影片
食家推介
高手大厨低调藏身于联发大厦地面有2个大企牌好易揾到灯光明亮嘅中式酒楼格局每张枱都以茶楼圆枱设计坐得阔落大方多间私人大房同功能房随意改动无论大PARTY或私人聚会都灵活适宜菜式真材实料亦创意十足味道食得出其用心之处价格同坊间酒楼相约但环境更佳食饱仲有伟师傅赠送免费糖水亲切态度包你满载而归 脆香姜丝龙趸包 $188/4件卖相富丽堂皇更香气十足用中式肠粉包住炸好的龙趸厚肉夹住爽口的木耳同腌萝卜再加上新鲜炸好的姜丝淋上大量香喷喷的葱花酱油每一口都是软硬的磕撞陈皮榄角鲜肉排 $188听说是店中招牌名菜选用优质上乘偏肥肉排确保每块带骨肉排都弹牙多汁猛火生炸至金黄酥脆再以陈年果皮及榄角炒至八面挂汁微酸开胃又富陈皮余韵价位稍高但绝对值回票价自家制野菌豆腐 $148/4件厚实而端庄大方的自家制玉子豆腐每咬一口都散发浓厚的蛋香外层焦脆但入口柔软即化各种菇菌香气浓郁 每一块都吸满汤汁整个配合得宜亦份量十足滋润炖汤 $48/盅 (午市随餐附送)虫草花螺头炖竹丝鸡姬松茸螺头炖野生鸡以古法制作厚盅蒸炖数小时汤色清澈而带材料入味十分两款汤品截然不同各有特色午市更随餐附送十分抵食
继续阅读
呢间私房菜好近湾仔地铁站同电车站，系一间楼上铺。今次午餐时间过嚟，午市套餐真系好抵食，八十几蚊有即整小菜、炖汤同饭，吸引唔少打工仔嚟帮衬，我就系其中之一🤣。❤️凉果雪梨炖川贝呢一盅炖汤真系好惊艳，加咗雪梨片同新鲜无花果，有天然嘅清甜味道。瘦肉唔柴，仲加咗少少南北杏吊味， 真系好好饮，午市套餐价净系饮呢盅汤都抵。我仲专登留返少少食完嘢再饮，作为一餐美好嘅开始同结尾。❤️脆皮黑豚肉外层少少拔丝口感，脆脆地、酸酸甜甜好开胃，捞饭一流。猪肉肥瘦、软硬度适中。有新鲜菠萝，清甜多汁，解腻。❤️富贵蚬中求呢个系餐厅嘅招牌菜，无喺午市套餐入面，见到隔离两枱都有点，所以嗌嚟试一试。卖相真系好靓，一睇就知系功夫菜式。 蚬壳入面除咗有蚬肉之外仲酿咗虾胶，令到粒粒蚬都好饱满，好似打边炉卜卜蚬咁大粒。成道菜酱油唔多，可以突出馅料嘅鲜味。❤️金瓜蒸黑豚肉黑豚肉饼份量好多，有肉汁同弹性，上面仲放咗好多白饭鱼仔，一上菜就闻到鲜香味。南瓜蒸得啱啱好，够晒软腍腍但又唔会烂。南瓜、鱼仔同埋黑豚肉饼口感都唔一样，一齐入口层次丰富。另外，餐厅仲有一啲独立包厢，大房可以坐两三围，中房仲有得唱k，几啱朋友同事聚会。
继续阅读
