後街牛扒

营业中

休息中

今日黎到灣仔，係後街到搵到呢間聞名既扒房，後街牛扒❗️❗️一於入黎試試佢雖然門口唔係幾特別，但內在裝修其實幾有心思當然黎到餐廳最緊要始終都係d野食，先黎餐牌💪🏻💪🏻餐湯：磨菇湯好濃既磨菇味，加上粒粒磨菇，好飲👍🏻另外仲附送左前菜，當中以羽衣甘藍同吞拿魚粒最出色🥰🥰😍😍好味❗️❗️❗️主菜就叫左美國IBP prime 丹佛牛扒 $238牛扒生熟度剛剛好，肉汁鮮嫩，好有牛味加拿大豬鞍扒 $238豬鞍少有地好好食😍😍，好入味，又唔會太鞋太un，最大亮點！灣仔區高質扒房，有機會一定要黎試吓！另外加埋$18 粗薯條，薯條薯份量多，一d都唔慳住，正👍🏻👍🏻

在這抗疫時代，有人出街都唔敢，更莫論出街食飯，唔係把關森嚴我都唔會去今日放飯時間我地老遠走到黎後街身水身汗咁一入去就遇到門口既侍衛逐個量體溫、check 手腕，坐低比個信封你入口罩，再係你面前用紫光燈消毒你既餐具叫野食！原來唔靜止得牛扒，唔食牛既人士都可以黎，我黎食lunch，個menu無特別寫，我以為得牛扒啦，點知，落完order就黎料啦餐湯送既，沙律送既，仲有個小食platter送既，platter有牛油果醬多士、芝士、羽衣甘藍，黎到依度，我開始後悔自己加左15蚊要左杯龍鳳檸樂，好肥好飽呀

想試好耐既黃店，肺炎期間本來唔太想出街食，但見係黃店，就揀啲非繁忙時間黎試下。冇諗過百幾蚊食個扒可以有咁好既服務，book左檯，但因為太多人所以等左十幾分鐘，哥哥仔前後講左幾次唔好意思。門外寫明唔招呼唔戴口罩既人，入去前消毒左張檯先叫我地入去，坐低一人畀一個信封裝口罩，再用消毒器逐套餐具消毒一次，我地想share野食，即刻畀個新既碟我地分野食，超級貼心，如果間間食肆都有咁既衛生意識就好。至於食物質素，百零蚊既lunch黎講，係份量又超多，又好食。湯好濃好濃，好似食緊粥仔咁，好香。前菜係有牛油果醬，牛肉他他，羽衣甘藍。全部畀我地清晒，羽衣甘藍好出色，好脆口。勁大杯檸檬茶，仲要可以免費添飲，飲唔晒仲畀埋杯你拎走，完全唔浪費。紐西蘭燒牛肉（牛肝菌汁）冇得揀幾成，牛好淋，份量勁大。朋友叫左Prime安格斯肩胛肉眼七成，好有肉味，但有啲硬，下次黎我會叫呢個五成。總括黎講好值得encore既餐廳

A friend recommended this hidden little place for a long-overdue lunch gathering. We made a reservation and luckily we did because this place was actually full soon after we got here! As soon as we sat down, we were given an envelope each to put our masks in (this was during the coronavirus period!), which was very thoughtful of them! After the envelope, the staff came back with a handheld UV disinfecting device to disinfect our silverwares by hovering and moving slowly over them. This was a ver

100元左右一份的午餐，十分滿意。蜆肉意粉清爽。蟹肉意粉 creamy. Roasted beef 做得很好，sauce 很法式👍。抗疾期間，店內衛生很講究，信封裝口罩之餘，餐具紫外燈消毒，值得推薦.。

係餐廳fb book位，前一日會收到email提示一坐低，職員遞上信封比我地存放口罩，呢個時勢好貼心需知道雖然口罩已陸續返貨，但都係唔合理價錢而且勁多假野存貨慳住用好之後職員再用一舊疑似紫外光燈照餐具，唔揸流攤架慢速來回照左2-3次，紫外光燈效用就唔知啦，但起碼你知道佢地係重視衛生，認真看待武漢肺炎，放心d囉順便講埋臨走一人比張濕紙巾，唔知佢有冇派開，但疫情之下就好實用，戴完口罩可以消毒下雙手送湯、送appetiser，職員會逐款介紹main叫左紐西蘭肉眼同prime唔知咩冇影相sorry只記得2款價錢咁岩相同，都係$258，煎得岩岩好，重牛味+點d鹽....我抵抗唔到薯條好食、配菜都fresh，有秋葵、橙車厘茄、黃色甜椒仔臨尾職員仲會問我地岩唔岩食，感覺到佢地有心呢個時勢，願意表態表得咁出面，連d畫入面既動物都戴埋黑罩幫手義賣、成間都pepe，仲要好食做黃店唔一定生意好，反而有一定風險，肯做既值得敬重同支持

