御將燒 (雙子匯1期)

营业中

休息中

今日約咗朋友食lunch ，去到啟德雙子匯十二樓，餐廳環境舒適，落地大玻璃可以俯瞰啟德景色，仲可以享受席前即製「廣島燒」和「鐵板燒」料理。🥢法式鵝肝御好燒 $168~ 在高溫的鐵板上翻炒新鮮的食材，在最短的時間內鎖住鮮美的肉汁同時保留食材的原味。再搭配來自百年品牌 Otafuku 的經典醬料，每口都是嫩滑多汁的美味。外脆內嫩嘅御好燒，搭配鵝肝的美味。🥢吉列廣島蠔（4隻） $68～口感層次分明的美味料理，既有酥脆的外皮，又有鮮美的海鮮內餡。🥢大島卷玉子 $68～全雞蛋製作，帶有自然的甘甜味，口感柔和。質地柔軟，滑入口中，感覺輕盈。🥢關東煮 $68～雞蛋、蘿蔔、蒟蒻、竹輪、麻糬豆皮包，加上高湯烹煮，充分吸收湯汁，提升鮮甜口感。

日本過江龍「御將燒」與百年醬料品牌OTAFUKU協辦，餐廳主打廣島燒、大阪燒和鐵板燒料理，把最正宗的日式滋味帶到香港，實在太幸福啦😍✨現代燒層次好豐富的現代燒，是大阪燒的變奏版，加入了炒麵和切碎椰菜，再與麵糊混合🥢材料還有乾木魚片、紫菜碎、蛋黃醬、Okonomi醬和五花肉片，又脆又軟的口感，好滿足！✨北海道帶子鐵板燒煎香的北海道帶子依然肉質鮮嫩，伴碟還有炒椰菜，是不錯的鐵板料理之選👍🏼✨鐵板章魚小丸子平時吃的小丸子都是一顆顆圓形🍡這裡造成魚餅形狀也挺新穎！味道不變，裡頭還藏着章魚肉🐙✨吉列廣島蠔新鮮炸好的吉列廣島蠔熱辣辣🔥外酥脆，內鮮甜🦪也是不能錯過的小食～

近年啟德開咗唔少美食，而我成日都會去啟德嗰邊🤪真係成日周圍搵有咩好食今次去了sogo住的OKOSTA御將燒 喺一間首次來港嘅名店主打日式廣島御好燒和鐵板燒料理，仲有日本師傅駐場即席炮製美食，一次滿足視覺同味覺啊～我係晚上去的，叫咗一個$398 set dinnerSTARTER關東煮這道關東煮的食材豐富，包含雞蛋、白蘿蔔、竹輪、蒟蒻和豆皮包。湯底清甜，十分暖胃明太子玉子燒玉子燒的口感鬆軟細膩同明太子的鮮香好夾每一口都能感受到明太子的鹹香MAIN COURSE現代燒**用左麵糊、魚粉、椰菜、炸天婦羅脆脆、麵條、雞蛋、御好燒醬和綠海藻，逐層烘烤，無需混合。高麗菜的甜味十分突出，加上麵條的加入，吃一個就可以為你帶來滿滿的飽肚感！加入麵條點綴搭配的醬汁恰到好處，非常美味。**豚肉蒜香炒飯米飯粒粒分明，豚肉的香氣與蒜香完美結合我仲叫多咗個✨大阪小丸子同其他小丸子唔同，呢一隻小丸子係扁的，裡面包著新鮮的海鮮和蔬菜，淋上特製醬汁，口感豐富

啟德呢邊開咗好多新餐廳，見到呢間日式料理裝修幾整潔，就俾佢吸引咗。試咗幾款地道菜式，價錢合理！一坐低就試咗鹽燒鐵板雞定食，雞肉煎得香脆，鹽燒味好香，配埋味噌湯、漬物同白飯，食落好豐富！跟住試咗OSAKA OKONOMIYAKI大阪燒加泡菜，大阪燒材料豐富，豬肉嫩滑，配埋木魚片、紫菜、蛋黃醬同大阪燒醬，食落好惹味！泡菜酸酸辣辣，好開胃！最後試咗鐵板章魚小丸子燒，章魚粒彈牙，配埋木魚片同醬汁，食落好過癮！

