強記美食

营业中

休息中

Keung Kee has been operating for more than 60 years. They restaurant started with two signatures: glutinous rice and beef offal. Now Keung Kee’s elder son succeeds the restaurant and focuses on the rice which the taste and quality have been maintained throughout the years💪🏼鴛鴦腸臘味糯米飯 𝗦𝘁𝗲𝗮𝗺𝗲𝗱 𝗚𝗹𝘂𝘁𝗶𝗻𝗼𝘂𝘀 𝗥𝗶𝗰𝗲 𝘄𝗶𝘁𝗵 𝗖𝗵𝗶𝗻𝗲𝘀𝗲 𝗣𝗿𝗲𝘀𝗲𝗿𝘃𝗲𝗱 𝗦𝗮𝘂𝘀𝗮𝗴𝗲𝘀The irresistible fragrance was what attracted the Michelin inspector and earned them the Bib Gourmand🏅The ingredient quality is top notch especially the duck liver

以前經過呢間小食店都總係見到有人係度外賣聽聞佢嘅糯米飯好出名仲拎過米芝蓮🌟次次都想去試下都未有機會！開業多年 係灣仔依然屹立不倒！最近由外賣店搬入舖呢幾日襯住去開呢頭天氣涼涼地就嚟試下🤪新舖裝修好光亮企理冇咗個種舊港式傳統味道除咗招牌糯米飯之外仲有粥品、小食等等-鴛鴦腸雜錦臘味糯米飯$63嚟講一個飯碗份量有啲細當然 好食嘅一次半次就冇所謂啦賣相幾靚仔 飯面滿油光臘腸同膶腸放面糯米飯炒得乾身唔會黏哂一舊飯粒吸收臘味嘅油份嗰種油香係口裡揮發仲有煮到入哂味嘅冬菇😍不過有啲失望係糯米飯口感唔夠軟糯比較硬冇食過舊舖嘅糯米飯所以做唔到比較但自己覺得普普通通香煎蝦米腸粉（加蛋） +$6一定要加蛋🍳！蝦米腸粉煎到金黃色表面焦香脆口真正外脆內軟👅本身加咗芝麻 豉油 麻醬如果唔夠 枱上面仲有醬任落🤟🏿香口嘢我最愛🤪燒賣/豬皮/牛柏葉 HKD$10/12/15呢度小食款式都幾多魚蛋 燒賣 豬皮 蘿蔔 牛柏葉 魷魚等等自己就唔係幾推薦燒賣燒賣係圓底發脹型質感好麵粉一啲都唔煙韌😶豬皮同牛柏葉就正常發揮不過值得一提個醬係幾好食！-由小店搬入大舖又係灣仔區 價錢都唔算太過進取嘅不過食物方面就冇預期中咁出色糯米飯有啲

之前睇過唔小強記米芝蓮小食推介嘅報導，本身唔係港島人較小機會嚟食。今晚天氣凍又撞正喺灣仔區，就決定嚟試試佢嘅出品。嚟到強記應該無人會唔點佢嘅招牌臘味糯米飯(我估就算大熱天時，應該都有不小街坊捧場)。糯米飯用料足，有齊臘/潤腸、冬菇、臘肉。糯米飯粒煮得夠爽又糯，唔會好濕身; 飯上面亦有油香。我簡咗臘腸，原條上夠誠意; 同埋聽講臘腸係香港製造所以食落無怪油味道。如果可以再加埋花生咁就Perfect 啦！香煎蝦米腸粉，質數本身係唔錯，但可惜腸粉面煎得唔夠有點失色。另外呢度有D用南乳清湯去做嘅小食，我點咗魚蛋同埋燒賣。兩樣食物入面，我都食唔出南乳味道 ; 而且口感太淋唔彈牙。新舖有新加小食，我點咗咖哩汁魷魚，咖哩汁比得唔太多所以食落水魷魚唔夠味。

今次是慕「鴛鴦腸雜錦糯米飯」之名而來，結果......趁這幾日「冬天」（12月，終於有少少少少冬天的感覺），就找暖笠笠的食物，暖暖胃吧！朋友（又是朋友！）推介「強記」，就即管試試。下午三點幾，人不多，米芝蓮的光環下，少有的少人時間，真好運。鴛鴦腸雜錦糯米飯、腸粉是必食之選，其他都是貪吃而已。果然，鴛鴦腸雜錦糯米飯，沒有讓人失望。糯米飯夠軟身，配上非一般豉油，已經叫好，再加上酒香味濃，軟硬適中的鴛鴦腸，簡直不得了，最後以臘味粒及蔥花作點綴，更加惹味。一向不好飯的我，搶先完成。（飯量不多，大概是一碗飯🍚）之後就是朋友必食之選——腸粉，他說平時煎得夠香，底是脆的，但今次就未見此效果，所以表現未見突出。😅😅至於其餘兩款，就是一般既有水準，不會是必食推介。2人份，大概$140多元，在灣仔區，我ok喎。結果.......（首尾呼應）起碼我會為「鴛鴦腸雜錦糯米飯」再來。😄

