彩龍茶樓

营业中

休息中

尋晚上左大帽山迎接新既一年,凍到僵左,對今餐既食評就一定有biases 既,不過平心而論,真係唔錯既,自助式一手包辦沖茶,點心既感覺都好特別呀,d茶好靚,水又夠滾,唔錯~!7個人食左廿幾籠,特別推介炸兩,壽包,大包,油麥菜(d 腐乳好靚),春蛋燒買都幾好,馬拉糕同奶黃包唔好食,豆腐花普通但好大碗,都係獅子亭落沙田坳道果間至滑至正~!好似d點心都係$6,total 食左近$300,平均$4x位~

我係幾個月前去既同朋友行山前入去飲茶講真呢間係舊式酒樓係完全無服務可言要自己拎個盤去攞 野食,自己攞 餐具但係d點心真係幾平架選擇只可以話係有限不過大路既都有既而且都好新鮮蒸起或者係因為d食物流轉得快啦(記憶中係有兩層架,但我地去到時都差唔多滿晒)不過醒目既唔好叫菜食因為要成40幾蚊一碟架(雖然都有大半斤一碟,而d菜亦好新鮮)我地一行六個人每人都好似只係40蚊左右

對上一次o黎係二十年前啦, o個時都未重新裝修, 仲係好細間~ 今朝8am再去, 12度風涼水冷~ 佢o地有免費停車場, 不過要俾定$50, 拎住一張飛仔, 可以當$50用, 食唔過$50, 會俾番錢你~ 旨在要你幫襯佢o地o者~我o地選擇坐戶外~ 自己開茶, 自己拎o野食~ o黎得依度, 一定要食白灼蔬菜, 又大碟又新鮮~ 另外食左蝦餃, 雞札, 排骨, 菜餃, 沙律海鮮卷同鮮蝦腸粉~ 埋單$96~ 食物ok啦~ 志在懷緬o者~

川龍只有兩間酒樓我都試過，我覺得這間比較好食又多D選擇，油墨菜、腸粉同糯米雞每次去都一定要食。

可以自已沖茶淥菜好得意