御前牛盛日式涮涮鍋 (已結業)

平時都會在信和那邊行下,岩岩見到呢間樓下派宣傳,又見新開涮涮鍋,好岩呢季凍凍地的天氣,決定和朋友上去食一餐。可能岩岩新開,所以唔駛等就可以入去!看到都是沙發坐椅,都很舒適,不會很逼夾。上來得食涮涮鍋,當然要揀番個湯底,看到湯底的款式眾多,不論喜歡濃味或淡味也一應俱全。看到也有很多點心紙,那些牛肉更是很多選擇。原來除了平時打邊爐的食物之外,更有魚生可以任叫!真的好多選擇...又勾起我的選擇困難症!而我今次點了椰子雞湯做湯底。一上個湯底,已經是原成雞,仲有一個新鮮的椰青,不但熱騰騰,仲好足料啊!嘻嘻...仲好補先...椰青可以自行添加,為湯底增加鮮味。上了湯底,我都四處搵下d 醬料,係個凍飲櫃旁邊,已經有晒所有配料,也很齊全,可以慢慢調教醬料。而飲料也很多選擇,不論汽水,茶,或者紙包果汁都有,選擇性也很多!上菜速度都算快,魚生排得超精美,仲有些乾冰在霧出白煙,整得真的好靚!而魚生也夠新鮮,三文魚片不但夠厚,也夠鮮甜。而甜蝦也看得出爽甜夠大隻。更有一些爽口的虎蝦刺身,喜歡食魚生的朋友,一定要多點來食,真的好好味。習慣在食肉之前,都會食少少菜墊底,看得出,菜也很嫩綠,放在鍋中,更能吸收椰子雞的

今日雖然有二十度，絕對無礙我對火鍋的興趣。朋友介紹了一間新開火鍋放題店，二話不說又要去試下啦！挑戰新嘢是我最鐘意。正所謂唔試唔知邊度好！店內地方有點夾窄，但頗大的梳化坐得尚算舒服。環境不是大問題，最重要食物質素ok!任點任食的刺身本來並不睇好。因多數的放題店會將價就貨。意外地品質鮮。三文魚肥美。虎蝦晶瑩剔透，味濃，真的要讚。醬料自助區潔淨整齊。飲品亦有多款選擇，梗有一款喜歡的。湯底有十多款，如要鴛鴦只加$18就可試二種口味了。我們點了韓國人參雞湯和龍蝦蕃茄湯底。驟眼看材料十足，㷛滾後香氣漸漸撲鼻。先嚐嚐兩款湯底。嘩啦啦！龍蝦蕃茄湯好濃郁，好鮮味。人參雞湯亦毫不遜色，人參味好突出，清甜，雞件還好軟腍。牛肉有美國和加拿大兩種，當然不會錯過啦！我本人比較喜歡加拿大那種，紋理勻稱，脂肪適宜，入口鬆軟。反而美國那種l脂肪比例過多，肉質沒有加拿大那種入口即化的感覺。海鮮類有帶子，中蝦，蠔....有鮮度，尚可。其他蔬菜類亦鮮綠有光凙，味道清甜。丸類也不錯，由其那個蟹籽蟹粉丸爆漿，食時真的要小心燙口喔！總括食物水準頗高，服務也殷勤，但環境要有待改善的空間。

同個FD行完旺角, 諗緊食咩好, 信和隔離D姐姐係咁派傳單入我手, 睇睇下有間日式涮涮鍋, 試業期間百幾蚊任食, 非常抵, 反正未諗到食咩就試下.湯底有成十幾款, 花多眼亂, 個FD要左最配合日式涮涮既壽喜燒湯底, 即係日式甜豉油. 味道適中, 唔會太甜.除左涮涮鍋配料之外, +$30仲有任食刺身, 而款式都好多, 咁梗係加左先.一於要個大包圍, 樣樣要D. 等左一輪個刺身船終於黎, 非常豐富, 而且絕不吝嗇, 呢個價錢絕對可以回本.虎蝦, 甜蝦, 泰式生蝦, 三款都好鮮甜彈牙, 松葉蟹棒夠滑溜, 八爪魚, 鮑片又好爽口, 三文魚夠肥美, 每樣刺身都好新鮮.食左一輪刺身個火鍋差唔多滾, 可以開始食火鍋料.有黑豚肉, 脂肪唔算多, 分怖平均, 咬落軟嫩彈牙, 肉鮮味索埋甜豉油湯底, 唔洗點其他調味, 肉香更突出.其他配料除左大路既芝士腸, 貢丸, 龍蝦丸, 魚角等, 仲有牛柏葉同豬皮, 呢兩樣淥完保持爽口,  索埋湯既精華.食得太多肉要食番D蔬菜, 栗米夠清甜, 粒粒都漲卜卜. 仲有金菇同雞髀菇, 乾淨新鮮.

