強記美食

营业中

休息中

📍強記美食灣仔駱克道406號地舖香煎蝦米腸粉 $25 (加配雞蛋🥚 +$6)鴛鴦腸雜錦臘味糯米飯 $63生菜魚肉碗仔翅 $34豉油王炒麵 $25咖哩豬皮 $14咖哩魚蛋 $12今晚女朋友好抵錫，黎接我收工🥰之後仲帶左我去食一間良心小店💛呢間連續7年拎到米芝蓮推介既餐廳已經有好耐歷史，黎到都有唔少人等位😆我同女朋友都一致認為佢既香煎腸粉係最好食！😋咖喱豬皮同魚蛋都唔錯👍但係其他就冇乜特別啦😅我一開始以為糯米飯係生炒，但原來係煲😯個人覺得糯米飯唔算好香，而且偏硬身，就咁食唔係好夠味🤔至於碗仔翅同豉油王炒麵就普通，唔建議叫😂後尾先知佢地既粥同糖水都出名，但我地冇試到🥲唯有下次再黎😋#bunnytummy_港島#bunnytummy_灣仔#bunnytummy_港式#良心小店 #強記美食#香港foodie #食好西 #香港美食 #hkfoodblogger#hkfoodie #hkig #香港好去處 #拍拖好去處

食完西班牙菜，有點飽亦有點膩，要食下甜品中和下。我和T先生想食中式糖水，但在灣仔區既選擇唔太多，抱住唔食都冇咩問題既心態由灣仔行去銅鑼灣，突然比我諗起強記美食，於是😁😁已經9點多，入座率都有7-8成。粥和炒麵已經售罄，T先生想食啲小食，於是揀左香煎蝦米腸粉。腸粉有煎過係香口啲，再混入甜醬，令人好想食落去😆糖水呢～～我揀左腐竹薏米糖水腐竹煲爛晒成奶白米色，係我鍾意既口感，內裡有煲腍既薏米，略嫌薏米少左啲；甜度適中，腐竹味/豆味算濃😇 我幾鍾意😊T先生揀香草陳皮綠豆沙 — 豆多足料，而且煲到起晒沙，食到陳皮陣陣香草味，而且不會過甜，我地都好鍾意強記美食由車仔檔開始，由2016年起到依家，年年都入米芝蓮推介，價錢合理，味道亦不錯，所以都keep住有人幫襯。

平民小食做到米芝連，真系有本事既！生炒糯米飯，臘味味濃飯香、生菜魚肉湯清甜、煎腸粉香口嫩滑、仲有齋，樣樣好食。認真做食物材料普通味道都唔會普通！食材簡單，心思係用錢買唔到，多謝認真對待食物既人！

第一次嚟強記，兩個人見咗一碗牛肉粥，一碗豬骨粥，一碟煎腸粉，一碗糯米飯。牛肉粥上桌，我第一眼以為係豬肉粥，因為肉片色澤偏白，完全冇牛肉色澤，食落淡而無味，一般粥鋪嘅水準都達不到，收$44就真係有點過過。腸粉口感偏硬，應該係一早煎好，有單時再翻熱，落油亦太多，雖然份量足但質素一般，所以都食唔落。豬骨粥同糯米飯算中規中矩，試一次就算數喇！

今晚嚟咗灣仔嘅強記美食食緊晚餐，揀咗佢哋嘅招牌臘腸雜錦臘味糯米飯（$54）同香煎蝦米腸粉（$25）🍚🍤蝦米腸粉真係好好味，煎得啱啱好，外脆內軟，加埋啲蛋同蝦米，味道更加香，十分之好食🤤至於臘腸雜錦臘味糯米飯就有啲失望，雖然臘腸味道算好，但糯米飯味道有啲淡，完全攞唔到臘味嘅味道，令整體嚟講好似臘味同糯米飯係分開咗咁🤔。而糯米飯同臘味嘅份量都比較少，性價比唔算太高。😅總括嚟講，如果你係腸粉控，一定要嚟呢間試吓！如果你想試下臘味糯米飯，就要唔好俾佢米芝蓮個名搞到抱太大嘅期望😅

