彩薈軒 (海之戀商場)

营业中

休息中

荃灣係我經常搵食ge地方，經過幾次都覺得彩薈軒比一般酒家多了一份小清新氛圍～～餐牌晚市亦有提供 晚市雙輝優惠～龍鳳雙輝優惠2選1 可選燒雞或者龍躉優惠價金牌脆皮燒雞 $38皮好薄身脆口，肉質嫩滑保留肉汁～鮮菠蘿拔絲咕嚕肉 $120用上鮮菠蘿更香甜，咕嚕肉大大粒拔絲效果做得好好！得獎酒香蝦腰蒸蛋 $108櫻花蝦、蝦籽、蝦肉三重奏，蒸蛋香滑唔散，白飯小偷芒果布丁 $20錦鯉形狀，好有兒時回憶 楊枝金露 $28好足料白飯$17/個茶位$17/位

講起荃灣海之戀，通常都係去Donki, 今日去完Donki入貨，係出囗附近見到有間中菜叫彩薈軒， 正值晚飯時間， 又有啲肚餓， 見呢間中菜裝修高雅， 乾淨企理舒適， 就入去試試。 坐低見到餐牌居然有38蚊半隻金牌脆皮燒 雞， 呢度係海之戀喎， 食肆價錢一向偏貴， 真係有啲唔敢相信！ 一於就叫嚟試下🤔金牌脆皮燒雞真係估佢唔到，38蚊半隻唔係bb雞， 而係正常份量嘅真正半隻雞。 淨係價錢已經超級離地😱 質量更加係冇得頂， 好食過去飲嗰啲脆皮燒雞， 皮係超級脆， 咬落啲雞肉仲要係滑捋捋， 絕對有雞味， 而且調味足， 隻雞好入味， 我簡直唔敢相信用呢個價錢可以喺海之戀食到咁嘅質素中菜✨鮮菠蘿拔絲咕嚕肉份量好足，咕嚕肉食落吾油膩，店家採用五花腩， 咬落好juicy， 再加上拔絲嘅加持， 酸酸甜甜， 大人細佬都啱食勁開胃🥰金沙黃金蝦拼南瓜有驚喜🤗金沙配南瓜都係第一次， 鹹香脆皮下既南瓜原來特別甜， 真係perfect match👍👍👍金沙鹹香十足， 而且炒得非常乾身。 記得香港未興起金沙熱潮之前， 喺新加坡食嘅金沙就係咁嘅味道🫶非常正宗。 一碟有八隻大蝦，蝦肉爽甜，好新鮮🤭乾燒伊麵看似好簡單， 不

今晚約了朋友吃晚飯，選了海之戀商場的「彩薈軒」。酒樓地點方便，荃灣西站直達。酒樓在二樓，裝修簇新，燈光亮麗，提供晚飯小菜、雀局及婚宴場地。餐牌上有多款經典粤菜選擇，都是我的至愛。「金牌脆皮燒雞」，晚市優惠，雖然是半隻，但份量亦不少，大大件。外皮燒得脆卜卜，雞肉嫩滑多汁，入口啖啖滋味。「鮮菠蘿拔絲咕嚕肉」，咕嚕肉新鮮炸好，甘香酥脆，拔絲糖膠酸甜可口，配上新鮮菠蘿，特別開胃，送飯一流。「客家風味炆豬肉」，得獎名菜，原鍋熱焫焫上枱。大大件五花腩，炆得腍軟入味，配上客家鹹酸菜，微辣惹味。這裏的食物質素高，烹調有法，價錢實惠，地點優越，難怪晚飯時段都客似雲來。

約咗屋企人食午餐諗唔到食咩 經過荃灣就決定試吓海之戀入面嘅彩薈軒😋呢一間都算係大酒樓見到裝修都好靚，而且近窗嘅位置仲可以望到海🌊假期下晝兩點嚟到超級多人喺門口等咗勁耐先有位大概30分鐘所以晏晝想飲茶都係提早拎定飛，然後喺附近行吓先返嚟比較因為唔想搭枱所以就再等耐少少🤔入到去就叫咗啲出名嘅點心見到好多人都叫嘅春卷，於是就叫黎試吓不得不說呢間酒樓嘅擺盤都幾靚用個透明玻璃杯裝住 春卷夠脆 而且都好大條之後仲叫咗個燒雞叉燒腸 燒雞味道有驚喜，感覺都唔錯然後再叫咗個粉面味道就正常 呢個食物質素嚟講，價錢都算偏貴 應該都係因為個位置比較便利 同埋環境比較好不過如果喺繁忙時段過嚟都係會比較迫 啲枱都係比較接近

