御品·千之味 (振萬廣場)

营业中

休息中

經朋友介紹之後，響大埔成日食，但最近搬鋪無咁就腳(哭)今次咁岩觀塘約左朋友，夜晚9點工廠區應該易有位，所以行去駁下。唔去尢至可，去到包場，我都唔好意思堂食阻人收工，所以唯有快！每次都係叫個丼加個赤海蝦。今次用埋d優惠券。間野真係佛心，每50比用一張，今次用左4張。原本多飯都叫佢變翻正常份量。反而上次大埔唔知點解唔比用，仲以為比壘廢紙我😂😂壽司飯每次食都微甜微暖超好味，觀塘同大埔味道一樣，希望之後都keep住。唔知係未就收工，食物都大大份，特別係個丼飯三文魚，5件都比到d刺身級數，反觀大埔每次三文魚都瘦得可憐🥹下次一定會再黎，亦都會早d😂😂

放假去攞完身分證，就去咗對面間壽司鋪食野，貪佢就腳，又近就試試佢🤭好多野食，仲要係幾新鮮，啲野正正常常，無伏，飲品要自己出去攞，一個餐已經好滿足好飽😍！仲加咗雞翼，我飽到都食唔曬😅（題外話：啲女侍應好靚女後生）

不少香港人也喜歡吃日本菜🇯🇵，小廚神與大吃貨也一樣。這次的推介相信有很多香港人也一定聽過，但是小廚神與大吃貨因為並沒有時常出現在他們附近的店舖🏪，而未能品嚐。數天前，剛巧小廚神到了要換智能身分證的時間🤣。完成程序後， 剛巧看到對面有一間御品·千之味，反正肚子還餓着，而下午茶的時間剛到🫖，愛吃日本菜，🍣尤其是三文魚終極愛好者的小廚神當然也不會放過這個機會，拋下了大吃貨享用他自己的日本盛宴🤪😙雖說是到了下午茶時間，但是他們也會繼續提供午市套餐到下午五至六時🔖。他們有各式各樣的選擇，因為小廚神獨愛三文魚，便點了他們熱賣的雙色三文魚丼，另加三文魚刺身😛😋上菜了！廚師為其中的三塊厚切三文魚用火槍燒香☄️，當吃進口，口內充滿魚油香🐟，三文魚外脆內軟，配上大量的蟹子，口感豐富，令人一試難忘。如果是細食的朋友，或者是選擇於下午茶時間享用他們的午市套餐，可以選擇不加他們的三文魚刺身，只需五十多元🤑。如果不是小廚神約了朋友晚上吃飯🍽，我想也會想點另外一個午市套餐，將厚切的三文魚帶回家中作晚飯😋。另外他們也不時提供優惠，也會為大量製作的訂單作優惠，是不時開派對的朋友的最佳選擇，不過記緊要提早預訂哦🙂。御品·千

又黎食千之味啦每次ot dinner都忍唔住食好D公司附近既千之味一定係優先之選開得夜又多選擇火炙壽司冷麵餐呢個壽真係好正有我鍾意既冷麵同壽司一次滿足晒我2個願望冷麵揀左胡麻醬，餐廳調味得好好唔會太咸搶晒其他配料味仲有5件火炙壽司最愛左口魚夠油香熟蝦仲要有芝士起頂火炙夠晒惹味照燒雞扒飯定食好大份呀😍雞扒同飯既份量都好多女仔一定食唔晒除咗主菜雞扒仲有配沙律小食係辣味螺肉辣味三文魚卷好濃味既醬汁，再配上大量蟹子仲有少少香蔥味道成個配搭好惹味三文魚壽司每次叫呢間都一定會叫既三文魚質素保持得好好好肥美又厚切👍🏻辣味雞翼估唔到佢既熟食都好出色辣辣地好入味跟餐配20蚊有3隻好抵

上星期腸胃炎搞到無啖好食，星期四果日好返啲 我夜晚即刻去左買壽司食😌但費是食太生既野所以當日嗌左勁多火炙壽司。外賣係自己係門口scan QR code落單，落完單入去俾錢。等左15分鐘左右就有得拎。壽司價錢幾抵下，仲有套餐可以嗌。由於大愛火炙左口魚邊，所以另外嗌多左幾件。魚肉爽得黎，火炙完甘甜魚油緩緩滲出，層次豐富。✨火炙壽司拼盤(8件) $124火炙三文魚 | 火炙黑椒三文魚 | 火炙芝士三文魚 | 火炙三文魚腩 | 火炙芝士熟蝦 | 火炙芝士鰻魚 | 火炙左口魚邊 | 火炙芝士帶子✨軟殼蟹反捲(4件) $48✨吉烈炸蝦卷(4件) $38✨鰻魚小卷(6件) $28✨吞拿魚沙律軍艦(2件) $15✨火炙左口魚邊壽司(2件) $28

