣。發覺旺角呢間幾好食，平日都全場爆滿👍🏻，服務態度都唔錯。地點仲好方便，旺角站一出就係，食完仲可以行街😚。———————————————🌟刺身刺身種類唔算好多，但都好新鮮。今次三文魚唔錯，見到啲色澤都睇得出佢新鮮👍🏻。甜蝦啲肉質軟綿綿😍😍！_🌟壽司呢度嘅fushion壽司都同另外2間分店差唔多。不過我覺得呢間既海膽吞拿魚蓉壽司既海膽好似特別新鮮💕。吞拿魚蓉好綿好好味！三文魚腩都唔錯👍🏻。_🌟熟食熟食款式，燒牛舌係必叫item，肉質又香又彈牙！1人食左2串！雞翼燒得好香！牛油粟米都好香好好味啊☺️。

平日夜晚嚟食，食頭一round，都幾多人，枱與枱之間嘅空間唔係太多，要預咗坐得迫少少！ 食物選擇都夠多，刺身創意壽司卷物手卷鍋物炸物燒物等等...應有盡有，估唔到連清酒同梅酒都有，今晚唔想飲酒我冇試，但見啲人行嚟行去都有攞!! 唔會試得晒所有嘢，推介大家食以下呢幾樣:燒羊㗎-容易咬開加上有少少肥肉，好食!! 鰻魚-肥瘦適中，肉質厚身，加埋鰻魚汁好味!! 牛柳粒, 牛舌-發覺佢嘅燒物都做得幾出色炸蠔-裏面好Juicy吉列天婦羅蝦-隻蝦幾鮮甜都算大隻花之戀同軟殼蟹芒果卷都好食魚生刺身我自己就一般最後雪糕有movenpick 同Haagen Dazs 揀，一定好食呢餐又食到好飽，未必所有嘢都超好食，但總會揀到自己啱食嘅嘢，大滿足嘅一晚!!

呢排成日食放題，上次試過銅鑼灣嗰間滿屋，覺得啲質素好唔錯，今次近近地來到旺角，帶埋媽媽一齊嚟食返餐勁嘅。放題性質嘅御滿屋都係任點任食，餐廳裏面好早已經布滿晒好多人，因為呢度係要預約的，我們坐低係一個二人座位，好快就有人嚟serve我哋，將填好嘅Menu交俾服務員，我們就耐心等候食物。呢度嘅食物款式很多，魚生炸物熱食甜品嘢飲樣樣都齊，我哋喜歡吃魚生的所以都點了不少，還有壽司，最喜歡這裏的燒羊架，所有的質素真的好好，一食就食咗四件羊架，同埋食了好多魚生，平時日本餐廳食不飽，但更貴價錢，這裡感覺都回本了，哈哈最後試埋個甜品，仲有一人一盒嘅雪糕，完美地結束了這晚的晚餐。

由於之前限聚令所以冇咩出街聚會嘅關係 所以都好少食放題 因為放題梗係要一班人食先開心啦！今日見難得疫情放緩左啲 所以就同朋友一齊嚟刷餐勁嘅🤤之前朋友食過呢間話種類多 食物質素又唔錯所以一於去試吓😏餐廳喺地鐵站E出口一出就係 勁方便！ 😂上到去見到都有幾多人等位 不過入邊都幾大 所以等咗一陣就可以入去👏🏻出面自助吧枱嘅前菜都有好多 例如螺肉 鳳爪 中華沙律等等....飲品就有成兩個雪櫃咁多 仲加插左梅酒同埋冷 熱清酒 總有一款啱👍🏻👍🏻坐低咗我哋都係把握時間叫野食啦！🙈呢度有刺身 壽司 手卷 鍋物 天婦羅等等 而每款嘅種類都唔少！•刺身•-我認為呢度最出色嘅係馬刀貝同油甘魚馬刀貝爽口得來又唔會雪到硬曬 而油甘魚肉質都好實淨 仲幾鮮味👍🏻•天婦羅🍤•-天婦羅都係新鮮炸出嚟 蛋漿同埋蝦肉配合得好好 一咬落去好脆口 食到入邊就有蝦嘅爽彈🤤•雞軟骨串燒🦴•-雞軟骨表皮整得好乾身 入邊就好有咬口 一路食一路飲住清酒 超夾！•蒲燒鰻魚🐍•-而我其中我比較欣賞嘅就係呢個鰻魚啦！鰻魚充滿着膠質嘅感覺 但咬落仲好彈牙 配埋個醬汁真係勁惹味！最後佢哋仲有幾個大牌子嘅雪糕揀添！餐廳都幾慷慨 呢啲牌子嘅雪糕平時

