御前牛盛日式涮涮鍋 (已結業)

天寒地凍，打邊爐就啱晒啦！呢日就約咗Fd黎御前牛盛shabushabu，話晒都完sem，梗係要拆餐勁既賀一賀佢啦！我地book咗5點半，但早咗到，staff都好好人咁俾我地早入，仲安排窗口位我地坐呢到食物選擇都幾多下，除咗普通邊爐料之外，加38蚊仲可以任食刺身，而且d刺身仲好新鮮，好抵！仲有泰式生蝦，不過我地唔太鐘意食蝦就冇嗌到啦湯底我地揀咗豬骨湯底，骨髓都入晒湯到，正😋嘢食都出得幾快幾齊，有多冇少，海鮮食落都好新鮮，surprise既係呢到竟然有生蠔同海參，值得一讚👍🏻，我地仲叫咗日本福袋，幾好味，其他餐廳好少見到肉類選擇都幾多，剩係牛都有幾款，擺盤真係靚到爆，而且好新鮮好好味！不過我地實在食得太飽，冇食到豬肉就投降了😞好欣賞佢咁有心思咁擺盤，不過可惜既係四人檯有d迫，要快d清晒d食物先可以食下一round大食人士唔洗怕，因為係食唔切咖除咗餐紙上面既嘢食，仲有熟食bar，有雞腎鳳爪等等小食，調味料(邊爐醬料同wasabi)都係自己出去攞，小食真係好好味！可以encore幾round嘢飲選擇都幾多下最後仲有雪米糍任食lol有樣唔好既地方就係走廊味有d窄，出入有d困難，見到staff行路

打工仔終於等到放假，即刻約返三五知己出黎食返餐好！um…5個男人食乜好呢？緊係食返d任嗌既放題啦！如果唔係點夠食！行過旺角，見到一間新開張既放題做緊promotion，＄159一位試業價，牛肉火鍋放題，加多30就有埋刺身，見佢咁抵食，就試試佢！一坐底，當然就要先揀湯底啦。由於我地都算多人，可以揀2種唔同既湯底。選擇方面有成12種，包括最普通既昆布清湯，黑松露豆乳等等。Um…當然新店一定先揀壽喜燒（最大路，無咁易中伏嘛lol），另外我地見到「蕃茄龍蝦湯」，好似幾吸引咁，就揀埋試下。壽喜燒湯底正正常常，係一般shabu shabu既日式醬油口味。另一邊既蕃茄龍蝦湯一黎令我地相當驚訝，放心唔係驚死個驚，係無諗過咁足料，有哂龍蝦係湯入面咁堅！未煲滾經已聞到好濃郁既龍蝦香味！正！當火鍋準備中既同時，我地不忙order埋刺身食住先！赤蝦非常大條，成隻手板咁長，食緊啖啖肉，比起甜蝦更加清新甘甜，唔錯！三文魚亦都係切得厚，唔會薄到好似食得紙咁～品道都算中上，而其他都不過不失。估唔到一間食shabu shabu 放題為主既食店，刺身既質素都咁高。抵讚！到最頭戲，男人既最愛，牛肉！依到另一特色既係有幾種唔

在季候風及寒冷天氣下.最好就是約朋友仔一齊食火鍋又暖身又開心不過火鍋店香港好多.抵食都有不少.但食物質素就要試過先.今次朋友醒目搵到一間食物同價錢.值回票價的日式shabushabu 放題店御前牛盛位於旺角新城大廈3 樓極之方便.甫入店內, 裝修簡潔. 座位都算闊落.雖然店內不是太大.但沒有壓逼感.睇下湯底都有不少選擇.朋友仔有些感冒所以叫豬骨湯底較為穩陣出去睇下飲品.其實有5個大雪櫃不過呢3個自己最LIKE成晚都係度搵野飲除左落單美食外.仲有個自助Bar 仔.比大家自由混醬, 其他火鍋配料一應俱備.材料新鮮, 疏菜類別好多,最重要食材乾爽.不會成碟下面都係水.其實自取仲好. 不用次次take 紙仔.方便快捷.當晚除左日式shabushabu 食之外.仲有最愛刺生身因為樣樣都想食.一次過叫了不少刺身.有三文魚, 甜蝦, 象拔蚌, 虎蝦,赤蝦,日本角螺片,鮑片刺身蝦肉呈透明.屬於新鮮狀態,入口鮮甜爽口,蝦味濃厚加上蝦的size 好大.好有滿足感.當你不停享受刺身之鮮味時,滾熱濃郁牛奶感的豬骨湯底出現朋友order 肥大肉厚田雞腿, 青口, 新鮮活海蜆及美國進口牛肉片.材料新鮮將以上材料放

