後街牛扒

营业中

休息中

今日是boxing day, 可惜都是在家吃飯， 記得在疫情無甘嚴重之時，我和同事到了一間高級西餐廳食中午，那天我預早訂了位，不過當時已經實施了限聚令，於是我們分開坐，這間餐廳食物都唔錯，但價錢偏貴，不過很少食高級西餐的我，都跟同事來試下。這間餐廳名叫後街牛扒，當然是以牛扒最出名，同事點了幾款牛扒，我和另一同事都點了扁意粉，大家分享來食，牛扒是7成熟，安格斯牛小排肉味較濃，肉質較結實，感覺美國BRANDT BEEF CHOICE荷斯登短骨牛肋眼味道更好，肉質很嫩滑，有入口即溶的感覺。蘇格蘭公爵蟹肉扁意粉，蟹肉有點腥，反而另一款意大利熟成豬面肉卡邦尼意粉比較好味， 扁意粉本身煮得很好， 味道不俗，而且份量足夠。前菜有沙律，南瓜忌廉湯和包，比較特別的是蒜蓉包伴碟的紫蘇葉，因為炸過的紫蘇葉清香惹味，令人食指大動。另一突出的是餐飲， 雖然要額外加錢， 但真的是很大杯，凍檸茶飲得多，第一次見到甘大杯的凍檸茶，確實令我很驚喜。整體而言，主打的牛扒味道很好， 沒有令人失望，至於其他前菜都唔錯，與其他西餐不同，唔會貴夾唔飽，感覺很多滿足。

想同屋企人食西餐慶祝，有朋友推薦位於灣仔嘅餐廳，地點咁方便當然立即book位。夜晚分兩輪時間，想早啲食飯所以揀6點。餐廳要求每人點一份主菜，今次一行七人就點夠7份主食，可以試哂唔同款式。主菜前先送上是日餐湯，南瓜湯入口順滑，麵包同番茄醬好夾，雖然係免費但係完全好ok！大蝦牛油果沙律無花果沙律兩款個沙津菜好新鮮，最重要無花果同牛油果都好好食，夠哂fresh！威靈頓牛柳絕對係打卡able！上檯畀個真樣你睇睇先之後店員就會落酒再加火，勁好氣氛 ，打卡效果一流！酥皮包裹著蘑菇蓉同牛柳，牛肉味濃，蘑菇蓉惹味，連埋酥皮一齊食雙重口感。唔記得全名嘅牛小排根據店員建議嘅生熟度去點，即使唔記得個名，都會記得個味道，因為真係好好食，肉嫩味濃，MEAT LOVER必食！加拿大豬鞍扒唔想齋食牛可以叫呢款豬，肉質粉紅色，既有肌肉又有油脂香，運配菜嘅番茄仔都好好食！蘇格蘭公爵蟹肉扁意粉懶人食蟹就當然係搵人拆蟹肉，呢個意粉就有滿滿嘅蟹肉，上桌後自己拌勻，而忌廉汁又唔會過膩，鍾意食蟹嘅必點！蜆肉意大利飯蜆肉仲食到海水味，不過相比之下，蟹肉扁意粉就好食啲～炸魚薯條唔好講笑，炸魚份量大過隻手，外皮香脆唔會太油，魚肉仲唔會

🍽蘇格蘭公爵蟹肉扁意粉扁意粉啖啖蟹肉 每一啖都好creamy同埋佢啲蟹肉真係落得好重手每一條意粉都黏住蟹肉鍾意食蟹又懶得拆肉嘅人就啱晒🤤🍽美國Brandt Beef Prime荷斯登牛腰扒叫咗七成熟嘅牛腰扒牛味好濃郁 亦都唔會好韌不過上碟得3片 覺得有啲少唔太夠喉🤣🍽凍檸檬茶任飲🍽英國維多利亞檸檬汁汽水

