得得店茶餐廳

营业中

休息中

同男朋友入長洲, 起身第一樣諗起既就係蝦仁炒蛋之後就去搵下邊到茶餐廳有得食...行行下見到得得店..門面幾得意就入去見到餐牌發覺冇蝦仁炒蛋...得滑蛋蝦仁...平時係市區食個d滑蛋蝦仁..都係d雪藏蝦...夾硬整個蛋花「獻」冇味得個滑字...所以都膽粗粗問下呀姐可唔可以轉炒蛋又得喎真係隨和碟飯好快就黎到影相個陣個呀姐仲話碟飯上鏡會靚d!食落d蝦好爽好彈牙一咬就知道唔係雪藏蝦d蛋炒到岩岩好仲有少少蛋汁有少少咸不過好岩送飯食!男朋友就叫左個鮮魷米線佢都俾我食左舊都係好新鮮!不過我都係鐘意我個飯多d但係佢有兩個大風扇吹住...要食快d唔係d野食好快會凍!下次去長洲再去下先!

「魚湯米線」是我們這些米線擁躉期望頗高的食物，魚湯要鮮而不腥，米線要剛剛吸收了魚湯的日月精華，是一個不容易做得好的食物。市區各大魚米家分店的食物質素似乎下滑了，一場來到，當然要試試當地的魚湯米線，會不會是「禾桿冚珍珠」之作。入長洲的慢船實在太慢了，我們四個女孩子有點木土不服，加上大家已經吃過早餐，吃「魚湯米線」，都是躍躍欲試的心情，想著要消磨一下時間。食物來到了，我們點了最多材料的海鮮米線和什錦丸米線，可是賣相沒有我們想像般豐富，真是令人失望!!最少加片青菜、日本魚蛋，才像海鮮米線吧!味道方面，「魚湯米線」沒有魚味，是令人大大失望的吧! 我倒覺得魚味稍重了，有朋友嫌腥哩!招牌菜米線似乎不太吸引，還好那個梅子汁雞翼真的超水準，濃郁的梅子汁酸酸甜甜的，最適合配雞肉，一份有四隻，價錢十分合理!總括來說，如果米線的魚湯的味道可以稍為調味，材料可以稍加，「魚湯米線」在長洲應該打響名堂。

九月初五‧陰天難得來長洲一趟，行來行去，原來有好東西吃的地方不多，絕對比南丫島遜色。行過這裡，給「魚湯」二字吸引了進店。一時未到，人客不多，有不少也在跟店員在打牙鉸，一貫街坊小店風情。要了個魚湯米線，配料方面，看到餐牌上寫豬潤是新鮮的，就試一試。另外一碗老鼠粉及奶油脆豬。魚湯先來，水汪汪又帶泡的，賣相一般。聞起來絕對是鮮濃的魚湯味，還帶點腥味，當然要加點胡椒粉才較可口。湯底鮮美，也當然是沒有味精的，不算是很出色的魚湯，但也算是如此。豬潤切得不算厚身，但吃起來爽脆，鮮甜，果然不錯；老鼠粉即是銀針粉，我也很喜歡吃的，但這裡的卻全不對路，絕對沒有口感可言，好像是爽爽的一條，水準以下。跟店主反映，他也坦然承認這不是傳統的銀針粉，但又為何在牆上的餐牌上寫上「家鄉」二字？奶油脆豬不是難做的食物，但這裡的牛油及練奶卻塗得邊多邊少，比多少少心機不行嗎？連兩杯飲品，埋單64蚊，不便宜的。

上星期六全家人到長洲行下，因為中午果餐係 '海王' 食勁差，所以下午茶果餐要小心搵食，行到'得得'見幾多人係入面下意識覺得應該okay。個下茶餐都幾多選擇，叫左個雲吞面，魚蛋河。雲吞面係有水準之作，蝦好爽，面又彈牙，個湯好清唔濁，個人覺得有麥文記水準。魚蛋河個魚蛋好彈牙，好有魚味，河粉好滑。係份量少D唔夠喉，不過下午茶想點呀。總括一句值得推介。

中秋到長洲遊 當然唔放過食 seafood 啦到第2天早上, 男友堅持要食西式早餐 ~ 由於唔係好多間早開 !所以 ....見呢度 OK , 就入左去了 !$21 一個早餐都 算 OK 既不過唯一唔好就係要撘枱 ~ 店內唔夠冷氣, 加左兩把大風扇係地下 ~

行下行下, 腳仔開始軟要搵個地方坐下, 但因為當時係五點幾好多地方都準備晚市, 好難先搵到間類似茶餐廳既野"得得店茶餐廳"真係好得, 尤其o個個"健碩"哥哥我地叫左個西多士茶餐, 碟西多士黎既時候上面有兩舊心形牛油~_~: 都幾嚇人!於是我第一時間拎電話出黎"健碩"哥哥仲走埋黎做個"V"字手勢~_~'(滴汗呀!!!!!!!!!!!!!!)最後我又受唔住引誘, 叫多個鮮蝦雲吞魚湯米線真係勁好味呀!!!!!!! 記得飲晒D湯呀!!!! ^0^

和女友在店門前經過,看到他們門前的招牌上大大隻字寫著:"魚湯米線,絕對不含味精(記得連湯飲埋)"(大概),頓時覺得很有親切感,便進去坐下,叫了個魚湯米線,長洲炒飯,和紅豆冰. 魚湯很鮮,和阿媽煮的不惶多讓. 長洲炒飯裡有蝦膏,吃在口裡和聞在鼻裡,都香得要命. 紅豆冰更是正宗老香港的整法,紅豆又軟又熟. 我和我女友都非常喜歡,吃完後第一樣想到的就是:快點回家上Openrice寫食評!