可唔可以一打開眼，就身處日本呢~發夢都無咁早，返回現實食返啲日本嘢啦~三文魚蟹籽沙律$108 清新爽脆嘅青瓜絲配上鹹甜嘅蟹籽同蟹柳，仲有一定唔可以無嘅日式沙律醬，不敗組合！今次呢個沙律仲有埋三文魚粒，無諗過咁大份😂，絕對對得住呢個價錢。一班朋友share就最好。另外追加多幾份壽司三文魚$19三文魚油脂分布平均，食落有淡淡魚油香，如果厚切多少少就一流。火炙三文魚$25輕輕用火槍燒過三文魚表面，將油份嘅香氣提升。再加上沙律醬，入口即溶嘅感覺，推介！吉列炸蝦卷一份有4件，炸到香脆嘅吉列蝦，有紫菜同壽司飯包住。表面佈滿香脆鹹甜嘅蟹籽，豐富嘅口感。美味指數 ⭐️⭐️⭐️⭐️性價比 ⭐️⭐️⭐️⭐️回頭率 ⭐️⭐️⭐️⭐️⭐️

千之味Again ~ 呢到嘅壽司種類選擇都幾多。每次嚟都必點三文魚系列。花之戀($50 3件)三文魚($19 2件)三文魚腩($21 2件)火炙三文魚壽司 （$25 2件） 不同配搭帶出三文魚唔同嘅鮮味~ 火炙三文魚，微微燒焦，逼出油香。而我私心最愛花之戀，三文魚同蟹籽沙律醬配搭係perfect!另外嗌埋吉列蝦壽司（$28 2件）吞拿魚沙律軍艦（$15 2件）北寄貝壽司（$18 2件）呢到啲壽司價錢唔貴，質素亦ok ，性價比高。滿足的一天！

嚟到觀塘，成日都心思思都嚟千之味。貪佢價錢親民，質素又唔錯。外賣嘅話餐廳門口有qr code自助落單，之後入去俾錢就得。今日唔太肚餓，所以淨係叫咗啲刺身。可能下午時間，等咗大約5分鐘左右就ok 。三文魚刺身$188 （20片)：每片都切得厚薄相同，份量都好多。三文魚口感綿軟，魚油香味充滿口腔。帶子刺身$71 （6件）：質感彈牙爽口，帶點鮮甜。海膽 $238：味道甘甜，質感細膩，入口即溶，果然係我最愛！大滿足呀！

今日就去左抵食既良心壽司店千之味觀塘分店買外賣返屋企食💛💛我地買左壽司餐同刺身set返去😋另外我仲order左火炙左口魚邊壽司左口魚邊火炙過之後油脂感提升左🤤令到成件壽司嘅層次昇華左刺身set我就試左五品刺身個set有三文魚、甜蝦、油甘魚、帶子同墨魚(各三塊)刺身都好新鮮同好厚身甜蝦D肉食落好爽口個蝦頭都好甜😋油甘魚油脂都好平衡好香口仲好貼心咁準備左充足嘅青瓜絲食完每一款再食青瓜絲就可以清返個口再食下一款刺身個壽司餐真係好抵食🥳包左2件三文魚、油甘魚、白身魚、赤蝦、吞拿魚、蟹籽、熟蝦、玉子同鰻魚仲包埋飲品D壽司都同樣係好新鮮份量亦都好足料味道方便都係令人回味無窮油甘魚今次夾埋飯食同樣都好出色油脂加埋D飯食得好香口好有層次蟹籽多到爆出黎口感一流白身魚新鮮爽口唔油膩真係性價比超高既一個餐👏🏻

呢間御品·千之味係觀塘碼頭附近，好近觀塘海濱長廊。如果由地鐵站來，就一條直路行到底，轉少少彎過對面，即到振萬。御品·千之味係角落位置，不過離遠就見到Mirror 係佢門口同你打招呼。因為佢地有Mirror代言的飲品。相比其他壽司店，佢地裝潢一般但比較年輕。漫畫掛畫，年輕小姐姐侍應，讓人感覺有活力。不過我沒有堂食，我今晚買外賣返屋企同屋企人食。囡囡係三文魚控。不但愛食三文魚壽司，連三文魚籽也中意。千之味呢個三文魚親子壽司盤真係一次過滿足三個願望。三文魚壽司肥美，三文魚腩壽司仲肥美，仲香滑。三文魚籽壽司入口即爆，滿腔清香。吾够喉仲有抵食套餐。有剌身加海膽三文魚粒迷你飯加五枚壽司。呢個餐超值!佢地仲有好多外賣套餐，衹要過三百蚊，港九新界都可送。遲D萬聖節搞party, 諗得過!