上次黎無開好失望今次過黎灣仔買game第一件事就係去後街搵牛扒xddddSet lunch 有湯有包有沙律 一啲都唔馬虎 唔係隨隨便便上塊包罐頭湯就算今次嗌左Brandt Beef $188肉味濃 加海鹽係面已經夠晒但如果男士就要考慮份量夠唔夠飽但最驚喜係蘇格蘭公爵蟹肉扁意粉 $138好食 好多蟹肉 cp值好高 大推飲品跟餐+15Promotion drink +25見隔離枱嗌綠野仙蹤 好大杯仲好靚下次黎要試下先餐廳設計好有特色 牆上啲畫好靚

喺灣仔做嘢其中一個好處係lunch幾多選擇💛自從後街牛扒搬左舖之後第一次來，加上疫情關係少左好多同事gathering，今日一於食好d後街牛扒lunch set 好豐富，有餐湯、沙律和餐前小食。個多士配牛油果🥑醬炸羽衣甘藍好好味😋呢排食咗好多次牛肉，所以揀咗另一邪惡之選😈惡魔溶岩炸雞，脆脆炸雞大過塊面😆加上上面有牛肉醬汁，果然係惡魔🦹‍♀️當獎勵一下辛勞工作的自己同事就揀左安格斯牛小排，厚切非常有牛肉味絕對值回票價，下次一定再幫襯！

限聚令由4人變2人之前一晚，好開心可以同兄弟姊妹們到呢間黃店食晚餐。餐廳每位手足都非常親切，食物無論由支持手足嘅特飲「綠野仙蹤」到頭盤，到主菜「特別推介火魔法威靈頓」，伴菜嘅薯蓉，道道菜都咁出色，一定要再訂枱支持💛💛💛

後街牛扒真係喺後街，而且都幾難搵。小編夜晚冇Book位，等咗一個鐘先到我地，不過侍應非常細心，叫我地留低聯絡方式，如果早有位就打電話通知我哋👍🏻店舖位置唔算好多，但裝修頗有特色，牆上除咗有好多文宣，更加有九龍皇帝嘅字體作裝飾，體現到獨特嘅香港文化💛🧚🏻‍♀️蘇格蘭公爵蟹肉扁意粉 💰$138呢個意粉真係不得了，蟹肉多過意粉，每一啖都充斥蟹肉嘅鮮味🦀扁意粉口感適中偏硬，唔算特別掛汁，但忌廉汁、蟹肉同扁意粉成個配搭真係好L出色🤤而且份量都幾多，不過食到最後會有少少滯。🧚🏻‍♀️美國荷斯登牛腰扒 💰$238牛腰扒係牛嘅前腰部位，肉質比較鮮嫩。小編今次嗌咗七成熟，肉質軟淋，但略嫌肉味唔算特濃郁，而且呢個部位油花唔多，整體表現都唔錯👍🏻但小編覺得之前食嘅美國Prime安格斯厚切牛小排更加出色，牛扒竟然做到外脆內軟，而且肉味濃郁🥩🧚🏻‍♀️忌廉蘑菇湯+餐前麵包 💰隨餐附送忌廉蘑菇湯略帶酸味，唔係好食得出蘑菇蓉同蘑菇粒，口感單調。當日嘅餐前麵包係蕃茄他他麵包，蕃茄唔會過甜過酸，非常開胃👍🏻🧚🏻‍♀️綠野仙蹤+蝶豆花鮮檸檬梳打 💰跟餐+$30綠野仙蹤嘅原材料來自黃色經濟圈，不過飲落真係好似五青汁，唔係特別啱口味

