很得輝 (金滿閣)

营业中

休息中

番工做到10點幾，收工，番入屯門宵夜，00:00 一隻外脆多汁嘅炸肶出現，求HP值增長% 我唔識計了，但真係食到jap jap聲🤤啲汁 一路食 一路滴萬惡嘅夜宵....而且係💛色炸肶 再加分👏🏽👏🏽👏🏽👏🏽👏🏽有枱有櫈自己擔埋一邊坐最鍾意就係咁

早前跟大西北的朋友講起黃店，忽然記起 九月份到屯門行街後曾幫襯過這間，當時還未有黃藍店的區分，純粹覺得它的炸脾好好食。後來它被列為黃店，也就很慶幸了。這裡最出名的是炸脾，不過跟另一炸脾名店日月星的做法不同，它用上了麵包糠，炸出來的雞脾外貌有點像台式炸雞排，味道方面則各有千秋：日月星的較為原汁原味，很得揮的則以調味取勝，再加上放在店面任落的辣粉及海苔粉，成隻炸脾由頭到尾都咁惹味👍。除了炸脾，據聞這裡的磨菇飯，炒烏冬等都很不俗，有機會要再來試試。

之前都幫襯過幾次，炸脾係幾好食，所以間中都會去買，仲要係黃店，佢有payme服務都幾好，可以省時間，唔洗等咁耐，因為都算多人等，所以都用過幾次payme服務，仲可以係訊息寫明幾點到自取。今次我20分鐘前payme完，去到諗住好似之前咁即刻拎，同佢講完，佢照畀有no.飛仔我，竟然都要我等，就當岩岩落單咁，要由頭等佢炸，而當時無咩人係門口，咁其實我一早payme黎做咩？我自己黎畀錢都得啦，仲要人等，真係勁嬲

今日係屯門開會，見開得夜，索性係屯門自己食埋晚飯先番屋企，係諗緊食咩之際，經過聞到好香，就決定食呢間。店舖好簡樸，但就有好多👫👭👬排隊，而且隔離有一堆櫈可以比客人點完餐坐低食。🍱炸雞髀炒烏冬餐+餐飲荔枝紅茶 $62🔻炸雞髀炸得脆卜卜😋肉質嫩滑，唔會炸得太乾👍🏼🔻炒烏冬炒得非常之入味👍🏼有好多椰菜同紫洋蔥，不過鍾意食肉嘅人就會有少少失望🤭因為個烏冬只有配菜，無肉的🔻荔枝紅茶🍹唔太甜，係澀左少少😕價錢平民，麵個份量又多，我一個女仔食完真係飽到捧住個肚走🤰🏼🤣🤣

搵好野食搵到何福堂 咁都俾我搵到「很得輝」生炸炸雞髀，果然好味！即叫即炸，而且外脆內嫩，無得頂 職員也十分細心講解可自行加調味粉，分別：紫菜味，辣椒味。 我一定會再來食過

屯門區小店 3個後生仔開炸雞脾專門店 小店位於市中心附近 新墟過橋就搵到 馬會行過去5分鐘就到30蚊炸雞脾 等了10分鐘 味道1流 雞肉滑 有汁 雞肉剛剛熟無血 外脆內軟 多款味道粉自己加料 我試了海台味 不辛辣 好食 中間有竹籤穿透 可以食得乾淨 因為我食飽才去外賣雞脾 無空間食其他野了 可惜......後生仔開既小店 鼓勵大家去支持 還需要名人加特 必大紅大紫 大受歡迎套餐餐牌 有飯有餸架要營運一盤生意好難 後生勝在有幹勁 計好數 受歡迎就要開吓1間分店

