彩龍茶樓

营业中

休息中

復活假期特登去食，冇服務，自己沖茶，自助攞野食。4個人食左蝦餃，西洋菜，山竹牛肉，鳳爪，雞包仔，牛柏葉，燒賣，馬蹄糕，沙翁，鹹水角，10樣野，食物水準普通，特別依家西洋菜唔當造，有苦味。最後連茶介埋單391.-人均消費貴過平時去開質素好的點心專門店。自己不够精明，埋單條數只係被個阿姐攞住計數機篤幾下，冇check清楚。如果各位去記得埋單時可以不要嫌麻煩，問多句點計出來，或者自己計多次，做個精明消費者。

大帽山懷舊茶樓所有野食點心即叫即拎🫶🏻推薦腐乳西洋菜西洋裝點腐乳比較新鮮配搭又幾好食🤓🫶🏻大推沙翁完全唔甜膩又唔會太滯😎😎其他點心冇咩特別純粹享受下懷舊fell成班朋友一齊傾計人均消費$16x

位於川龍的酒家﹐最適合行城門水塘或大帽山前後﹐嘆下一盅兩味的好地方！這間酒樓在公路旁﹐好易搵﹐如搭交通工具巴士或小巴﹐一落車就望到。酒樓自助形式﹐無論搵位或攞嘢食﹐都是自助。一籠籠熱辣辣的點心﹐即製的腸粉﹐或者即煎即炸的點心﹐即焯的菜﹐都做得不錯！ 另一個特色﹐是點心十足份量﹐每件都大大份﹐例如糯米雞﹐一般酒樓都是珍珠雞﹐這裏的糯米雞非常大隻﹐又例如蝦餃﹐一籠四隻﹐每隻都大大粒﹐包着2-3隻蝦﹐而家皮彈牙﹐很好食！

今天想由川龍出發，經妙高台上大帽山，出發前先到這馳名古早老店飲啖茶，食下點心。雖然是自助形式，但可以自己揀份量多少嘅茶葉放落去茶壺沖茶係賣點。去點心部見到一名長髮女侍應，叫了一籠鵪鶉蛋燒賣和一籠雞包仔，她說雞包仔沒蒸好，叫我等或選其他點心，我要了咖哩尤魚。她在我點心紙上圈了特點和大點，又在中點劃了1劃，我不以然，但以為她只是劃錯，沒有理會。因為我早出發，連我在內只有兩枱客人，吃完才早上七點半，便到點心部埋單，當時她跟我說一共$101我已覺得只點了兩籠點心真的有點貴（後來心想她應該計多了一個中點，即連沒有再下單的雞包仔也計了錢）°當我拿出$500給她埋單的時候她更是流露了不悅的表情，說「咁早我哋冇咁多錢找俾你喎°」整體來說食物質素還可以，但服務態度真係堅差，以後大概不會再去°

得閒飲茶，相信依句說話對大家一啲都唔陌生；飲啖茶食個包，傾下計，依個感覺真系好美好。原來在香港仍然有保留舊式的茶樓，古早味及人情味依然濃厚，情永在。位置受行山客一直愛戴的大帽山之寶，行完山必去的懷舊茶館，可免費泊車🚙🚕🚗望住地圖🗺️都好易搵路，野外定向搵食之旅gogogo~環境村屋設計的茶區，全自助飲茶體驗，與連鎖酒樓大不同地方好大，攞點心及沖茶都是自助開放式🤲🏻自助區一邊是蒸點心蒸飯，另外一邊是煎炸點心，而雪櫃入邊是豆腐花，芒果布甸，洛神花茶，山楂水同羅漢果茶；任君選擇食物熱辣辣熱辣辣好熱好熱，點心熱辣辣點心區位置有好多既點心俾你揀，除左自家種既西洋菜，其他點心都一樣好味：🫔鮮竹卷腐皮控好中意腐皮，包裹著豬肉、冬菇、竹筍等，加上蠔油芡汁鮮味十足🍤蝦餃手工點心皮薄餡靚，蝦大粒又彈牙🥚鵪鶉蛋燒賣傳統懷舊點心的清單之一，鵪鶉蛋同燒賣一樣大大粒一次過滿足兩個願望，鮮美多汁🐮牛肉球巨人級牛肉球加喼汁提升鮮味，下面塊腐皮更是畫龍點精，吸滿牛肉高湯精華🐖蒸排骨熱辣辣，加埋指天椒微辣好惹味☁️炸豆腐外皮炸至金黃酥脆，內餡滑嫩，炸得岩岩好🎍煎蘿白榚食到蘿白絲絲質感，點埋辣椒油一流🍆煎釀茄子釀滿飽滿鯪魚肉，