楼上私房菜，朴实低调，伟师傅资深有功架，家常小菜中添新意。脆香姜丝龙趸包 $188(限时推广优惠价)龙趸肉粉皮，内藏木耳丝，姜丝炸至酥脆铺面，调以豉油汁，层次丰富，鱼肉颇厚，鲜嫩多汁。加埋粉丝更加锦上添花！咕噜鬼马油条 $168虾胶与墨鱼胶混合，酿在油条内，炸至酥脆，咕噜肉的酸甜汁，啖啖肉，吃得开胃。虫草花螺头炖竹丝鸡 $50汤清味甜，热腾滋润。虾仁鲜炒蛋 $168滑蛋做得好，非常幼滑，虾肉大只有虾味，唔会只得个爽。值得一提，中午的虾仁鲜炒蛋餐，只收$98包炖汤，抵食！附上午市餐单，$100以下已经有𩠌有饭、且送炖汤，中午免茶芥及加一，CP 值超高。传统中菜布置，私房菜格局，服务态度亲切，设有很多私人房间，没有最低消费。
继续阅读
私房菜好睇厨师根据个人秘方制作，菜式独特，可能品尝到不同于一般餐厅嘅美食，亦好啱家庭聚餐或朋友聚会，价钱合理陈皮榄角鲜肉排 $188陈皮榄角鲜肉排色肉质鲜嫩，陈皮嘅香气与肉嘅鲜味相互交融，令人垂涎。榄角嘅独特风味增添了层次感，让整道菜品更为丰富。每一口都能感受到肉排嘅多汁与陈皮嘅微苦，平衡得恰到好处，是一道既有风味又具特色嘅佳肴，配饭食一流！😋花甲酿墨鱼胶 $188花甲酿墨鱼胶，色泽诱人，肉质鲜嫩，风味独特。花甲嘅鲜美与墨鱼胶嘅滑嫩完美结合，带来丰富嘅海鲜风味，尤其系墨鱼胶嘅胶质感，让整道菜品更加滑顺。午市精选套餐 $88起一个主菜、一盅滋润炖汤、一碗白饭好抵食我就试咗虾仁炒蛋，大大只虾仁炒滑蛋色香味俱全，虾仁鲜嫩多汁，与滑蛋相得益彰。每一口都能感受到虾嘅鲜甜同埋蛋嘅柔滑，搭配恰到好处嘅调味是日滋润炖汤 - 雪梨苹果炖川贝汤，清甜可口，汤色清澈透亮。雪梨嘅清甜与苹果嘅酸甜交融，为汤品增添了丰富嘅层次感；川贝则带来独特嘅香气，对润肺止咳有良好嘅效果。整体口感滑顺，滋味鲜美，特别适合秋冬季节饮用，能滋润喉咙，舒缓干燥，系一道健康又美味嘅养生汤品！
继续阅读
朋友推介话呢间私房菜嘅菜式好特别，所以去咗试吓😚-🦐避风塘罗氏虾小编真系未见过咁大只罗氏虾😍外型好惊艳，味道亦都唔错，虾膏好多好鲜甜，而且虾嘅外壳亦都炸得好酥脆，调味唔算好浓味，食落几鲜虾肉亦都几弹牙😋🐖陈皮榄角骨排骨嘅皮一样好够脆，味道亦都好特别，充满肉香之余陈皮同埋榄角嘅香气同埋味道都好开胃，忍唔住一嚿接一嚿咁食🤣🐚富贵蚬中球老板娘特别介绍咗呢一道菜式🤣其实系虾胶酿花甲，花甲大大只而且冇沙味道又够鲜甜，而虾饺就够弹牙，食得出淋咗滚油香气好特别😍🌱上汤浸豆苗份量比想像中大兜，而且豆苗够晒嫩，食落亦都唔会觉得太清淡，香味够之余亦都冇青味🫶🏻🍎苹果雪梨川贝炖瘦肉冬天点都要试返盅炖汤，所以我哋叫咗呢一度炖汤嚟试，汤嘅颜色好清，饮落好润而且好开胃，啱晒冬天饮🤤餐厅地方几大，有包厢都有大厅位可以坐，我哋去𠮶日大部份客人都订咗包厢~员工服务好好亦都好热情，另外特别之处系可以交俾师傅安排/推介又或者自己点想要嘅菜式🤩佢哋嘅菜式亦都几有新意，味道亦都唔错，啱晒一家人或者同公司同事聚会，嚟紧过年食团年饭都系一个唔错嘅选择🤓
继续阅读