御滿屋日本料理

营业中

休息中

第一次食，等左15分鐘入去，叫左4轉野食黎左2轉，之後再追問，侍應手寫落單等左15分鐘都無黎，黑名單，埋單走。食物質素一般般，服務質素放題唔會要求高，態度睇人好兩極，食過香港喜屋呢種放題不少於5間，不少於20次，唔係今次咁情況都未必會有下次。

以價錢來說只需二百五十左右就可以食放題其實都真係幾抵食的不過呢,放在外面櫃檯供人任拿的涷食海鮮例如東風螺,蜆同蝦唔算太新鮮任點的魚生水準還好不過最好食的似乎是熟食尤其碗花膠湯都幾大碗架食物來的好快,好快就擺到滿檯都係所以大家可以慢慢點食完一round先下一round

整體而言味道算中上，乎合對放題水準嘅預期甜品櫃雖然都係果啲方方一細件嘅但唔會有死甜/蛋糕乾爆/忌廉漿口嘅劣食感以放題嚟講算意料之外刺生/壽司類，雪糕上菜算快普通炸物算還好但天婦羅同小炒上菜極慢有時半個鐘都未有得食點餐系統垃圾天婦羅同小炒成日落單失敗明明同一log 落單嘅係得小炒同天婦羅會跌番落cart 到但因為佢天婦羅以放題嚟講算幾好成日失敗令人體驗特別差另外小炒份量飄忽一碟牛柳粒三件至一打不等鍋物唔ok仲甜過壽喜燒個甜豉油湯想食甜品牛肉鍋嘅可以挑戰員工服務態度幾好個別西面男傳菜除外食物7/10環境7/10服務8/10系統1/10短板太短，極待改善

初頭睇食評 多人好評 去到呢間真係好失望 用手機落單 單係已收 但成日漏單 上菜超級慢 食完一碟 其他都未黎 真係等到人都燥燥地都聽到周邊枱都話上菜好慢 不斷漏單 追左幾次單都未有野食上大概15分鐘左右先黎第一碟竟然係熟食 唔係刺身食物真係好一般 全部都好細細件例如羊架係生既 刺身唔算好新鮮環境坐位好窄 枱好細 整體感覺好逼 坐得唔舒服最差係 未食完野 就已經叫人買單啦…真係食咁多間放題 呢間係非常唔滿意仲係最差呀！大家打算去呢間既話，真係諗一諗先好去呀！

食物質數不錯，但可惜錯/漏單問題極度嚴重。全個食用時間內，10款我點的食物，我只吃到4款。點兩件，只來一件。飲品選擇確實比一般店多。但相比食物選擇類種又少了一點。總括這店還不錯，如能改善漏/錯單情況，相信客人滿意度更高。

最近食朋友生日飯見有優惠就預約左呢間食，店員都幾好服務，見食完就會即時收走，食物種類不比其他放題少，仲有日本酒， 難得仲有海膽，同有個牛油果帶子小食都幾特別，遂粒叫每件壽司飯既份量都比較少，唔會令你好快飽，試唔到其他野，整體黎講，值得一試。美中不足既係以為預約95折就用唔到openrice pay,比左錢見隔離問先知原來可以用， 如果用到真係幾抵食。比我呢枱既三文魚刺身就比較大件，我比較鐘意細細塊，所以麻麻，但同行既朋友就鐘意咁大件。飲品種類都多，仲有H牌既雪糕

慶祝朋友生日揀咗放題，喺op訂8:30特惠時段$188，雖然疫情關係只可以食到10點，但都夠時間食，因為上菜速度都快，係串燒就耐DD，唯一可惜係特價時段無生日優惠。自助區有熟食、炸物、甜品、生果、飲品，不過我地無特別去拎，主要都係用QR code落單叫嘢食! 較為驚喜係呢度竟然有熱鮮奶！同埋充滿童年回憶嘅爆谷機同棉花糖機！我最鍾意而家啲放題壽司款式多之餘仲細細件可以一口食晒，味道唔錯，回本位。而炸物方面，鐘意食榴槤嘅朋友可以叫榴槤炸彈過下口癮！而唔食榴槤嘅我當然食香芋丸，同樣炸到金黃色，內餡香濃。

訂座8點半時段，早了15分鐘到，取號後，5分鐘可入座，不過入座率好高。。。。你明白的，有點擠擁。因疫情關系，只到十點。 時間有限，點了些刺身，第一轉好快，魚類/貝類尚算新鮮，但海蝦就有味道，怕怕。 炸物/燒物點了: 炸蝦/ 炸生蠔/ 燒羊架， 味道不過不失但羊架來的時候涼的。 另外燒雞翼 味道太淡， 也是不太熱。 反而照燒鱈魚 味道不錯。 但九點十五分已通知九點半截單， 時間非常迫切。 總體感覺一般， 可能十點時間真的太趕， 如果不用優惠時段正常兩小時感覺應該係良好一點。 短時間內都不會再考慮了。 因為環境問題所以沒有拍照。

