御名園 (已結業)

聽同事介紹公司附近有間茶樓幾抵食又好味，happy friday就趁午膳過嚟飲餐茶一盅兩件☕️ 雖然茶樓午市座無虛席，但枱與枱之間都有適當距離，令人唔會有壓迫感。點心方面我地叫咗脆香糯米釀雞翼、養生象形核桃包、蟲草花濃湯鮮竹卷、瑤柱藜麥珍珠雞、手工紅米腸粉、抹茶芋蓉酥餅，最後當然唔少得要試試佢哋嘅精品黑豚叉燒皇😋-糯米釀雞翼炸得香脆可口，入面係滿滿嘅糯米，食落一啲骨都冇，非常方便，而且呢款菜式喺其他茶樓都唔係經常食得到架，竟然可以喺呢度食到真係好驚喜😍 核桃包裡面有核桃粒同食落類似煉奶嘅餡料，食落甜甜地幾特別感覺亦都好養生，外型仲好別緻幾吸引。鮮竹卷餡料豐富，份量十足，味道剛剛好。呢款珍珠雞好特別，糯米裡面有放藜麥，感覺比傳統珍珠雞更健康，餡料都十分豐富足料，又唔會太油膩。紅米腸粉裡面有蘿蔔絲脆卷，食落口感豐富有層次，推薦大家試試。抹茶酥餅裡面有微甜嘅芋蓉，味道唔會太甜，同抹茶味道都幾夾，作為甜品真係唔錯。叉燒肥瘦均勻，燒得非常香，食落好juicy，味道香濃，雖然價格唔算平，但絕對係值得一試，大家唔好錯過啦😉-佢哋嘅點心全部份量都幾足料，價格又好合理，唔怪得同事都鍾意過嚟飲茶啦～同埋值得

御名園雖然係一間連鎖茶樓，但佢嘅小菜價錢出奇地抵食，價錢同大排檔差唔多，但環境就係正常新派茶樓，乾淨企理，見幾抵食又未幫趁過就黎試下。因為黎得早，所以只有幾枱客，御名園每張枱距離都唔會太密，所以就算冇隔板都OK。茗茶$15/位，同其他新派茶樓差唔多，唔特別平。原盅花膠燉響螺湯($38.8) - 響螺湯每人限點一盅，入面有兩舊螺頭同一舊螺肉，另外仲有花膠同瘦肉，好足料，所以飲落非常入味，抵過自己喺屋企煲。晚市組合A($198) - 組合A包左兩個餸，一個餸係蟶子或者元貝，另一個餸就可以喺指定嘅十款小菜度揀一款，如果有啱食嘅，都抵過分開叫。金蒜銀絲蒸蟶子 - 蟶子有四大隻，每一隻都幾厚肉大隻，上面有超多粉絲同蒜蓉。蟶子好鮮甜，就嗡用蒜蓉蒸已經好好食，有咬口得黎唔會蒸到過老過韌，上面嘅粉絲好多，夾起差唔多有兩碗，所以比想像中飽肚，粉絲吸收左蒜頭嘅香味同蟶子嘅鮮味都好正！XO醬碧翠炒黃金海螺片 - 組合A另一個小菜我揀左哩個，螺片幾爽口，份量都唔算少，西芹脆口冇渣，只係略嫌XO醬唔夠突出，味道比較清淡。清蒸老虎斑($168) - 老虎斑大約有一斤重，蒸到啱啱好，肉質唔會過鞋，魚骨唔多啖啖肉唔錯

It have been awhile since I last dined out with my parents, thus I planned to have dinner with them tonight. They suggested Royal Ming Garden Restaurant since it was through one of their friend's recommendations. Royal Ming Garden Restaurant was located at New Kowloon Plaza, Tai Kok Tsui.   They offered ala carte menu as well as dinner set. For their dinner set, it was alot more worth it as they offered special promotion to their seafood, meat and vegetables etc. Jelly fish head with vinegar sau

黎到緊係要試下佢地嘅鮑魚汁扣原件花膠，花膠大大件又夠厚身，重要唔洗$30，好抵食！花膠扒大大件，擺上碟用刀叉切，鮑魚汁夠晒入味，花膠有咬口，呢個價錢有咁嘅質素，覺得幾滿意！澳洲龍蝦🦞配伊麵，龍蝦夠新鮮，肉質彈牙，再配上芝士伊麵正！蛋白蒸麵包蟹，麵包蟹大大隻好多肉新鮮夠鮮甜。雪耳糖水夠清甜，雪耳食落好潤喉👍🏻所有食材都夠曬新鮮，店員會幫你揀海鮮，揀完會拎比客人睇下先再拎去廚房煮，整體質素唔錯。

