彌敦左岸

营业中

休息中

餐廳分兩層，地下是開放式設計，如果選擇這個用餐區，可以飽覽尖沙咀繁華嘅景象，把酒談歡，其樂無窮☺️而樓上地方寬敞，座位設計多元化，有高枱，梳化椅，圓枱等，適合不同組合，設計頗花心思，我們選擇了樓上位置，有美妙音樂伴奏🥰細看餐牌，以咁好嘅格局來説，價錢應該算好抵，無限時，真心覺得好公道，難怪客人陸續進駐，口碑應該唔錯👍🏻不含酒精mock tail 好多選擇，價錢都係幾十元，賣相靚又好味，特別係呢杯Ginger & tonic，真係要推薦比大家，甘甘甜甜，開胃醒神👍🏻烤低溫慢煮西班牙🇪🇸黑毛豬鞍10安士$288，份量足，八成熟🔥肉味甘香，與別不同，真係跟普通豬好大分別，建議一定要試吓👍🏻旁邊嘅紫薯配菜，亦好好味，上面沾上蜜糖，好用心烹調比客人享用😬低溫慢煮乳豬件$278，烤足12小時，慢煮嘅重點係保存肉味最好嘅方法，外皮脆卜卜，下面第一層脂肪層甘香可口，再下面嘅肉香吸收左肉脂嘅精華，好Juice超級好味👍🏻👍🏻👍🏻真係食到骨都啜埋，太邪惡了，可能Order多一份都可以，實在太正了🥰聽住醉人嘅音樂，把酒談心，人生幾何，而且服務質素高，絕對高度推薦比大家☺️

第二次去呢間餐廳/酒吧，上次感覺普通，無話好又無話唔好。今次因為無訂枱，本來想食韓燒，點知想去果full左無位，只好搵其他野食，行過見到，記得呢間都ok所以上左左食！叫左杯白酒Sauvignon Blanc $88杯，意外地唔錯，一般餐廳做得by glass既酒當然係平酒，一般都好差，不過張價就貨無法，但呢支酒真係唔錯，好滿意！之後叫左個Caesar Salad, 諗住無得錯，點知唔係太啱口味，佢應該係加左anchovy鹹魚d油，我覺得怪怪！其次叫左個鹹蛋黃同蟹肉醬麵包，超好食😋，我覺得係必食！重叫左個乳豬，都好好食，好滿意！👍🏻👍🏻👍🏻

-🔸Supreme Pizza $188🔸墨西哥香辣牛肉芝士焗粟米片 $138/Full🔸美式煙燻醬燒西班牙黑毛豬肋骨 $138/Bite🔸半熟芝士撻配自家製開心果雪糕 $72🔸The 菠蘿冰 $78🔸Meh Spring $78-收工同男朋友撐枱腳，嚟咗赫德道搵嘢食，依間酒吧啲嘢好食，而且仲好有氣氛，非常推介呢！先叫咗墨西哥粟米片，份量好大，仲有三種唔同嘅醬任你dip，有牛油果蓉醬、蕃茄莎莎，同埋乳酪醬，三隻試勻晒都好味，係飲嘢傾計必備嘅小食👍🏻主食叫咗半份ribs同一個pizza～豬肋骨燒得剛剛好，啲肉唔會鞋，同美式煙燻醬好match，半份都有成5-6支骨幾多㗎！Pizza揀咗至尊薄餅，超多配料，有雞肉、開邊蝦肉、辣肉腸、生洋蔥、菇，仲有大量芝士，豐富又好味😋最後叫咗芝士撻做甜品，咸香嘅芝士配上鬆化嘅牛油撻底，仲有自家製嘅香濃開心果雪糕，超滿足啊！

我一直以為，酒吧嘅食物都未必有好好嘅質素，專注西餐嘅酒吧少之又少！今次嚟到呢間係尖沙咀，估唔到佢嘅西餐非常有質素，坐得好舒服，氣氛好好，啱晒三五知己傾偈飲嘢！鮮魷魚自家製手做闊條麵配帕馬臣芝士忌廉汁呢個我真係超鍾意估唔到佢嘅闊條麵做得非常好食，又有啲彈牙，忌廉汁有煙肉嘅香仲有芝士，掛上去真係非常唔錯！如果再多啲醬汁就更加好啦！烤12小時低溫慢煮乳豬件製作需時，上枱熱辣辣，豬皮超脆，都比較多肥膏但豬肉好嫩！佢仲配左個燴煙肉皺葉甘藍蘭度豆，係好特別！最後呢個係爆漿芝士蛋糕配自家製開心果雪糕！同一般嘅芝士蛋糕唔同佢係一個蛋糕件，配一啲爆漿芝士。有啲似芝士奶蓋係個蛋糕上面，我覺得幾特別，唔會有芝士厚重同肥膩嘅感覺！