上星期兩位老友約我出黎飯聚，佢地提議話不如食吉壽，之但係吉壽我上兩個星期前先食完，於是反提議佢地不如試試御滿屋，佢地話冇問題！當晚都試左好多款食品，基本上我覺得係搵唔到一樣野係唔好食既，所以以價勝比黎講$240 d 野又好食又坐得比較舒服，我會推薦御滿屋！因為好多百零蚊果d放題，刺身唔新鮮，有d差唔多價錢呢又坐得太過迫！講返食物先，雪糕有Haagen Dazs 巳加分，刺身、手卷同壽司都好新鮮好食😋，另外我個人就比較奇怪鍾意食烏冬同粥，佢個烏冬不錯，唔係果d低質烏冬，有口感又彈牙，而個海鮮粥真係又多料又夠味，相當之咁值得翻卓！

枱又窄，又成日漏单，完全亂晒。一開始訂左枱要坐門口，同佢講完先話唔好意思唔知你订左，吓……咁我之前係門口講電话確認究竟做乜架，一個字……亂。野食ok既，不過漏單漏到儍囉。

講真 下晝五點 食放題呢係個價錢 先係170蚊加一 仲要係星期五晚！真係冇得輸, 汽水都飲咗幾十蚊(有隻Lotte芒果汁好好味)， 隨便任你食乜嘢都肯定番本 不過我都感覺到個大廚係有花過心思做嘅 )過一分錢一分貨就梗係唔好咁高要求啦 冇乾冰玩 )放題最緊要出菜出得夠快，呢度快到冇人有。 服務唔算太殷勤，但係起碼有人執枱，有人睬你先。

甜蝦超美味，个頭大超鮮甜，油甘魚，蠑螺和帶子也精彩，但吞拿魚可以不点，多根！凍盤有大螺和冷蜆，也新鮮好味，如果有些醬汁比如麻辣醬或辣酒就完美！芝麻雞翼好味，有个鮮蝦海鮮粥也十分鮮甜，燒比目魚，燒海蝦也必点推介，飲品有Somersby Apple Cider,超市都要接近20元，雪糕也是貴價貨Hagen dies 但只能点一杯，服務員也很熱誠，座位兩人就比較少，如果三至四人卡座就很寬敞，兩小時任食1.5小時停入單，这点要注意

本身對200蚊嘅放題已經唔抱任何期望，不過見網上人氣幾高，就一於上去試下。小弟見到拍賣有得訂咗所以就透過拍賣網上訂坐，並且講到明我地個子比較高大需要更多空間，結果一入到去，接待處無睇到我嘅紀錄就已經安排左座位。首先喺出邊嘅自助餐吧，主要係已前菜為主，味道中規中矩，蜆肉好新鮮不過就完全冇味道。不得不提及嘅就係，佢哋嘅清酒同梅酒都係無限任飲，值得一讚。刺身壽司我覺得冇咩大問題，係塊紫菜淋淋地，三文魚同油甘魚都好食，炸物方面個芝麻雞翼真心好食既，呢幾樣野對得住哩個價錢。不過最令人憤怒嘅係生果，蜜瓜酸咗，懷疑唔新鮮。仲有帶子鵝肝壽司，食落原來鵝肝凍嘅完全冇味無口感。最令我失望嘅係，天婦羅等一個鐘都唔上，仲要前後叫左兩次，最後不了了之，我仲想飲住酒食天婦羅，見附近嘅人都有派到食到，偏偏我反映左兩次都冇。而當日每人只限一杯雪糕，可能雪櫃壞左供應有限，甜品就幾樣都唔好食，曲奇放凍櫃我都唔知點解釋。總括而言，無期望就無失望，唔好諗住200幾蚊食到好高質嘅嘢同服務，咁樣就fit哂。想平又想食好多日式既野，咁可能就岩你。（*已經無咩動力去影相）

第一次黎御滿屋，環境無咁擠逼，QR code落單方便快趣又環保，上餐速度快👍👌刺身唔太新鮮，但吞拿唔似出面個d味道咁膠，尼間絕對擺得入口吞得落肚。尼間居然無甜蝦有小小失望😞👍燒物幾好食，最推介雞肉串，好入味，肉質又唔會乾🤤👎羊鞍好騷👍梅酒好好飲，淡淡酒香同梅香其他炸物燒物壽司都同其他放題差唔多，無咩特別，有優惠真係抵食d

上次黎嘅體驗唔錯，所以今次係我離開香港之前同朋友再嚟多一次。個係個質素真係差左好多。服務態度又差左，特別係有個叫珍珍嘅啊姨服務員，我地入場嘅時候門口知客冇同我地講張QR紙最好用相機黎開，單上面都冇寫明，我地用QR掃描器掃左幾次之後就失效左，之後珍珍姐就印過一張單黎話用相機掃，我問佢點解要用相機，唔可以用QR掃？佢就用好差嘅語氣嚟話返我轉頭，話嗰QR唔係比我地咁樣掃🙄又冇人提前同我地講，搞到好似我哋錯咁！