好耐無同媽媽飲茶了，今日早放，同媽媽食個點心下午茶！叫左超多野食，因為都幾肚餓鮮蝦蒜蓉長春卷呢款似西式既賣相，春卷炸得勁香脆，入面食到粒粒蝦肉，配淡淡既蒜蓉香，做開胃點心幾唔錯，如果有埋泰式酸辣醬配埋就更好手磨紅米銀羅腸粉呢款其他酒樓好少見，唔知咩東東，但賣相唔錯，我呢啲外貌協會梗係要試下啦～腸粉比一般既米香較濃，入面有一層香脆既炸條同白蘿蔔蓉，所以口感好豐富下鮮蝦菜苗餃蝦肉幾彈牙，皮薄，食落好juicy鮑魚燒賣皇

父親節爸爸要上班，今日帶佢黎食靚野補祝下。✨陳醋珊瑚海蜇頭海蜇頭口感爽脆，陳醋酸酸地帶少少甘甜，而且浸泡得好入味，食完一碟意猶未盡。✨生猛西澳洲龍蝦上湯焗伊麵底～今年西澳龍蝦產量多又靚，叫一隻過下口癮，龍蝦爽口彈牙，伊麵無咩斷身，上湯鹹度剛好，無咩挑剔❤️✨鮑魚汁扣原件花膠～爸爸一向愛鮑魚汁嘅味道，媽咪又中意花膠，自己係屋企整好麻煩，帶佢地出黎食就最啱，而且做緊晚市特價一份只係＄28.8。鮑魚汁好濃郁，加埋膠原滿滿嘅花膠，媽咪話呢爸爸節飯佢都好滿意。✨五頭南非鮑魚陳皮蒸～食完鮑汁，黎個真鮑魚。呢度嘅南非鮑魚完全唔貴，爸爸媽媽一人一隻，見到佢地食得滿足我都好開心。細細咬咗一啖，鮑魚散發淡淡陳皮香，味道非常特別，而且減低濃膩感，清清香香咁。另外呢度嘅服務真非常之好，定時定候幫忙碗碟，而且好有禮貌，喺酒樓食飯，有五星級嘅待遇，真要俾👍👍👍

一入嚟已經俾個大魚缸吸引，所有海鮮即叫即撈，夠新鮮😍❤️晚市組合A ＄198金蒜銀絲蒸元貝炒配XO醬碧翠炒黃金海螺片金蒜配銀絲非常香口怡人，蒸元貝火候控制恰到好處，而且貝柱肥厚，正！而XO醬碧翠炒黃金海螺片亦無失望，XO醬份量剛好，不太淡不太濃，海螺片爽爽脆脆，份量十足，呢個孖寶幾抵食。❤️清蒸老虎斑 $168真係超大條，火候控制得啱啱好，魚肉唔會過老，好好味，魚醬油加埋薑蔥非常下飯。❤️冶味冰爽鳳爪 $48夏天食前菜，最中意就係叫凍冰冰的，呢個鳳爪非常消暑，調味清新，好開胃食材鮮味，好食得黎價錢又大眾化，性價比非常高👍👍👍

今餐飯過得非常滿足，因為我食到呢度好出名嘅叉燒；再加埋佢個宮廷燒翅，亦都做得非常出色，令人回味。一坐低嘅時候，淨係見到個茶壺，玉色，已經顯得格外高貴；普洱濃而香，唔係一般酒樓嘅貨色。喝下醇口。店員一再提醒我，一定要食佢地呢到嘅鮑魚汁原件花膠。唔洗$30，佢嘅花膠煮得好琳，索晒汁，食落去嘅時候都好漿口，非常唔錯。每一啖都好好食，我自己就唔主張一舊直接食，反而細細啖、細細啖咁食就Very Good。以前去大圍小館食過佢地嘅天下第一叉，果時覺得驚為天人，但食完呢到嘅叉燒，覺得兩間店舖嘅水準都好接近，呢度嘅叉燒外皮少得香脆，蜜糖夠甜，肥瘦比例恰到好處，是很不錯。每一舊亦都係厚切，好有口感。再之後我食咗佢哋嘅宮廷皇燒翅，$188 ，趁熱食，湯有好香嘅雞味，每一條翅亦都厚而脆。呢餐買單亦都唔算特別貴。

