御滿屋日本料理

营业中

休息中

食放題最緊要食得夠滿足選擇較多同埋晏晝食都好抵呀分量一樣選擇唔會減少最近要環境舒服，坐得舒服刺身選擇應有盡有，最鍾意三文魚夠新鮮肥美仲有帶子北極貝等等估唔到手卷仲有海膽呀海膽完全唔會苦，仲有鮮甜嘅感覺講真放題有呢個質素已經好好了同埋真係可以掃QR code方便落單天婦羅日式料理，都有好多選擇香烤牛舌香噴噴夠爽口彈牙自助區有前菜可以自己任取有我最鍾意嘅螺肉同埋海帶甜品同埋小食，晏晝食都幾抵好味lunch食咗太多，真係夜晚都夠飽

好耐冇食刺身放題，加上年紀漸大啦，戰鬥力真係大大下降，食好少就飽啦。講返正題先，呢間食店假日價錢係（最平$288另加一），但我食21:00反既宵夜時段，所以係$268另加一，佢既刺身係非常好食，三文魚，劍魚腩夠肥美，帶子都好大粒&亦都好鮮味唔會腥，仲有赤貝都好爽口，最重點係虎蝦，好大隻有手指公咁粗，真係啖啖肉。而其他刺身有八爪魚，泰式生蝦等等。炸物熟食都有好多選擇，羊架好食唔會so味，仲有天富羅，雞翼，小龍蝦都好好味，最正係菠蘿，好甜！最後甜品就每人一款，有M/H/D字頭雪糕揀。

其實我都幾鍾意食放題特別係有赤蝦嘅放題❤️呢間放題都食過幾次, 知道佢地有赤蝦就會每次食放題都想黎呢度!!❤️ 同埋佢地lunch真係好抵食!  星期一至四嘅lunch用$228up就可以食3個鐘Menu一共有4個grade選擇, 每個grade嘅食物內容有D唔同.. 但我黎呢度都係mainly食幾款野食... 其實Menu A都包括左好多野食, 所以我地揀左A款75品經典放題一入門口就係自助section,之後就係飲品區同甜品區.. 自助section有好多唔同款式嘅日韓小食~! 連蒜蓉炒菜都有!! 感覺可以健康下️飲品區除左啤酒,烏龍茶之外仲有清酒梅酒任飲.. 啱晒好酒之人hahhaha餐店嘅環境光猛淨潔企理,座位闊落舒適!A款Menu都已經有14款刺身.. 三文魚夠肥美, 有油脂感, 油脂分佈平均... 油甘魚亦充滿油香...帶子大粒又新鮮!最愛就一定係赤蝦, 大隻微爽兼富黏性得黎又鮮甜!之後就focus講我去放題一定會食嘅野~~鹽燒海蝦&鹽燒牛舌海蝦新鮮彈牙! 牛舌雖然唔係厚切, 但係唔會燒到干淨淨!!仲好juicy!燒帆立貝帆立貝&青口配上沙律醬調味，再加上蔬菜粒同燒到半溶嘅芝士,

今日去旺角諗住買啲嘢，一出地鐵站就發覺啲姐姐係度派傳單，之後我就成功被游說上去😂 嗌咗經典A，lunch time $228/person，連埋加一大約$250😛 1430 last order，15:00落場，所以最好1點半前到😙 種類都幾多，有刺身、小食、前菜，炸物、熟食、雪糕😝 外面有嗰小食bar，有好多前菜😛 好吸引‼️ 而我今日最令我有記憶點嘅係牛舌、美國薄燒牛肉、海膽手卷、天婦羅😛仲有就係每人都有一杯Häagen-Dazs或者movenpick雪糕😋啲嘢來得好快，唔使特別一次過叫太多！

朋友聚會，收工立即去會合，旺角店的位置十分方便，在地鐵站出口往朗豪坊的方向前行1分鐘便到達地下電梯大堂。​大家都不約而同地提早了30分鐘的訂座時間到達。我們亦老實地詢問店員可以提早入座，店員也十分配合，讓我們不用等待直接入座。​安置好我們後又熱心講解如果落訂單，幫我們安排了最低門檻的食品plan，還提醒我們如有需要可升級至高等plan。​有一陣子沒有去吃放題，我都滿心期待當晚的料理，基本我第一回點了刺身拼盤，包括三文魚、帶子、玻璃蝦等。​其實，我最期待的是海膽手卷，因為大多數的放題都沒有提供此選項，而我本身都是一位海膽狂熱分子。當然，我都沒什麼期望，因為期望越大，失望更大。如我所料，如果你和我一樣都是海膽狂迷，淺嚐好了。不要抱著太大期望。​我要一讚的是這間餐廳的壽司，是比其他料理較為出色的，小小的一啖可以放進口的壽司，刺身部分大小適中，比刺身的口感更為好。​​熟食點了鰻魚、雞軟骨、牛肉火煱。十分推介燒鰻魚，肉質厚，一口咬下去多汁、鮮嫩。雞軟骨沒有什麼特別。牛肉火煱是牛肉片加上雜菜，是蛋白質之選。​整體的餐單種類多樣化，當晚我們可能都是點了1/3的料理。​除左用QRcode落單外，還有自