香港唔多地方有得食正宗既御好燒, 不過最近啟德就開左一間主打御好燒既日式餐廳啦~餐廳係新開既商場雙子匯入面, 無論環境定裝修都好靚好別致, 係道食飯感覺好舒服, 絕對係一種享受而客人亦可以選擇坐獨立既car位或者望住廚師烹調鐵板燒位~~ 兩者都有唔同既體驗~呢道既服務真係值得一讚, 店員好細心又有禮貌, 仲會經常注意食客既需要黎到一定要試下佢地既御好燒丫!!!有單點式者套餐, 價錢經濟合理~~而我今晚就揀左Set Dinner $398/2位包小食x2+湯x2+主食x2仲可以優惠價再點小食添餐具好cute呀, 有個迷李鐵鏟仔味噌湯味噌湯好暖胃~~湯底濃郁, 味噌嘅香味突出, 仲有啲豆腐同海帶~豆腐嫩滑, 海帶爽口, 飲落去感覺舒服, 係一個好嘅開胃湯！明太子玉子燒玉子燒煎得啱啱好, 一D都唔會乾, 仲好juicy, 口感非常嫩滑~~明太子嘅鹹香味濃郁, 加埋蛋嘅甜味, 味道豐富超好味關東煮關東煮嘅材料豐富，有蘿蔔、竹輪、雞蛋、福袋等等~每一樣都煮得夠晒入味, 湯底清甜可口~蘿蔔煮得好淋, 吸晒湯汁嘅精華, 福袋Q彈煙韌現代燒現代燒即係將麵條加入御好燒現代燒材料包括柴魚片, 海苔, 沙律

之前夜晚黎啟德覺得呢邊好多野行趁住weekend特登過嚟行下放下風😛發現啟德全新商場 The Twins 開左間御好燒專門店 就同朋友去試下😆餐廳以正宗廣島燒 大阪燒 同鐵板燒料理而聞名😝由擁有百年歷史的日本品牌 Otafuku 共同協辦環境簡約而寬敞既有卡位 亦有吧檯出面仲有個空中花園可以一邊享用美食 一邊欣賞景色😍食物可以單點或者叫套餐今次我地就單點左幾樣share😆💥廣島燒香港比較少食到廣島燒之前係廣島旅行食過好中意廣島燒加入麵 仲有椰菜 豚肉片 蛋層次分明 口感香脆☺️💥大阪燒大阪燒就冇加麵 係香港比較常見層次豐富 同樣加椰菜同肉再加埋沙律醬同紫菜粉好香好惹味😋💥歐姆蛋包麵炒麵吸收左濃郁醬汁搭配嫩滑既蛋皮 口感超好 而且份量好足😎💥鐵板燒帶子一份有六粒大大粒既帶子彈牙又帶鮮味 仲伴有好多椰菜😝💥燉日本南瓜食咁多澱粉質 要食d蔬菜類健康d日本南瓜整得非常清甜 好味😛💥生啤 highball仲叫咗兩杯酒精飲品 清爽消膩☺️

“Set Dinner”($398/2ppl)“鐵板章魚小丸子”(+$38)今次去啟德冇去Airside同體育園而係去咗雙子匯TheTwins雙子匯一期除咗Sogo百貨12至14樓都有幾間餐廳進駐我地就揀咗Okosta御將燒餐廳主打廣島燒同鐵板燒料理並由百年歷史的日本品牌Otafuku共同協辦所使用嘅都係Otafuku嘅醬汁保證食到日式正宗嘅味道😋我地點咗Set Dinner包咗前菜x2,味噌湯,主菜x2前菜點咗芝士泡菜豚平燒,明太子玉子燒豚平燒用蛋包裹住煎香嘅豚肉片🐷加上燒汁,蛋黃醬,木魚碎,十分開胃明太子玉子燒有陣好香高湯味配上惹味嘅明太子,正呀主菜先點咗個現代燒現代燒用上炒麵,豚肉片,椰菜再加上御好燒汁,木魚碎,海苔食落厚實又飽肚我就鍾意自己再落多啲燒汁😝另一個主菜點咗帶子蒜香炒麵帶子煎到金黃色,蒜香炒麵夠哂香口🧄最後仲用優惠價加點咗鐵板章魚小丸子🐙呢道嘅小丸子係就咁用鐵板煎所以係扁身嘅😆味道其實就同小丸子一樣😚