大帽山川龍村的點心絕對是香港飲茶的精華所在。蝦餃皮薄餡多,咬下滿嘴鮮甜汁液;燒賣外皮金黃酥脆,內餡彈牙鮮嫩;香腸肥美多汁,散發迷人氣味。其他各式小點亦是色香味俱全,口感層次豐富,令人目不暇給、食指大動。這裡絕對是飲茶最佳去處之一。

✔️牛肉球，每一籠有三大件，大大粒非常抵食，而且牛肉嘅味道都做得幾好，好少有呢啲舊式茶樓㗎而家，所以我哋都覺得非常有趣，而且味道上都做得唔錯，唔會太鹹！牛肉球再加少少喼汁又係另一個配搭，鍾意食酸酸地嘅朋友都可以試一試，我覺得令到成個牛肉球更加開胃！✔️蒸排骨，蒸排骨嚟講呢一碟就有少少麻麻哋，份量嚟講第一比較少，而且真係冇乜肉，所以我哋每人都係淨係食到一粒，而且主要都係骨，所以有少少遜色✔️蝦餃，蝦餃就大大粒真係冇投訴，而且入邊蝦非常爽口彈牙，啱晒鍾意食蝦既朋友.

🌟咖喱魷魚，非常鍾意食佢嘅咖喱魷魚係童年嘅回憶個味道都同細個做嘅一模一樣，鍾意食魷魚嘅朋友唔可以錯過！🌟蝦餃就不過不失，不過整體上都大大粒，而且都爽口彈牙，熱辣辣都好食！🌟牛肚，都係傳統嘅味道鍾意點心嘅朋友都可以叫，反而蒸飯就冇乜特別！好食程度（5粒🌟）🌟🌟🌟🌟抵食程度（5粒🌟）🌟🌟🌟位置 （5粒🌟）🌟🌟🌟🌟服務態度 （5粒🌟）🌟🌟🌟🌟衞生程度 （5粒🌟）🌟🌟🌟🌟

好多人都有飲茶癮，每隔一排就心思思想去茶樓，坐低慢慢歎茶食點心。尤其是懷舊茶樓，不止水滾茶靚，望住點心車、甜品車遊走係茶客之間，或者大家衝去蒸桌枱攞剛出爐的雞球大包、馬拉糕，這種老派的氣氛確實最令人著迷，回味一盅兩件的情懷，也是很多人的回憶。呢度位於大帽山山腳，不少人在假日或者行山前都喜愛前來歎個茶食件包，聽聞仲有好多名車車會moring drive完會去飲茶。例如：法拉利﹑benz、寶馬等，無他既因為呢度有個大既停車場可以免費泊車，實在太方便。係呢度可以享受下舊式茶樓既熱鬧氣氛，加上鄉郊地區茶居多採用自助形式，開位、沖茶、拿餐具，就連取點心都需要大家親力親為，下層的蒸桌、加熱櫃自取蝦餃、燒賣、鳳爪、叉燒包、雞球大包等出爐點心，當中亦有唔少懷舊款式自家製既山水豆腐花係老式既茶樓已經買少見少，用上山水製作別有一番風味。另一個必點名物係即灼西洋菜，於川龍村的農田新鮮即摘。點心一出爐即叫即拿的模式現在是買少見少，點心味道不算出色，勝在夠大件加上價格親民，氣氛足夠

