彩薈軒 (海之戀商場)

营业中

休息中

呀妹👩🏻隔咗兩年幾先返嚟香港🇭🇰，梗係要一家人圍埋食餐好啦，咁一於食盆菜啦😁😁我就初一買券年初六去攞，揀咗4位用嘅盆菜（$768），當日攞嘅時候好快等咗1-2分鐘☺️☺️，侍應都好客氣😄😄！～～～新春鮑魚盆菜～～～母親🧓🏻大人一睇以為好細個，但內裏非常足料可以夠五至六人食都冇問題👍🏻👍🏻鮑魚有四隻，軟硬適中有彈性，蝦就細隻咗少少，肉質就爭啲😅😅。雞件都唔錯有雞味，另外有幾隻大大隻花菇充滿着花菇味🙂🙂最抵嘅蘿蔔同芋頭都已經好 ‘淋 ’ 入曬味，最後我哋都食到好飽，剩底留返我明天晏晝帶飯😘😘，哈哈咁又慳咗一餐🤭🤭

早排同朋友去gathering，試左呢間酸菜魚，餐廳最近參加左「SEAFOOD LOVES SAKE」活動，供應日本清酒同海鮮菜式嘅配搭菜單，店員為我地推介左款清酒～ 配酸菜魚一流！小編勁鍾意食酸菜魚！呢間餐廳嘅酸菜係餐廳嘅靈魂，用上優質酸菜，酸味非常突出，食落又唔會過辣，非常惹味。魚嘅份量好多，而且非常嫰滑😋😋店員為我地推薦用上月桂冠特撰清酒配搭酸菜魚，食落減低油膩感之餘食落亦更清新，超級match！彩薈軒 (海之戀商場) (荃灣)荃灣大河道100號海之戀商場2樓2021-2024號舖

彩薈軒選用新鮮同最上乘嘅材料，煮出巧手美味嘅佳餚。飲埋清酒去品嚐海鮮美食，絕對喺一大享受！點了一款風味菜式 - 蔥香豉油皇虎蝦碌 配搭🍶 月桂冠特撰清酒，虎蝦碌新鮮嫩滑，肥美而且口感彈牙，沾上蔥香豉油，帶出鮮香味道；飲埋月桂冠特撰清酒，柔軟順滑口感，旨味豐盈，令蝦嘅鮮味更突出、圓滿，絕對令人一試難忘。彩薈軒荃灣大河道100號海之戀商場2樓2021-2024號舖 #荃灣 #彩薈軒 #月桂冠特撰清酒 #清酒配搭海鮮

海之戀2樓，donki隔離既酒樓，酒樓格局似係宴客結婚擺酒既地方，價錢相宜，星期六日都有人排隊，好在唔使等好耐就有得入。Love sake menu 有道 豉椒炒蟶子皇 x 月桂冠京釀祝米大吟釀。唔講唔知seafood lovea sake 個活動都黎到第4年，主旨係日本清酒配廣東海鮮菜式，同有40幾間餐廳合作呢間就係其中之一。豉椒炒蟶子皇 x 月桂冠京釀祝米大吟釀蟶子皇份量大，鮮嫩肥美口感彈牙，配上香濃豉椒醬，是香港一大招牌菜式。清酒方面配已月桂冠京釀祝米，大吟釀使用京都伏見水，軟滑口感，與香濃的醬汁調和配合，令人齒頰留香。趁住而家活動期，要快啲嚟試啦。

回港第一餐飲茶，環境不錯，地方乾淨、闊落，食品不錯，手機落單勁方便，出點心快，點心姐姐很有禮貌，其次職員都不錯。今次叫嘅點心，樣樣都不錯，唯獨芝麻卷太甜無芝麻香味，有待改善。

整體環境舒適，服務不錯，食物質素好，價錢實惠。十分滿意的一次晚餐。叫了一個四人晚市套餐，份量十足。龍蝦伊麵🦞中的龍蝦肉分量十足，殼薄而肉多，更幫你預先分成一段段，方便食用。燒春雞🦃皮脆肉嫩，調味亦剛剛好不會太淡太咸。金銀時蔬🌱味道OK，蔬菜不老。魚塊🐟有一點過了火候，但肉質結實，味道也不錯，所以整體也OK。辣椒炒肉粒十分香口，肉粒也不會炒得太老。額外叫了桂花糕，味道清香，也不錯。總括而言，CP值很高的套餐！會encore!