小編真係超鍾意後街牛扒，好多味菜都試過（係呀連炒野菜都食埋），睇嚟要分幾個post講🤪😋 火魔法威靈頓美國安格斯牛柳 $288呢碟好震撼，感覺返晒嚟🤣 威靈頓牛柳擺喺碟嘅中間，侍應首先倒啲汁上去，再倒個火落去，好快個火魔就燒得好勁🔥 威靈頓牛柳即係有酥皮包住嘅牛柳，酥皮同牛柳靠啲炒香咗啲磨菇蓉連結住。嚿牛柳都幾大嚿，可以畀好多個人分😛 牛柳算腍身，幾易咬。酥皮燒過之後更加香，有陣燻過嘅味，脆啲嘅話會更好😗 不過比較返呢個同其他牛扒菜式，覺得其他菜式質素仲更加高，如果想打卡食吓Gimmick嘢呢個都係好選擇～😋 西班牙馬介休炒野菜 $88馬介休係一種鹹魚，食葡國菜嘅話成日都會食到。原本無乜期望，只係驚屙唔到屎先叫碟菜😂 但呢碟炒野菜堅係好食！野菜包括西蘭花、茄子、翠肉瓜同甘荀，茄子同翠肉瓜淋淋地勁入味！鹹魚令到啲雜菜好惹味，食完又唔會覺得個口好鹹！😋 綠野仙蹤 $55｜凍檸檬茶任飲 $50個杯真係好巨，成完咁多嘢食都未飲得完😅飲品嚟講綠野仙蹤算係呢度嘅特式，入面有羽衣甘藍、蘋果、香蕉同檸檬，飲飲下唔知點解覺得有奇異果味，好特別好神秘🤣 凍檸茶直頭係飲添！糖漿分開上，想走甜都無問題啦😌

黃得黎既野食又有水準真係唔多🤦🏻‍♀️但呢一間係可以再食既餐廳，中午時既lunch set 好抵食（對於慳錢一族可以先黎食個lunch )，晚餐就貴返少少，但食西餐既價錢加埋食物既味道就差唔多啦。頭盤有：有南瓜湯（味道濃郁）、餐包（蒜🧄加牛油果🥑醬，match)飲品方面： 梗係要order 佢地大大杯既凍檸茶！ 真係好大杯！ 正！主菜： 火焰威靈頓牛（外皮即場加火加持、令佢脆脆地、濃濃地，好似酥皮湯既味道）～入面既牛無肥膏，好大舊🤭 好食到人都癲！ 必食！可惜人少，如果人多，仲可以叫埋甜品，下次搵機會食先～不過呢度就細d，傾計既話可能就要講大聲dd lah..

因為咁啱去開灣仔，所以就去試後街牛扒。因為爆食水喉，當日只接代已book位嘅客人。好彩我同朋友有book位，所以都有得食。店內以白或紅酒木箱作為牆身的佈置，每個酒箱放咗啲酒樽或公仔，牆上仲掛咗啲以抗爭為主題嘅畫，都幾靚。兩個人叫了威靈頓牛加薯蓉、蟹肉意粉及兩杯house red。待應會在客人面前用UV light嘅device消毒餐具，在疫情期間這個安排為客人提供安心，值得加分。原來送兩個湯及麵包，都好食的。威靈頓牛入面嘅牛都淋同肉味濃，雖然不及Gordon Ramsay大師級水平，但以呢個價錢都ok。上枱時待應仲會淋上酒及點火。而蟹肉意粉，一上枱要有陣陣蟹香，食落去蟹味濃郁。另兩杯house red難得ok,因為一般對house wine無乜期望，house red比較fruity,很適合女士。

山頂跑完步諗住醫吓肚，上網搵到呢間店，入到嚟先發覺自己一身跑裝，原來同個環境唔太match, 幸好店員照樣俾位置我坐低點菜。食物質素、店內佈置同音樂、店員嘅細心同款待、都好觸動到誤打唔撞嘅我。希望下次可以帶住更平復嘅心情再嚟。（之後上網搵先發覺，原來一般要book位，我只係好彩。近來四處搵良心食店，已經去過好幾區，咁鮮明嘅態度，應該好唔容易⋯感謝堅持緊嘅小店，同埋每一位搵緊佢哋嘅您。嚟後街牛扒，何止搵到牛扒？）