帶小朋友出多啲街有時佢地既觀察力真係好厲害，自己未必留意到既野真係俾佢地驚喜到，就好似今日咁，個女指住個點心問我咩黎既，有時我都未必識得曬以前有個朋友會帶小朋友去行山，嗰陣總覺得係一件好困難嘅事，但小朋友接觸得大自然多，由樹木花草雀鳥做書本比喺屋企齋睇圖書好好多。今日趁好天就帶個女嚟行吓，小朋友見到點心姐姐即整茄子釀鯪魚肉覺得好新奇，見到自助攞點心嘅方式就咩都話想試，當中見到有張紙包住食物就問我嗰樣點心叫咩名，我都係第一次見，點心姐姐推介叫紙包骨整好咗嘅點心放晒喺度，鍾意邊碟自己拎，點心款式好似比連鎖酒樓仲要多，聽講依度嘅點心仲係自家製作，唔係買出邊現成貨加熱。一邊拎蒸嘅點心同蒸飯，另外一邊拎煎炸嘅點心，雪櫃入邊仲有豆腐花，芒果布甸，洛神花茶，山楂水同羅漢果茶。蒸飯夠乾身配調好味嘅排骨同鳳爪，炸春卷外皮唔油膩可以俾小朋友自己揸住食，粉果好大粒入邊餡料夠多沙葛爽口。除咗帶小朋友行山，喺呢度仲可以同小朋友分享做農夫嘅樂趣，個女第一次見到人哋務農覺得好有趣

小紅書最近有人推介黎香港行山既配備竟然係飲茶，依個連香港人都未必知既地方。原來香港仲有好多乜村乜村，但就真係唔係有好多村入面仲有茶樓同種菜既地方，依條村盛產西洋菜，飲完茶我地行左一個圈依度空氣好清新舒服食左唔係好多款，不過樣樣都印象深刻。鵪鶉蛋燒賣肉餡好扎實肉香微甜配邪惡既鵪鶉蛋，雖然連鎖果間蒸包點既都有依款點心，但果個感覺肉餡冇依度新鮮。係最新既研究仲指出，西洋菜打敗了許多超級食物，榮登世界上最健康、同時兼具抗癌的超級蔬菜。西洋菜仲含有多種維生素、礦物質和次生植物物質。 只需 100公克的含量，就足以滿足每日維生素 C 需求。 西洋菜含有比柳橙和檸檬含有更多的維生素C成分。 這使得它成為終極的免疫增強劑。原來西洋菜有咁多好處，難得見到有即灼既西洋菜即刻嗌返碟，口感爽脆菜香獨特，西洋菜係天氣越凍越甜既菜相信冬天再黎食應該更正今餐食甜食到過癮，有豆腐花、椰汁馬豆糕同芝麻卷，三樣嘢嘅共通點都係好滑，以前上家政課既時候有整過芝麻卷，材料好簡單但工序就好繁複，所以依家係街都好少舖頭有賣。馬豆糕滑嘟嘟好有彈性，豆腐花話用山水黎整 我就食唔到分別啦，但都滑既

終於有時間記錄低上次朋友帶我黎飲茶，覺得呢度幾得意想介紹俾多d人認識，山水茗茶 自助茶居 星期美點對平時去開連鎖酒樓既我黎講，呢種自助式飲茶真係第一次。地方算大但望落攞點心既位全部都開放式難免俾人諗起衛生問題，但都尚算乾淨既。點心同茶介都唔算貴，同平時茶樓差唔多，但勝在依度既出品係新鮮自家製，唔係工廠預先整好果種。除左有茶飲之外，依度仲有煲山楂水同羅漢果茶，山渣水酸味味咁幾開胃。如果你係芋頭控一定要試依度個煎芋餅，雖然食完一件已經飽到乜都食唔落，但每條芋條都粗粗又厚實，煎完每邊都好脆卜卜但又唔油膩。估佢唔到既係炸野都岩岩好，春卷仲好金黃酥脆金錢肚味道較濃幾重口味，相反牛栢葉同咖哩魷魚就做得幾好，粉果皮都偏厚一點。蒸飯中規中距米飯偏乾身，鳳爪排骨飯鳳爪有1隻排骨份量就算多既，不過正常都唔會有太大驚喜。炸鯪魚球聽其他茶客講係必食，鯪魚球本身做得夠彈牙鮮味，冇乜地方可以挑剔到，係個蜆介汁再吊一吊鮮味出黎，唔鹹之餘個汁入面仲有成隻蜆。唔知香港仲有幾多依類型既茶樓仲保存緊，最近睇YT又話古洞果邊都就快消失

