御滿屋日本料理

营业中

休息中

第一次黎御滿屋，環境無咁擠逼，QR code落單方便快趣又環保，上餐速度快👍👌刺身唔太新鮮，但吞拿唔似出面個d味道咁膠，尼間絕對擺得入口吞得落肚。尼間居然無甜蝦有小小失望😞👍燒物幾好食，最推介雞肉串，好入味，肉質又唔會乾🤤👎羊鞍好騷👍梅酒好好飲，淡淡酒香同梅香其他炸物燒物壽司都同其他放題差唔多，無咩特別，有優惠真係抵食d

上次黎嘅體驗唔錯，所以今次係我離開香港之前同朋友再嚟多一次。個係個質素真係差左好多。服務態度又差左，特別係有個叫珍珍嘅啊姨服務員，我地入場嘅時候門口知客冇同我地講張QR紙最好用相機黎開，單上面都冇寫明，我地用QR掃描器掃左幾次之後就失效左，之後珍珍姐就印過一張單黎話用相機掃，我問佢點解要用相機，唔可以用QR掃？佢就用好差嘅語氣嚟話返我轉頭，話嗰QR唔係比我地咁樣掃🙄又冇人提前同我地講，搞到好似我哋錯咁！

依間放題每一兩個月就會嚟開心下款式都好多上菜速度幾快刺身新鮮，口感唔錯壽司飯唔會好大舊，上面塊刺身有份量，成件壽司比例ok熟食亦唔錯服務員幾有禮貌，冇因為忙到爆而急燥食物賣相ok(有啲係會擺到打風咁)飲品係行出去拎，都好多款有冷熱清酒，梅酒，有幾款茶包自己拎嘅食物有差不多10款，麻辣牛舌唔錯，中式湯唔錯，其他都可以蟹子任攞，有幾款生果同醬汁比你整沙律，有幾款凍海鮮🐚🦐蜆，炸餃子，炸薯角食到肚仔圓碌碌😂

環境可以，職員服務可以食物方面：刺身有樣但冇味；燒物一定要叫本身帶多點肉汁既，不然會過份乾身，唯獨燒菠蘿可以👍👍👍；炸物粉多炸得較長時間，所以外觀上多數偏向深色。甜點尚算可以。點菜上菜方面：以同類型店來說，等候時間過長（最長玩了20分鐘左右手機），點十樣黎啱五樣，另外果五樣一係黎錯一係冇黎，甚至要查詢先會黎，原因係搵唔到個order，但手機明明顯示已收單。最好食就係個雪糕同燒菠蘿，不過都係唔催佢唔黎。最後經過各方面評分後，去第二間分店/公司好過。

同事移民了，臨別秋波相約一起兩個半小時吃過飽，選了就腳的旺角。先來一客自選刺身，種類繁多，最後選了油甘魚、馬刀貝，松葉蟹棒，帶子，赤貝甜蝦及大赤蝦。當中以蟹棒及帶子最味美鮮甜。由於想吃多種類，所以只選了虎蝦天婦羅，外層脆皮沒有萬年油那種油膱味，而啖啖肉的那虎蝦肉質彈牙，假如胃口再好一點真想再叫多一客。牛肉鍋暖笠笠，加左生蛋令肉質更滑，湯底清甜。L 一向喜歡吃火灸壽司，黑椒廣島蠔及火灸蒜蓉和牛都是濃味的租合，一口的份量剛剛好！個人認為這裡的燒物做得不錯，西京比目魚及鹽燒鯖花魚。鹽燒牛舌肉質保持外層香脆爽口，內裡嫩滑。燕窩瑤柱蟲花鮮蝦魚片粥軟綿綿，材料特多而且味道鮮甜。雪糕有多款及多種品牌選擇，最後選了Haagen Dazs 比利時朱古力及哈蜜瓜雪糕。飲品亦有多種選擇連日本清酒都有佐酒小食又怎能缺少惹味的鐵板羊粒呢最後以外脆，內裡濃列的貓山王榴槤炸彈總結，真想再吃多一球。

