得得店茶餐廳

营业中

休息中

下午在長洲緊要食返個tea有人話下午茶係要食炸雞脾配薯條佢有分店 去到分店好多人 而且態度不太好見呢間有位就轉移過呢間佢地2話不說就異口同聲要炸雞髀薯條佢哋話咁熱一定要飲凍檸樂同行13人 人哋趕住5點半收工只得6份雞髀其他人就叫咗豬扒包 同豉油雞翼佢個炸雞髀其實都算大份本身個餐係配沙律但係可以轉薯條豉油雞翼一份有五隻佢雞翼幾入味但唔知係咪因為趕收工遲遲都幫我哋落唔到嘢飲而且有啲嘢飲因為佢話星期四放假賣完就冇 發現長洲人比較早關舖如果夜晚應該係冇咩嘢食可以選擇

依照慣例，本局長於長洲公幹時定必先於島上食早餐醫肚，是日與常秘在街市一帶尋訪美食，探得此「得得店」，遂長驅直入。店內呈長形，盡頭為廚房。座位不算太窄，燈火通明。本局長與常秘同叫早餐醒胃，常秘食火腿通、煙肉、太陽蛋，包轉多士，本局長要五香肉丁麵、腸仔、太陽蛋。肉丁麵正常，對不嗜辣的本局長而言有點辣，其餘食物中規中矩。常秘的多士烘得不錯，賣相好，包新鮮，味道不俗。總括而言，此餐廳早餐正常，為中規中矩之選。

復活節假期約左朋友入長洲玩一日! 本來諗住周圍行下，但天氣唔好，仲落勁大雨，我地又唔想淋雨，就求其搵間餐廳入去食少少野同順便避下雨! 行過得得店，店員話有下午茶餐，又見入面咁多人，一於入去啦! 點知有d失望，入面有少量蚊蟲係咁飛黎飛去我地叫左2個下午茶餐瑞士雞翼撈公仔麵 - $35 + 汽水 $5瑞士雞翼都幾大隻，用瑞士汁撈公仔麵，味道正常炸雞脾加雜果沙律 - $38 + 熱好立克 $5朋友食完個撈公仔麵我個餐都未到，店員話炸雞脾要等耐d，好啦! 唯有繼續等!成隻炸脾都好脆，入面雞肉好乾，同埋個雞脾偏細隻，冇咩肉雜果沙律個味就好正常，但對隻雞脾好失望

假日一覺醒來已過了中午，西式的早午餐固然吸引，但價格太昂貴，茶餐廳式的早午餐便最經濟實惠，又可以滿足想吃多款食物的慾望。得得店的得餐供應時間長，就像一般茶餐廳的常餐。除了得餐外，午餐亦有多款選擇，店內環境以茶餐廳來說頗整齊清潔。得餐包括一款湯麵，可選叉燒、沙嗲牛肉或其他，沙嗲牛肉濃郁，公仔麵亦軟硬適中。有別於一般多士、搭配的是奶油豬仔包，豬仔包香熱鬆軟，咬一口滿是牛油及煉奶的甜味，雖然對女生來說感覺較邪惡，但真的難以抗拒這種甜蜜的邪惡。加上套餐有奄列或雞翼可選，選擇眾多。

初四係呢間餐廳食早餐，叫左個"好餐"理應有奄列，多士，公仔麵 盛惠$38。當奄列同公仔麵都到左啦我唸住等埋多士先食啦，點知前前後後等左十五分鐘都未有。當問店員時佢先同我講今日冇多士! 如果冇多士就應該係叫餐既時候同客人講啦，而且個餐少左個多士既冇換其他野比我，亦收左原價。感覺被斯騙了! 另外，食物質素亦十分差，建議大家唔好去呢間餐廳!