自從強記美食由灣仔舊舖頭 搬咗去新舖頭之後 都未正式入去堂食 通常都係買外賣返屋企就算 今日見佢堂食嘅人竟然唔多 決定坐低食個下午茶先返屋企 我哋兩個人食 最後揀咗一個糯米飯，蝦米煎豬腸粉同埋一個豉油王炒麵！糯米飯保持到一貫嘅水準，有一種好懷念嘅感覺，特別係凍凍地食，暖笠笠好正！佢仲可以加錢，加條臘腸或潤腸 今日嘅我哋就冇加，費事太飽蝦米煎豬腸粉亦都做得非常出色，煎到個面脆脆地再加埋我最鍾意嘅麻醬同芝麻，簡直冇得輸豉油王炒麵 就反而不過不失 下次晚飯再嚟食埋佢嘅砂鍋粥同埋甜品

前2日拔兄問我邊度糯米飯出名...我好似之前見過有報導在灣仔....不過吾知EXACTLY叫咩名，在邊度....咁當然係上網SEARCH 下啦....有間叫強記美食...在灣仔...吾通係呢間.？？搬咗新舖.....於是約今晚去試下....可能係時間早，又係閒日的關係,,,,吾駛等位...幾好...一早諗咗每樣叫D SHARE試下，我地叫左個3樣嘢，加一個糖水及一杯沙冰...1. 鴛鴦腸雜錦糯米飯($63)----飯吾黐牙，吾'硬"胃，有口感，潤腸食到差不多尾就感到甘香，肥瘦適中，臘腸都好香口，兩隻腸都係偏腍吾硬身..整體冇失望....不過如果加埋傳統的蝦米及花生在飯裡就仲好 ……2. 煎腸粉加蛋($25+$6)---正宗係街頭小食，ok3. 碗仔翅拼生菜魚肉 ($34)----呢個有D失望...吾夠熱，可能吾應該MIX埋一齊，因為碗吾大，放左生菜魚肉就放吾得多碗仔翅……4. 腐竹薏米糖水(熱 $27)---呢個好腐竹、好滑 5. 喳喳沙冰 ($32) ---吾見出面有，所以試下，都OK的...吾講吾知原來呢度係米芝蓮食店.....仲有幾十年歷史，可能係新鋪，感到好新幾乾淨，服務OK，

襯天氣仲未回暖，好想搵個臘味糯米飯食，去搵返細個冬天會食到臘味糯米飯嘅味道。所以今晚就去左間灣仔名店去試下佢地既出品。其實自己都叫做半個灣仔人，成日都喺灣仔一帶出沒，亦喺唔同既媒體了解過今次去食既餐廳，但親身體驗今次先喺第一次。當晚大約8:30去到，名店就係名店，要排隊等約十張檯到。等緊途中有店員出嚟表示新登記既就會無晒糯米飯，真係好好彩可以上到尾班車。而最後等左三、四個字到就入得。既然咁難得就盡量叫想食既啦。鴛鴦腸臘味糯米飯上檯見到兩一對臘腸加埋油潤既糯米飯，同埋香噴噴既臘味香味就知道係冇黎錯地方喇。一啖糯米飯入口，夠乾身，充滿油香。調味啱啱好。對鴛鴦腸蒸得啱啱好，咬落條臘腸到d油香會爆發出黎。至於條膶腸，連一個唔好膶腸既我都忍唔住食左半條。味道甘香軟硬適中。如果唔係仲叫左其他野食，真係會想再叫多碗。膽固醇嘅嘢都係食埋今餐先講🙈喜愛度(5分為滿分): 4.5煎腸粉加雞蛋一碟看似普通既煎腸粉，上檯時已經有適量既豉油淋左上面。腸粉煎到外脆內軟就不在話下。加埋雞蛋去一齊煎估唔到可以提升到個味道咁多。係個種喺腸粉個米香之外加咗淡淡嘅蛋香，就連甜醬都唔需要加，都會令人食不停口。喜愛度(5分為滿

