御滿屋日本料理

营业中

休息中

呢間日本料理放題我之前已經嚟過，除左食物種類多元化，佢嘅刺身、壽司同炸物都好高質，而且仲有熟食 bar、爆谷機同成個雪櫃任飲嘅飲品，最平嘅套餐77品 (即有77款食物)，任食兩小時價錢都只係280蚊。食物上枱同店員執碟嘅速度好快，落單後食物好快到，唔會浪費兩小時的用餐時間，而且收碟嘅員工態度亦好好，唔會因為工作繁忙而待慢客人，最後每位客人仲要任揀一款 movenpick、haagen daz 或 dreyer's 雪糕作甜品，整個顧客體驗都好滿意，難怪閒日都坐無虛席。食物方面，我選嘅係最平嘅 A 餐，但已包括各款刺身：帶子、赤蝦、甜蝦、北寄貝、赤貝、泰式生蝦、三文魚、雕魚等。佢嘅壽司有好多款式，包括手卷、卷物如花之戀、火炙壽司、普通壽司，全部都細細件，可以等客人試多啲，亦可以等你鍾意食先再追加，無咁浪費。佢嘅炸物亦都好出色，特別係炸蠔，脆漿做得好薄，而且仲有啲特別款式，例如炸貓山王榴槤球；而燒物則有羊架、燒牛舌、燒蒜蓉生蠔、燒雞翼、仲有好多汁嘅燒菠蘿，款式多，質素亦有水準。完餐前，我地點了熱食。餐廳除左有海鮮粥、海鮮泡飯、牛肉烏冬之類，仲竹笙海皇羹等。最後，餐廳給每位客人送一客貴價雪糕

餐廳位置都幾好搵旺角地鐵站一上去就有勁多阿姨拿住張menu sale你服務態度都唔錯 好nice又好有耐性但係唯一不足就係 我覺得出品真係好麻麻…首先啲sashimi就唔係咁新鮮喇 食落都知係雪左好耐了 跟住啲牛肉咧就無咩牛肉味🥲其實都幾失望㗎 兩個人800蚊係食到啲咁嘅嘢

我們終於完成公司的工作，埋頭苦幹後，不知不覺間到咗晚飯時間，今日我哋喺旺角地鐵站E1出口搵到間御滿屋日本料理. 上到去第一個印象就係人多夠熱鬧，估唔到今天係平日都禁多人。放題電子落單就係快靚正！等上菜果陣外面有不少冷熱食物選擇，生果、甜品、飲品🥤、沙律🥗可以一邊食一邊手電慢慢落單。水準唔錯㗎！ 跟住上枱打頭陣省招牌嘅當然係一大盤刺身，蝦🦐、各色嘅魚生、帶子、八爪魚…..清甜爽脆，食完冷嘅就食熱嘅一大堆天婦羅啦、牛脷啦、蟹肉碗仔翅、印象深刻係燒菠蘿返call咗兩次. 最後係M字頭嘅雪糕來畫。總括而言，依間放題餐廳質素都幾高，工作人員相當勤快，無論出品又或者收碗碟都很爽手，而且又有禮貌！

今日同朋友去咗旺角行街睇戲,睇完戲去附近搵啲嘢食下,朋友帶咗我去一間日式放題。御滿屋日本料理,餐廳位置喺彌敦道655號胡杜生行1樓,上到去餐廳地方非常闊落,空間感亦都好足夠,光猛整潔,喺度食嘢感覺都幾舒服。午市放題228蚊,兩小時任飲任食,坐低用QR落單首先點咗啲刺身, 三文魚,大赤蝦,甜蝦,北寄貝,鮑魚片,希靈魚,松葉蟹棒,螺肉,帶子,泰式生蝦。基本上刺身應有盡有,全部都好新鮮好鮮甜,我最鍾意食就係帶子同赤蝦同松葉蟹棒, 帶子味道鮮甜加上厚切食落去好有口感,松葉蟹棒蟹味香濃,一絲絲嘅口感真係冇得頂。赤蝦鮮甜肉質爽口彈牙,加上勁多蝦膏,甘香味真係滿分。食咗一輪刺身,可以到出面攞飲品,汽水,茶,梅酒,清酒,啤酒,黑啤真係好多選擇。熟食櫃有中華沙律,八爪魚,螺肉,薯條,麥樂雞,薯角,仲有蟹子,一大兜蟹籽口感爽脆無比,味道鮮甜。另外海膽手捲都係我嘅最愛,海膽味道甘香,香味慢慢喺口中滲出,真係好正。呢度居然有龍蝦仔食,龍蝦仔雖然比較辣,但係好香口好惹味,滿滿嘅蝦膏配上爽口嘅蝦肉,加上少少麻辣香味配搭得啱啱好。最後食埋個雪糕甜品作為一個結尾真係好滿足。