好感動第一次食咁熱辣既早餐點左個吉列魚柳早晨套餐有魚 有包 有腸 有蛋 有薯條同其他餐廳既魚唔同佢唔會得半隻手掌咁細大約有一隻手掌咁大以魚黎講係幾難得架啦蛋係太陽蛋最鐘意佢半生熟既狀態蛋白邊又香又脆，蛋黃穿左之後既蛋汁加埋個包度真係令人食完想再食薯條同M記既唔一樣，厚好多，口感都好好多，放入口成口都係薯仔咁全部野食都新鮮滾熱辣好食過美心早餐多多聲配上一杯清爽凍奶茶good！！

雖然是日為在下的正日生日，可是在下沒有刻意去為自己慶祝，只是低調地與親愛的過了自己的生日。既然是生日，不如到離島逛逛，算是為自己慶祝一下吧。今天選址為長洲，在一個風和日麗的下午，閒逛著和穿梭一下街道旁的商店，肚餓了便選了一間普普通通的食店，這食店便是得得店。店子雖為不大，但是從黑板得知，相信是由基督教教友開設的。從餐牌中，得知是茶餐廳的出品，有著下午茶，午餐等大路食物。然而由於在下倘未吃過早餐和午飯，故不從下午茶餐中選擇，反而來一個正正經經的午餐好了。糖醋魚柳煎麵。在下一向少吃煎麵，而且不是有很多地方可以吃到，於是便來一個。魚柳做得不錯，酸甜度適中，而且炸粉不厚，魚柳本身都算幾滑的。而煎麵雖沒有炒麵的燶位，但是卻又煎得幾脆的，猶如像吃著炒麵般的脆口，中間位置的麵條卻因為被醬汁淋過，故是軟腍而帶酸甜味覺。熱咖啡。咖啡上的忌廉是隨意的加上，沒有意識地畫上圖案。咖啡是有著咖啡味道，但不是香濃那種，只是有著微微的咖哩＊香味。一個簡簡單單的午飯，是一個很好的生日飯了，而且身邊還有親愛的女友陪伴，夫復何求？

多年沒有到過長洲，近日終於再次踏足這個應該都有十年沒有探訪過的地方，雖然長洲看來變化不大，但內裡不知已有多少變化是自己未能覺察到的呢？一早打算來到長洲才吃早餐，沿著碼頭附近往前行，不一會已經接近十一點了，路經這間「得得店」，見仍有早餐供應，便先入內吃個早餐。其實這兒的銀針粉早餐是挺特別，看來有點古老鄉土風味，不過自己素來不愛吃銀針粉，那便不考慮了。難得一場來到長洲，想吃點特別些的早餐，見餐牌上「節瓜蝦米菇絲」粉麵早餐，看來既特別，又健康的，便叫來一試，誰不知過不多時，侍應阿姐已告訴我沒有節瓜了，叫我選擇另外一樣。看看餐牌，其他的選擇大都是一般茶餐廳都有的例牌選擇，心想不是吧？舟車勞頓來到長洲這小島又是吃那些普通不過的港式早餐，心中有點失望。幸好忽然瞥見餐牌中有免治牛肉做粉麵的配料，是大部分一般茶餐廳所無，便轉叫它作早餐了。坦白說，這「免治牛肉米粉」沒有甚麼驚喜，除了那些超市大袋售賣的紅黃綠三色青豆、甘筍和粟米粒較多外，就只有那些與白色的米粉剛好紅白相映的鹹味免治牛肉較為特別而已，吃來是有點新鮮感，味道卻只是普普通通。除了這「免治牛肉米粉」外，這早餐其實還有煎蛋、火腿和牛油麵包供應的，這

重陽節假期本來入長洲心想有人會去掃墓不會太多人可是我算漏了自由行的威力,真是多人到嘔!!食市差不多全部爆滿,最後只好行了好幾個小時再去吃下午茶可是下午茶時間依然多人,最後選了這家等了5分鐘就有位未坐下來由於太忙店員沒時間執著桌子可是不忘客氣的不住跟我們說"抱歉對不起" "多等一會"說真的現在這樣的服務態度在平民的茶餐廳已買少見少當然我們亦不急於一時,最後轉了幾回依然太忙店員都沒法下單依然禮貌跟我們說回頭就來,等了1分鐘就有人來下單以客量和店員的比率實在是無可口非,真希望老闆多請幾位員工吧我點了咖喱吉烈豬扒烏冬+紅豆冰朋友點了個叉燒米線+熱杏霜+餐飽+火腿奄列先說說我點的咖喱吉烈豬扒烏冬的而且確做得很不錯,無論吉列的外皮脆而鬆化外那個咖哩味更是和湯底雙輝映,可以說成洽度好處最好的是他們不是用劣質豬沒有現下茶餐食市的那種豬臭味以平民餐廳有這樣質素的食物來說真是不加分不可而那杯紅豆冰的紅豆很合我口味不會太甜而且紅豆有好咬口,剛好是我愛那種不硬亦不軟的質量美中不足是那雖然很貼心給了一支粗飲管,可是吸起來時還是水比紅豆吸得快一點或許可以說紅豆比水還要多,在我角度來看這杯紅豆冰很化算~XDDD而朋