難得同朋友平日下晝放假，決定去食個放題！今日黎左御滿屋試一試佢🤓滿屋我就食過唔少次，但佢地旗下呢間御滿屋我就係第一次食🤔我地係食A set的一上到去我地就即刻出去拎野飲同小食，真係估佢唔到有咁多野飲野食🤯講真佢真係比其他放題都多一啲唔常見既小食，好似海葡萄呢啲難喺出面見到😮仲有我最愛既雜果！！但到最後我都係冇肚食多個雜果沙律🥲🥲🥲仲有爆谷機但我真係冇肚食了🥲🥲生果甜品都有兩大櫃😮好，講返最主要既野——魚生🍣呢度既魚生係好新鮮的！完全冇任何腥味🤤最令我驚喜既係佢既帆立貝！係非常甘甜同有少少漿口既口感，我同朋友都嗌多轉黎食🥰又係我既放題重點——海膽手卷！呢度既海膽手卷真係冇得輸，係完全冇腥臭苦味，得返甜味！！我前前後後都食左最少4個🤤🤤牛油粟米係一個好唔關事但我又好鍾意食既選擇，都係一貫既好食👍🏼麻辣小龍蝦係我朋友一見到就話要嗌既野我就冇食但朋友話唔錯😛燒烤類都燒得唔錯，唔會過左火太乾咁👍🏼呢度竟然有川菜辣子雞比想像中冇咁重口味，份量如果再少啲就好🥹焗帶子係用酸甜沙律醬整，加埋蟹柳絲同一啲菜類，非常開胃😛炸物全部都係新鮮炸起的👍🏼最後不得不提我既最愛——燒菠蘿，超級甜又多汁！🤤🤤呢度既位都

仔最鍾意食放題又考完試，咁啱要去旺角睇牙，就上OpenRice 搵下附近邊間放題平靚正啦，結果就簡左呢間。第一地點方便，第二時間長得黎有成2小時價錢又合理，第三食物種類多得黎又要好味，結果証明我地冇簡錯。我地雖然只係簡左A,但已經滿足到大人鍾意食刺身既慾望，熟食亦都好多，有蝦，天婦羅，螺肉，榴連炸彈，菠蘿，花膠……真係打都打唔晒。仔最鍾意食鰻魚同羊架，佢又發育期，真係食呢兩樣都回本啦。而且呢到仲飲品任飲，一張相都影唔晒，細路實開心啦。最尾仲每人有杯靚雪糕。現在物價通漲，每人二百幾蚊有咁既質數真係超值。

熟食刺身同樣高質的午市日本放題 ，地點方便 ，座位闊落 ，上菜快，零漏單，值得推薦。刺身拼盤刺身拼盤大大盤，每款剌身都揀了些，點了鮑片、北寄貝、劍魚腩、油甘魚、三文魚、甜蝦、泰式生蝦、帶子。款款都夠新鮮，北寄貝爽口鮮甜，三文魚肉質肥美，魚脂感豐富；油甘魚件仵厚切，魚肉鮮甜，充滿口感，一啲都唔腥。帶子size 就細少少，不過勝在夠晒鮮甜。海膽魷魚壽司壽司亦相當唔錯，鍾意佢壽司飯夠細，海膽份量多多，好好味😋所以另外再點海膽手卷滿足一下。海膽手卷外面冷盤有青口、蜆肉、炸物任取，算多元化。天婦羅🍤即叫即製， 上枱時仍然熱辣辣。蝦大大件，外衣炸得薄得通透，食落香脆而不膩，值得一試。炸物類：榴槤波波食到後段已經好飽, 所以只係試咗炸鮮奶同炸 榴連波波，炸物火喉剛剛好 ，外皮香脆，內裏餡料熱辣辣。

裝修之後第一次幫親，錢就加左上去，但質素差左。​刺身第一輪上最靚仔，第二輪的赤蝦好搞笑，一隻的上半身蝦腸沒清理，另一只下半身的蝦腸沒清理，自己用牙籤處理左，刺身係上得最快的食物，但係多半都係冰冷而無鮮味。​燒物係等得最耐，初時係熱辣辣覺得都值得等質素也不錯，但係後來燒牛舌很苦同燒羊鞍很乾身，追單都追左幾次。​海膽手卷第一輪如圖很靚仔，第二次唔係果會事，不過我沒拍照​普通一品窩之類等九個字先有。​值得一讚係員工有禮，汁台都快手快腳，追單都上心。我覺得係廚房出現問題，漏單十分嚴重，未裝修前度抵食，今次係我幾年來食過最差的放題沒有之一。好快就食完甜品走佬！

