一入門口就見到冷盤吧，蒜蓉螺肉、八爪魚、海蜇頭、中華沙律、泡菜蘿蔔應有盡有，隨便夾嚟食，旁邊都仲有炸雞薯條同薯塊，幾方便。甜品都係自助吧形式，隨便揀隨便夾。大大個飲品櫃，汽水綠茶基本飲料都有，連啤酒Apple cider都有提供，選擇頗多。
刺身都有10種左右，我就每樣都試吓，三文魚油甘魚食落好新鮮，螺肉好彈牙，甜蝦赤蝦都好鮮甜👍🏻👍🏻
手卷就叫咗海膽手卷同埋吞拿魚用手卷，細細個好迷你，試到佢嘅味道又唔會太飽，材料都新鮮。同時都叫咗鮑魚軍艦同埋海膽墨魚軍艦，賣相好吸引，材料都好新鮮😝
熟食都有唔少選擇，天婦羅基本款都會有，海老天婦羅就啖啖肉，其他蔬菜天婦羅都好Juice，而佢天婦羅嘅粉都唔算厚。蒜蓉焗蠔，蒜蓉整到好香，但係蠔就比較細隻。相反，吉列炸蠔嘅蠔就大大隻，識落好香口同好多汁。燒鰻魚食落都好香，冇乜細骨，辣酒翡翠螺就偏辣，不過螺就好大舊肉。最驚喜就係香辣小龍蝦，小龍蝦整到好入味同好惹味，不停encore😙😙
佢都有提供movenpick 同Häagen-Dazs嘅雪糕，但我真係太飽食唔落了😝😝，唯有下次再嚟過