朋友介紹，去支持下黃店，我哋個個又係牛魔王，想食牛扒～去到服務都好好，一嚟到就每人比一個信封裝口罩，同用藍光照啲餐具，衛生方面做到非常足同體貼，值得一讃!!Lunch set食牛扒，百幾蚊大大塊，都非常之抵食!!首先有餐湯好味濃郁；之後無花果沙律，新鮮爽口；再又有頭盤，生牛多士；個牛扒，美國IBP Prime Denver Cut都好味!!上菜速度非常之快，適合lunch time嚟食趕時間，服務又好好，價錢合理會再嚟encore支持!!

剛吃過午餐，大約$130-180包一件扒，薯條，沙律，咖啡茶，同埋有幾樣dipping 嘅麵包。有心機做，牛肉質素唔錯。可訂位，我一個人搭抬。少少逼，1.30後好D。會再去Friendly service with good food quality. I had lunch set including a steak, chips, salad, soup, bread (with avocado spread and dipping) and coffee/tea. Will come back

有罷市亦都有捐錢嘅小黃店💛佢係超貼心 上枱嘅時候係會用紫外光燈再幫你消毒一次餐具 感覺好似好安心咁😍😍另外我哋係去到先知原來呢一間餐廳係可以book位㗎 所以大家記住book咗位先啊 咁就唔使好似我哋咁樣 要等位 食得咁趕啦😎·霸王別雞卷$88呢一個個名好似好好食咁 所以我哋就嗌黎試下 佢出邊係雞肉嚟嘅 入邊好似包左一啲sautéed左既蔬菜咁樣 幾好食 個雞係勁嫩勁滑 而且個調味好好 好特別 推介😎😎嗰薯條就冇乜好多調味嘅 係比較健康嗰種 係好薯嗰種薯仔🥔都OK嘅但係我會鍾意有多啲啲鹽😂😂同埋佢超有誠意佢係每個set都有湯又有沙律 仲有一個小食 超開心😎·英格蘭公爵蟹肉扁意粉$88呢一個個蟹肉係多到不得了 係真係每一啖意粉都會有蟹肉🥰超有誠意 同埋佢個意粉都幾creamy幾好食 不過因為我哋趕時間返office 所以張相就影得比較醜樣🙊🙊但係唔影響佢既味道wakakaka·#rbyeat#rby西餐#rby小黃店#rby灣仔·📍灣仔交加里7號永成大廈地下A舖

情人節去食set，節日價錢唔貴。頭盤有芝士番茄，番茄裝住滿滿嘅cream cheese，味道唔heavy。黑松露配筍，松露味唔算濃配筍好fresh。意式茄子配芝士，茄子夠淋，加埋Feta cheese好夾。每款有兩件，份量同擺盤設計都唔錯，食得又睇得！頭盤有自家漬三文魚同廣島蠔，一清一濃，三文魚新鮮，廣島蠔好重味。叫左個A4和牛配牛柳，和牛juicy，外脆內軟，加小小海鹽，簡直perfect。湯係黑松露椰子，飲落似椰子湯，如果飛一層油會更好🙈，甜品係strawberry mousse，唔甜好味，位置安排唔錯，環境安靜，有pepe同連豬，figure wall有好多油畫，好有藝術氣息❤️❤️上菜速度剛好，環境衛生，用餐前會特意用消毒機消毒餐具，更細心到提供信封裝口罩，加分加分🥰🥰🥰，下次想再食閒日menu，值得推介！