見到lunch buffet 做緊第二位半價，於是抱住平食嘅心態試一試，點知有驚喜！食物質素ok。刺身質素好好，熟食同炸物水平亦好穩定，同場亦有清酒同梅酒任飲，最後送上Häagen-Dazs雪糕一杯（呢一餐絕對係回本🤣🤣）。當然漏單是放題嘅弊端，幸好次數唔多，而且佢採用app下單，好方便，缺點是兩人枱很窄😭😭刺身與壽司好味GoodGood...枱好窄（滿滿既食物都要炸了）炸物熟食都好味（最喜歡雞翼&炸榴槤）壽司🍣 Häagen Dazs😋😋清酒&梅酒🍶

成日去，但經過琴晚之後，以後都唔去，叫侍應，見到都掂行掂過，問佢嘢可以唔答行左去，由其是企門口果條女，串到呢落單系統1個鐘壞3次，又唔比紙人剔食物，淨係叫人等，但到夠鐘就截單，唔比落，比返個9折就算，我嚟係食嘢，唔係要折頭囉

首先，野食難食，食物種類少，炸野放左好耐。其次，疫情下仲安排到d坐位勁密，枱又細，坐得勁唔舒服。然後，掃描QR code落單又hang曬機，價錢仲要比旺角其他放題貴！總結，冇下次，免費都唔再食！

心癢癢，好耐無食放題。今日Lunch出嚟旺角呢間全場坐滿食客，好彩好快可以入座。有生．有熟．有甜．有鹹，真正係乜都有得食👍🏻自助掃QR Code落單，款式好多選擇。刺身好新鮮，炸物同燒物都試咗好多款，必食燒菠蘿，夠哂Juicy勁多汁。叫咗唔同壽司．手卷，包著嘅紫菜都新鮮好脆👍🏻飲品款式夠齊全，連清酒同酒精飲品都有。最開心有Dreyer's, Haggen Dazs, MovenPick 唔同口味任揀。餐廳座位夠多，感覺衛生...店員收碟速度夠快，無漏單，朋友都讚唔錯，下次可以再嚟🤗

黑洞朋友約親我食飯都不外乎自助餐、放題、火鍋或者係燒肉xppp今次都唔例外，佢約左我係mk食放題～呢度既場地空間都幾大，一入去就已經係自助沙律熟食區，再行入d就有兩大個飲品櫃：）其他刺食燒物等等就用手機落單，好方便！係等待期間就食住朋友係自助區拎返黎既小食開下胃先～跟住刺身同壽司都好快送到黎！壽司既款式都有好多，仲有一部分係創意系列添～不過我最喜歡既佢地既火炙系列！！！encore左兩三次xppp熟食既選擇都非常多，大推佢地既魚類～～～不論係蒲燒鰻魚定係京燒比目魚都係我地既encore之選！！！愛食炸物或者係香口食物既，芝麻雞翼同大蝦天婦羅都值得一試;）最後仲有一人一杯自選雪糕作結，正！不過中年男經理既服務態度可待改善

旺角刺身燒物日式放題好耐冇黎過旺角食放題 最近就黎左御滿屋食返次一入到去就係前菜自取區 有滿滿一盆蟹籽任你拎 入到去飲品任拎 仲有連清酒同啤酒都拎得 坐底就會俾QR code你點餐用 好方便午市放題 成人 $183刺身拼盤我地點左 三文魚 油甘魚 帶子 甜蝦 刺身質素都幾好 一啲都唔腥 刺身表面有光澤 幾新鮮炸物拼盤我地好鐘意食炸野 黎到放題又點會錯過我地點左 炸生蠔 炸水牛芝士🧀紫芋波波 芝麻雞翼 炸物高質 唔會滿口油 亦冇油膩感牛舌😝燒得岩岩好 唔會韌到咬唔開👍🏻Encore左幾次雪花肥牛鍋有日式感覺 肥牛亦都唔韌 食完炸物飲啖湯岩岩好🍲冇漏單 唔會出現嗌2份黎1份既情況 食物質素幾好 性價比高👍🏻📍御滿屋日本料理旺角彌敦道655號胡社生行1樓