今餐去咗食放題，平時的確比較少喺呢個商場度食嘢，食親多數都係去街知巷聞最多邊爐同放題嘅個棟大廈度食😝。食7:30 ，因為訂咗位所以好快就有枱😚。一開始梗係太刺身啦，仲有壽司🍣。啲刺身嘅質素幾好😋，尤其係啲帶子，食落幾爽口，唔會太凁，仲有希靈魚一的都唔腥😲，最好食係北海道角螺，有嚼口得黎有螺味🥰嗰壽司超推介嗰隻火炙蒜蓉和牛，上到枱嘅時候嗰壽司🍣依然係微暖😎。半熟和牛同蒜蓉融為一體，細細粒一啖一口，咸香相稱，真係推介👍🏻。其餘嘅火炙壽司都好好食，因為係即叫即整🤩再嚟就係熟食，芝麻雞翼新鮮滾熱辣炸起，又唔會揸到黑晒，仲有個炸水牛芝士，真係食完再encore🥰，拉絲咸香好好食。然後當然唔少得個鰻魚啦，無骨又夠味，又係狂食😍。另外熟食區仲有啲小食可以拎嘅，唔好睇佢一堆擺喺度好似凍咗，其實好快就比人拎晒，所以都幾新鮮👍🏻到最後唔少得嘅梗係甜品啦，甜品櫃裏面有芝士蛋糕曲奇餅，仲有生果。然後喺入坐嘅時候職員擺低咗張雪糕紙俾你，係你食完嘅時候填番張雪糕紙，一人一杯，交俾職員就可以啦。

話說自己真係好少食放題，因為價錢高之餘，食物嘅質素都唔係話特別好，但呢間餐廳特別值得寫嘅係，佢哋嘅壽司係其他餐廳份量嘅大概一半，用料亦都幾新鮮，壽司嘅款式亦都多創意。呢度嘅價錢唔算貴，一入門口嘅時候，就已經見到有好多嘅現成熟食或者凍盤取用。我就特別鍾意食佢嘅蝦，配埋沙律醬。之後我哋叫咗好多壽司：火炙和牛壽司，和牛上有蒜蓉，幾香，加埋火炙完之後，啲油出晒嚟，牛肉亦都幾好食，食埋壽司，一啲都唔油膩感。鰻魚壽司亦都入口即溶，鰻魚汁亦都幾甜。海膽吞拿魚茸就係我嘅至愛，細細粒，成粒魚蛋咁樣，一啖放入口，料同埋飯融埋一齊。好香。之後就係花之戀，冇咩特別，反而個加州雜果卷，加咗雜果上去，令到加州卷冇咁Dry。其他壽司亦都唔錯。最後我哋特別食咗呢度嘅雪糕，呢度嘅雪糕係Häagen-Dazs同埋Movenpick，我揀咗嘅係焦糖脆餅，朋友揀咗係士多啤梨，都非常好食。