今日朋友喺灣仔做嘢, 嗌咗強記美食嘅外賣同大食妹開心share之前見大家都走去食佢嘅糯米飯同腸粉, 大食妹一直好想試, 可惜位置有啲遠, 咁耐都仲未食<雜錦臘味糯米飯>雜錦臘味糯米飯望落份量唔算好多, 食嘅時候先發現佢壓到好實, 越食越多咁糯米飯粒粒分明, 望落就好開胃可惜今日嘅調味比較清淡, 大食妹覺得有啲普通臘腸同蝦米份量都唔太多, 薄薄嘅幾片<煎蝦米腸粉>煎蝦米腸粉雖然未至於十分好食, 但比糯米飯優勝腸粉又薄又滑, 雖然冇咩蝦米同香煎蝦米腸粉嘅香氣, 但份量比得好足

普普通通冇乜特別唔係以前嗰隻風味地方乾淨企理職員非常有禮貌中規中矩冇乜特別好耐冇食可以嚟感受下本人比較喜歡以前舊舖嘅風味腸粉比較油個飯的配料就好少啲臘腸切到好薄

老公一直有食開呢間灣仔小店, 由車仔檔開到入大鋪, 價錢一d都唔貴, 主要做街坊生意, 好多人專揸車黎買外賣, 真心好食, 難怪成日都登上米芝蓮小食推介。雜錦臘味糯米飯必食 $45❤️雖然份量唔算多細細碗咁，但係就好足料 有冬菇、蝦米、臘腸同潤腸炒得非常之入味，而且唔會好油，係我食過其中最好食的糯米飯！花生旺菜豬骨粥 $36個粥底好綿好滑，唔會好稀咁,入面有豬骨花生蠔豉菜乾，食完成個人暖哂。煎蝦米腸粉 $25⭐️腸粉煎至微焦，有脆又滑，加上芝麻，甜醬，麻醬，豉油。如果唔夠，仲可以自己加醬油，真係好食到唔停口。豬皮蘿蔔+咖喱汁 $27豬皮蘿蔔都炆至超淋，而且個咖喱汁好香濃好入味，真係好好食。

今日去灣仔行街，行下行下就晚上6點幾，又唔知去邊食晚餐，行過強記美食，睇到幾個客人在門口等外賣，心想有人等外賣食物都應該唔會差得去邊。不用等位，可以立即入坐。叫了糯米飯、腸粉、牛肉粥、咖喱魷魚和牛柏葉。我喜歡既食物是子砂窩牛肉粥，粥一上台熱辣辣，食下去好夠味。煎腸粉味道都唔差，煎燶少少仲好味😋。糯米飯一般，不是網上講到既咁好食。咖喱魷魚、牛柏葉不是太出色，可以試一次就足夠。鋪頭光猛，睇上去都叫乾淨。

我冇諗過強記會靚左咁多，連餐牌餐巾都提供埋，不變的依然係絡繹不絕的人流新鋪d野新束束好乾淨，我不是很習慣。以前的大鐵鑊也未有見到。香煎虾米腸粉$25超級正，脆卜卜有少許微焦，煎得夠火喉又嫩滑，係以前食開的味道。陳皮綠豆沙$27亦是一絕，不會過甜，陳皮足，豆沙綿軟Keep 到水準，食極唔厭，強記真心好正呀。下次要食番喳喳，豬骨粥，糯米飯，豉油王炒麵，腐竹糖水

喺灣仔已有70年歷史嘅「強記美食」最近搬咗新鋪！之前我只會揀天氣涼啲嘅時候先去「強記美食」，因為店內地方細又冇冷氣，食飯時熱辣辣感覺並唔好受😆😆 搬咗鋪後就可以隨時去食臘味糯米飯！舊鋪同新鋪地址接近，轉個彎就到㗎啦。 餐牌上所有食物我都想食…最後都係決定食好耐冇食過嘅「臘腸雜錦糯米飯」(HKD54)。價錢係比搬鋪前貴咗，不過相對地糯米飯同埋材料都多咗。印象中之前啲臘腸係切片嘅，而家就原條切半上。味道我覺得冇變，飯粒依然好黏口，食完之後仲好暖胃呢。▫️燒賣 (HKD10/ 5粒)⭐️試業期間營業時間為12pm-10pm⭐️最低消費每位$20⭐️不設加一