去到振萬廣場，原來其他門口都封咗，記得喺向住公園、Foodpanda mart隔離嗰個商場門口入去。一入去見到個門口就好開心啦！因為有阿jer同anson人形紙牌係度🤣😂呢排唔食得太多生冷嘢，於是又試下佢d炸物熟食。外賣返去食，佢地服務好貼心，生熟會分開袋裝。叫咗好少刺身咋嘛，但係佢都有畀個冰袋我，唔怕天氣熱，拎返去會變壞，勁好！吉列炸蠔(4件)$58吉列炸蝦(3隻)$38第一次食佢既炸物，原來都不錯！外賣拎到返屋企都仲脆卜卜，入面既蠔肥美鮮甜juicy，蝦又彈牙爽甜！兒童餐A$68有沙律菜、中華沙律、青瓜絲蟹柳絲飛魚子沙律、兩粒八爪魚丸、兩條吉列蝦腐皮壽司、蟹柳壽司、玉子壽司、青瓜小卷、蟹柳小卷、啫喱。有好多野，好抵食呀！雪花三文魚腩刺身(5件)$75刺身勁肥美厚身，每塊都有拇指手指甲咁長既厚度！絕對足料！甜蝦刺身(5件)$61每隻又係肥美大隻、鮮甜彈牙，蝦頭都鮮味多汁！原來千之味除左壽司之外，其他野食都出色！最突出既係性價比真係好高！良心！好味！抵食！👍👍👍

單日陽性個案再度破萬，窩夫與蝦子餅近日要減少外出堂食和飯聚。窩夫某天心血來潮想吃壽司刺身，便去觀塘御品·千之味買外賣。原本想試迷你三文魚粒粒海膽丼套餐，可惜光顧時海膽已售罄，只好作其他選擇。御品·千之味的包裝十分專業，將熱的食物和冰的食物分成兩袋，而壽司刺身之類會附上冰包保溫。熱食方面，點了一串燒帆立貝($38)，塗上燒汁更加惹味，也不會燒得過乾。五品刺身($185)是窩夫最期待的，五款刺身分別是三文魚、甜蝦、油甘魚、帶子和墨魚，款款新鮮，切得夠厚夠大塊，甜蝦亦大大隻，非常鮮甜，叫窩夫吃得很滿足。窩夫愛吃墨魚，另外點了兩件墨魚壽司($15)，墨魚很爽脆。芥辣八爪魚軍艦($22)的芥辣八爪魚多得要滿瀉了。軟殼蟹反卷($48)水準依舊。

咁啱買開千之味壽司嗰陣見到佢第一次出月餅價錢又唔太貴所以就買黎試吓💛💛不過幾好奇究竟壽司店出月餅會唔會伏呢$258蚊一盒有6個有三個流心奶黃酥皮月餅同三個伯爵茶奶黃酥皮月餅月餅係由前米芝蓮甜品師傅主理全部香港製造💛💛有食用建議最好味係用焗爐或者微波爐叮翻熱佢我今次就試吓用微波爐叮熱20秒都唔使就見到佢啲流心爆出嚟啦😋口水都流晒啊流心奶黃一叮完就聞到好香嘅奶黃味同酥皮味食落好重奶香味仲好鬆化伯爵茶奶黃一叮完就好有伯爵茶味食落唔會好甜同奶黃味好夾食完一個簡直唔夠喉即刻要食多個😆月餅係出乎意料之外好味道而且我覺得個包裝好可愛食完之後個盒可以用黎裝野🤣

千之味都出月餅😍仲要係流心奶黃月餅同伯爵茶奶黃月餅口味🤤對奶黃月餅真係無抵抗力 一年一次 減肥行埋一邊先😂千之味以前返工成日食 出咗月餅即刻試吓味先！打開入邊有教學😁180℃焗8分鐘Omg焗緊嘅時候已經勁香🤤流心奶黃月餅 外層酥脆 一切就即刻流心 重點唔會好甜 好滿意😝❤️伯爵茶奶黃月餅就無流心效果 btw伯爵茶香都幾突出🤩mix埋奶黃香 呢隻口味會膩過流心奶黃🤣不過同樣都唔會好甜👍🏻依家月尾前拎貨有VIP優惠價 $232盒(6件)每隻味3個 (原價$258)

講到壽司，應該無乜人唔認識<千之味>套餐超抵食，幾十蚊已經跟埋飲品，款式夠多選擇。觀塘呢間外賣好方便，門口有QR code可以自助落單即叫即製，唔洗一陣就有得拎喇。✨角切魚生飯大大碗丼飯，份量好足。角切嘅魚生令口感口更豐富，甜蝦好新鮮✨火炙壽司 10件壽司有齊咁多款，如果一個人，又食唔到咁多碟，呢set就最啱✨燒鯖魚飯定食鯖魚燒完唔乾身，加上醬汁好惹味✨黃瓜小卷爽甜嘅黃瓜，一口一件如果怕天氣熱．路程較遠嘅話，店員仲會貼心加個冰袋，保持溫度保持食物質數