由1號落雨落到依家都仲落緊，心情多少都被天陰而影響到，尋日趁住中午短暫冇落雨我依個荃灣友上左小巴入川龍，點解我會識依個地方，係以前細細個既時候爺爺帶我地入去飲茶既，飲完茶就會上山行一陣，係每個星期既特定節目，人大左假日都要開工少左同屋企人出去既時間。今日就自己黎回味下段回憶，順便趁好天行一下。同以前都冇乜點變，不過就多左d飯類同炒粉麵之類既，點心之外都多個選擇，今次黎仲見到有酒賣，唔通茶客們仲中意飲酒配點心。牆上仲貼住左點心既價錢，以仲係自家製既黎講唔算貴。依度仲有保留住唔少既懷舊點心，例如紙包骨、芝麻卷、雞包仔、沙翁等等牆上仲有篇關於川龍山泉水既介紹：唔好睇小呢啲山水呀，村民引山水種出嚟嘅西洋菜、生菜、黃芽白，特別爽口彈牙，好多人都特登揸車入嚟買番三兩斤，附近茶樓重用山水泡茶，老黟計賣茶讚茶香：「清甜郁香、飲完齒頰留香」D客整番壺普洱，飲一啖，大讚：「入口順滑 喉嚨好舒服。」三生川龍山泉水是100％取自荃灣大帽山高山位置水源・水質清澈・無汚染，仲有5公升同2.5公升出售點心同炸野煎野都係新鮮出爐整好就擺係度俾茶客自己拎，好多款睇落都好吸引，特別係炸嘢感覺唔油膩，煎釀茄子大大嚿鯪魚肉又

隱世茶寮山水茗茶 自助茶居感覺幾有詩意，我相信行山人士對彩龍都唔陌生，佢哋主要做屋村嘅客人，而且全自助形式，反正飲開茶其實都唔陌生，有陣時要嗌人都幾麻煩，對於呢類型自助形式嘅經營方法，我覺得都幾適合喺呢度出現 所有嘢都標示得好清楚，大大隻字話俾你知，佢係豉油呀！ 🤣 相當可愛介紹咗甜品先，我覺得佢哋嘅甜品都幾好食，我哋叫咗芝麻卷同埋椰汁馬豆糕，唔知係咪因為水源唔同呢，幾清新個喎，佢哋嘅甜品！ nice 😘之後再嚟就叫咗春卷，粉果，西洋菜，排骨飯，特別需要提及嘅係佢哋嗰碟西洋菜，真係有啲太大碟 🤣 , 一次過補充返晒幾日嘅份量， 而西洋菜係呢一間酒樓嘅特色嚟，所以如果經開不妨試一試

嚟緊五月份就到母親節，大家又會點慶祝。我屋企由細到大對任何節日，不論係做冬團年定係父親節母親節都冇特別去慶祝／齊人食餐飯，直到今年成為新手媽媽就想好好孝敬自己媽咪，近日睇到網上好多人介紹依度，雖然今朝仲落緊大雨但難得夾到時間就算的士來回都想帶媽媽去行下。鄉郊地方一落車就有蚊，好彩有準備如果唔係我地都未食飽已經成為佢地既大餐啦，如果唔係搭的士過黎，就需要係荃灣轉小巴，但連續落咁多日大雨又行雷想食餐好又唔狼狽都係使多少少錢好過啦唔知大家有冇去過舊茶樓，依種茶樓大多都係自助形式既，出面有d個地下仲係油笠笠行起黎勁線，依度既廚房係開放式望落都乾淨冇乜油煙，中意食乜自己攞。我去飲茶通常都會叫可樂，一來未到識茗茶既年齡，二來成日覺得飲可樂配點心最配，冇諗到依度竟然提供玻璃瓶裝可樂，飲起黎更爽更有汽。我媽就中意點心配辣椒醬沾黎食，攞左兩份鯪魚肉釀既野，茄子出奇地唔油膩再加上厚厚一層既鯪魚肉食落好滿足，而尖椒帶點微辣不是我杯茶。因為依度既鯪魚肉菜式實在出色，又拎多左碟鯪魚球，有魚肉香味之餘又夠彈牙，依家就算係街市都未必買得岩心水既鯪魚肉。炸豆腐外脆肉軟又係最夾可樂既小食點心雖然唔係試左好多款，但有鵪鶉