強記美食地址: 灣仔駱克道406號地舖電話: 25725207🔹🔹🔹🔹🔹🔹🔹🔹🔹🔹🔹🔹由佢地舊舖食到新舖。以前起舊舖多數叫碗糯米飯或豬骨粥配腸粉，但係真係食到大汗疊細汗。聽到強記開舖，梗係要黎支持下。新舖店面新裝修，啲嘢新束束好乾淨好企理，坐得好舒服，香港地最緊要有冷氣👍🏻兩個人好似肥妹鬼上身咁嗌咗以下咁多樣1️⃣臘腸雜錦糯米飯裏面有蔥、冬菇、蝦米、臘腸、臘肉碎 ，又足料， 香口，咬落去好豐富。有時出面食啲糯米飯會半生不熟，不過強記做咗幾廿年梗係無呢個低級錯誤啦！而且佢啲糯米仲煮到好Lim，但啲米又一粒粉分明有油光，唔會溶咗一pat嘢咁。2️⃣花生旺菜豬骨粥個粥底好綿好滑，唔會好水好稀咁,入面有豬骨花生蠔豉菜乾。今日天氣涼涼地，食啖粥真係好暖胃。3️⃣豉油王炒麵呢個都好味😋 碟底無油，我唔鐘意啲好乾嘅豉油王炒麵，佢係有少少🤏🏻咁啲啲濕，個麵就會軟少少。咁當然，如果食開好乾好硬嘅麵的話，呢個麵可能唔啱你。4️⃣南乳蘿蔔魚蛋燒賣個南乳蘿蔔好入味，夠淋！魚蛋我無食到comment 唔到。燒賣就正常無乜特別。5️⃣香煎蝦米腸粉超級正。我覺得好過舊舖！我記得有一次在舊舖食煎過咗龍碎濕濕。今次係一啲都無呢個問題！煎得

多年歷史嘅＼強記美食／搬咗入大舖，前幾手經過見到佢試業中就入咗去食，睇吓食唔食得返以前嘅味道😬❶香煎蝦米腸粉 $25煎到好香口 腸粉表面仲脆卜卜係我最鐘意嘅腸粉狀態ʕ •́؈•̀ ₎加埋甜醬一齊食真係好幸福唔係到到嘅腸粉都可以煎到卜卜脆 正！❷花生旺菜豬骨粥 $36配料都幾多但排骨淨係得兩舊🥲（不過豬肉而家真係好貴嘅 可以理解）啲粥好綿味道啱啱好 唔會太鹹～係以前食開嘅味道😬❸砂鍋滑雞粥 $46呢樣係以前冇嘅新產品！因為我哋食咗豬骨粥先再食呢嗰滑雞粥一食真係好鹹⋯啲雞係好滑嘅 但粥體真係鹹得滯味精都幾重手 食完好口渴總結嚟講 今次好可惜冇食到糯米飯下次有機會會再食！小食都出色保持到以前嘅質素但新產品可能要再適應一下啦(´._.｀)

最近天氣開始轉涼，早有聽聞灣仔有一間攞米芝連既糯米飯，今日叫左個雜錦臘味糯米飯，由碗飯一上枱已經聞到好香既炒臘味飯味，味道唔會太鹹，糯米炒得夠入味，飯唔會太硬身，最緊要同臘味好夾，而碗飯個size岩岩好，因為糯米本身食得多會容易頂胃，一碗飯再配個小食剛剛好，材料方面臘腸同糯米既比例剛剛好，食得出多年用心既味道，價錢方面最平45$一碗飯配個小食都係10$，埋單50-70$左右，價錢合理值得一食再食👍🏻

強記係由細食到大嘅舖頭，由街邊不起眼的車仔檔，到最近搬進了得體的舖頭，不變的依舊係絡繹不絕嘅人流。搬舖之後，會加價就理所當然。45蚊一碗嘅招牌鴛鴦腸糯米飯，來到坐低還是必定要食，解一解饞。😋糯米飯粒粒分明，油亮飽滿，乾爽不粘的口感是強記嘅特色。最近開始轉凍，食糯米飯嘅感覺就係會令人暖粒粒。但冬天時在舊舖頂著寒風食糯米飯，又是另外一種滿足感，哈哈。值得一提的還有他們的煎腸粉。煎過一面的腸粉香脆，另外沒有煎的那面保留了腸粉原有的軟糯，特別帶出了腸粉的米香，是令人忍不住一啖接一啖嘅口感。間唔時會口痕想食，在家試過自己煎，完全不是這回事。😅🤣小店搬遷到離舊舖不遠的地方，大家還要繼續支持啊。💪🏻

每次一開始涼涼地，就諗起呢間小食店既糯米飯！😋最近，每次揸車經過都見關門，以為無開！之後覺得唔對路喎！無理由日日唔開嫁！😮‍💨突登落車睇，原來搬咗鋪！👏🏻👏🏻👏🏻一入鋪，我諗大家都唔會諗到強記靚左咁多！見到依家全部都係後生仔後生女，老闆話依家第三代開始接手！佢地仲留番個舊招牌👍🏻👍🏻👍🏻好有特色 見到呢幅牆，真係唔影都對唔住自己😂😂😂壯觀呀！！！依家連餐巾都提供埋😂😂😂 新餐牌！幾個月無食，真係忍唔住要叫個鴛鴦腸雜錦糯米飯黎食😋雖然比以前貴左少少，但碗飯大碗左，都唔止幾啖！我一個女仔真係食唔曬！不過真心好正呀！糯米飯軟硬岩岩好！最鐘意係粒冬菇，吸哂臘腸潤腸嘅油香！慢慢食都忍唔住食曬😋下次真係要加冬菇！😬好飽呀！但好滿足😌😌😌Keep到水準！👏🏻👏🏻👏🏻一定會繼續幫襯！要加油呀💪🏻💪🏻💪🏻