自從食開嗰間大阪燒結業後，我比較少吃大阪燒了，但因為這間是日本過江龍，感覺應該比較有保證。二人餐最方便便是直接叫二人餐，有2個前菜，2個湯和2個主菜，不怕吃不飽。芝士泡菜豚平燒有點驚喜的前菜，只有雞蛋、芝士、泡菜和豚肉，但已經很好吃。明太子玉子燒不是平常吃到的急凍貨，亦不甜，較適合我口味。帶子蒜香炒麵我個人更推薦這個炒麵，麵本身重蛋味，加入煎香的帶子和沒有苦澀味的菠菜，沒有過多的調味，簡簡單單已很好吃。現代燒其實有點像大阪燒，但加入了炒麵，有點新意，但又是熟悉的味道。如果說不點二人餐，其實單點選擇也很多，雖然是日本過江龍，但沒有想像中貴，價錢可接受。

啟德SOGO都開咗近5個月，唔知道大家有冇去嗰邊搵嘢食呢？最近就同朋友去咗位於12樓嘅 Okosta 食晚飯。今次我哋揀咗一個二人套餐，包咗兩款前菜、兩款主菜、味噌湯，性價比都幾高。前菜揀左「芝士泡菜豚平燒」同「明太子玉子燒」。「芝士泡菜豚平燒」意外地好食😋，上面落左御好燒醬汁同木魚花，夠哂惹味。而喺麵糊中亦加入泡菜，食落香辣爽甜，中間濃濃芝士中和返辣味，味道變得更濃厚。「玉子燒」既蛋漿係加左湯汁一齊煎，所以玉子燒每隻都脹卜卜，熱焫焫，咬落仲滿口湯汁，中間加左明太子，為玉子燒味道帶嚟一點點綴。主菜就揀左「廣島燒」同「豚肉蒜香炒飯」。廣島燒會用上麵糊、魚粉、椰菜、炸天婦羅脆脆、大蔥、芽菜、豬肉片、麵條、雞蛋、御好燒醬和綠海藻，一層一層烤煮，真係足料。椰菜鮮甜味都幾突出，加埋中間既麵條，夠哂豐富。「豚肉蒜香炒飯」新鮮炒出嚟幾香幾惹味，米飯粒粒分明。肉片都採用半肥瘦既部位，食落都幾香口。整體嚟講，我覺得呢度嘅環境幾舒適，晚餐價錢都唔算貴。Budget鬆動D仲可以試埋鐵板燒。平日晚市唔算多人，岩哂同朋友嚟傾計食飯～

自從知道SOGO會開一間大阪燒之後，已經超級期待！而且仲要係日本嘅過江龍！真係有日本廚師喺餐廳即場為你烹煮絕對唔可以錯過嘅大阪燒同埋廣島燒！要左廣島燒一份 講到燒嘅兩面煎到好香脆 （唔係乾身嗰種，恰到好處），入邊有滿滿嘅椰菜，而且唔同材料樣樣都食得出， 調配得啱啱好 😍😍不過如果個醬可以自己加減就會更好啦 而另外我哋要咗一個法式鵝肝御好燒 （$168）我覺得佢嘅御好燒就更加出色啦！成個口感比較爽口，如果怕廣島燒太多澱粉，咁呢個一定係你best choice 而鵝肝增加邪惡感😂但係又點會抗拒得到佢啊？！帶子蒜香炒麵 （$138）呢一個超抵食，因為佢已經有四隻帶子喺入邊！ 而用鐵板炒麵，更加有一份風味佢既菜同茹，又增加口感，味道又啱啱好👍🏻👍🏻

這家位於啟德全新商場 The Twins，有開陽觀景，主打正宗廣島燒與鐵板燒料理。由百年歷史的 Otafuku 共同協辦，餐廳提供席前即製的獨特體驗。招牌菜包括招牌廣島燒和大阪燒，不用過百 $98，還有廣島蠔御好燒、法式鵝肝御好燒，及多款經典日式炒麵及小食廣島燒真係一款超正！裡面有麵糰、魚粉、高麗菜、炸天婦羅、豬肉片等等，一層層疊上去，食落去口感脆脆的，仲有濃濃嘅青海苔同廣島燒醬汁，真係好味到停唔到口！至於法式鵝肝燒（大阪燒），亦好特別啦！上面放咗香滑嘅鵝肝，粉漿又軟又綿，加上 Otafuku 嘅經典醬汁，味道簡直爆炸！大阪燒用高麗菜做底，咬落去口感結實。兩款菜式都係師傅即席烹調架！中午仲有多款套餐揀，送味噌湯，漬物及白飯，唔駛$150