聽屯門朋友介紹有間隱世小食店既炸脾和好多炸物都好正， 而且只開夜晚， 岩岩好今晚係屯門， 就黎試試， 其實從西鐵站行過黎都算近。餐牌真係好多炸物選擇， 既然炸脾係主打， 就先食佢！ 炸脾好大隻， 是用吉列的方式去炸， 麵包糠好平均炸得金黃色， 炸完之後好香好脆， 雞肉很入味也很Juicy， 食完好滿足， 果然是必食之選！ 鹵水雞脾同樣大隻， 雞肉鹵到很焾很入味， 微微甜但不膩， 和炸的各有千秋！ 香芋蕃薯波 圓圓的好得意， 咬下去外皮脆脆的， 內餡是甜甜的芋頭蓉， 好食口感又好！ 炸花枝丸 它是另一款很熱門的炸物， 炸完後很燙，要小心食呀！ 咬下去很彈牙， 有咬到花枝肉， 而且味道很好很有花枝味， 推薦！ 薯角 炸物又點可以少得薯仔呢？ 薯角和薯條之間， 今晚就選了薯角， 薯角也是炸得很好， 也有調過味， 厚度適中！ 燒汁炒烏冬 (配炸脾套餐) 是個比較清淡的炒烏冬， 配料只有椰菜和紫洋蔥， 但是即叫即炒的！ 荔枝茶 套餐附的飲品， 很有荔枝味， 也不算好甜， 配炸物不錯！

一直想黎呢間試下佢個炸髀，今日的起心肝同屋企人黎，出左地鐵站之後行一陣就到。我同媽媽一心諗住去食完之後仲可以去附近行下，所以坐左係店鋪附近既櫈食。首先叫左個炸雞髀+分子珍珠奶茶既套餐$50因為媽媽唔食得辣，所以只係落左海苔椒鹽既粉，唔辣帶點紫菜香，有啲鹹味調下味，為新鮮熱辣辣炸出黎既雞髀加點風味，個皮脆卜卜，肉質嫩滑，非常好食。我媽就想試下爆珠蜂蜜分子珍珠奶茶，內有爆珠同珍珠，令到飲既時候兩種口感，珍珠唔會比連鎖店既遜色，幾有趙口，加左蜂蜜就為香滑既奶茶加點甜蜜，但佢個甜度適中都唔會好甜。然後一定要提既係香芋燴薯波$12就有4粒，仲要勁好食，外酥內軟滑，表層同個涵黏黏的，唔係好知點形容，總之口感係極佳！另外仲嗌左炸花枝丸，入面充滿住一粒粒既墨魚粒，好似無乜幾可會咁足料，幾彈牙，仲有埋類似泰式辣醬配，加添美味。最後仲叫左個$40套餐，嗌左滷水雞髀 + 咖喱角4塊，加多$10叫左杯珍珠奶茶，本身諗住嗌柚子蜜，不過賣晒。但一定要提既係佢個珍珠奶茶，茶香奶滑，整得唔甜但仲好飲過啲連鎖店，飲左都唔會覺得肥，茶香味真係好香濃，而且珍珠都唔差，有趙口，下次有機會都要再飲，真係好彩佢無柚子蜜先試到佢，

一聽到「很得輝」個名就諗起「肯德雞」🤣，呢間果然都係以炸雞（脾）做招牌👏🏻店舖以外賣為主，但係要堂食店主都會好貼心咁為你另外開枱👍🏻同友人分別叫咗兩個炸脾餐（$47）包一個飯/麵，再另加飲品呢個價錢小店仲會好貼心咁比手套你食雞脾，唔怕整到隻手油淋淋🥰1️⃣皇牌生炸雞脾🍗不愧係皇牌小食👑，小編影咗陣相先食，但雞脾仍然係熱熱地，食落皮脆肉滑🤤 而且見到佢每隻雞脾都有枝竹籤穿住，唔知係咪為咗將啲生粉炸得均勻啲😝2️⃣秘製磨菇飯🍄KFC既磨菇飯既加強版，味道夠哂濃😋3️⃣印尼撈麵本身以為會得好少，但份量都幾多，食到好飽🙈4️⃣益力多沙冰 （$30）好大杯好吸睛，飲落去好似益力多版思樂冰咁幾正😆，不過要記得快啲飲，唔係啲杯會好快溶🙊5️⃣爆珠蜂蜜分子珍珠奶茶（$25）入面係珍珠入面又夾雜咗啲爆爆珠，爆爆珠咬爆咗就有蜂蜜味出黎，口感勁過癮🤩總括黎講食物價格非常貼地，但質素絕對唔差，唔怪得一路食一路都keep住有人黎買🤭

