御將燒 (雙子匯1期)

营业中

休息中

好友約我去位於九龍城啟德協調道12號雙子匯1期食匯堂12樓1號舖的《御將燒 OKOSTA》 食日式午餐，環境舒適，設有雅座、吧檯，裝修富有日本風情。午市套餐配味噌湯、漬物及日本米飯，甜品加 $15📍廣島燒配廚師沙律定食 $118廣島燒有椰菜、五花肉、炒麵、芽菜、葱花、雞蛋..等，面頭淋有蛋黃醬和日本醬汁，口感豐富又好味；沙律菜鮮味好食。📍鰻魚定食$168鰻魚大大份，魚肉嫩滑好食，配酸薑、蛋絲和紫菜，好味道。📍鐵板章魚小丸子 $68章魚小丸子是扁的，一份有2件，餡料的章魚粒好味彈牙。📍甜品（套餐追加 $15）今日甜品係抹綠茶雪糕，淋有朱古力醬，幼滑好味。

今日同老公黎到啟德御將燒食飯，估唔到原來係日本廚師即叫即整，都幾特別我地叫左個2人餐前菜明太子玉子燒呢個幾特別，係日式嗰種玉子燒，用咗高湯去整，裡面係滿滿嘅明太子餡，食落一啲都唔膩，好味😋前菜-鐵板章魚小丸子呢個小丸子好特別，同食開嘅小丸子完全唔同，扁身，好似大阪燒咁，裏面有好多粒嘅章魚粒，非常有咬口👍味增湯正常味增湯，有豆腐、海帶做配料主食-海鮮廣島燒廣島燒同大阪燒有啲唔同，粉漿份量比較少，餡料較多，有炒麵、雞蛋、五花肉、芽菜、蔥等，口感幾好，廣島燒仲有帶子、蝦、蠔等配料，非常豐富👍主食-鵝肝大阪燒鵝肝油脂豐富，煎到好香。大阪燒餅底係無麵嘅，將椰菜、豬肉等材料同麵糊撈勻，再煎，口感較清爽，鍾意無麵就可以試呢個甜品-朱古力雪糕朱古力雪糕唔會好甜，加埋朱古力醬幾好食結論：（10分為滿分）味道：7.5/10性價比：7.5/10回頭指數：7.5/10餐廳名稱：御將燒餐廳地址：九龍城啟德協調道12號雙子匯1期食匯堂12樓1號舖

今次我同朋友去咗雙子滙Sogo 嗰一棟大廈，12樓食左一間日本餐廳，整體環境同食物真係幾好！而且仲係日本廚師為我哋煮御好燒。 我哋點咗幾樣菜式-歐姆蛋包麵呢個麵炒炒得好香，蛋包包住啲麵條，口感超滑！我最鍾意嘅係醬汁，酸酸甜甜，賣相都好吸引。-法式鵝肝御好燒呢個真係一個驚喜！我見到廚師熟練嘅手法，充滿香氣，鵝肝嘅味道濃郁，搭配柔軟嘅御好燒餅，口感十足。-大島卷玉子呢個玉子卷係我最期待嘅，口感輕盈，味道自然，食到最後都覺得唔會膩，配埋甜薑食，好有層次。整體服務都非常之有禮貌，日本廚師喺我哋走嘅時候都同每一位客人講再見，好有互動。

御將燒餐廳已進駐九龍城啟德協調道12號雙子匯一期食匯堂12樓,餐廳裝修族新以木系為主調.設計带有日本風格,用餐環境舒適,座位寬敞,餐廳主打日本菜鐵板燒,開放式廚房即席燒煮,服務員招呼熱誠有禮。鰻魚定食定食附送味噌湯,濆物和日本米飯,鰻魚定食配料有紫菜,酸薑,蛋絲和醬汁,大大件的鰻魚厚身,入口即溶,有鹹香味,日本米飯口感軟糯有飯香味。牛肉生薑燒定食定食附送濆物,味噌湯及日本米飯,定食配料洋葱,牛肉肥瘦均匀,簿切,口感腍滑,牛肉味濃。綠茶雪糕綠茶雪糕表面鋪有朱古力醬條紋,微甜,每口雪糕都有濃郁綠茶味和朱古力味。