冬天開始凍，就要揾暖笠笠食物啦。係旺角行街，想打邊爐，但老婆又想食放題。行行街有人派傳單，睇到有間新既鋪頭。日式涮涮鍋，任飲任食，湯底有十幾款。湯底中式椰子雞，韓國人蔘雞湯，日式牛乳湯。真的數都數晤哂！價錢仲係百幾蚊，就上去試下啦！半自助形式，外面有丸類粉面自取。仲有火鍋醬汁自己調配。今次叫左龍蝦蕃茄湯底。材料十足，兩大隻龍蝦頭，原頭連火鍋湯底送上。牛肉擺放精美，肉質嫩滑，有肉味。海鮮種類繁多，海鮮愛好者必食^_^價錢真係算抵食，百幾蚊位，不錯的選擇。個人最欣賞意間鋪頭湯底，的確幾好味打邊爐湯底其實都幾重要。

熱辣辣的火鍋，配上鮮甜的刺身~簡直就是絕配的美食組合~~去完信和，發現旁邊的新城大廈樓上開了家新的火鍋放題。159元一位，算是比較平宜的放題，試試無妨~卡位很寬敞，兩個人可以坐4人座~火鍋的湯底超多款~!!!最後我選了御前海鮮湯~湯底內已有很多海鮮~(有尤魚、蜆、青口、蝦等等)刺身種類不算太多，以蝦為主。有虎蝦、甜蝦、赤蝦、泰式生蝦...火鍋的配料有很多~~最主要是竟然有我非常喜歡的皇帝菜!!!!!不是太多地方有這個，所以真的超高興~~牛肉的味道很不錯~主打的牛肩肉非常美味，可惜每盤只有薄薄幾片，如果喜歡食要多下幾次單~~飲品方面，種類真的真的太多了~!!!!!!@@單是喝東西，似乎亦值回票價XD兩位加一的價錢~

第一次去呢間，今晚除夕到處full，唯有選擇御前呢間，可能同八幡太大對比，覺得差到不得了，229元/人到左還講食刺身另加30元，貴都其次，地方細，出品差，又唔新鮮，湯底求其三片冬瓜，簡直差到不得了！唔知係米節日，門口還好多人等位，特然覺得香港人口味要求太低！以後都唔會再去，一次怕怕！

一入到去見咁细間，同啲坐位咁迫，加埋仲係用石油氣爐已经觉得貨不對版! 我和老公5點入到去無人，就自己揾位坐，坐左7分鐘都無人黎招乎，就经過狹窄的通道走出去揾待應，黑，點知原來成班人仲响度有講有笑地食緊饭。呀! 吾該，而比客食兩個鐘又無人理，又無搅錯。仲係要自己開櫃桶攞豉油碟仔。放出黎既食物從未見過咁少種類，兼且全部都係垃圾食物。返埋位見到櫃內放既刺身已經知吾对版，個樣係好吾新鲜。真係完全中哂! 上枱不論係刺身，诲鲜都係吾新鲜，蟹仔仲係霉添! 至於肥牛，快餐店仲好過佢，一半都係肥膏點食呀! 之後惟有只叫牛肩，免強可以，點知當叫第3碟時，又比番果啲肥牛! 真係越身越火滾! 真係離哂譜! 連啲菜都係黄咁咁! 真係無樣好食，寧願食快餐店火鍋都滿足和好好多! 叫買單盛為$430+，（$169+$20+10%) x2 應该係$410+. 因接線待應話电話訂座加诲鲜可減$10。埋单時，待應同我話無咁既事，要拎番訂位記錄來看，真係寫左$189 + 10%。佢就話今次計少你每人$10，下次再黎加要比番多$10。我心諗今次用$410+食埋啲垃圾，係儍既先至会再黎。如果你地信佢話好佢食評，走去幫襯佢，一定後

book了7點，等了15mins（7:15）入座，計時2hr，之後坐了成15mins（7:30）先有侍應理我地，同講價錢$199+1。好啦，叫了湯底，話即煮，等了半小時先有（8:00）。之後仲要加熱反個湯，甘個湯應該唔係即煮，要加熱15mins（8:15）先開始滾。最嬲係一開始已經寫單叫肉類，等了45mins都無，唔催都唔黎一碟肉，叫響鈴八條，黎得一半。叫肉等緊你唔催都無。甜品沽清唔會再加。侍應得4個，我慶幸無加錢叫刺身，唔係2個鐘可能兩塊都食唔到。湯味道普通，好係好在有麻醬提供，牛肉質素還可，侍應服務係好，但要等甘耐，最後得反1hrs到先開始打邊爐，唔會再有下次