經常幫襯此餐廳，新年初三帶一家人吃飯竟被店長氣到炸。期間加單一次，恰巧問到店長，非常之惡答要等半個鐘，一副「加單理所應當要等」嘅態度。過咗三十分鐘依舊未上菜，因為趕路要走，就問該店長是否可退。非常之惡大聲且不情願說「OK」，我問係咩態度，佢話「我都話卑你退咯」，並用惡狠狠眼神望著我，非常之震驚。餐廳阿姊都非常有禮貌，個個都好好，竟估唔到店長係一副唔想做生意態度，而且係新年！！！之後再也不會再光顧！

樓面員工十問九唔應，一個餸差唔多要等成一個鐘都未送到上枱面。問啲樓面員工幾時會有得食，佢會答你我唔知！直程問都唔會幫你問直走咗去，你話埋單，佢即刻幫你合餸打包埋叫你唔好唔要拎返屋企食

荃灣西站食肆林立, 有時真係有啲選擇困難, 彩薈軒位於海之戀商場, 行完附近商店, 來這間酒樓吃個晚飯, 枱和枱之間距離闊落, 佈置清雅, 菜式幾大衆化, 經濟抵食。天氣轉涼, 食下煲仔菜都係唔錯唔錯嘅選擇。胡椒豬肚鯛魚片煲是秋冬推介, 白色湯底有著胡椒香味, 鮮甜鯛魚片和煙韌豬肚, 味道上配搭和諧, 鹹菜好爽脆。沙爹粉絲金菇滑牛煲 沙嗲湯汁不太濃郁, 牛肉幾嫩滑, 份量都唔少。粉絲軟滑爽口, 鹹度啱啱好, 送飯好合適。玫瑰頭抽豉油雞酒樓優惠特價半隻$38, 相當抵食。雞件好肥美, 雞皮幼滑, 雞肉香嫩, 頭抽豉油浸得好入味, 點配埋薑蔥就更加美味。金箔芝麻卷六小件一口芝麻卷鋪上金箔, , 卷身綿滑有芝麻香味, 甜度適中。

海之戀彩繪軒早更待應態度極差，只招呼熟客，生客放到最尾先問要咩茶，取多1個碗就係度自言自語閙，問她講咩？就話自己跟自己講嘢，熟客又可以偷偷地比外賣大袋，親眼見到

係10:59分入單3碟點心，隨後5分鐘內出左第一碟，之後兩碟點心等大約45分鐘都未出到，途中已經追左兩次單，到最後等到接近12點真係要走話埋單，果兩碟野都取消唔要。睇單果陣由早茶變午茶，問個部長點解佢話過左11:30就係午茶從要加多句「其實你可以埋單先」，好笑係如果你到齊晒所有野我比午茶有咩問題，宜家係你地遲出菜問題途中我都追左兩次單，你都出唔到，從話要埋單先，咁你又出唔到咁你比番錢我呀？ 你究竟係想串定係拎尾彩先？下次真係唔會再黎！

上個月 22 號，一家人去左海之戀「彩薈軒」飲茶，見開左咁耐都未試過。點知一試就中伏。話明係「干炒海鮮烏冬」，但係佢一啲都唔係乾炒囉！師傅完全唔識炒，完全唔知咩叫「干炒」，成碟烏冬都好濕，好多汁。點心黎嘅時候，其中兩粒原隻鮑魚已經跌左落黎，外觀已經大打折扣。最離譜嘅就係燒賣入面的全部都係「蝦膠」，完全一啲豬肉都冇。味道一般，蝦餃皮太簿，冇口感。煎到一 D 香味都冇，包入面 D 豬肉好多肥肉。依個非常之離譜，話明係「濃湯鮮蝦雲吞」，但係竟然雲吞入邊同燒賣一樣全部都係「蝦膠」。P.S: 之前飲過咁多間其他嘅酒樓都未試過入面嘅材料咁離譜。