很久沒有和好朋友聚舊，趁暑假放低仔女，特登來尖沙咀Chill 一下。炎炎夏日，我們先來兩杯Mocktail ， 菠蘿薄荷檸檬梳打，so fresh ! 另一杯係玫瑰檸檬荔枝，好香玫瑰味。前菜點了低溫慢煮三文魚香芒木瓜藜麥沙律$158，比想像中大碟，三文魚大件厚切，低溫慢煮令三文魚入口即溶化，而粒粒有咬口的藜麥混合了香甜芒果和木瓜粒，好醒胃，口感層次豐富。我和朋友吃了這道前菜已經飽了一半；主菜係鮮海膽蟹肉自家製手造寬條麵 $258這個闊條麵鋪滿了紫菜，撥開見到有好多海膽、蟹肉以及三文魚籽，全部都非常鮮甜。檸檬忌廉汁混合了海鮮津白、Parma Ham, Parmesan Cheese，令整個忌廉汁芝士濃郁中帶點海鮮鮮味。視覺及味道都一絕。之後我們點了兩個甜品share食。爆漿芝士蛋糕配自家製開心果雪糕$88 ：芝士蛋糕creamy 香濃；開心果雪糕是自家製，好多碎粒有咬口嘅開心果配上軟綿綿嘅雪糕；蘋果撻配自家製開心果雪糕$78撻皮酥脆，蘋果餡料甜度剛好。同朋友來Chill 一下，呢間的確係唔錯嘅選擇！

呢間餐廳已經係第二次來，除咗地點方便，可以飲酒之餘，野食款式多而且仲唔錯添！疫情前仲會有live band表演，依家就望住電視睇奧運直播先！THE 菠蘿冰～除咗有菠蘿汁，飲得出仲溝咗啲檸檬汁同梳打水，仲有少少薄荷味，酸酸甜甜，超消暑同解渴！生蠔🦪：海洋女神～味道清甜，蠔肉飽滿而且口感爽滑白珍珠～海水味適中，肉質creamy頂級吉拉多～海水味重啲，蠔肉較結實香煎鵝肝多士～鵝肝都幾大塊，配埋無花果醬同一片新鮮無花果，食落清新啲絕不過膩！西班牙黑毛豬火腿菠蘿Pizza～除咗火腿同芝士，裡面仲夾雜菠蘿同白菌，味道唔錯又唔會過咸，最欣賞佢批邊烤到好似餅乾咁薄脆！

某日路過尖沙咀見到呢間新開餐廳,覺得幾得意同埋菜式幾岩胃口就bookmarked!!預約左又再次改時間,好彩服務生都好好,好順利!到左之後發現menu熟口熟面!同之前食過位於觀塘ge登堂一模一樣!唯一唔同應該就係飲品,呢到酒精類多d就更有信心!但好可惜當晚無乳豬!我心心念念的乳豬!由生蠔/pizza/意粉/包/香腸拼盤都有高水準發揮!雖然我會中意觀塘個間多d,呢到係環境比較熱鬧,輕鬆,比較岩多d人一齊圍爐!

鮮魷魚自家製手造寬條麵，寬條麵好有口感，麵質彈牙，芝士亦都好足料，煙肉亦都煎香過，寛條麵做得幾出色。🥰烤12小時低温慢煮乳豬件，乳豬件用咗12個鐘慢煮，外脆內嫩，用刀叉慢慢切開，唔洗好用力切乳豬件已經可以分開😍飲品就叫咗波蘿冰同Meh Sring爆醬芝士蛋糕配上自家製開心果雪糕，蛋糕上面的奶蓋醬好多，芝士蛋糕配上奶蓋醬幾好食😋整體黎講估唔到一間酒吧餐廳的食物幾高質，水準屬於中上水平👍🏻💗

尋晚趁住放假就同friend嚟到尖沙咀呢邊食餐dinner,咁啱見到呢間酒吧餐廳好似幾吸引，就入嚟試吓至尊Pizza $188好大份Pizza，入邊有好多配料，包括雞肉，鮮蝦，西班牙辣肉腸，芝士，白菌，洋蔥等等🧅Pizza有芝士拉絲，感覺好邪惡！食落脆卜卜，幾香，幾好味😋烤原隻鮮龍蝦龍蝦汁意大利飯$308有兩大隻龍蝦🦞龍蝦肉幾新鮮，幾香甜～意大利飯比較淡味，配埋龍蝦肉還好Ginger and tonic $78飲落有汽水嘅感覺，帶少少薑味因為係Mocktail，冇酒精成份，幾啱我呢啲唔飲酒嘅人士Mainstream $78有玫瑰荔枝糖漿，仲有檸檬汁🍋同埋莓汁，幾香甜，幾好飲

本来为了他家的Live performance 远道而来，结果落单之後才被告知没有表演。当天周六。食物的话中规中矩.。点了两份一面一份Supreme pizza.。酒品类偏贵， Cocktail一只就要108，而且要等半个小时才上桌。