專門食大阪燒，廣島燒既餐廳，週末食飯時間比起同層既餐廳，都算係多人😇假日都會有lunch set 供應番左啲日式定食，環境相當闊落，好好坐🤩.👁‍🗨廣島燒(7.5/10）💲98.➰大阪燒係香港成日都會出現，但係廣島燒好似冇咩地方有咁🤔同大阪燒吾同之處就係佢多啲材料，食落冇咁多粉漿，入面會有炒麵，椰菜，雞蛋，蔥花，五花肉，芽菜，木魚粉等等，口感十足😎面頭同樣有大量醬汁同蛋黃醬，好和風既味道.👁‍🗨鐵板雞肉定食(7/10）💲148.➰定食有麵豉湯同漬物，可以加$15要甜品，同埋加$10叫飲品，不過飲品種類就比較少，都係基本既茶，可樂咁，但係驚喜在叫左玄米茶職員會不斷幫你refill😯甜品呢日係曲奇雪糕🤓鐵板雞肉正正常常，雞肉嫩身，有微微黑椒味.👁‍🗨鐵板章魚小丸子(7.5/10）💲68.➰好特別既小丸子，完全同平時食開一粒粒既吾一樣😂賣相似迷你大阪燒，入面既章魚粒好爽口彈牙，值得一試.🔛 整體評分（7.5/10）

今日就同朋友去咗御將燒 餐廳有多款御好燒同鐵板燒料理選擇現代燒層次豐富, 麵糊中加入炒麵同椰菜碎, 五花肉等, 再由日本師傅即場用鐵板製作, 外層燒到微焦, 面頭再加上木魚碎, 同蛋黃醬, 口味正宗鐵板章魚小丸子將章魚燒整成扁身既餅形, 有別於平時一粒粒嘅形狀, 比較厚實, 入邊仲有唔少嘅章魚粒大島卷玉子好有蛋香味, 每舊都脹卜卜, 加左湯汁一齊煎. 味道甜甜地, 咬落Juicy日式豚肉蒜香炒飯飯粒粒分明好乾身, 配撘日式豚肉, 炒得香口惹味

今日同老公行開啟德SOGO，見到呢間餐廳好多人，就入左去一齊食set lunch，午市套餐會附送埋味噌湯、漬物同埋日本米飯！我仲加配左一個甜品，銅鑼燒暖笠笠，綿軟嘅口感！🌸大阪燒配南蠻炸雞，熱辣辣即製嘅大阪燒好厚身，有好多唔同豐富嘅食材配料，口感好鬆軟，配埋濃厚嘅特製醬汁一齊食，甜中帶鹹，真係好惹味！南蠻炸雞好酥脆香口，雞肉多汁飽滿，啖啖肉，配埋特製醬汁一齊食，甜甜酸酸，幾開胃🌸牛肉生薑燒定食一上枱就香氣撲鼻，牛肉味濃郁又好juicy，配埋爽脆嘅洋蔥！食落口除咗有牛肉嘅油脂香味，仲有好香嘅生薑醬汁味道，用黎送飯真係一流🌸大島卷玉子，厚身嘅玉子燒食落口好鬆軟，蛋香味好濃郁，而且好嫩滑可口餐廳舒適寬敞，可以一邊望住出面嘅風景，一邊欣賞師傅製作鐵板燒，餐廳店員服務態度好友善，抵讚

雙子匯都係新開業冇幾耐原來有間過御好燒專門店😍由日本百年醬汁品牌協辦嘅御好燒專門店主攻廣島同埋關西風味今次廣島燒同埋大阪燒都嗌左廣島燒嘅食材係一層一層疊加上去食落層次分明材料亦都用得最多最底麵糊、木魚粉、椰菜、麵條、雞蛋等食材逐層疊加，配埋Otafuku獨特嘅廣島燒醬同沙律醬好夾，甜甜酸酸好開胃，食落明顯feel到麵條彈牙嘅口感。大阪燒就common啲，餅底將椰菜、紅生薑、麵糊等材料混合，冇麵條，個人覺得食落口感比較清爽，想要麵可以揀現代燒大島卷玉子超推薦係暫時食過最滑最香最柔軟嘅蛋卷鐵板章魚小丸子扁扁嘅章魚燒超可以一份有兩件入面嘅章魚大大粒最鍾意呢間舖頭啲餐具係會俾個細剷黎食大家拎住打卡都正