又係星期六要返灣仔嘅時候(˶‾᷄ ⁻̫ ‾᷅˵)search下有咩黃店就搵到呢間😗Menu design都幾靚，成間餐廳都比較有香港特色，例如餐廳條柱就塗滿左九龍皇帝手字。首先嚟咗甘筍湯，濃度適中味道啱啱好。紅菜頭沙律好好食，紅菜頭好甜。餐廳仲送左餐前小食，分別有芝士牛油果多士，吞拿魚他他同埋一舊芝士。個個多士超級好食😍芝士牛油果好夾好好食！有少少後悔嗌咗杯嘢飲，超大杯我知道自己一個一定飲唔晒🥴不過餐廳都好好如果客人飲唔晒可以問佢哋攞杯同蓋拎走。叫既牛扒終於到啦，薯條要加分比佢因為係粗薯！😍不過牛扒就有少少失色啦😟叫咗五成熟，入面係做到嘅，不過個外表實在係太overcooked.... 搞到咬落口是表面好似食牛肉乾咁，有啲難咬，但入面又有五成熟既口感，搞到咬舊肉嘅口感好奇怪🥴其實係好難咬因為出面太熟。其實佢餐湯沙律同埋餐前小食所有嘢都好好食，就係個牛扒有啲出咗事😪

好食又抵食又夠黃嘅小店🥰 招牌雞卷入面係羽衣甘藍 🥬雞肉very juicy~ 🤪 加上粗薯特別香😋.Cheese Fried chicken 🍗 雞排大過塊面😆加上超多芝士、肉醬🤗女仔食一半已經飽到上心口😂.FISH AND CHIPS 🐟💁🏻‍♀️又係大推頭嘅，魚肉幾滑身😋😋.送嘅餐前小食都好有誠意🐥 多士上面嘅汁酸酸地，好開胃的😆#hk #hkfoods #hkfoodie #hkfooddiary#hkfoodblogger#hkdessert#coffee#hkig#goodwest#hkfoodies#hkfoodporn#foodies#hkigers#hkfoodblogshare#好味道#好西#香港好西#香港美食

兩個女仔叫左兩個餐，份量好大，有湯有沙律，有小食，我地仲加錢叫左飲品，飲品份量有大啤酒杯咁多，質素是港式味道。炸魚炸漿不錯，但魚肉鬆散及無味，應是廉價鯰魚，選擇炸雞會較好。本來滿心歡喜支持黄店，但食唔夠到一小時，不停被告知好多人等位，講左三次左右啦！講真份量咁大，要45分鐘食晒真係做唔到，我知你想賺盡做兩轉，但要客人極速倒食物飲品入口去滿足你賺多啲，真心接受唔到，最後杯嘢飲未飲完就走人，無下次啦，lunch 食超過100蚊per head 仲收加一，要趕頭趕命消化不良，為咩呢？

食物水準高，環境好，服務好貼心，朋友叫牛扒，我叫慢煮豬鞍，店員專登等埋一齊上檯，唔駛朋友食晒係到呆坐👍非常貼心服務，食物有酒店水準，但價錢就餐廳價錢，已幫襯2次，值得推薦。記得要訂檯，walkin 有排等

1. 野菌蘑菇湯個湯嘅味道十分濃郁，配料十足，但又唔重口味。個湯由不少蘑菇調製而成，所以個口感好rich。溫度適中，不會很燙口。2. 田園沙律沙律菜十分新鮮，生果非常鮮甜，而且估唔到紅菜頭都可以咁甜😚😚😚。沙律油份量適中，唔會令到成個沙律好酸。3.火魔法鐵板紐西蘭肉眼扒肉眼扒既肉質好。芝士汁味道一流，即使芝士汁份量好多，都唔會太膩。除咗牛扒肉質芝士味道一流之外，呢份牛扒嘅外觀亦都係一個賣點，一開始塊牛扒就好似平時鐵板牛扒一樣就咁端上跟住落d芝士汁係上邊。之後，侍應會加料令到成塊鐵板着火🤩🤩🤩🤩好正！！ 4. 美國IBP Prime 丹佛牛扒一開始諗住叫五成熟嘅牛扒，但係點知嚟錯咗三成熟。一般餐廳嘅牛扒叫三成熟佢會變得好韌，但係由於牛扒質素高，食落去非常有口感而且仲有肉汁。食完之後，個人極之推薦叫三成熟。最後兩人埋單食咗大約$600，但係有頭盤，湯同埋任飲嘅嘢飲，而且塊牛扒份量超大，一個人食完之後絕對夠飽。總括來講唔算太貴。