早兩日放工去大角咀食晚飯新九龍廣場已經變化了很多難得老公係附近見完工就順道食晚飯估唔到御名園有不同的晚飯雅座優惠好抵食鮑魚汁扣原件花膠 $28.8花膠大件厚身，處理得很乾淨，豐富的骨膠原，口感軟棉，仲有濃郁的鮑魚汁，食埋翠綠西蘭花，正晚市組合都好抵 $198 平日價金蒜銀絲蒸蟶子配即燒脆皮文昌雞半隻蟶子有4隻，侍應見隻碟太長就分碟上，成碟係好震撼。蟶子又長又厚肉，蒸得夠熟又到位，加上蒜蓉粉絲，粉絲吸收蟶子的鮮味文昌雞的雞味重，皮脆肉嫩，上枱時仲要熱辣辣即斬，仲有肉汁流出嚟添蠔皇扣6頭鮑魚伴椎茸 $38位鮑魚炆到軟身，食落去好香，花菇大隻厚身，點上蠔汁好惹味。薑蔥焗美國桶蠔 $148成窩滋滋聲甘上枱，開蓋已經聞到薑蔥味，很惹味，桶蠔每隻很飽滿又大隻，極為鮮味，煎得很乾身，蛋白質多到不得了，老公清了唔少蜂蜜柚子脆蝦球 $108蝦球大隻又除曬蝦殼，每一口都係滋味，蝦肉肉質爽口彈牙，很新鮮，薄薄脆漿沾滿甜蜜清新的柚子蜜，更突顯出蝦的鮮甜。最後仲有是日糖水，紅棗雪耳燉木瓜粒，開蓋已經很清香的紅棗味，清潤又養生，糖水都足料，唔算太甜，很健康星期一至五晚市好抵食，一定再次幫襯

公司附近的商場，一直都有中菜餐廳、酒樓等等，這次到訪的是「御名園」，場內人數也有社交距離，但場內都有很多客人。看到每枱都總有一兩碟燒味，相信燒味也是這店的名菜。我就跟同事點了燒味、小菜等等，二人共吃了四百多元，很飽，亦很滿足。精品黑豚叉燒皇 (小例) $ 78剛端上枱時，叉燒香味滿溢；叉燒半肥瘦適中，比例剛好，每塊都是一口SIZE；外邊微熏焦香，口感軟綿鮮嫩，非常吸引。味道剛好，不會太咸，真是會忍不住一口接一口吃用，而且叉燒醬汁用來拌飯真是最滿足。至尊脆皮燒鵝皇 (例) $138這碟端上枱，又是一陣陣超香的燒鵝香味！燒鵝色澤亮麗，更看到油亮外皮，吃下去啖啖鵝油溢出，用來拌飯真是一流；燒鵝肉的比例佔多，脆皮，可以說是啖啖肉，少肥膏，價錢很值！而且肉嫩多汁，不會"鞋口"，高質燒味！自選美食組合 優惠價 $80 (選2款)- 鮮沙薑香茜豬手- 脆香糯米釀雞翼(3隻)豬手全部都是一口SIZE，嫩滑口感非常Q彈，口感爽口、嫩滑不粗糙，非常好吃；沙薑味道突出，非常開胃。跟友人忍不住快速吃光豬手了！脆香糯米釀雞翼，皮脆肉香，而且燸米香味突出，非常吸引；而且雞翼帶少許辣味，非常開胃。認為糯米和雞翼翼

前排上網見哩間近近地有點心放題，甘就早2日打去訂位。今日去到，我照同佢地講預約左，第一次冇人理，再講多次 先有人理。 一開始同我講有枱叫人帶我入去 前後都冇5秒又話冇枱要等...甘岩有個高既黑衫阿姐聽到話預約左 要優先處理..同企門口果個矮阿姐d 態度都差十班..搞左幾分鐘終於坐低 因為佢所謂既放題其實比你選擇既不多。而且都個要等 所以一坐低都畫曬可以點既點心先... 問題終於黎啦⋯⋯ 等左廿幾分鐘 出左2件釀茄子。差唔多半個鐘先出2粒蝦餃同2隻雞腳。隔離枱遲過我地坐低，佢地點正常價錢就成枱都到齊，去追單 班阿姐又話飯市要等，搞到成差唔多50分鐘先出齊得點既野，當中有炸魷魚鬚炸豆腐哩2樣出到黎系凍冰冰... 如果要食點心放題 千萬唔好黎哩間食物一段 態度惡劣 態度真系一粒星都唔想比！

午巿飲茶🫖御名園最中意食奶皇包😋😋個餡料夠香滑濃👍🏿👍🏿其次小籠湯包幾好食，中規中矩，有湯汁，肉餡夠大，足料蝦餃麻麻哋，一夾個皮爛晒，正常蝦餃皮煙韌，有咬口燒普普通通，唔會難食又唔係好好食(接近40蚊一籠）🤭🤭點心都偏向中高價位，食物質素有好大改善！唔太抵食❌1.黑金流沙奶皇包2. 鮑魚燒賣皇3. 蝦餃（無影到相)4.招牌灌湯小籠包反而相比之下，老字號茶樓，叫得好多點心，又平又好食，選擇多，仲有好多舊式點心可以食到😇

新春初五來到大角咀新九龍廣場食點心放題， 被廣告吸引 灌湯餃同鮑魚燒賣 價錢又合理。 其他點心質素 好多都唔差， 可能人太多關係，頭一輪點心出得比較遲， 第二輪就正常返， 總體嚟講呢間店服務唔差， 絕對值得支持，