啟德全新商場 The Twins 內有一家餐廳是過江龍餐廳「御將燒」與百年歷史的 Otafuku 共同協辦 🫱🏻‍🫲🏼帶了正宗廣島燒與鐵板燒料理到香港并有推廣廣島燒和大阪燒課程🗒️.餐廳亦有提供席前即製（預約好）值得一提 有一邊的座位觀景開陽 可望整個啟德區🤩⋆_ᴛᴏᴛᴀʟ ᴏʀᴅᴇʀ__ ⋆🍛 【廣島燒】再加料+$15廣島燒真係很不錯👍擁有11層不同變奏的廣島燒用上麵糊、魚粉、椰菜、炸醬花等等一層一層疊燒 真係好足料口感脆脆 醬汁濃濃有青海苔同廣島燒真係好層次分明中間有麵條🍝 豐富又飽肚額外+$30 配上蝦仁 牛肉❤️.🍝 【帶子蒜香炒麵】四隻帶子煎得剛剛好😆 入口鮮嫩配上鐵板炒麵 配料有菜有茹 有乾蒜添加口感👍🏻👍🏻 炒麵醬很入咪呀😆.🥩日式炸豬排酥脆麵衣鎖緊豬排肉汁 配上OTAFUKU醬酸甜鹹香三重奏 在口腔內漫遊很吸引🤩============================

午市時間跟朋友又嚟試吓雙子滙嘅餐廳，今次揀咗呢間日式餐廳。餐廳的環境舒適，日式的裝潢風格與溫馨嘅燈光，讓人感到放鬆。另外座位方面既有卡位亦有吧檯。而且服務員亦十分友善，用餐體驗愉快。整體味道還可以，覺得冇乜特別，午餐嚟講呢個價錢亦不便宜。💚豚肉漢堡扒定食 $148（跟味噌湯.漬物.白飯）表面微焦 吃落鮮嫩多汁 調味就偏淡的💚鹽燒鐵板雞定食 $148（跟味噌湯.漬物.白飯）雞肉外皮脆 而肉質嫩滑有汁 唔會乾身白飯煮得都好味，而個蜆肉味噌湯正正常常🌟Encore 指數：6.5/10——————————————————————Total HK$325.6 (包括10%服務費）2人

啟德SOGO雙子匯The Twins開幕後，當中有不少餐廳主打日式菜系，今次就來到主打正宗廣島燒和鐵板燒料理的御將燒OKOSTA，裝修以簡約木色為主調，落地大玻璃可以俯瞰啟德景色，讓午間柔和的陽光滲入餐廳，採光充沛，使整體風格和諧溫暖，採用開放式設計，近距離見證廚師精湛的廚藝，全程不時傳來滋滋聲響，香氣四溢。餐廳由百年歷史的日本品牌Otafuku 共同協辦，堅持使用品牌出品的經典醬料，店內有日籍師傅坐鎮，除了主打廣島御好燒及鐵板燒料理之外，還有午市定食供應。廣島燒 $98每份廣島燒都是席前即製，將新鮮食材混合後，放在高溫的鐵板上烹煮，11種材料逐層疊加：麵漿、木魚粉、椰菜、炸麵花、蔥花、豆芽、五花肉、麵條、雞蛋、御好燒醬和青海苔，無需混合，大阪燒和廣島燒的主要區別，在於後者加入麵條，還有分層式的製作方式，層次更加複雜，口感豐富。現代燒 $118御好燒的意思取自於加入喜歡的食材並依喜好的方式煎成餅，現代燒的特色是在傳統大阪燒的基礎上加入了炒麵，關西風做法就是將麵糊與所有食材拌勻後一口氣倒下去煎成圓形餅，然後再鋪上一層炒麵，淋上御好燒醬和蛋黃醬，底層是柔軟濕潤的御好燒，頂層是嚼勁十足的炒麵

啟德SOGO雙子匯⭐️開幕後都係第一次嚟，我最關注當然係佢開咗咩餐廳啦😆。其中一間最想試嘅係呢間日本過江龍御好燒🫓，餐廳係全落地大玻璃，空間感強，座位亦好闊落，感覺舒適👍🏻。而餐廳設開放式Bar枱俾食客睇住師傅即製御好燒同鐵板燒😻，更有日籍師傅進駐呢🎌～·♡ 廣島燒 HKD$98即叫即製👨🏻‍🍳，11款材料逐層疊加而上，放在鐵板上即席製作，包括 麵漿、木魚粉、椰菜、炸麵花、蔥花、豆芽、五花肉🥓、麵條🍜、雞蛋🥚、御好燒醬及青海苔。與大阪燒相比，個人會更喜歡廣島燒🤤，加入咗麵條會使口感更加具層次。·♡ 歐姆蛋包麵 HKD$138以蛋漿製成一層濃厚蛋皮🍳，包裹日式炒麵、芽菜、紅蘿蔔🥕、豚肉🐖，加入濃香四溢的醬汁混合炒香，再灑上木魚碎及唧上醬汁🧂，蛋皮帶少許濕潤感，係最經典的日蛋包麵組合😚。·♡ 午市定食 – 鹽燒鐵板雞定食 HKD$148嚟到當然都要試下呢度嘅鐵板料理🤩，定食會附送味噌湯、漬物及白飯。估唔到都幾高質，鹽燒鐵板雞🐥唔會帶有過多的香料，反而只以鹽分調味🧂，可吃到雞本身的味道；雞以鐵板燒到剛好熟，口感軟彈，佞落仲帶有微微炙燒氣味🔥，幾有驚喜！ ·📍御將燒九龍城啟德協調道12號雙

