彌敦粥麵家 (已結業)

出門才想要吃什麼，惟有向openrice求救了...忽然想吃粥，又在油尖旺，很自然便找到這裡。此店環境認真麻麻，門面非常不吸引，進去才發現偌大的食堂竟只有一位顧客獨自在吃粥。說真的，實在有點後悔進來了......店內某桌上放滿了一盤盤油炸檜，看到也不太想吃。看了餐牌，終於決定點豬潤魚片粥、牛肉粥和皮蛋海蜇。先來的是皮蛋海蜇....皮蛋不俗，溏心呈少許流質狀卻又不黐牙；海蜇也很好吃（可能是因為我本身喜歡吃）再來豬潤魚片粥，魚片味道也不錯，沒有散爛的情況，但豬潤......真是超級極好吃！在粥內浸了良久，仍然極爽！我從來未吃過更好吃的豬潤了！由於太好吃了，接下來的牛肉粥變得平凡。老實說，牛肉只勝在滑身，味道十分普通。服務方面，尚算殷勤，價錢也不算貴。

間中也喜歡回來此處吃一碗粥或是麵的。始終是老字號，所以每次來吃，總是不會太令人失望的....不知何解明知那些所謂的鮑貝都是尋常的罐頭貨色，但還是熱愛將之與粥來伴吃。這裡的鮑貝一點也不韌，且甚有咬頭；裡頭的海鮮味甜汁滲入粥內，令粥也變得更甜了。這兒的粥底吃起來雖不及如生記的綿及有米香，但勝在也是粒粒煲至開花之餘亦帶瑤柱香的，已是相當的不俗了....只是吃一種粥的配料當然不是小弟的風格的。附加的鯪魚球打得尚夠實淨不軟淰，但就是欠了果皮香。這樣就固之然差了點....菜心每條也是鮮爽沒渣，只是下得太多蠔油，實在是極喧賓奪主；叫一碟剪碎了的油條的用意只是用來放入粥內吃，脆不脆看來也沒有大關係的....老粥麵舖，還是那一貫的老水準。能維持那樣久，已很不錯了.....

今日(6-3-2010 Sat)出o黎男友食飯同做o野,諗起我同事話呢間o野o既粥好食,所以同男友o黎試,我叫個$25.00o既鯇魚片肉丸粥,男友$20.00o既鮮蝦餛飩麵,之後我發現有$22.00o既知係咪就係我讀書食橙色o個隻o既京都炸醬麵,男友就唔理,叫o左先算.不久,鮮蝦餛飩麵到o黎,冇蔥花o既?之後我o既鯇魚片肉丸粥都到,我食我o個碗先,魚片幾多,肉丸原來有4粒,粥唔稀亦唔濃,都幾綿,鯇魚片都幾新鮮,肉丸可以.而男友o既餛飩麵呢,佢話啲湯落o左胡椒粉,有啲辣,o岩佢,而佢話啲麵夠彈牙.我又試吓啲湯,係喎.之後食粒餛飩,蝦好爽口,都幾新鮮.食食吓,炸醬麵o黎到,就係我想要o個隻喇.食完以上o既就試呢隻,湯都係o個隻有胡椒粉o既湯,有啲辣,我撈勻o左o黎食,炸醬酸o既甜味被辣味蓋o左,攪到我唔想食,就畀男友食埋佢.男友話呢o度o既食物正宗,但價錢貴o左啲.

和友人都被流感攻陷了，晚餐主打：粥！豬潤肉丸粥一落單，駐守門口的老伙計就利索地拿著小鍋，起爐．選料．滾粥．上碗．新鮮豬潤，手打肉丸，綿綿滾粥．我們連一勺粥水都沒有留下，讚！淨雲吞怕只吃粥不夠飽（絕對是我的主意），另叫雲吞一碗．雲吞大小適中，蝦爽口新鮮味美，只可惜......充其量也只能算是"伴菜"，粥依舊是我（們）的至愛！終於，我也找到我喜愛的粥店了～

佐敦有孖寶一粥一麵粥就彌敦麵就麥文記佢地超過40年足見實力非常彌敦粥相信好多人都試過粥綿唔多講粥底亦真材實料每一啖都係鮮味最好就係雞粥佢D雞有少少酒去"葉" 再加上用鮮雞去做食落唔會有雪味 粥雖然易做但亦最易error 一錯就知道係龍係蟲咁多年林師傅都係老手加上見到唔少街坊尼食睇得出多年感情都響呢間老店值得一去!!