影完結婚相👰‍♀️🤵‍♂️，終於可以稍為鬆一口氣，一於大食一餐獎勵下自己減肥減得咁辛苦🤸🏋。一於去食放題。 去到餐廳都差不多爆晒，原來宜家平日5-7點只係需要每位$175咋😱，唔怪之得咁多人啦。 一坐低當然係點刺身先啦，有甜蝦、空運大目吞拿魚、三文魚、大赤蝦🦐、松葉蟹棒、油甘魚、希靈魚、北海角角螺、鮑片、馬刀貝北海道帶子刺身、八爪魚、赤貝刺身。 壽司種類都好多🍣，而且好特色，例如有黑松露牡丹蝦壽司、火炙蒜蓉和牛、火炙海膽墨魚、海苔牛油醬伴鮑汁元貝、鵝肝伴帶子壽司...仲有我至愛嘅火炙三文魚，平時喺出面啲壽司店要食好多碟，宜家可以任食唔嬲啦！ 🤤🤤飲品任你揀，包裝罐裝都有，啤酒🍻、果汁、汽水無限添飲🥤，仲有清酒梅酒任飲🍶。 炸物、天婦羅🍤、串燒全部都好正，有幾款要encore：鹽燒雞翼、鹽燒雞軟骨，真係好好味。🤤食唔夠出面仲有自助吧，薯角、麥樂雞、葡撻、沙律。 🥗記得仲要留番個肚仔食甜品，出面有自助甜品，包括布甸🍮、蛋糕🍰、生果🍍🍉、果撻，每人仲有一杯雪糕🍦，有dryer's、Haagendazs同埋movenpick 任你揀，而且每期都會有季節性特別口味，今期係哈蜜瓜味，朋友就揀咗呢個。而

忍左甘耐，終於有機會好好食返餐勁既，大家都好想食放題，就同朋友去咗旺角既御滿屋日本料理食，食，食雖然係星期一，但眼見都接近滿座。我急不及待先點刺身。基本上刺身令人滿意。三文魚肥瘦適中，食落魚油香味十足。帶子夠鮮美大粒，希靈魚爽口彈牙，甜蝦肉身甜滑嫩口。冷盤除咗刺身外，仲有大螺，蝦，硯⋯⋯沙律吧⋯大堂仲有炸物，泰式無骨鳳爪。鳳爪幾入味，值得一試。鮮蝦夠大隻，食落夠口感。其次，冷盤過後，值得推介熱食。基本上，雞軟骨同比目魚必點先，又香口又唔會飽肚，但又食得過癮。其次炸物必點海老天婦羅，粉漿厚度剛好，炸衣薄脆，蝦肉彈牙。鐵板羊粒不會太騷，反而肉嫩多汁。和風牛柳粒入口嫩滑，甜甜的燒汁更突出牛味。如果食到有d滯，可以叫燒菠蘿食下解膩，酸甜味更可再刺激食慾。基本上我都好滿意所有菜式，個人實會再返黎食嫁！

今日去左旺角行街，2個人都好肚餓就決定去食放題食餐勁既。一入門口個自助Bar 就有我鍾意食既葡撻呀😍坐底就剔野食啦，嘩😱總共有成13張紙，好多野食呀😋快快趣點左幾張紙就比店員先，一次點哂驚食唔切同枱都未必夠位，每樣一件都真係有好多款野食，唔止野食款式多，連飲品都超多選擇，2個雪櫃既飲品無重覆，啤酒都有6,7款，罐裝蘋果酒係放題出現真係好少見，仲有仲有就係梅酒同清酒呀，如果鍾意飲酒嘅人真係好抵❣️刺身食放題頭盤當然係刺身，刺身夠哂冰凍，帶子同馬刀貝鮮甜脆口，值得encore~大赤蝦都唔錯，肉質唔會淋patpat，而且無雪藏味~❣️火炙蒜香牛肉壽司本身超鍾意食蒜蓉，火炙牛肉好香，牛肉好淋，蒜蓉亦都無蓋過D牛味，雖然係壽司，但個壽司飯做得幾好，唔會過酸或者好大舊同握實，呢款食左幾件❣️西京比目魚店長推介真係不負所望，豐富既油脂，肉質滑啫啫，出街食比目魚都唔平， 估唔到放題都有❣️天婦羅有5款選擇，炸粉唔會太厚，同埋全部都係熱辣辣❣️鹽燒海蝦燒到好香口，同埋好新鮮，仲有甜，叫十串八串配埋啤酒真係好正❣️燒紐西蘭羊鞍好香既羊鞍，唔會燒到乾哂，肥瘦適中，D 羊膏燒到有焦香味的確唔錯❣️美國薄燒牛肉肉質好淋，仲好