御品千の味刺身壽司專門店 (海寶花園) (已結業)

疫情改變了好多習慣，本身可以在餐廳內品嘗到嘅美食變了要帶回家吃，今晚就行過這裡眼到現在餐廳推廣嘅外賣自取組合，款式多份量足，今次點了魚生飯餐套餐，套餐已迷你火灸三文腩丼配刺生五款甜蝦、帶子、三文魚、北寄貝外，還有壽司拼盤5件三文魚、白身魚、北寄貝、芥辣八爪魚、吞拿魚沙律，一個價錢有齊以上選擇絕對係超值！而另外一個就係吉烈炸蝦手打烏冬套餐，餐廳細心將烏冬同吉烈炸蝦及湯底分開，回到家仍然熱盪盪嘅湯底，將煙韌彈牙嘅烏冬放進湯內再按自己喜好將蔥花，粟米等伴菜加入湯中，一口咬下去嘅香脆吉烈炸蝦，外脆內軟，在這個天氣下入口份外感覺溫暖！而另一個日式豬軟骨飯定食，真心個日式豬軟骨煮得十分好味，肉質軟淋之外中間嘅軟骨亦可以咬開，真係全部都可以入口，另外每款餐都可進追加小食，個人十分欣賞，疫情期間多個選擇，加埋支持小店！

由於第五波疫情嘅關係 晚市禁堂食 令大家都怨聲載道 民不聊生 所以我同朋友就決定買外賣返屋企食 今日就去咗大埔呢間千之味買外賣火灸壽司五件包括 三文魚 鰻魚 蝦同左口魚裙邊 全部都好新鮮 非常肥美 加上甜甜辣辣嘅味付螺肉 令層次口感更上一層樓之後又叫咗兩隻赤蝦 赤蝦本身非常大隻 非常新鮮甜美 食落爽口彈牙 蝦頭富有蝦膏 甘香可口 證明用料上乘最後就叫咗五十件三文魚刺身 睇相就見到每一件三文魚都非常厚切 又鮮橙色好新鮮 脂肪嘅紋路好粗 非常肥美 食落同頂級嘅三文魚魚生冇分別

有日突然間想食壽司，但食得多元字頭壽司都有啲悶，加上自從轉左午餐餐牌後唔太抵食，所以依家都少咗幫襯，所以今次就試試其他壽司店。因為六點要禁止堂食嘅緣故，所以只好叫外賣，餐牌款式都幾多元化，有手打烏冬套餐、魚生飯套餐同埋各式各樣嘅盛盒。火炙盛盒 ($284) : 每件壽司都輕輕燒過，係焦香中散發出一點芝士的氣味 😍 火炙三文魚口感外熟內生，入口即溶，火炙芝士鰻魚及熟蝦亦相當大件 😋 而且每件壽司都握得唔錯，大小適中一口一件，以後又多一個外賣壽司嘅好選擇。

終於都收爐，今年團年飯竟然係食外賣🥡好彩屋企附近乜都有得食，今晚人少少就決定食個刺身壽司🍣大大食！支持小店 ，食物好味道，CP值好高！魚生飯餐套餐迷你角切魚生飯 $118平日晚上外賣自取優惠幾多，一個價錢已經享受到幾款美食，迷你角切魚生款式多，新鮮肥美，加上芥辣豉油更加提升美味。壽司拼盤5件三文魚、白身魚、北寄貝、吞拿魚沙律、芥辣八爪魚；少食多滋味，刺身厚切，鮮甜可口。套餐奉送飲品，自助到雪櫃揀了忌廉仲可以溝鮮奶。$20 追加的小食也很出色，辣味雞翼皮脆肉嫩又多汁，辣得惹味。+$8追加沙律＆螺肉，甜酸開胃。照燒雞扒飯定食 $73抗疫外賣優惠價，定食配沙律 及 螺肉小食，整體感覺更加豐富，照燒雞扒外賣到家仍然熱辣辣，口感柔嫩，飯粒粒飽滿，好味道。日式豬軟骨飯定食 $78平時鍾意食烏冬，不過天氣凍冰冰食飯就比較暖，估唔到日式豬軟骨整得咁好味，入晒味，超推介！