香滑豬潤魚片粥-彌敦粥面家o岩o岩喉嚨唔係好舒服, 想起之前係openrice見過介紹附近好似有間幾好食o既粥鋪, 就同石太去試試先. 去到都唔少人, 不過唔使等位. 間鋪都唔算大, 係個有D年紀o既餐廳, 充滿懷舊o既味道. 唔講咁多題外話, 去馬叫左二個粥:豬潤魚片粥: 值得推薦, 豬潤熟到o岩o岩好, 好滑! 有D食緊鵝肝Feel. 魚片應該叫做魚腩, 因為好厚下, 又係好香魚味同埋好滑. 以後食粥o既話又多一個選擇.牛肉粥: 牛肉都幾滑, 不過好似醃過來.不過以上兩樣o既份量好似少D, 唔夠兩個人食. 見隔離D牛腩好似幾好食咁又叫多個牛腩麵試下. 麵就中規中矩, 不過牛腩就唔錯, 好香牛腩味又肥廋適中唔乾柴.見佢唔錯, 下次一於試埋個豬腰先.

漢奸老友老迷曾向我強烈推介的粥麵店「彌敦粥麵家」，一直未有一試，另外老迷早前光顧時，八掛地打聽到該店好像要面前業主加租的影響。當然，此傳聞未知屬實與否，但此已是題外話。早已聽聞有頗多遊客光顧，我們早上十時左右到達，剛好在店尾有一卡座，其時已感到有點不夠冷氣。全場的人客當中，說粵語的只有兩三檯客人。今次到來，除了粥品外，還想多點一碟白灼魚皮，但原來已經一早售罄，看來遊客的威力不可小窺。粥品點了皮蛋瘦肉粥($25.00)及豬腰豬肚粥($28.00)，由於沒有白灼魚皮的關係，變成多點一碟油條($7.00)。先來油條，正確來說應該只有半條，但由於粥未送到，先放在一旁，但用筷子接觸了一下，仍是硬硬的。兩碗粥先後到來，粥底頗綿，味道亦足夠，我想會否是味精作怪，但此要留待吃完才會知曉。皮蛋瘦肉粥的鹹瘦肉鹹味十足，算是過鹹了一些，但與粥一起進食則問題不大，皮蛋份量多，雖不是糖心，但味道也算可以。然後是豬腰豬肚粥，豬腰豬肚粥同屬偏淡味的食品，兩款同樣新鮮，亦沒有雪味，令粥底仍能保留大部份原味。油條放入粥內，在浸一會吸收了粥底的味道，在微脆與半腍的狀況下放入口中，感覺良好。這間老字號的粥麵店，環境算整潔光

一心黎試試廿多口笑面, 係咪浪得虛名 ?天氣熱辣辣食粥既人真係小之又小, 都唔知想食乜, 於是問問老伙記有咩好食, 佢提意我食炸醬撈., 我又問佢牛腩撈… 哈哈 ~ 最後都信老人家 清湯同麵一齊上 撈麵份量唔多, 男人肯定要食2碟, 橙色炸醬反而幾多, 偏甜的味道小女子最愛, 瘦肉比較多, 最怕一路食一路 "了", 麵身不重鹼水味而且幾爽口, 最衰條伴菜有點怪味 ...5 分鐘內我已完成目標 大地魚清湯, 好鮮甜, 仲以為下了不小味精, 點知返到屋企都唔太口渴喎 其實係平平淡淡　感性駕馭理性 = 笑面