御滿屋日本料理午市放題是由12點開始食到3點🙊足足3小時🙈🙈任飲任食重有就係清酒梅酒都係任飲😍😍除咗用QR code 下單，其他如中華沙律，螺肉，支豆等是自己出去拎的.. 支豆味道不錯，新鮮！我當然主打刺身😜😜希靈魚，三文魚，油甘魚北寄貝，鮮帶子，牡丹蝦，劍魚腩同埋泰式生蝦全部口感都新鮮嫩滑👍竟然有麻辣小龍蝦，入口惹味，不錯…鹽燒雞亦，皮脆肉嫩有驚喜🙊其他熱食如辣酒煮大翡翠螺都好入味⋯⋯總括來說$238 ，任🍽️3小時抵！

今日lunch約左好耐冇見過嘅朋友一齊食飯，大家都係無乜特別野唔食，諗諗吓，不約而同話放題，齊到呢🤭即刻笑咗，哈哈😆呢間放題係以前成日食嘅其中一間，因為性價比實在高👍價錢較相宜，而且款式都應有盡有，質素都好好‼️估唔到多年未食水準依舊，仲有驚喜💯今日驚喜發現，而家多咗好流行嘅麻辣小龍蝦🦞成日見人食，但係自己未食過,今次有呢個機會一定唔會錯過😆點左4隻，同朋友一人兩隻☺️入口少少辣，但係係越食越有辣勁，越停唔到口🤤而且小龍蝦🦞好新鮮，係勁彈牙，見隔籬枱點完一round又一round👍我都唔執輸點多一轉🤣另外仲點幾款左刺身😊刺身最怕唔新鮮，由於呢度客人多，所以食物來去夠快，唔怕唔新鮮😋😋而且件件都切到好肥美，入口認真滿足🤤🤤呢度甜品選擇夠曬多，而且仲有提供自助bar,有冷盤熱食炸物前菜同甜品🍮最愛係飲品除咗平時普遍嘅罐裝飲品之外，仲提供清酒🍶及梅酒🤩🤩好吸引人….我地基本上食左店內七至八成食物，因為款式，實在太多，食唔曬🤣🤣下次要留肚食埋另外二至三成🤤🤤埋尾，點都要食返杯雪糕，先夠盡興走

今日同大家分享一間日本料理放題餐廳，而且仲有清酒任飲添，真係食得開心，飲得盡興！我哋今次去嘅呢間餐廳，係一間提供日式放題嘅餐廳，叫做「御滿屋日本料理」有好多款日式菜式可以揀擇，包括壽司、刺身、炸物、湯品等等。而且餐廳嘅服務員都好有禮貌，好樂意幫忙客人，同埋唔會擺低我哋嘅需求。除咗食物任食之外，餐廳仲有提供飲品任飲，包括汽水、果汁、茶等等，而且仲有清酒都係可以任飲。餐廳環境都好舒適，好適合同朋友、家人或者情人一齊去享受同埋聚舊。總括而言，「御滿屋日本料理」呢間日式放題餐廳真係好多食物選擇，服務又好好，而且仲有清酒可以任飲，真係一個好適合同朋友、家人或者情人一齊去嘅地方。