地點：大埔安慈路1號海寶花園地下15號舖店名：千之味 疫情期間晚市冇咗堂食，當然要搵吓一啲外賣質素高嘅餐廳外賣 利呻 完全冇食過呢間壽司外賣😆首先呢間店舖係有好多分店，分別有深水埗大角咀，大埔，觀塘，大圍，長沙灣，荔枝角，今次我就揀咗位於大埔嘅分店因為本身住喺新界區所以就揀咗大埔啦✌🏻✌🏻近排食嘢都係會叫外賣 首先呢間分店係新開所以都非常多優惠，1️⃣生日堂食全單有八折優惠2️⃣大埔區 滿$300就可以免運費3️⃣其他偏遠地區滿$500就可以免運費例如（上水 粉嶺 等等）佢哋嘅餐牌都好多選擇如果唔想諗可以揀佢哋嘅set 餐✌🏻方便快捷👍🏻👍🏻👍🏻平時同朋友開party係非常方便嘅選擇另外佢有個三文魚蛋糕 用嚟開生日會簡直絕配今次我就散叫咗🍱三文魚壽司 6件 $54🍱甜蝦壽司 2件 $38🍱帶子壽司2件 $35🍱花之卷壽司3件 $48🍱吉列炸蝦卷4件 $38🍱軟殼蟹手卷1件 $28🍱吉列炸號4件 $58以上加埋就$299買完外賣返屋企大概15分鐘左右拎到返屋企個味道同堂食應該唔太大分別刺身方面都好新鮮 三文魚好友鮮味👍🏻👍🏻👍🏻如果炸物方面 唔係堂食佢都係食到脆卜卜另外我想讚一讚佢嘅豉油 佢唔係一

最近疫情又再次爆發，晚上無得堂食，唯有買外賣返屋企，我地全家人也鍾意食壽司，放工後便去大圍御品千之味買外賣。小食買了蟹柳玉子燒和前菜拼盤，包括中華沙律，芝蔴八爪魚和辣味螺肉。食壽司，前菜不可少，這三款小食好啱作為開胃小食，份量也不少，最愛中華沙律。蟹柳玉子燒，味道調教不錯。壽司選了火龍卷，火炙芝士鰻魚壽司，蟹柳壽司，熟蝦壽司和鰻魚壽司。壽司夠新鮮，當中最愛火龍卷，壽司面放滿蟹籽，而內裡係吉列炸蝦，蟹籽卜卜脆，與吉列炸蝦好夾。

最近被迫wfh 身為「無飯煮婦」的我比平時返工更忙雖然多了留在家中但變相無限♾️OT面對身心俱疲我都會選擇外賣自取家中兩隻化骨龍想吃日式便當所以選擇家中附近的日式餐廳買外賣♥️迷你角切魚生飯$108這份便當配刺生和壽司五件內容非常豐富刺身是內定的不能選擇壽司可以選擇火炙壽司或五件壽司拼盤刺生有三文魚2件、北寄貝2件、甜蝦1隻、帶子一片我選擇火炙壽司5件（三文魚腩、三文魚、鰻魚、左口魚邊、熟蝦）因為想吃左口魚邊壽司刺身也是非常肥美和新鮮就算不點醬油和Wasabi也是鮮甜美味🧡雙色三文魚丼$55雙色三文魚是半生半熟三文魚加蟹籽火炙三文魚上加了沙律醬使口感更加豐富蟹籽子也10分新鮮沒有膠味💛燒鯖魚飯定食$63弟弟太小不能吃生食只能點營養價值高的鯖魚便當給他鯖魚大半條燒得焦香魚皮焦脆魚肉剛剛熟不會太粗鯖魚有特別處理過所以沒了腥味加上檸檬汁就多了一份清新感隨餐附上的沙律🥗也十分新鮮💚親子丼$86親子丼是三文魚子拼三文魚刺身三文魚本身非常肥美而三文魚子粒粒晶凝通透咬落去爆珠在口不但沒有腥味反而多了鮮味總結：外賣便當分量也不少飯量非常大刺身也做到厚切而且新鮮肥美👍🏻👍🏻👍🏻餐廳還有烏冬套餐，配壽司的！！