Bookmark左後街牛扒超過一年 奈何山區兒童比較少過港島🥱咁啱尋日過開港島就拿拿淋係社交平台到book位🤣❣️值得一提嘅係 上菜前waiter好用心咁用燈照過枱上嘅餐具黎殺菌 可謂非常用心🥰🥰-首先係每位都送嘅湯🥘蘑菇打到好碎但不失咬口👍🏻一入口就有好濃嘅菇味  然後係奶香  好似我咁係菇類愛好者會好like🤪-飲完湯就上左免費小食🍞呢個好似藝術品咁嘅就係當晚嘅免費小食啦😍擺得好細緻優雅  本身仲以為上錯左🤣牛油果醬入口酸酸地壓過左牛油果本身好強烈嘅味道  連同行嘅人本身唔食牛油果都讚好👍🏻-非常值得稱讚嘅係後街”做慢唔做爛” 唔會話好快上曬啲嘢 又趕你走咁款😖上完前菜 就開始上side dish同main😆-主菜之一 牛腰扒❤️叫左三成熟❤️真係煎到岩岩好 相信係煎嘅前後都有rest到塊扒👍🏻口感非常柔軟 有牛味 脂肪分佈平均就算咁生都冇血水 十分juicy🥰凍左都唔會膩🥺真係好高質！如果兩個食肉獸share就會稍稍唔夠喉啦😟-另外叫左個Side Dish- 美式芝士焗牛肉醬薯條🍟呢個價錢💵呢個份量 會 唔 會 太 過 份 ！ 後街牛扒你有冇賺錢架？😭雖然啲芝士唔係非常拉絲 但的確好濃

Wowowowowowo正日生日老公帶左我黎食呢間💛，因為深知我鐘意食扒💛。雖然book左位不過都要等15分鐘左右，期間見有人行過都話呢間好full同好食😋真係未入去已經充滿期待～入去老公負責order,店員好nice，會有傾有講recommends我地食乜。不過有個小小問題係頭頂冷氣機會滴水😵呢樣有d掃興左。總括而言，食物質素幾好，份量亦唔細。飲品更加係超級無敵大杯，飲左2粒鐘都飲唔晒。最想讚的反而係個種人情味&服務態度~知道我生日拎甜品黎時主動幫忙影相，仲9宮格式前前後後左左右咁影左好多張😂務求總有一張係滿意。 仲送左份生日禮物比我💛入面係一枝酒辦仔同花茶💛 連行出門口時，咁岩係出面坐左係對面休息中的侍應們都仲同我地講88同生日快樂💛so warm~

終於食到後街牛扒，今日中午十二點幾去到終於有位，之後夜晚去幾次都full! 好彩早去，未到一點已經又full哂～今次來到食午餐，午餐嘅選擇都幾多～唔想鋸扒都有意粉或者其他肉類可以選擇味道真係幾好，牛腰扒好腍，三成熟煮得外香内軟～ 外層好香燒香嘅味道，入面好好好juicy!!而且好濃牛味，加d海鹽更加釣岀牛嘅味道，碟上嘅蒜泥稍嫌有點生，味道太強烈霸王别雞卷有驚喜！雞卷好嫩好滑，外皮煎得好香！用法式煮法，包卷加mozzarella cheese伴羽衣甘藍，加埋牛肝菌汗好好食！ 好fresh的食法～跟餐的湯都好滑好高質！仲有沙律同前菜～ 絕對係高質黃店！

最近開始喺灣仔返工，一有時間，梗係喺工作地點附近尋覓下美食啦，平時8、9點鐘收工經過呢間喺後街嘅扒房，次次見到都大排長龍，心諗真係咁好食？終於有日早收工，夜晚六點趁佢間鋪冇乜人，就即管行入去試吓啦～本身都係諗住求求期期快快脆脆食一餐，咁就點左我最鍾意食嘅威靈頓牛柳啦😋😋不過就奇怪點解呢度嘅威靈頓牛柳會有「火魔法」呢三個字呢？上菜時，謎底終於解開啦😂原來個侍應會喺上面點火😂雖然我覺得價錢係貴咗少少，但係以呢個質素都係值得嘅👍🏼下次唔會一個人嚟食啦，一定要帶埋老婆仔女再嚟過☺️☺️