少漏單情況，只係唔知點解由頭到尾都冇雞軟骨串既出現（有落order）魚生食落去正常，味道可以。三文魚叫左兩轉，第二轉黎既三文魚少硬，有少少唔生鮮。不過油甘魚係最好食！好順滑易入口。壽司都唔錯！建議少食為妙，因為啲飯比較實，易飽肚。最值得食既係鰻魚、燒菠蘿同牛舌！鰻魚雖然feel到唔算太熱 但質素係呢個價錢既放題黎講算高下，必叫！菠蘿酸酸甜甜，開胃首選！牛舌切得夠薄去燒，雖然本身味道唔太出，但加埋孜然食落去有咬口。cp值幾高既日式放題！

首先今日呢餐兩個人$310，一個人$150，第二位半價，相對價錢同食物質素，合格啦，唔係好好架喇Scan QR code落單啦，朋友覺得上得慢，但我接受到，唔係特別慢。野飲自己出去攞，款式都多仲有啲小食，但我地冇攞刺身就一般，唔係特別新鮮，三文魚呀、吞拿魚都冇咩彈性，鮮味亦不足，甜蝦還好帶子都係一般，刺身好凍下，未完全解凍海膽手卷，可以，啲海膽有啲黑色野，我真係唔知咩野黎，照食壽司細細件，放題啱哂，試多啲又唔會飽燒物夠熱，鹹度剛好，唔錯的，雞軟骨好味炸蠔都食得過，熱辣辣，蠔味都濃，估佢唔到喎牛肉烏冬，朋友叫呢隻雪糕穩陣，有幾隻揀嘅

差吾多成年無食過放題，不過食親放題都吾系為左魚生刺身，而系為左榴槤波波。🥢榴槤波波🥢炸到金黃香脆，內裡軟糯香甜，熱乎乎既榴彈肉醬，極力推介，雖然食甘多易飽肚又吾抵，但真系好好食手，次次黎都食一打。🥢竹笙瑤柱蟲花鮮蝦魚片粥🥢甘凍既天氣系要食返d熱辣辣既野暖下身，食放題食甘飽肚既野系好吾抵，不過好真系好正，想encore，系一鍋海鮮既粥，魷魚、蝦、蜆、魚片加埋瑤柱，又鮮又豐富。🥢蒲燒鰻魚🥢鰻魚放題，食到本都返哂黎😂放題必食刺身，吾會好凍感，切厚多少少就好啦。

喜歡吃日本嘢吃得盡興，可以選擇放題。記得幾年前同朋友去過御滿屋食得好盡興，前排同佢再去返，質素比之前仲好左！食物種類都係非常多，仲多左鐵板燒食物選擇，有鐵板羊粒、太子貝同什菜等等。不過無論有幾多熟食都好，都係會點左刺身同壽司先🍣😍～推介刺身+🍣～🍣海膽吞拿魚蓉壽司：吞拿魚蓉上面有好鮮甜的海膽粒，而且吞拿魚蓉口感也很好，入口即溶，飯的份量亦適中，一口吃下去有多重享受🍣花之戀：這裡的三文魚厚身且新鮮，配上滿滿的蟹子，而且不會好多飯，喜歡花之戀配搭的可以食多幾粒🍣香芒軟殼蟹卷：芒果好甜，配上脆脆的軟殼蟹，是不錯的卷物配搭。🍣海膽手卷：海膽手卷的海膽是原粒上，而且鮮甜味美，放題海膽來說非常高質每次放題都最最最期待吃任吃刺身，所以一來就點了一大盤刺身，這裡很好，沒有漏單或給少了份量。🦐赤蝦：如果喜歡吃肥美一點的蝦刺身，可以點赤蝦，肥美得來好鮮甜，吃下去滿滿的鮮甜感覺。🍣帶子：帶子刺身是厚切的，而且還很鮮甜，大🈵️足🍣赤貝：出乎意料的爽甜，頗新鮮的還點了些火炙壽司，燒得好香，而且整得好精緻。～其他熟食🍢🌮🌯🍤～🌟紐西蘭羊鞍：調味非常惹味，吃下去肉質鮮嫩，旁邊的肉還燒得好香，係高質素之作。🌟西京比目魚