彩福喜宴 (已結業)

年初一同埋親朋戚友出去食餐飯,當然係去間環境好的酒家啦!於是近近地就去左個間位於大埔寶湖o既彩福海鮮酒家食飯,所以就一早訂定位!點知一入去,個小姐就問我地係入面等定係外面等?佢話入面執緊枱,我地當然係外面等啦,事關都成9個人,入面等都幾左訂,等左5分鐘,佢就叫我地入去,咁大家都好開心,點知入到去,佢仲未整好張枱,枱布都無,仲抹緊張枱,於是大家9個人企晒係度,等運到!服務度態打折扣!咁都算!o的菜極奇唔老實,半隻燒雞,佢都唔知點切,似乎係打橫切,但係比隻雞o既背隻我地,食骨!!!!併盤仲攪笑,一隻勁肥o既雞肶+叉燒+細到好似lego積木咁細o既燒肉,三樣野!!!!!道道菜,我講緊係普通o既小菜,例如一碟咩都無o既荳苗,都要成$65,其餘就要成$80-百多元!!!!而且佢碟碟都好細碟!!!!!完全係價貴又料不足!!!!!仲有!o的侍應叫極都唔黎,淨係想逗利士,離晒譜!!!!!今餐食左都背脊骨落,仲一肚氣!!!!!!!

本來好想去呢間酒樓食團年飯，因為聽講地方好寬敞，但居然因為我人數只得5人加一個嬰孩，拒絕我訂位，那位小姐話6人或以上才可訂位，難道那位bb不是人，真係覺得佢有生意都唔想做，好鬼谷氣，係今時今日咁嘅服務態度真係.....可惡﹗

妹妹生日那天，因為較凍，所以選擇打邊爐，book了8時30分，但到9時15分先有。在等位期間，那位recept已俾定張紙我o地剔，選擇其實唔係咁多，都係大路火鍋料。我們要了肥牛、四寶丸、豬、海蝦、鴕鳥肉、花枝丸、貢丸、白鱔片、脆肉鯇、鮮魷魚、枝竹、菜…用料幾新鮮，但較慢，若然沒有那款火鍋料，侍應不會告訴你，只要你入了四、五次都唔見有就即是冇。至於湯底，我們要了沙爹和清湯，沙爹冇乜味，滾到咁上下時，侍應係加水，所以越滾越淡。不過$78任飲任食，又真係唔話得，會考慮再去。

大埔新開的酒樓，跟家人也來過數次。覺得點心都ok好味，不時有新款式；廚房o既炒粉麵粉也不錯，而且足料兼分量多，偠錢又不是很貴。試過叫了一窩東星斑麵，才$55，魚肉新鮮嫩滑，並不是雪藏貨式，湯甜清甜，沒有味精，加上麵條過清鹼水，真係超值。其他點心如煎腸粉、蘿蔔糕、叉燒飽、燒賣…大路款式都做得頗有水準。最值得一提的是現在新張期內，$1籠蝦餃，絕不欺場，也沒有將貨就貨，蝦蛟粒粒晶瑩剔透，餡料還有紫薑，好正！但要每兩人才可以order一籠。