I love hot pot. It's one of those things that I can do every single day and not grow tired of it.Boyfriend and I were in the Mong Kok area when we were passed a flyer to a new hot pot place. For an opening price of $159 per person, it was all you can eat. They seemed to have a large variety of soup bases so we decided to give it a try.Ordering is in the form of checking off a piece of paper. It's in English and Chinese.Drinks are all you can drink as well and located in fridges in one section. T

平時食開既放題都係食刺身同食熟食，今次見到openrice對呢間放題咁多好評，即刻去試試佢。 佢吸引到我既地方係有得打邊爐仲要有得食刺身，可以去邊度搵湯底選擇絕對唔馬虎，好想試黑松露豆乳湯，不過我對芝士同蕃茄龍蝦湯底更有興趣，每人加$18仲可以鴛鴦湯底tim ah等食既時候就叫左刺身黎試下，三文魚好ok，可能本身冇咩特別期望，真係有驚喜蝦都有幾種選擇，高質呀醬料方便都好俾貨自助式既，最驚喜係有埋平時吉x家果個芝麻醬呀兩款湯底都好推薦，十分貼心地另外俾左芝士我地，怕加左水之後會淡左肉類都有好多款，唔會話只係得肥牛咁dry，我個人就喜歡食佢既牛舌，平時任食打邊爐都好難食得到除左圖中既野飲，仲有唔同款既健康工坊飲品，打邊爐咁熱氣，飲下汽水以外既野感覺健康d。

冬天最鐘意就係打邊爐，但又想食下刺身。行下行下旺角見到有間野新開，好似幾唔錯喎！滿足曬我兩個願望，決定試下先！拎張湯底紙睇下，都幾多選擇。最後簡左個韓國人參雞湯補下。個刺身賣相真係唔錯，不過大家要記得要加30蚊先可以刺身任食。其實都無所謂啦，30蚊刺身任食都抵呀。驚喜既係三文魚係厚切，絕對唔係將貨就價，讚！其他打邊爐既食材都新鮮，我最欣賞既都係佢地既生蠔 (叫左幾轉，一黎就即刻起動，相都唔記得影) D菜既擺盤幾好整體服務都不錯，抵讚！

初冬已至，想暖笠笠，除了著多點衫外，火鍋亦係好好的選擇！最好可以任食唔嬲就最好不過，但好多現今放題講求快準，服務大多都不太有，對於個人而言一間餐廳要有好的食物質素，在服務為先的香港，服務同樣重要~最近跟好友發現一間新開營業的放題日式火鍋店，見其湯底部分甚有特色且頗多選擇，決定入內嚐嚐一入內，發現位置幾特別，一排排的卡位，感覺幾好，更有私人空間,雖然隔格不是太寬敞，但也不錯先講湯底，我倆選了海鮮湯，真的看得花多眼亂，這裡的湯底有別於別的，除本身湯底外，店員還端來一盤海鮮，可自行放入湯底，令其更濃郁濃裂嘩，份量好豐富其實我倆懷疑是否多俾一盤呢？呵海鮮好新鮮鮮味十足牛肉亦十分不錯，新鮮嫩口豚肉片新鮮，口感十足另外有些其他選擇外面亦較難找到如上面的熊仔魚蛋，十分彈牙馬蹄，鮮甜爽口田雞脾，啖啖肉又新鮮當然唔少得新鮮爽脆又多選擇的菜，特別係皇帝菜仲有勁新鮮又厚切的各款刺身口感十足另外還有自助吧供應，有水果，沙律等，當然還有雪迷糍等……太多食物了，很難盡錄整體食物質素不錯，但發現有漏單出多情況，畢竟還是新開業，但要一讚其員工十分有禮貌，而且效不錯，最起碼客人要求都會好快回覆，十分令人滿意！