呢間放題店真係食到我唔好意思咁走，食左咁多好野，每人都只係200幾，非常誇張。2個人去到都要等一陣，同埋真係人氣極高，坐迫少少都唔緊要，因為野食先係重點，而且完全冇漏單，真係好好。我比較鐘意佢既燒鰻魚，無限任點，而且點幾多黎幾多，質素亦好高，只要食得哂，點幾多都得。其次係刺身，好新鮮，三文魚刺身既鮮令我非常難忘，大大既既赤蝦都係任叫任點，我建議大家叫爆佢。燒羊架都係一絕，燒到鎖住哂d肉汁係內部，一咬就爆哂出黎，令次咬果又緊張又期待。

午市放題都有冷盤、韓式前菜，沙律菜，款式都多！三文魚同甜蝦🦐勁大隻同甜！一定係必嗌！北寄貝 ，帶子同希靈魚整體都好新鮮！刺身選擇都幾多～海膽手卷同香蔥吞拿魚手卷海膽呢樣嘢真係好容易伏，但食落又ok，味道又唔錯喎！手卷質素不俗！燒物方面燒帶子-大大粒，好鮮甜燒牛舌-味道十足，鹽度岩岩好。汁燒帆立貝同蒜蓉燒生蠔🦪勁重味 岩曬我！瑤柱海皇粥好足料，入口綿滑燒菠蘿，酸酸甜甜，解一解膩最後梗係要嗌返雪糕，我揀左Dreyer's，Haagen-Dazs,Movenpick 既唔同款，真係算多款，呢間放題嘅質素整體都唔錯，對得住呢個價錢

分咗4個等級嘅盛宴 今日食嘅午市可以食3個鐘由77品去到128品 價錢$238-$528最基礎等級嘅食物種類有14款 每款都有幾多選擇刺身火炙壽司一品料理鐵板甜品雪糕梅酒清酒都有🥣自助區有多款日式前菜 沙律水果另外都有啲熟食 例如辣辣雞槌 粗薯條等等試咗蒜蓉小棠菜 廚師推介🥩美國薄燒牛肉呢款好有驚喜 本身以為係薄薄一塊牛肉驟眼睇到一座小山 原來係將牛肉疊高咗食第一啖同同行朋友對望咗一下牛肉超級嫩滑好有驚喜 而且有好突出嘅黑椒味又唔會過鹹🦞麻辣小龍蝦小龍蝦無太大陣腥味 每隻剝殼後都見到滿滿嘅蝦膏配搭麻辣醬汁相當惹味 見到隔離檯兩個女人食咗幾十隻🤣🦐山葵鮮蝦球呢款好搞笑 本身無特別期望就嗌咗一粒試試食完第一粒覺得蝦球好新鮮爽彈 保留咗山葵嘅質地但就無佢嘅嗆鼻 所以推薦咗同行朋友食點知第二次上嘅頭兩粒辣到食開山葵嘅我都食到辣味同行朋友甚至標哂眼水😅但跟著嗰幾粒又正常翻所以每粒都好有驚喜！ 🍣壽司試咗幾款經典創作精選同埋經典卷物 覺得都係經典卷物比較優秀壽司飯凍凍哋 紫菜都好夠脆鐵板🔥和風牛柳粒唔係有鑊氣嘅類型而係有醬汁嘅牛肉粒 大大粒頗厚肉 肉質軟稔唔會乾硬每粒牛都沾滿醬汁 鹹鹹香香🌶️蔥味秘