昨晚同朋友臨時興起打邊爐。不過週五的餐廳多數要等。不過由於這間新開張，仲人少少，馬上就有台，唔使等，火鍋放題，每位159基礎，要刺➕30，要鴛鴦鍋➕18。湯底有12，除了普通清湯，還有芝士，番茄，等，我地選了海鮮湯。有大概2隻蟹，有魷魚，等，湯頭都好鮮美。因為做活動，送了刺身。刺身好新鮮，比刺身放題嘅好味。三文魚唔會軟綿綿，蝦冇雪味。火鍋料都好多，大部分想吃嘅都有。可以落單，也都可以去自助區自取。自助區有飲料，調料，一些菜類肉丸料，甜品。不過甜品就一款雪糕，一款雪米慈，單一味。大魚蛋好彈牙，芝士魚豆腐唔錯。肥牛好新鮮，好大片，色澤好好，好好味。不過豚肉就有些肥。青口，生蠔，蝦，菇類，好新鮮。環境方面，座位是舒服的卡座，不過過道就細，僅僅過一人。出入不太方便，同埋容易聽到隔離台聲。廁所女廁方面，得一個，裡面存有物件，如果多人去，分分鐘有排等。總體唔錯。值得一試，不過唔知可否保持水準。好似話新開半月左右。

最鍾意試新餐廳既我，琴晚同男朋友去左旺角打邊爐，因為一早訂左位，雖然多人，但都留左張四人枱俾我地，坐得舒服d。空間都算大，分開兩邊，不過我坐個邊既走廊有d窄，但都影響唔到我既，我又唔洗出出入入。一坐底，侍應話湯底可能要等耐少少，所以我地想快揀，點知好多款湯底揀，有成十二款! 有選擇困難症既我地諗左十分鐘先剔掂😂 佢有d湯底好特別，有黑松露豆乳，又龍蝦湯，不過作為芝士控既我都係揀左芝士鍋😍😍😍，自己芝士自己落，幾濃幾淡都係自己控制，絕冇誇張，個鍋係我食過芝士鍋中最入味(利申: 只食過三次芝士鍋)，之前食個d芝士痴晒底，食物入唔到味。而男友病病地，想食清湯d，好采有鴛鴦鍋，各有各打 haha。。。自助調味我地兩個都唔好海鮮，所以都係食返基本野，好多款丸揀; 侍應服務好，主動加湯底，見我個碟滿左，又主動拎個碗黎👍個鍋未滾起個陣仲有刺身食tim😍😍😍

大學既生涯都已經接尾聲，當然就係要趁住大家都仲有時間可以一聚晚時間，好好咁食番餐，慶祝完sem啦!!有合朋友的朋友新開了一間日式火鍋同放題既店鋪啦，咁我地就梗係要去支持下啦。首先，值得一讚的是個座位好舒服啦，且而播既音樂大多是熱門的日本音樂!!!我地叫左個刺身醫醫肚先。 餐單大力推介既赤蝦刺身尤其鮮甜，而且大大條，滿足晒我! 另外，其他既三文魚刺身一樣係好滋味，分量都俾都好足，唔似其他放題一場黎到就一定係叫左個shabushabu，食下先啦。嘩!!上枱個下真係呆左，有成三個龍蝦頭係個鍋度，一定夠晒龍蝦味啦。個湯底係龍蝦蕃茄湯，飲少少就已經知道好足料，味道好濃，而且鮮甜。之後╴我地一班食肉狂就一定開始忍唔住要開餐，食晒啲牛落肚啦! 再一次，我地望到啲牛又呆左啦! 首先，牛望落去好鮮紅，完全沒啲冰鮮牛肉既感覺。加上，佢既雪花分佈亦都好平均，望落已經胃口大開。而且，佢既擺設真係超級，絕對令人係咁多間放題之中，留下深刻印象。除左啲擺設咁靚之外，食物其實都好好味，牛肉食不出冰鮮的味道，而且牛味好濃，味道偏甜，是少數可以在低價放題，食到咁高質的食物。此外╴仍地亦都有好多不同的火鍋配料選擇，大大塊的