一家老小第一次來海之戀，老人家就鍾意飲茶，海天排晒隊，就到彩薈軒飲，估唔到同一時段，一間茶樓等位一間茶樓會無人飲…叫左個午市套餐，再加左個鹹水角同一蚊燒賣，見個餐唔係好多野，估唔到黎到又多野食，仲食唔晒添。一蚊一籠燒賣，唔好預計佢會好味啦，有燒賣外觀嘅行貨，偏鹹，無豬肉口感。叉燒包醬汁偏甜，包立口。鹹水角得好少餡，但至少即炸出黎係熱嘅。蘿蔔糕無乜蘿蔔絲，亦無乜臘味。春卷幾好，夠脆。燒腩仔併叉燒又幾好食，入味嫩口。福建炒飯幾香口，多汁又係粒粒米，好食。人均消費一百蚊位，ok啦，話晒有海景睇。

只顧服務宴客大枱，星期一閒日小菜等了40mins都未等到二個餸，唔餓等到餓。如果應接不暇，可以提前通知，都有個心理準備，焗住等40mins齋坐，搵個經理投訴都斯斯然行過黎，一定唔會再幫襯

從未試過服務態度咁差嘅酒樓😡😡😡4月23日中午約了一班朋友好耐冇見嘅到此酒樓飲茶聚舊，由於怕午膳時間人多等得耐，所以提早兩日訂咗枱，訂枱時職員只特別提示過中午繁忙時間就算訂咗位去到都要等一陣，就會優先安排入坐。我book咗1:15m ，但因為知道假日可能多人飲茶，我們預早大約40分鐘左右去到等。大約等咗15分鐘就安排我一家入坐，直到我們入坐後大約15分鐘左右就有位職員態度非常惡劣走過來話：「你哋仲未叫嘢食呀？你哋好快啲叫囉喎，我哋呢度飲茶限時個半鐘嘅喎！」我即時回答：「吓～～我訂枱時你哋同事無提過有限時喎！就算剛剛接代處安排入坐嘅職員都無同我講嘅？」職員立即好大聲話：「門口有貼住提示，你哋自己唔睇」🙄🙄我當時都仲好有耐性答：「你門口周圍都滿客人擋曬我點睇到呀？做生意繁忙時間做得一枱得一枱我明白，什至你哋可以同我講聲要過半數人先可以入坐，未够張枱就要俾其他客人先我都接受，但你哋由我訂枱到入坐都無人提過會限時，宜家見我坐低15分鐘都未齊人先行埋嚟話限時？」個職員立刻態度更差，四個茶壺斟到無晒水，好聲好氣唔該前唔該後叫佢幫手加水當聽唔到在你面前黑住面直行直過😡😡🤦‍♀️

第一次黎食晚飯，同屋企人慶祝生日，叫咗個薑蔥焗蠔，價錢$2XX，個賣相本身已經好肉酸，成pat漿糊咁…食落去勁腥勁難食…咀嚼唔到！叫個店長黎問下，佢就係咁講：「係咁煮架啦！」好想知點解會成個啫啫蠔咁樣，個pat gel真係望到都唔開胃！！個店長係勁冇禮貌，黑哂口面，仲要唔肯收返走碟野，直到拎埋個碟係佢前面先肯收，大佬我錢照比架，叫你收走仲要唔肯收！態度勁差！比意見又唔接受！真係送比我都唔食呀！永冇下次！！各位唔好重伏😓😓垃圾中嘅垃圾！！

好耐冇飲茶喇，試新嘢黎到海之戀飲茶呢間第一次食，點心唔錯，唔止精緻，味道仲非常好，叉燒腸好多芫荽，如果唔鍾意食芫荽嘅人就唔好嗌胡椒豬肚湯，好多豬肚好多湯，俾三個👍🏻👍🏻👍🏻你老公話仲好食過美心，肉絲炒麵，春卷好香脆😋😋魷魚鬚炸得好鬆化不過蝦餃就麻麻哋，皮太厚，似潮州粉果。😅