CP值很高的中菜一想到海之戀就覺得裏面的食肆價錢比較昂貴，而彩薈軒有着富麗堂皇的裝潢，加上在海之戀的地段，感覺令人覺得高級。片皮鴨要早一天預訂，這家的片皮鴨味道不錯，鴨皮連著肉的部份比較多，淡淡又香令人回味無窮。我哋仲叫咗蒸龍躉，龍躉的肉很鮮甜，加上是由木耳，鼓油蒸，令魚的鮮味更加突出。另外還有燒味拼盤，燒味拼盤，包括有燒腩仔，叉燒，鴨胸，豬耳。燒味拼盤整體水平不錯，唯獨豬耳稍為遜色。另外我哋做嗌咗薑蔥炒蟹，蟹同出邊街炒嘅味道大致相同整體而言這間的性價比極之高，每人平均消費只需要$250多一點。

海之戀有兩間酒樓，一間多人排隊，一間冇咁多人。彩薈軒相對吵，但枱與枱之間有距離。茶芥一位$16，嘢食比較普通，但價錢相宜。*港式街頭蝦米豬腸粉 $36攞”香港旅發局美食之最大賞得獎點心”，豬腸粉滑捋捋，微微煙韌。表面係腸粉醬汁三寶：甜醬、麻醬、辣醬，經典又好食。真功夫潮洲蒸粉果 (3件) $34又一個攞”最大賞得獎點心”，粉果唔算大隻，皮韌但偏厚。餡唔多，粉葛最多，花生少，而且胡椒味少。薑蔥叉燒撈麵 $98叉燒切絲，略韌，薑蔥撈粗，比較多汁水，薑味>>蔥味，唔會太鹹。金箔芝麻卷 (6件) $30黑芝麻味非常淡，食唔出有芝麻味🥲

返大陸好耐，一年未食過。蒸籠點心正常水準，同以前一樣。炸物內餡好少⋯最伏係炸雲吞，內餡得一粒蝦⋯冇以前好食。樓面姐姐服務態度都麻麻，茶壺冇水，我開蓋等，都冇人睬我。出聲唔該過黎，之後話水壺仲有少少，叫我自己加´д` ; ，我係可以自己加，但講嘢態度好啲就好啦。食得唔係咁開心咯

孝順女#1就係隔一排要自動自覺同媽媽講不如今個weekend去飲茶吖？我請！因為唔洗理咩早茶優惠，訓醒就可以出發（當然又唔好太過份訓到太陽曬屁股）媽媽話海之戀呢間酒樓坐得舒服，啲野食唔差，又就腳，一落車就到，又唔難搵位，咁去到等左一陣佢安排位置，門口個阿姐係咁「水」人坐門口果枱，都傻傻地，呢一枱除左知客見到之外，點會有人無啦啦走出門口幫你收野加茶幾大都等！結果都有張海景 view孝順女#2母上話邊間好就好！佢話食咩就食咩啦！孝順女#3通常老人家知你請食飯都唔係好敢叫野食，我都係出盡奶力，三催四請先揀到兩個孖寶再加多個灌湯餃自私食要提一提怕蘇既朋友千祈千祈唔好點安格斯牛肉腸，好蘇！灌湯餃好正，個湯好清，好足料，啲餡唔會成pat漿蝦餃都好好，啲蝦又爽又大粒！上湯鮮竹卷個湯好好飲，但個餡唔得，又係果種食唔出乜野肉又一pat野咁薄飱中規中矩。不過要提一提窗邊枱係好view ，但無風口，怕熱怕曬就唔好揀呢邊啦要批評既地方係滾水唔夠熱仲有就係想叫廚部/燒味要11點先有，早起的鳥兒無蟲吃…

.📍彩繪軒📍#饅頭去荃灣 #饅頭的港味道 #饅頭食中式菜 #饅頭食麵包------------------------------1️⃣ 潮鹵滑豆腐 ($35)表層煎到淡黃，食到先煎後滷嘅鞋身軟淋脆皮，內裏非常順滑🤪，豆香都夠重。醬汁味道有啲似日本照燒汁，唔會好甜，幾啱我口味，配埋少少蒜香同爽口嘅紫菜，每一啖嘅口感同味道都好豐富，值得一試。◾評分：8.0/10------------------------------2️⃣ 准香椒鹽白飯魚 ($45) 脆漿幾均勻，炸得ok香口，咬落去唔會甩皮甩骨；調味方面椒鹽香偏淡，唔太重手，加上粉漿偏厚，食多幾嚿就會覺得油膩☹，而且白飯魚好薄肉，整體食落有啲乾身，冇乜外脆內軟嘅口感。未至於差，但感覺對唔上呢個價錢。◾評分：6.8/10------------------------------3️⃣ 龍皇野菌腸 ($30)外型有啲似炸兩，外面係一層好薄嘅腸粉皮，腸粉皮營剔透，拉得夠滑，食落冇粉得嚟又有少少米香同軟韌👍🏻；中間有一層脆卜卜嘅春卷，餡就有一梳梳實淨嘅魚柳同埋超多雜菌😍，濃厚嘅野菌香同魚柳嘅鮮味都好夾，整體食落去會出咗三種口感，有幾分似食炸兩，但冇乜