今日同朋友去左食Shabu Shabu原來新張試業，所以唔洗點等就入得！ 正一黎就揀湯底先今次揀左御前海鮮湯同埋黑松露豆乳湯想讚下係海鮮湯個材料係另上好suprise個湯滾到咁上下，超鮮味囉！入面勁重海鮮味！蟹肉唔晦！花甲青口都好鮮甜除左火鍋，仲有刺身可以點份量足夠，唔似其他放題咁得兩塊薄片火鍋材料都有好多款揀呢個大大粒長洲魚蛋真係一定要食爽口又彈牙仲要無雪味而鹿兒島豚肉，肉味香，但唔蘇好食飲品係任飲嘅而且勁多選擇呢個菠蘿爽我同朋友都愛不釋手以咁高質嘅食材黎講，真係無得輸呀！性價比好高！

放大假就到尾聲，趁住仲有時間就約下啲朋友食飯今次去左食新開嘅Shabu Shabu環境都幾大，座位都舒適不過檯同檯之間就近左少少咁岩果日隔離檯食客超級嘈，我同朋友傾計都要大聲少少不過員工服務同態度真係唔話得好好service可以揀嘅食材都勁多醬料同飲品都係自助嘅而且飲品種類都有好多仲有呢款野飲，入面有菠蘿肉架好好飲呀！等緊湯底嘅時候就點左盤刺身食！刺身都幾厚同新鮮，仲有泰式生蝦食太滾動啦！食材仲有朋友好鐘意食嘅炸魚皮添仲有超大粒長洲魚蛋好爽好彈牙今次我地點左「日本元貝冬瓜湯」同埋「蕃茄龍蝦湯」元貝冬瓜好清甜，好有媽媽湯嘅感覺而大推係個蕃茄龍蝦湯蕃茄味濃，而且龍蝦係兩大個龍蝦頭做湯底個鍋底打到咁上下，龍蝦味開始出黎個湯係超好味！勁好飲不論材料同服務都好高質素同平時果啲任食Shabu Shabu好唔同

今日睇完戲，諗住search 下附近有咩食見天氣涼涼地就諗住食日式火鍋見附近有間新開嘅就決定試下平時日式火鍋可以揀嘅鍋底都有限而呢間竟然係超。級。多今次我地揀左「黑松露豆乳」同埋「御前海鮮湯」海鮮湯啲料係另上，確保食客見到食材都係新鮮嘅包括： 蟹、魷魚圈、墨魚筒、青口、花甲個湯之後係變得好鮮味，海鮮味勁出 可能就到聖誕節，店內都有聖誕裝飾店內座位都好舒適，主要係梳化卡位等嘅時候點左啲刺身OMG! 超大嘅刺身船呀！而且啲刺身係超級新鮮！好好食配料其實都有好多選擇！ 而且都係好新鮮嘅食材以呢個價錢食到咁高質素嘅食材性價比真係超高！

新店開張，而家以$159可以食吾同grade數嘅牛🐮仲有刺身添呀，都真系幾扺食😝刺身黎講都算系新鮮，三文魚都算肥美😄赤蝦，虎蝦都幾鮮甜🍤湯底有成十幾個選擇🙂花多眼亂呀真系😉最後揀左黑松露豆乳湯同東京番茄龍蝦湯😊松露味都幾重，味道較為清淡。而龍蝦湯就較為味濃，加左三隻霸氣龍蝦頭，酸酸地咁好開胃肉類有牛肉片，牛肩肉，豚肉，牛舌⋯配料黎講都幾多選擇😬尤其特別嘅就系長洲大魚蛋，日本廣島蠔，日本海參，芝士魚蛋....都吾系間間邊爐店都有🍲打完邊爐後梗系要食反雪糕啦，佢地就有Tico嘅milk choco🙂脆朱古力加香濃混尼拿味雪糕，真系幾好食！