一直都想食大阪燒同廣島燒，今次同朋友嚟到啟德嘅OKOSTA，原來係日本過江龍，主打禦好燒+鐵板燒料理SET DINNER $398STARTER 芝士泡菜豚平燒 泡菜豚肉平燒入邊係用蛋包住咗豚肉片，燒汁、蛋黃醬、木魚碎等配料，整體感覺有啲似章魚小丸子嘅醬汁，不過就多咗份泡菜嘅口感關東煮關東煮入面有雞蛋、白蘿蔔、竹輪、蒟蒻、豆皮包，最特別嘅係豆皮包入面原來係有麻薯SOUP味噌湯味噌湯入面有海帶+豆腐，增加口感MAIN海鮮廣島燒 +$68 廣島燒本身係用上青海苔、廣島燒醬汁、雞蛋、麵條、五花肉、豆芽、蔥花、炸麵花、椰菜、木魚粉、麵漿一陣層層加上去製成，今次就加咗啲海鮮，惹味香口鵝肝大阪燒 +$88大阪燒係大阪和關西地區著名嘅食物之一， 同廣島燒最大嘅唔同就係佢唔係用麵條而係用椰菜做底，將材料撈勻再整嘅，口感會比較結實，亦明顯食到椰菜絲，加上香滑嘅鵝肝，令到大阪燒層次更加豐富

最近啟德SOGO做緊優惠, 所以黎左行街~不知不覺行到晚飯時間就上左12樓御將燒DINNER~我同朋友點左個2人餐.STARTER - 明太子玉子燒食落啖啖充滿蛋香，口感豐富，唔錯。STARTER - 芝士泡菜豚平燒泡菜少辣, 豚肉嫩滑, 味道濃郁, 好香口！味噌湯  - 味道濃郁, 飲落暖胃~MAIN  現代燒 - 層次豐富, 麵底勁香脆, 加埋惹味醬汁, 讚！MAIN 豚肉蒜香炒飯 - 蒜香撲鼻, 炒飯炒到粒粒分明, 豚肉片香口, 值得一試。OVERALL坐得舒服, 而且上菜速度正常, 下次可再黎~

近來啟德體育園成為香港著名嘅新地標，探討啟德區新餐廳都成為我嘅一個小嗜好～在SOGO雙子匯行完街，可以上樓上12至14樓食飯，有好多新餐廳！一開幕時已經試過呢度最出名嘅大阪燒，✨Okosta餐廳坐得舒服，透光十足，仲有日本師🇯🇵主場，即點即燒非常正宗！今次同朋友中午黎食，原來有午市套餐，人均$1xx 性價比好高，套餐附送味噌湯、漬物、白飯👏🏻 個漬物要讚，係牛蒡，好清新健康！🐟 鰻魚定食 $158鰻魚燒得好入味，少少焦香，魚肉軟腍！鰻魚汁啱啱好，仲鋪咗啲蛋碎撈埋一齊食！🐓 鹽燒鐵板雞定食 $148雞肉份量挺多，加入咗大量椰菜、蒜蓉醬一齊炒，熱辣辣好惹味！🍳 玉子壽司 $68軟綿細滑充滿蛋味，蛋控一定唔可以錯過！另外仲發現咗餐廳有一個幾抵食嘅餐：廣島城鐵板燒二人套餐，$800唔使，下次嚟試吓先。

日本過江龍🇯🇵😍 由百年歷史嘅日本醬料品牌Otafuku聯乘嘅御好燒專門店，主打廣島燒同鐵板燒料理‼️環境部份餐牌佢有午市定食餐廳，但好搞笑唔係食廣島燒/大阪燒😂所以我地都係散叫。 廣島燒 $98 廣島燒係將食材一層一層咁加上去，最底係麵漿，然後一層層加上木魚粉、椰菜、炸麵花、蔥花、豆芽、五花肉、麵條，最尾舖上雞蛋🍳，再灑上青海苔及淋上醬汁，過程中要將麵餅反面，所以都好考廚師功夫，製作過程比大阪燒複雜得多，所以唔一定間間日式餐廳都有。呢間話明食廣島燒嘅專門店，口味不少，仲可以揀餸，我就加咗$15要帶子。廣島燒口感層次豐富，我個人鍾意食廣島燒多過大阪燒。 大阪燒 $98而大阪燒就簡單得多，係將所有材料包括麵漿、蔬菜、肉類等配料撈匀之後拎去煎，最後加醬汁就完成。所以食起上嚟我形容為有啲似食薯餅嘅質感咁，軟糯帶蓉，比廣島燒分明嘅口感好大分別。同樣可以加配料，海鮮都係加$15。 歐姆蛋包麵 $138既然出名鐵板料理，再試咗個歐姆蛋包麵，都幾大份🙈蛋皮厚薄度適中，麵條上色均勻，炒得好香，全枱澱粉好飽吖😂