餐廳位於酒吧林立的赫德道 燈光微暗甚有情調🍸二樓的中央舞台可欣賞現場歌手演唱 雖然因為疫情現在沒有Live Band Show 換上螢幕播放音樂MV 但室內氛圍依然令人感覺放鬆 .主菜點了Beef Wellington 牛柳塗上鵝肝醬再蓋上酥皮烤焗而成 切開後呈誘人微粉紅 肉質保留至Medium Rare 的質感🥩雖然牛味濃郁 酥皮亦焗至香脆鬆化 可惜調味略為太鹹 鹽粒未完全溶化 仍有進步的空間 .小食頗喜愛Nachos 栗米片以濃厚芝士鋪面 配上酸忌廉 牛油果醬和番茄醬 味道豐富口感香脆🌮.餐廳食物份量頗大 菜式選擇亦多元化 加上這裡的座位設計不顯擁擠 很適合與朋友聚首一堂 把酒談歡🥂

燴低溫慢煮原隻法國黃油春雞💲258米蘭式燴牛仔膝·蕃紅花意大利飯 💲228爆漿芝士蛋糕·自家製開心果雪糕 💲88THE 菠蘿冰🍹 💲78Meh spring🍸 💲78✅ 慢煮雞肉乾身唔鞋🐓 牛仔膝大大件，同牛尾嘅口感相近，鍾意食牛同埋硬身risotto嘅朋友會鍾意呢碟菜🐄✅ 開心果雪糕好滑，冇辜負我對自家製雪糕嘅期望👍🏻 咖啡蛋糕上面嘅芝士奶蓋同脆脆好夾✅ 兩款mocktail嘅名都好趣怪🤣🤣 菠蘿冰嘅份量大，當中嘅薄荷蜜感覺清新🍃 而Meh spring望落細細杯但味道相當唔錯，係甜蜜之選💓👅Taste：7.25/10💰CP值：7/10🙋🏻‍♂️Service：7/10👁‍🗨Stylishness：7/10P.S. 當晚就係喺度見證香港奧運金牌劍手嘅誕生🥇 全場都好Hyper🥳🥳🥳

疫情之後夜生活少咗 XXG私心推介一間bar & restaurant 野食好高質😍 夜晚仲有live Band睇 抵玩過癮🍹😎▪️8/10▫️<< 香煎鵝肝多士 x3 >> $178 鵝肝厚身大塊😍 一咬油脂喺口中爆開 無花果醬好清甜 食過最夾‼️多士軟硬適中 搽上蒜蓉牛油🧈 令鵝肝味更出🤩▪️8.5/10▫️<< 西班牙黑毛豬火腿菠蘿比薩 >> $158 薄批好脆口👍🏻 每塊都有大片parma ham 加上大量濃郁Mozzarella芝士 拉哂絲 啲料仲厚過餅底 食落滿口肉+芝香 夠晒邪惡😈▪️8.5/10▫️<< 烤12小時低溫慢煮乳豬件 >> $278 外皮超香脆 肉質係極。嫩 😱 超juicy💦 脂肪比例完美 唔使調味已經好正 滿口油香🤤 無花果蜜糖燒汁清甜 中和膩感～▪️8/10▫️<< Ginger & Tonic >> $78 比一般ginger ale薑味更出更辣 配微甘嘅湯力水 飲落好fresh😆 ▪️8/10▫️<< Meh Spring &#

黎到呢間星期六日已經full booking一黎到已經feel到呢間餐廳好受歡迎我地就叫左西班牙黑毛豬肋骨同埋串燒拼盤。西班牙黑毛豬有full size/bite size，如果你係兩個朋友一齊去食，其實bite size已經夠哂至於串燒拼盤，我特別鍾意佢個白鱔，燒得好惹味，仲配搭有四款不同口味嘅醬汁。飲品方面我地叫有左菠蘿冰同 Meh spring，幾解油膩，味道清爽。本來呢間有live band，因為疫情開係轉左播音樂但都幾有氣氛，好適合一大班朋友去飲嘢食飯吹下水

話說成日都經過依間bar, 一直都以為係酒吧only, 直到今日朋友提議去依度食飯, 先知道原來係BAR AND RESTAURANT而且D野食仲好有水準!上一層環境更加寬敞, 燈光加上餐廳中央一個大MON, 播放住MUSIC MV, 整體感覺好有氣氛。身處咁有氣氛既BAR, 今晚唔飲酒都要先叫兩杯MOCKTAIL!THE菠蘿冰 $78   Ginger & Tonic $78Ginger & Tonic就係有汽既LEMONADE, 清新解渴, 我自己就中意依杯。朋友既THE菠蘿冰都唔錯, 菠蘿汁既味道天然, 加上少少薄荷味, 一樣好適合夏天飲。橙漬芝麻吞拿魚柳嫩菠菜沙律 $168吞拿魚兩成熟左右仍帶鮮味, 輕輕用black pepper吊味已足夠, 菠菜夠嫩入口無渣, 加入左意大利白豆有口感又有營養, 仲有鮮橙代替沙律醬汁, 整體清新又健康, keep fit食一流!烤黑松露菌醬海鱸魚柳貓意粉 $188貓意粉好香牛油味, 海鱸魚柳啖啖肉而且新鮮, 一d腥都冇。加上烤黑松露菌醬香味加上少少蕃茄既酸甜, 好好味!藍芝士野菌Pizza 188用左兩種cheese分別有bluecheese同