2016.12.03【12.3 數123，牛肉食得】所謂天道酬勤，意思係上天偏愛於勤奮的人們，付出的努力一定會有所回報， 亦說明了機遇和靈感往往只光顧有准備的頭腦，只垂青於孜孜以求的勤勉者。終於俾我搵到平價火鍋，開始我今個冬天第一場滾。新開張，所以特價，咁都好，吸引人試吓。空間都算大，都有好多座位。黑松露豆乳湯 扮Eason唱:苦心選中今天想吃你落肚雖然係送嘅，但刺身味道同質素高。黑松露豆乳湯同火鍋配料嚟一張世紀大合照，之後湯底一滾，全部浸「溫泉」。數123，牛肉食得，先夾牛肉，其他火鍋繼續浸「溫泉」，日本薯粉超正。用得米龍井茶 ，同韓國朱古力脆皮雲呢拿雪糕，填滿第二個胃。今次成功得米。成個Tim少口吻，都好，即係轉數快，口才好!天道酬勤、衣食足而後知榮辱，共勉之。

✿╮❤╭✿✿雜感女生 好味日記✿˚*•✰。御前牛盛．湯底選擇多。✰•*˚✿✿超平shabu shabu的旺角✿✿❤餓底飯聚❤ 踏入聖誕月，唔少餐廳都開始推聖誕餐，但我冬天出街食飯指定首選當然係火鍋，因為既可以暖身，又可以同朋友邊食邊傾偈。BABY最細心，深知我呢個特點，主動約我喺地鐵等，一齊去shabu shabu。其實都覺得怪怪哋，約喺我哋嘅火鍋飯堂等咪得囉，點解要喺地鐵等呢?哦，原來慳妹見新店開張，比我哋嘅火鍋飯堂平一半，所以話要試吓，當俾個機會自己，好食，可以再嚟，多一個飯堂，唔好食，都係一次咁大把。食物紙不在多，啱食最緊要。點咗湯底同食物，喺時候視察吓環境，睇吓可唔可以做第2個火鍋飯堂。有得揀嘅飲品都有成3個雪櫃。甜品就得2款。自助調味順手攞定BABY揀嘅飲品我揀嘅飲品shabu shabu前先刺身，質素唔錯，比放題嘅刺身質素更好。赤蝦刺身尤其鮮甜。❤ 牛肉、黑松露豆乳湯、其他火鍋配料 ❤牛肉、黑松露豆乳湯、其他火鍋配料同一時間到，所以先可以用咁靚嘅手機先食效果。因為鍾意黑松露，好自然捨棄海鮮湯底。黑松露豆乳湯，未滾都聞到，黑松露味濃豆乳香。除咗我哋將牛肉同豚肉shabu sh

男朋友是個百分百打邊爐迷，秋冬又開始跟他四周ＳＨＡＢＵ　ＳＨＡＢＵ今次到了旺角的御前牛盛，地點方便，就在信和旁邊的新城３樓新店開張，價錢相當吸引^ↀᴥↀ^食物選擇非常多新店開張，免費升級可以吃刺身～～～有口福了～︿︿湯底方面選擇也很多，我們要了海鮮鍋估不到真是有一盤海鮮，還以為是海鮮味而已(òロó)看到旁邊食客點的豬骨湯底，真的有一大件豬骨呢～～好足料牙～有蝦，蟹，蜆，青口。很有份量通通加入做湯底，怎會不好吃～～（>∀<）最後真想加入白飯～～不過太飽了～哈哈～打邊爐當然要有肥牛，當天牛肉很新鮮配上海鮮湯底，好鮮甜蔬菜的選擇有滿滿的一張ＬＩＳＴ，金菇和生菜清洗得很乾淨個人很怕有時候金菇有些黑黑的東西，這裡完全沒有這個問題～～讚～可以打邊爐加食刺身～～～超抵牙～～一次可以滿充２個願望～相當有份量的蝦～～御前牛盛的食物飲品選擇非常多～加上新店開張很多東西免費升級～邊爐迷又有新選擇了～