放題黎講野食正常，雪糕有movenpickHäagen-Dazs 選擇，算係幾好。放題上菜都快，我哋都放到成枱都係，唯獨燒物出得較慢，起碼要等10幾分以上，不過都明白要燒係要時間😌 所以都ok😏 燒蝦幾好食❤️可以改善既係座位比較迫，如果可以坐鬆少少會好d。！sofar整體都唔錯，最重要係食完第二日無肚痛無唔舒服😂 有機會應該會回頭。同埋易book 位！！我哋前一日先決定食都book到，即興都唔怕！！

大家都知旺角有好多美食 今次想食日本放題 又見有咁多好評 所以就試下呢間滿屋!!一入到去就見到好多前菜沙律 熟食 任拎 仲有好多甜品 見到都想食😍😍 但可惜眼闊肚窄食唔到咁多🥲 只可以重點揀黎食炒青口好好味 好惹味😋飲品方面有好多選擇 最驚喜嘅係唔同種類嘅啤酒連清酒都有😳😳刺身好新鮮 有我至愛既刺身大蝦同帶子😍😍令人最驚喜仲有花膠😱😱😱各款壽司都唔錯 蠔又無沙 正😁小炒牛柳粒又唔韌 好好味😋最後有得自選雪糕 有Häagen-Dazs movenpick 😍😍今次真係食到好飽好滿足☺️

最難食的食物唔係味道唔好，係啲嘢完全冇味，簡直係劣食，想挑戰可以試！個廚房啲師傅行過個個好似地盤咕哩爛仔咁，冇禮貌冇文化，講嘢大大聲又眼超超，我係客唔係你仇人，黎消費好似仲要受人面色咁👎👎👎唔好再搞我，請都唔會再去！

突然夜晚想食放題上op見到呢間有網上訂位就輕輕鬆鬆book咗8點😀我哋7個人安排咗獨立包廂，好似卡拉OK房咁，私隱度極高！行出房門就係自助區，有好多款冷盤小食、沙律🥗，甜品櫃無咩吸引力，只係拎咗曲奇餅🍪西瓜同蜜瓜，留返個肚食Häagen-Dazs雪糕，另外仲有部懷舊爆谷機。飲品至少有十幾款任你擇👍🏻抵讚！食放題我通常食刺身壽司多過食熟食🤭 呢度嘅刺身壽司絕對係回本位，款式非常之多，最正係竟然有大赤蝦😍蝦身好大條，肉質肥美，encore 又encore!! 另外值得一試係芝士肉醬玉子燒，好食！其次串燒同炸物都唔錯😋

2022-05-17早兩日去咗旺角御滿屋食放題😀同朋友兩丁友去食🤓店員安排我地坐近出餐既位置🤩一坐低就用電話瘋狂點餐😌食物種類都多既🥸廳餐分咗A至D餐，A餐就最少食物選擇，價錢最平，咁D餐就最貴，價錢就最貴😗我就揀咗B餐，其實多咗幾樣野，所以唔建議揀B餐😌食物方面魚生刺身味道幾好😜但熟食方面就麻麻哋😔仲有自助區拎嘢食😉自助區嘢食正常都唔會點拎🤣我就拎咗菜心當清下條腸😬最後埋單就$852🥸平均400頭啦😌正常價錢，不過唔會再食😏#御滿屋日本料理 #御滿屋 #放題 #御滿屋放題

今朝同同事出左旺角做野，差唔多食lunch個同事話係旺角食埋先返公司，之後我就提議食滿屋，因為之前去荃灣果間實在難忘（$228/person，未加一）12點左右，我地去到已經有好多人坐係度等開門，雖然望落去地方無荃灣果間咁大間，但啲座位都好闊落，坐得舒服。自助茶水食物區既野食同飲品都係種類繁多，任君選擇～侍應既服務態度都係好友善，上菜速度都快，不停食不停上菜。啲刺身好新鮮，我實在太中意食三文魚，不停order三文魚刺身凡係見到「海膽」兩個字都唔會放過，呢間有海膽手卷，當然要食啦，啲海膽好新鮮，有種入口即溶既感覺，好鮮味～身為榴連控，今次旺角分店係「貓山王榴連炸彈」，嘩，啖啖榴連香，係我口入面停留～簡直大滿足「和風牛柳粒」好正，啲牛柳好林，個醬汁恰到好處，唔太咸最後，最值得一提既就係「御品鮑汁燴花膠」，花膠大到成隻碟咁大，煮到入晒味，簡直值回票價～總括黎講，旺角既御滿屋同荃灣果間都一樣咁掂，我地都食左幾輪，我同同事食得好飽，下次再黎食～