御名園 (已結業)

黎到緊係要試下佢地嘅鮑魚汁扣原件花膠，花膠大大件又夠厚身，重要唔洗$30，好抵食！花膠扒大大件，擺上碟用刀叉切，鮑魚汁夠晒入味，花膠有咬口，呢個價錢有咁嘅質素，覺得幾滿意！澳洲龍蝦🦞配伊麵，龍蝦夠新鮮，肉質彈牙，再配上芝士伊麵正！蛋白蒸麵包蟹，麵包蟹大大隻好多肉新鮮夠鮮甜。雪耳糖水夠清甜，雪耳食落好潤喉👍🏻所有食材都夠曬新鮮，店員會幫你揀海鮮，揀完會拎比客人睇下先再拎去廚房煮，整體質素唔錯。