琴日諗著同男朋友入長洲玩..咁岩行過見到佢呢間店...就見到都OK 多人...心諗應該可以...加上自己本身冇咩胃口都唔想再搵..一入去都好快就有位坐...開頭都覺得OK...但當D食物黎左之後...就真係不能接受的差..我叫左一個鮮蝦雲吞米粉+魚湯...記住係米粉...結果黎既竟然係碎碎的, 質感又如粉絲..魚湯完全冇鮮味可言...再者D鮮蝦雲吞入面D蝦竟然有沙...只係咬左兩口,食左兩啖...不過我都冇要求換...但我有問...點解米粉會係咁既...問:會唔會係粉絲黎家...結果有一個,丫嬸就答:邊會有D咁高級既野整俾你食丫, 你就想啦...聽到後冇明火三尺起...如此不尊重!!!!!總結:服務態度不能接受, 不會再去...

同女朋友喺長洲 12點幾唔知食咩好，行行下到呢間野，openrice 8 個笑 0 個喊，以為唔會差得去邊，點知...兩個人叫左個得餐（即係常餐）同埋一個豬扒煎蛋飯。先講個得餐，個奶油豬係超級老翻，麵包唔熱，少奶多油....個叉燒湯意，啲意粉唔知浸左幾耐，簡直入口即溶.....個奄列叫做正常少少，不過唔知入面有偏稀嘅茄汁....一個普通茶餐廳都冇可能整得難食嘅豬扒煎蛋飯，一塊已經唔係大嘅豬扒，炸完又韌又冇味，啲飯硬過石頭都唔知熟未...講番句公道說話，隻蛋係正常嘅......如果唔係最少80字，真係唔想寫咁多...總結：一個字「唔得」！

9月既第二個禮拜同愛人*入住長洲(2日1夜)坐船坐到暈暈地…一落船就即刻搵野食去左得得店茶餐廳~睇OPENRICE見到好似魚湯米線同埋豬仔飽唔錯所以就來這間試試…..去到坐低….發現左一個得餐好似唔錯滿足左我鐘意食 “差”燒同埋豬仔飽既願望……而且份量又大….應該都夠食啦!!!來到既時候….比個豬仔飽吸引住…熱+脆+多奶~~好好味呀!!!!意粉~一般炒旦都幾滑服務初初以為一般但點知我問佢點去張保仔洞既時候….佢地好NICE咁答我地

中午來到，天氣實在太熱，週圍行只想盡快找到冷氣地方吃午餐。Wow~ 我地比張大大的banner給引左入去!!!!因為午飯時間，有學生、鬼老、居民同遊客。我地都要等一陣先有位。當然叫野食要試試長洲魚湯米啦！原來有好多款可以配搭，我們選了鮮豬潤魚湯米 + 凍奶茶！honey一見到話梅雞翼就話要試。鮮豬潤魚湯米 - 湯真係好鮮甜，豬潤新鮮，很爽口啊！話梅雞翼 - 好好味，雞翼大大隻，話梅肉食落好開胃又不太酸，正！凍奶茶 - 好味呀！食完先聽到隔離剛坐底的人叫：長洲炒飯、艇家炒飯、香辣得得湯米粉、好想試呀！

第1次去長洲玩,搵左屋就出黎食lunch~本身都好鍾意食米線...見到d湯好吸引,所以就入左去食野~~叫左冬陰功湯海鮮拉麵 -----冇咩冬陰功湯味....得個辣字....魚肉米線 -----d湯好正,魚肉好滑~長洲魚蛋河 ------好一般金邊炒河 ----- 都係好一般野飲 --->凍檸多~~好好飲,好特別....係咪長洲特色呢?出面好似冇得飲....不過就太窄....下次如果黎都會食返魚湯米線...真係好好味~

每次去到長洲都會去食得得店的脆脆飽今次一早入去專登唔叫套餐點都要散叫(其實係留住個肚食其他嘢)我叫了主打的脆脆飽...仍然咁脆咁好味朋友叫了介央多士..可惜個多士唔夠介央..其實佢d海鮮湯麵都好得不過留番下次先