御滿屋日本料理旺角彌敦道655號胡社生行1樓最近同朋友去旺角shopping，行到好攰既時候，朋友提議不如去食放題，因為乜野類別既食物都有，於是我地揀左一間位於附近既御滿屋，之前上網睇過呢間餐廳都大獲好評。上到去已經見到門口好多人等緊位，好彩職員都好快安排我地入座，經過既時候已經見到好一個好大同好齊全既自助區，有沙律同埋唔同款式既熟食，而且飲品類別繁多。一坐底緊係即刻用QR Code落單先喇！我地頭一round每款刺身都點左少少，其中我最中意食三文魚同埋赤貝，食落真係好新鮮。結果我地都忍唔住叫多round食。食完刺身緊係要叫壽司喇，我最欣賞呢間餐廳的壽司唔會大大舊飯，每一款壽司都做得好精緻而且賣相好靚，其中我最中意食海膽手卷，食落好鮮甜，一點都唔腥。串燒緊係一定要叫我最中意既牛舌，燒到好香脆同埋薄薄地一點都唔un。鹽燒雞翼亦都係我最愛之一，味道咸香，非常惹味。另外，燒帆立貝都相當有驚喜，絕對係回本之選。炸物方面，今次我地叫左吉列蠔、芝麻雞翼，廚師炸到岩岩好，而且唔會太過熱氣，恰到好處。燒物我最欣賞燒饅魚，甜甜地好惹味，而且燒到外表好香脆同好入味。餐廳亦都設有甜品櫃，提供唔同款式既甜品同

係OpenRice見御滿屋既comment唔錯，地點又方便，就預早book到母親節前一日既星期六一家10人(全部成人)黎食母親節晚餐。我地預左呢d日子出街食飯一定會多人又迫，亦預左今日會比平時貴，但都有心理準備，諗住一家人食得開心無所謂。點知一去到御滿屋佢安排左張U型卡位俾我地，基本上張枱正常應該最盡坐8個成人左右，佢幻想我地迫住咁坐落去，所以要叫佢另外拎多兩張摺凳。另外佢U型卡位真係好唔方便，坐最入果d下下出去拎野就要叫晒半張枱既人起身，都有搞到我地都無乜出去拎野食野飲。臨走時爸爸話座位太迫，坐到腳痺。間餐廳擺位擺到盡，行出行入去拎野都要左閃右避。雖然野食都黎得幾快，叫d員工執走d吉碟佢地都好願意做，但座位安排同格局真係好唔舒服，好迫好局促。有d員工唔知點解差唔多每次送野食黎都直至撞到我地其中一個坐摺凳既屋企人先肯停落黎，可能佢地都做到踢晒腳忙到一頭煙。野食真係一般般，魚既刺生麻麻地，燒蝦係霉既，Wasabi蝦球係苦既，芝士肉碎玉子既肉碎係"蘇"既... 完全唔似OpenRice上既好評咁好味。頭一輪一家人都好興高采烈咁叫野食，但愈食就愈灰，樣樣都麻麻。因為Plan A得好少選擇，我

朋友就翻台灣，上機前果晚特登約出尼食個farewell放題🧡前一晚好彩有book位，夜晚係超級多人😌等左5分鐘就入到去食了🍽️見大家都吾算超級肚餓所以揀左放題A餐，但原來都好多野食揀✨一坐低梗係要叫刺身，三文魚全部都好肥美新鮮，仲要舊舊都用腩位，超dump本！帶子好清甜又大粒🧡最有驚喜係叫左平時冇叫開既油甘魚🫶🏻入口即溶，大推！✨牛舌燒得岩岩好，吾太咬開，薄薄一片encore左好幾轉✨蒜蓉燒生蠔食得辣既朋友先好叫，好惹味，上面特調既蒜蓉醬好有大排檔既風味✨燒鰻魚、燒菠蘿燒鰻魚仲好食過出面日本餐廳食🫶🏻肉質彈牙又吾多骨超推！燒菠蘿不嬲都係放題必點，上到枱仲係暖暖地好厚又多汁✨芝麻雞翼，榴連球芝麻雞翼燒得岩岩好好入味又大隻，最尾每個人都食左兩三隻，喜歡食榴連都係必叫榴連炸彈，入面一咬已經爆餡，平時食開好多都吾足料，呢個水準好高🥹✨牛油果軟腳蟹忌廉芝士卷好食過出面賣30蚊一件果d，上面佈滿牛油果醬好fresh, 夾埋入面炸起軟腳蟹岩岩好，加上有勁大粒cream cheese係入面超邪惡🥰連個飯都係係日本食壽司果隻新鮮握起既味道，推薦！除左菜單上既野，出面仲有吾少冷盤，泡菜海蜇，蔬果同沙律。食完