同朋友行過新墟, 又想食啲小食過口癮, 就去咗呢間餐廳食炸雞脾今次係堂食, 我就叫咗個生炸雞髀, 等嘅時間都唔算耐,隻雞髀係即炸既, 其實炸嘅話已經加分,新鮮最重要 隻雞髀畀佢又唔會炸到好乾, 出面嗰啲真係太乾喇, 真係食到外脆而內嫩多汁, 同埋店主亦都好好人, 會溫馨提示,如果唔食得辣嘅話就唔好要辣椒粉. 反而佢有隻香草辣椒粉就可以畀食得少少辣嘅人用, 我就要咗後者, 原來係自家製, 唔怪得之個調味料咁惹味啦, 真係可以話係一間有良心嘅店, 會俾最適當服務客人 而且食物又好味

行過杯渡附近決定去仁愛堂街睇下有咩好食估唔到夜晚六點先開舖已經有唔少街坊排緊隊呢度最出名就係大雞髀即叫即炸 所以都要D時間等待但等待完全係值得嘅叫咗生炸大雞髀 $30外皮非常香脆 肉質鮮嫩！唔似其他餐廳會炸到好乾身 ！另外仲叫咗沙薑雞髀$30即叫即浸 要等15分鐘沙薑味非常濃郁 肉汁豐富另外椒鹽雞軟骨$39超級香口粒粒都好鬆脆 有口感呢個絕對可以encore 炸花枝丸八粒 $38花枝丸炸得外皮香脆 肉質依然彈牙爽口店主特別用咗類似泰式辣醬嘅醬料🤣🤣酸酸甜甜 非常開胃但注意店舖唔算太大只有幾個位置俾人坐低食多數街坊都係外賣拎走的食得辣嘅朋友仲可以灑上鋪頭特製嘅死神辣椒粉同魔羯辣椒粉🤣🤣🌶🌶

好耐都未試過響街邊掃街先前試過乜乜炸髀食落都冇乜特別今次試吓呢間比較隱世嘅小店門面冇乜特別裝修比較似係家庭式經營重點都係要睇吓啲嘢好唔好食餐牌都好簡單主題就係雞髀同炸物滷水雞髀炸雞髀砂礓雞髀小店食嘢都唔貴$100就食到捧住個肚走炸雞髀味道比較淡即炒公仔麵好香蒜蓉味正我估個炸雞髀應該係想配合返辣椒粉加埋個味就啱啱好啦不過啲辣椒粉真係死神級落咗少少食一啖都標晒汗鍾意刺激嘅朋友可以試吓滷水雞髀味道仲驚喜唔係死咸死甜唔知點解釋總之食落好有層次個味道好食個營多撈麵味道偏向辣唔食辣嘅朋友要注意炸墨魚丸同蟹子丸老細好好人肯俾我哋雙拼蟹子丸有上過粉先炸幫粒蟹子丸再帶黎多一層香脆口感從呢啲細節可以睇到呢間小店嘅用心經營飲品都有啲驚喜珍珠奶茶帶少少蜂蜜味珍珠口感偏彈牙玫瑰花蜜有原粒玫瑰花花香味濃值得一試嘅隱世小店