家住沙田, 對於所謂馳名之"白切雞溝粥" 並無興趣. 吃粥多是旺角妹記或富記, 前者吃魚粥, 後者吃及第粥.早兩天在巴士上昏睡至半死, 醒來已到佐敦. 肚有點餓,到處找吃的. 見此店門外掛上幾大條鯇魚片, 想生滾魚粥應該錯不了, 決定來一碗醒神. 店面較舊, 牆上掛了蔡生之訪問, 已多見不怪. 看餐牌, 店子主打粥品, 豬肝豬腰, 魚片魚腩,多是25元 最貴的鮑魚粥要賣到98元. 也有粉面, 沒去理它.要了肝腰魚片粥, 片刻已上桌. 嚐一口, 粥底綿, 米也開花, 魚片和腰肝鮮味早已盡入粥底, 甜得叫好. 粥份量不大, 但配料極多, 腰肝各三,四片, 灼得剛剛好, 沒異味. 魚片也多, 味鮮而完整, 也是師傅火候控制得好之故.今天特意再去, 點了油條,皮蛋和牛肉魚片粥. 油條不熱卻仍脆. 送粥好極. 皮蛋送點薑絲葱絲, 倒進粥裏又添些口感. 牛肉滑, 應有點蘇打粉, 但醃得入味也就吃不出來. 還想點魚皮, 但已飽, 粥也吃完, 還是留待下次.

今天行經佐敦，見到一間舊式粥麵店，吸引咗我入去食嘢，原來佢來頭到唔少，牆上貼滿雜誌和蔡欄的介紹。我點了碗豬潤肉丸粥，粥底較稀，水多米少，太肚餓應該會唔夠飽；豬肉丸好多肥肉細粒好有豬肉味；豬潤爽甜；我特別喜愛加入有蔥粒，食起來好好味!!!

鲍鱼粥和金牌粥是这里有名的主打，价位也比较高，都差不多要90块钱一碗。金牌粥其实是精品及第粥，有猪肝、猪肚、猪肉片、鲍鱼片等，用料都很精致，每一片都有质地，口味纯净，绝无异味，应该算是名不虚传。其实粥的味道比较清淡，加上油条也不错，但没有旺角富记那么鲜。其他粥面价钱就比较寻常了，艇仔粥味道也不错。小食当中椰汁咖喱牛腩量多，但有些咸。感觉一般。

入去坐低左之後,第一個問題係...唔通係泰國人開?因為貼在玻璃上的水牌都有泰文的...都唔理係唔係泰國人開,好食就可以了...仲有食家蔡生既推介...都唔會太差呢叫左一碗雲吞麵,一碗魚旦河,味道..一般啦,不過不失,雲吞唔錯,豬肉份量啱啱好,而麵質都夠靭唔會散修修,魚旦河味道平實,魚片細細塊但係幾好食...湯水比較清淡...再要左一碟魚皮,味道都係淡,可能要自己落豉油先好食...埋單六十多,價錢唔平...

放學, (返7至10點) 自然要找些食物幫肚子填充. 反正要回九龍, 坐上 104號巴士, 在油麻地落車. 以往老爸常說帶我黎食鮑魚粥. 只是說, 沒有實現過. 不過, 今次, 都係皮蛋瘦肉粥. 保持我一向的傳統. 而且, 夜, 實在不宜吃太多. 亦不用食鮑魚吧.準備食完就走, 很快便大叫一聲"皮蛋瘦肉粥", 老伙記亦隨即大叫一聲"皮蛋瘦肉粥", 粥品師傅開始起鑪仔. 煮粥. 慢火煮粥, 加上冰花皮蛋, 瘦肉, 粥底的調味亦鮮美. 25元一個皮蛋粥, 相對起黎不算太貴, 但粥是重質素, 重料, 重味道. 貴, 有時是有道理的.粥店在酒店旁, 很多都是內地遊客. 咦! 粥品店, 也是一個香港特色啊.

光顧多年，只會在此店吃粥。近日委實太熱，改吃麵，見有甫魚麵，之前未曾有留意；即問問伙計大哥什麼是甫魚，答是大地魚磨碎，用來配麵。大喜！愛粉麵的朋友一定不會對大地魚陌生，它是雲吞麵湯底的靈魂，不過現在尚有多少店家以大地魚熬湯，相信買少見少了。整碗麵鋪上不少大地魚碎，毫不吝嗇，入口，香；但鹹，口味清淡的朋友勿試，我就一下子幹掉了一整碗了。白灼魚皮很新鮮，配薑蔥，有麻油和糊椒粉香。傳統的食物，依然有它的實力和吸引力；千帆過後，依舊是一碗粥，一碗麵最窩心。

豬潤粥$23 ~ 粥底很好,唯豬潤不夠新鮮