呢日晏晝嚟咗啟德行街，呢個商場入面都有幾多嘢食。見到呢間有鐵板燒嘅餐廳就想試吓，餐廳嘅座位主要分咗兩款，一款就係席前鐵板燒嘅座位，可以望到師傅製作食物，另一就係普通嘅卡位。鰻魚定食假日都有lunch set，原條鰻魚幾肥美，魚香喺個口度遊走🐟 份量都算合理，男仔食都夠飽。Lunch set仲包括咗味噌湯、漬牛蒡蘿蔔絲，係個幾豐富嘅午餐。大阪燒呢個大阪燒係餐廳出名嘅食物之一，個人覺得係必點之選🫢 大阪燒非常厚身，入面嘅材料主要要有蔬菜、粉漿、木魚碎、豚肉、紫菜、蛋黃醬同埋照燒汁，勁大份好適合同朋友分享，入面有好多蔬菜，食完都唔會覺得好Heavy🥳 我地仲另外加咗蟹肉，蟹肉份量都幾多，而且食落口都幾鮮味，為我個大阪燒增加咗唔少風味🦀 鐵板章魚小丸子本來以為章魚小丸子會似喺街頭小食嗰種，但係原來呢度嘅章魚小丸子係迷你版嘅大阪燒一樣🤣 餐廳將章魚丸嘅元素放咗入去，再將丸類壓平，勁鍾意入面嘅章魚粒🦑 不過面頭嘅蛋黃醬同照燒汁略嫌有啲太重味😮凍烏龍茶食完午餐就嘆返杯茶，望住啟德嘅風景飲杯茶真係好寫意。甜品套餐加配嘅甜品係一球雪糕，今日有抹茶、朱古力同埋曲奇口味可以揀，我哋就揀咗曲奇味啦🍦呢日都見到

又去咗啓德搵食，今次就嚟到位於雙子匯1期嘅《御將燒》，主打廣島御好燒和鐵板燒料理店內裝修以木色為主調，簡約而空間感十足，除一般座位外，還有多個吧枱位，可席前欣賞師傅製作御好燒🥢現代燒現代燒即係將大阪燒加入麵條，麵底煎得香脆，材料就用上豚肉片、椰菜和其他新鮮食材，混合後放在鐵板上烹煮，最後加入廣島燒醬、海苔和鰹魚片，口感豐富，滋味十足🥢廣島燒金黃香脆嘅外皮，包裹著麵漿、木魚粉、椰菜、炸麵花、蔥花、豆芽、五花肉、麵條和雞蛋等多款材料，配搭秘製廣島燒醬汁和青海苔，每一個步驟都精心製作，口感豐富，滿足感十足🥢歐姆蛋包麵嫩滑炒蛋包著日式炒麵，加上豚肉、芽菜、紅蘿蔔、豬肉、海苔粉和木魚片等配料，淋滿沙律醬和大阪燒醬，份量非常豐富

今日約咗朋友食lunch ，去到啟德雙子匯十二樓，餐廳環境舒適，落地大玻璃可以俯瞰啟德景色，仲可以享受席前即製「廣島燒」和「鐵板燒」料理。🥢法式鵝肝御好燒 $168~ 在高溫的鐵板上翻炒新鮮的食材，在最短的時間內鎖住鮮美的肉汁同時保留食材的原味。再搭配來自百年品牌 Otafuku 的經典醬料，每口都是嫩滑多汁的美味。外脆內嫩嘅御好燒，搭配鵝肝的美味。🥢吉列廣島蠔（4隻） $68～口感層次分明的美味料理，既有酥脆的外皮，又有鮮美的海鮮內餡。🥢大島卷玉子 $68～全雞蛋製作，帶有自然的甘甜味，口感柔和。質地柔軟，滑入口中，感覺輕盈。🥢關東煮 $68～雞蛋、蘿蔔、蒟蒻、竹輪、麻糬豆皮包，加上高湯烹煮，充分吸收湯汁，提升鮮甜口感。