Follow開我嘅朋友都知道，叫壽司外賣嘅首選，我一定係揀千之味。今日上朋友屋企開party。朋友叫我負責買壽司。一上OpenRice又見到佢屋企嗰頭有千之味。諗都唔使諗就去買😂由於Party上面仲有其他食物，所以朋友都提醒我壽司唔使買太多。三色花之戀$78，花之戀分別有三款，海膽花之戀海膽一啲都唔腥，食得出係新鮮。魚子花之戀，魚子脹卜卜，夾埋三文魚嚟食，好出色。蟹子花之戀就正常發揮。辣味文魚卷$48，唔算太辣，三文魚份量都算多。值得一試。芥末八爪魚$22，芥末味好重，八爪魚都非常爽口。三文魚腩壽司$20，腩肉部份勁肥美。藍旗吞拿魚赤身壽司$40，呢個係我推介嘅item，吞拿魚魚油比例勁高。而且勁爽口。甜蝦$38，蝦肉大大隻，而且蝦肉亦都唔會霉身，食得出係新鮮。劍魚腩$28，魚油比例高，咬落去係新鮮嘅。整體成間壽司店，質素幾好。而且價錢亦都唔算貴，比較大眾化。而且而家買滿$300。仲可以免運費送貨。絕對適合一大班人開party。

經過門口見到餐牌內容都幾吸引，而且價錢一啲都唔貴，打算叫外賣返屋企同屋企人撐枱腳😆餐牌有好多選擇，可以講係豐儉由人，以佢嘅套餐都非常豐富😆可以喺雪櫃自選套餐伴隨嘅飲品，選擇都幾多，唔錯！外賣用具非常乾淨企理，我非常欣賞侍應好細心地將冷熱食物分開兩袋，所有醬汁到包裝得非常嚴實，一滴都冇流出來！三文魚蟹籽沙律配胡麻醬$50~青瓜新鮮爽口，粗度合適，加上蟹籽太有既口感同埋三文魚既油脂，非常出色！迷你吞拿魚當拼火炙壽司$138~分量比我想像中大，顛覆咗「迷你」嘅意思😆吞拿魚茸含量亦都非常高，而且香滑夠味，刺身亦都非常鮮味，而火炙壽司係我放到最後先食嘅item，以免焦香蓋過刺身嘅鮮味。炸餃子（追加）$20~餃子皮唔會太厚，餡料嘅肉菜比例合適，都幾好食😋燒牛肉飯定食$78~ CP值超高只係$78就可以有咁多嘢食，而且份量唔細，牛肉亦都唔會過肥辣味雞翼（追加）$20~雞翼非常惹味，除咗本身醃料之外加上七味粉，尺寸唔算好大，但係一口可以食到，一啲都唔尷尬😆

聖誕前夕梗係要撐下黃店啦去到大埔中心附近嘅呢間御品千之味到買嘢返屋企慶祝 餐廳嘅外賣都係即叫即整要等一陣先有 仲送埋個冰袋十分有誠意叫咗一盤巨型三文魚有成50片咁多 擺得好靚仔 三文魚非常肥美肉質 色澤紅潤 味道鮮甜新鮮 啱曬一家大細一齊食呀火炙左口魚壽司壽司分量都幾大 上面嘅左口魚油份十足加上火炙過 更加帶出魚油嘅鮮甜味 有入口即溶嘅感覺迷你火灸三文魚丼拼火炙壽司5件 超級抵食呀 三文魚丼上面嘅三文魚當然新鮮啦 同刺身嘅口感完全唔同 魚油味更加突出跟餐嘅壽司一啲都唔啱馬虎 同散叫質素有得揮

幫襯過好多次，但質素好似每況愈下…🥲今日散叫咗十幾款壽司(已經唔係叫set)返到屋企即刻食，d壽司飯全部都好似隔夜咁硬…都好耐冇試過咁粒粒分明嘅口感，真係搞唔掂呀喂…

千之味刺身壽司專門店應該無乜邊個香港人唔識，係一大班朋友聚會時必點嘅壽司外賣到會店，出咗名價廉物美，大件夾抵食。早排瘦編都知道分店已經開到去大埔，瘦編今次終於路過，買埋外賣回家慢慢歎啦！-瘦編總共買咗三個飯，第一個三文魚粒粒海膽丼，真係要讚吓，啲海膽好鮮甜，完全無腥味！早排瘦編去過另外一間好貴日本料理店，反而啲海膽又腥又苦。千之味除咗價錢合理之外，食材都好新鮮好高質！三文魚肉質細嫩鮮美，正！-第二個係鰻魚飯，鰻魚淋上醬汁，醬汁杰稠，鮮甜入味，甜度剛好，拌飯一流。 鰻魚沒有碎骨，軟身入味。第三個係生薑汁豚肉飯，帶有甜甜嘅洋蔥味和薑味，十分開胃。飯盒更採用飯餸分隔式設計，保留粒粒飯香味。另外再加個小食就完美！-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌗 (4.5)回購評分▶️🌕🌕🌕🌕🌑 (4)-➡️ 御品千の味刺身壽司專門店 (海寶花園) (大埔)📍 大埔安慈路1號海寶花園地下15號舖