芝士焗澳洲龍蝦 每斤$168 芝士+$30 伊麵+$30冬瓜盅 原個椰皇燉燕窩 $50 慶祝新居入伙，2個人就去位於荃灣西海之戀食左3個野食，一共$649 ，大約6:00去到，酒樓話每日得5至6個冬瓜盅，所以冬瓜盅一定要提早預訂，吾係就好快賣晒，去彩薈軒一定要食既三寶，1係冬瓜盅、2係芝士龍蝦、3扁皮鴨 ，不過得兩個人就食吾曬成隻鴨，所以就叫左個原隻椰皇燉燕窩。冬瓜盅 本身係4至6人份量，訂左一個兩個人食，平時一大班人食既時候，每次都飲得兩啖，次次都吾夠食，好夠料，今次一個人飲左4碗，食到好飽好飽芝士焗龍蝦配伊麵好多好多芝士，啱晒芝士迷，龍蝦好多肉，海鮮一定都有質素，伊麵底好彈牙原隻椰皇燉燕窩做法係用蛋白燉，好滑溜，都好多燕窩

酒樓行西式裝修風格，地方闊落，不嘈雜。前排座位更有180海景。今次2個人叫了4個點心，1碗粥。叉燒腸粉叉燒食落很瘦很乾，也沒有蜜味。腸粉還算柔滑。燒賣飽滿紮實， 豬肉和蝦嘅比例剛好，食材也新鮮，水準不俗。虎皮尖椒釀鯪魚肉（有4件）鯪魚肉煎得香脆， 尖椒食落鮮甜多汁，2種食材的味道很匹配。但唔好彩食到1條超辣的虎尾椒。皮蛋瘦肉粥粥食落去偏水，不夠綿滑。但皮蛋和瘦肉夠足料。紅棗糕聞落有很香嘅紅棗味，但食落比較淡口，黑糖味也欠奉。糕點甜度適中，食落煙韌有咬口。這裡的上菜姨姨很有禮貌，值得一讚。2個人食了172元，價錢定位在商場算正常。

今晚與舊同事共敍晚飯，坐左三小時。食物款式選擇不少，叫了多個小菜，加了片皮鴨。先講片皮鴨，我覺得正常不偏差，但不算出色，因為阿姐的刀工一般，時厚時薄，肉皮不勻。但用來包鴨的皮都算薄，不是厚厚鞋鞋果種，我給80分。青瓜就嫌太幼了，沒有香脆咬口之感。我們還叫了咕嚕肉，酸鹹適中，令人開胃。露荀炒蝦球，蝦球都爽。另外是翠肉瓜炒龍躉，龍躉當然好食。時間過得快，說說笑笑又差不多十時。座位寬，時間不催促，是個飯局好地方。整體我給合格以上。

每次見到何老闆都要大力誇獎他的管理技巧超卓。這次光顧自己又有所得著，星期天郊遊前，晨早八時將車停泊於海之戀旁的爛地停車場，首次前往彩福新品牌「彩薈軒」品嘗晨早一盅兩件。嘩！竟然全院滿座，門外也有一眾人群等待！幸好我只是兩人，輪候細檯，十幾分鐘便能入內就座。奇怪是：接待員在門口已問「飲乜茶」，原來她要打進系統內，茶檔會即時出飛沖茶，剛好客人就座茶水也同時抵達。相較傳統酒樓，侍應走來檯面招呼虛寒問暖幾句，然後才問茶，再往茶檔開茶，一來一回已浪費幾分鐘人手了。假設茶市每日做一百張檯計算，這個流程效率已每日省卻逾200分鐘薪金，更難量化的是提昇客人滿意度。另一奇怪是：人家相同集團餐飲品牌，另起爐灶，會使用新名稱，走另一條全新跑道。新商標會與原先舊商標有明顯歧異化，但我這兒找不出「彩福」與「彩薈軒」本質上有何分別？相同食物、相同餐牌、相同質素、相同流程，那為什麼要起一個新商標出來呢？真的有空要請教一下何老闆才行。你看人家太興賣燒味、另闢靠得住賣粥麵，是針對不同利基市場；你看人家美心翠園賣傳統手藝、八月花走新派粵菜，成本及菜式各走極端。我或想到是：彩福是屋村生意、彩薈軒是昇華走高檔商場路線吧。嘩！