要是兩個人的火鍋, 除了到快餐店的一人一鍋外, 最好還是選擇放題任飲任食的。雖然逐碟點的食物質素通常較好, 但揀三四款食物就已經足夠, 不太合符我倆的心多多要求。這晚的天氣又開始凍 ,便到了同事介紹的一間放題火鍋店吃過飽。這一間御前牛盛的放題店應該是開業了不久, 裝修和所有東西都幾新和乾淨。雖然我們約了吃7:30, 但店內已經很多人, 8點過後更是座無虛席, 幸好我在較早前已預約。入座起計兩小時的火鍋放題真的有點時間緊逼, 還是快點揀選火鍋料和湯底好了。這兒的選擇可真不少呢!十多款的湯底, 既然這晚不想太辣太刺激, 我們最後揀了鮮味十足的御前海鮮湯底。很快湯底便上送上, 果然是海鮮十足, 除了有較為普通的蝦和青口外, 還有帆立貝和生蠔, 有點驚喜。這個美國進口肥牛來到時, 質素十分理想, 我以為只是限每枱一碟那些。但原來是任點的, 還有鹿兒島豚肉片, 日本雞肉, 中蝦, 牛舌, 海參等"回本"的食材。難怪同事推介我們到這兒啦~正開始將滿枱的火鍋食材下鍋時, 這個刺身併盤令我們即時停手, 因為實在太吸引, 很大堆頭呢~大大隻的牡丹蝦蝦肉爽甜, 吃起來很滿足。三文魚腩橙銀相間, 既肥美又好

上個星期同朋友行完山看完紅葉，之後真係好累，只是想大吃一頓，於是和朋友去了旺角吃東西。到達了信和中心附近，發現了這間點，本來很少上去這裡，只是去過一次10/F 的bar。一到達，服務員態度非常好，又帶我去窗口位置坐下。望出窗外，見到人來人往的車和人，覺得我終於可以休息一下了！服務員落力推薦龍蝦湯底給我和朋友試一下。於是我也沒有所謂就點了一個鴛鴦的鍋底，因為可以嘗試更多不同的食物。在等待食物的同時，我出去了拿了一些飲料，發現出面的雪櫃只是飲料已經有4個，光是飲料我已經 拿不定主意！最後拿了很多盒回自己的座位，什麼也喝一下喇。然後發現調味料的區域裡面有很多的辣椒、蔥花等等，還有我最食的芫荽！！不得了，我恨不得把它們全都搬到我的座位上面去。火鍋來到了，我把很多的配料推倒湯裡面去，不忘用湯匙喝了一些湯，發現湯的味道是非常的入味，還有就是想一喝再喝。光是吃火鍋好像不夠，於是我又叫了刺身船，很多的刺身排列的整整齊齊的，頓時令我出現了心心眼，我來不及拍照就很想把刺身放到肚子裡，平時我很不愛吃TUNA，因為覺得香港的也做得一般，但是這裡的卻令我可以吃了很多。一口氣吃了很多的東西，包括肥牛，響鈴，蘿蔔等

老公考完試，梗係要同佢盡情大刷一餐，咁啱聽到御前牛盛新開張，就二話不說選了這間試一試喔~一坐低，火鍋爐經已準備在桌上，於是我們先點了一個 東京蕃薯龍蝦湯 湯底，然後才慢慢選擇想食的食物。在湯底滾緊的時候，我們一邊食著一隻巨大的刺身船，有螺片、鮑片、甜蝦、象拔蚌同埋赤蝦。總體來說，吃得出食料也挺鮮味，尤其是螺片，味道仲是帶點鮮甜的。個刺身船大約食到一半有多左右，湯底經已差不多滾起了。我們已經急不及待要將手上的牛要放進去，先放 美國進口牛肉片 和 薄切牛舌，兩款食落是很滑嫩，很容易入口。而職員也友善的推介了 加拿大牛肩胛肉片，食落是比較前兩者有啖啖肉的感覺，但不失鮮嫩，而且很香味，確實真的不能錯過。除了肉類之外，當然不少得其他的食物，例如深海魚件、帆立貝、田雞腿、海蜆，仲有蟹肉棒、龍蝦丸、蟹粉丸、花枝丸同埋豆卜。其中以帆立貝和蟹粉丸真的很好食，因為真係好彈牙，而且咬落粒蟹粉丸的時候真係漏咗 d 蟹粉在咀邊。食到差唔多飽，又點可以唔食甜品呢？最後便到凍櫃取了雪米糍來食，小小的一件，不多也不少。最重要的是每人唔駛二百蚊就可以食得飽肚又好味，真係好滿足呀~