真係好耐冇食過放題啦!!😝同朋友去左呢間食晚市放題，自選時間任食兩小時，每人$278，我地叫左A餐，野食種類已經好夠食😋餐廳位置係旺角地鐵站出口附近，好方便呀👍🏻.🌟我地一開波就叫左最愛既剌身先😍全部刺身都好新鮮，肉質好正，仲要切得厚身，真係啖啖肉🤤🤤以前食放題遇過會俾唔足我order既刺身數量我😪但呢到真係我order幾多俾幾多!! 呢點我好欣賞✨夠老實👍🏻👉🏻三文魚、劍魚腩、鮑片、八爪魚、北寄貝、帶子、甜蝦、赤蝦、泰式生蝦、北海道角螺、赤貝🍣🌟卷物：選擇真係好多，每件既份量又細細份咁，岩哂想每樣食少少既女仔🤣眼闊肚窄麻🤣食過以下既都好好食😋👉🏻海膽手卷👉🏻花之戀👉🏻牛油果忌廉芝士軟殼蟹卷👉🏻芒果加州卷👉🏻芝士鰻魚卷👉🏻芝士吉列蝦卷👉🏻火炙三文魚壽司.🌟燒物及炸物：佢既燒物燒得恰到好處，肉質鮮美，好惹味🤤炸物炸到脆卜卜，熱辣辣咬落去好正呀😝👉🏻鹽燒牛舌👉🏻燒有機菠蘿👉🏻燒紐西蘭羊鞍👉🏻蒲燒鰻魚👉🏻汁燒帆立貝👉🏻清酒煮蜆👉🏻虎蝦天婦羅👉🏻椰汁流心球🌟最後食埋雪糕🍦，為今餐畫上完美既句號😚👉🏻Mövenpick士多啤梨雪糕👉🏻Dreyer's抹茶紅豆雪糕.總括而言，呢間餐廳環境好舒服，乾

今日一個人無無聊聊就入咗呢間御滿屋食午市放題，超近旺角地鐵站，一出地鐵站，唔使1分鐘就到餐廳。佢有三款價錢，每款到有唔同種類嘅嘢食，我就揀咗最平嘅$238，都有77種選擇，而家仲好方便用電話落單就得。一入門口就見到冷盤吧，蒜蓉螺肉、八爪魚、海蜇頭、中華沙律、泡菜蘿蔔應有盡有，隨便夾嚟食，旁邊都仲有炸雞薯條同薯塊，幾方便。甜品都係自助吧形式，隨便揀隨便夾。大大個飲品櫃，汽水綠茶基本飲料都有，連啤酒Apple cider都有提供，選擇頗多。刺身都有10種左右，我就每樣都試吓，三文魚油甘魚食落好新鮮，螺肉好彈牙，甜蝦赤蝦都好鮮甜👍🏻👍🏻手卷就叫咗海膽手卷同埋吞拿魚用手卷，細細個好迷你，試到佢嘅味道又唔會太飽，材料都新鮮。同時都叫咗鮑魚軍艦同埋海膽墨魚軍艦，賣相好吸引，材料都好新鮮😝熟食都有唔少選擇，天婦羅基本款都會有，海老天婦羅就啖啖肉，其他蔬菜天婦羅都好Juice，而佢天婦羅嘅粉都唔算厚。蒜蓉焗蠔，蒜蓉整到好香，但係蠔就比較細隻。相反，吉列炸蠔嘅蠔就大大隻，識落好香口同好多汁。燒鰻魚食落都好香，冇乜細骨，辣酒翡翠螺就偏辣，不過螺就好大舊肉。最驚喜就係香辣小龍蝦，小龍蝦整到好入味同好惹味，不