自從疫情開始就習慣了放工自取外賣，屋企附近發掘到好多正嘢。御品千之味外賣壽司，性價比高，值得推介俾街坊。原來不知不覺開咗8間分店，佢地壽司刺身全部都唔錯，拎返屋企慢慢品嚐，仍然保持到新鮮，今次店員仲好細心俾咗冰袋我。魚生飯餐（套餐）迷你火灸三文魚腩丼 $108火炙魚油香味濃郁，三文魚腩半生熟，微焦焦香，入口即融，搭配壽司飯簡直完美。非常肥美，滿口油香，入口即溶，口感豐富。壽司拼盤5件三文魚、油甘魚、墨魚、赤貝、赤蝦；配上魚生壽司，味道鮮甜，唔會有腥味，味美可口，加上三文魚、元貝帶子勁厚切，好有誠意！刺身款式亦有好多選擇，三文魚2件、北寄貝2件、甜蝦1隻、帶子1片；色彩繽紛，內容豐盛，分量幾大非常抵食，好滿足架。迷你三文魚粒粒海膽丼 $128見到海膽雙眼發光，很久沒有吃所以很想吃海膽，外賣自取仍然保持到新鮮，肥美鮮甜美味，很喜歡！火灸壽司5件三文魚腩、三文魚、鰻魚、左口魚過、熟蝦；火炙好吃又極多油分，喜歡吃壽司的絕對要試！燒汁牛肉飯 $60燒汁牛肉飯老公最愛，吃日式牛丼，我們到東京必點，便當飯量很多，牛肉鋪滿便當，滿滿的香甜牛肉汁，入口美味多汁。餐飲可以自助到雪櫃自取，zero 可樂夠晒

今晚想食日本料理，但放工收到電話家人話想買回家食，就係咁望望落車附近位置見到這裡有唔同嘅套餐選擇於是就係咁入去買外賣，套餐選擇都多，有生有熟嘅配搭，而今次就點了個魚生飯餐，內有迷你吞拿魚蓉丼，加火灸壽司5件及刺身，同埋餐飲，加多$28就可追加小食，當然要加埋啦餃子拼雞翼，每樣有兩件！而另一個就係燒汁牛肉飯套餐，內有燒汁牛肉飯同餐飲，追加埋個小食吉烈炸蝦！落單後等了一陣，店員就將今晚嘅美食交給我，另飲品就係雪櫃內選擇一個餐跟一個飲品！店員還細心將冷熱種類分開包裝，免得將食物質素影響！回到家第一時間將熱食打開燒汁牛肉飯，份量十足，一邊有肥味多汁嘅牛肉加埋啲汁撈飯入口，十分滿足！而小食吉烈炸蝦同埋餃子拼雞翼都唔錯，吉烈炸蝦炸得十分香脆可口，唔會覺得炸粉多，蝦肉仍然彈牙！餃子前得十分香脆，咬下去夠晒肉汁，雞翼香脆肉嫩，真係忙過不停，當然雞翼都沒有另人失望，皮脆肉嫩，十分香口！還有一個主角魚生飯餐，打開都十分吸引，大大份吞拿魚蓉丼，雖然話迷你，但都佔了四分之一，另外一個位置就係刺身，有三文魚、爽口北寄貝、甜蝦同帶子，還有火炙了壽司，一個價錢有齊了喜歡嘅食物，夠晒新鮮美味！哩個外賣選擇真係有好多款

有朋友到訪，所以我去咗屋企附近買咗少少壽司比大家食～三文魚粒粒海膽丼 $88份量好多，三文魚粒粒都切得好大粒～感覺新鮮。上面有好大份海膽，海膽味道甘甜，不錯。壽司餐（10件） $98壽司包括有三文魚、鰻魚、蟹籽、熟蝦、吞拿魚、牡丹蝦、玉子等。牡丹蝦肉質紮實鮮嫩，好味道。鰻魚忌廉芝士卷（8件） $98中間嘅忌廉芝士好邪惡！質感好creamy。連埋鰻魚同青瓜一齊，整體係清新嘅。蟹籽軍艦（2件） $16好多蟹籽舖係壽司飯上面，蟹籽咬落卜卜聲，唔會有腥味。【御品·千之味】📌大埔安慈路1號海寶花園地下15號舖