今日去朋友屋企玩，經過佢屋企附近，佢話帶我去食好好食既即炸雞脾！我地黎到既時候都唔少人排緊隊了，不過好快就落左單，但因為係即製既，所以都要等一陣先有，要食好野，等一陣都唔緊要啦～可以選擇堂食或者拎走，我同朋友緊係拎走去有冷氣既屋企食啦，哈哈～不過屋企唔係附近既朋友都可以即場坐係到食既，食物當然係新鮮炸出黎既時候最好食啦！好彩朋友屋企近，我地番到去食都係熱辣辣脆卜卜既～個人認為滷水雞脾好入味好好食！而最好食就真係個炸雞脾！我買個陣十個人有九個都係叫炸雞脾，因為個雞脾真係多汁又香又脆又好食！真係值得推薦，而且又可以加十蚊有野飲，好抵！我下次再黎朋友到玩，我諗我應該又會黎買炸雞脾食，又平又大份又好食既野，會有人唔中意食咩😚😚

有朋友介紹話黎間鋪頭d炸脾好好味 係屯門好出名 於是就去試一試 本身鋪頭外面有d台櫈可以坐低食 但係唔好彩今日落雨所以我地就外賣返屋企食 除左雞脾仲有套餐選擇 係雞脾 粉面配飲品既combinationA1餐：炸脾 燒汁炒烏冬 珍珠奶茶 $62(好味指數: 😋😋😋😋)炸花枝丸 $38(好味指數: 😋😋😋😋)返到屋企大約25分鐘就急不及待開來食 驚放得太耐炸雞髀🍗會唔脆 但係竟然出乎意料之外 炸脾外層好脆 入面啲肉好嫩滑 而且好juice又唔會太油膩 而燒汁炒烏冬唔會太油膩 炸花枝丸配泰式辣醬又幾夾喔 花枝丸好彈牙 真係好足料 絕對唔係溝好多粉個d 絕對真材實料店家準備左有幾隻唔同程度嘅辣粉🌶🌶🌶可以加落 我今次只係揀左低級辣試下先 食得辣嘅朋友可以挑戰死神辣椒粉☠ A2餐：沙薑雞脾 日清麻油湯麵 荔枝玉露 $47(好味指數: 😋😋😋😋)沙薑雞髀都唔錯 沙薑味好突出好入味 雞肉都一樣好嫩滑 鍾意食沙薑雞嘅朋友一定會中意 日清麻油味湯麵就係出前一丁嗰隻麻油味(好味指數: 😋😋😋😋)飲品方面 整體來講都可以 唔會太甜😍(5分為最高)整體食物質素: 性價比: 推薦指數:

想食炸雞髀好耐， 咁邪惡的美食，要找個藉口才去食；趁今天下大雨，正好去呢間隱世小店幫襯，買外賣雞脾，返屋企慢慢食。在輕鐵何福堂站落車，行入去大排檔側邊，有間7-11,轉彎就見到很得輝。雖然是小食店，但都有炒烏冬、印尼撈麵等主食。當然，他的招牌生炸脆雞髀、滷水雞髀和沙薑雞髀是主打食物。這裏的飲品種類非常多，和坊間的台式飲品店有得揮，珍珠奶茶、果味茶都有，跟餐加配果味茶只需加$10一杯，還可選擇紅茶或綠茶，覺得套餐很吸引呢。炸雞髀餐，配脆薯角三粒$40。炸雞髀，攞到返屋企食，仍然非常脆口，外層用吉列粉炸成，脆得來不會有厚粉漿，超正！咬下去還有肉汁爆出來，小心熱辣辣燙傷嘴，要慢慢食。雞髀肉的確很新鮮很滑，炸過又香口，味道調教得很適中，不會太鹹 非常好味。 店裏還提供不同味道的調味粉，例如海苔、五香、麻辣等，不過我覺得不加調味粉，吃原味，才吃得出真正的炸雞髀功夫！脆薯角，都真係炸得好靚，外層金黃色，灑上椒鹽，這個最好堂食，因為薯條炸完比較容易焗到變軟， 不過在家食也吃得自在， 一邊看電視，一邊吃著香口的小食，是最佳享受。沙薑雞髀餐配香芋蕃薯波三粒$40。 沙薑雞髀是炸髀之外另一推介，沙薑味道超