強記是平民小食的米芝連食店，來過幾次，每次都食得好滿足。臘腸雜錦臘味糯米飯 $54 材料豐富，散發濃郁的臘腸臘味的味道，飯炒得乾身，粒粒分明，每一口都滲透臘味油香。一份兩人食，分量剛好，煎蝦米腸 $25（另加雞蛋$6）外脆內軟，配合雞蛋及不同醬料，口感和味道都超棒。咖喱魚旦$12 咖喱蘿蔔$14 咖喱魷魚$15全部都忟得入味，咖喱味濃，又不太辣。砂鍋鮮牛粥 $44粥底質感軟綿，鮮牛煮得時間剛好，保持鮮嫩口感。腐竹薏米糖水 $27腐竹味濃香，不太甜，食完暖笠笠。

#nw_taipo。😊Please like our fb page 👉🏻NWfoodstories👈🏻.📍 強記美食 (灣仔)灣仔駱克道406號地舖.米芝蓮餐廳🍴當之無愧😋又平，又好食！十分推薦！.鴛鴦腸雜錦臘味糯米飯🍚 $63 (5/5)好足料！好煙韌！味道剛剛好❤️超級香臘腸味，冬天食完一碗，暖粒粒！😋😋😋😋.咖哩魚蛋🍡$12 (5/5)燒賣 $10 (4/5)香煎蝦米🦐腸粉(加蛋)$31 (4/5)咖哩魚皮好有驚喜！好濃好味😋魚蛋細細粒彈牙！燒賣魚肉同腸粉都好食🤤不過加蛋煎就無乜特別🫣.馬來甜品喳咋(熱) $29 (5/5)好濃，唔太甜！喳咋勁多豆，十分足料！廿幾蚊，抵啊！

今日有空，所以專登到這名店試吓糯米飯，中午大約－點半到，不算多人，只係等了5分鐘就有位，可能平日所以不太多人，只係叫了－鴛鴦糯米飯，等了5 分鐘就到，賣相不錯，臘腸味道正常，潤腸味道不及臘腸, 跟住試吓個糯米飯，飯粒分明，但當入口試吓，感覺飯太硬了，當我食完碗，牙較都軟，如果飯可以軟少少，會更加好。小店服務態度不錯，有禮。

Michelin street food gourmet 😋 thanks for the treat .😋all thumbs up 🙌🏻 Rice roll with egg is much much better !! .😍hot sticky rice with Chinese sausages is a must have for winter at Hong Kong 🙂 aromatic and they serve in a much sticky and gluey texture! .😋siu mai is chewy but the curry is true spirit 🥰 wanna clean the plate 🥹. 😋10/10 especially good to have great food buddy to share •#vanatery #vaneatchinese #vaneatcausewaybay

魚肉碗仔翅 ($32)：芡打得唔錯，唔會太杰啱啱好，啲料都幾足，而魚肉係偏腍唔係彈牙嘅口感，我地就鍾意落埋白胡椒粉做調味啦😌鴛鴦腸雜錦糯米飯 ($63)：食材有臘腸、潤腸、冬菇、蝦米等，糯米飯夠乾身，油香味亦好夠，唯獨係口感唔夠軟糯硬左少少，配埋蔥花同甜豉油一齊食唔錯👍🏻咖哩牛柏葉 ($15)：辣味就夠啦不過略嫌咖哩味唔夠香濃，牛柏葉爽口彈牙，再入味啲會仲正南乳豬皮、蘿蔔 ($24)：南乳味幾香，豬皮同蘿蔔都好入味😋香煎蝦米腸粉 ($31)配雞蛋 ($6)：蝦米腸煎到表面脆口，加左雞蛋令腸粉更滑溜更香，加埋甜醬一齊食正！

食咗強記廿幾年，每次經過一定買糯米飯、豬骨粥、煎腸粉、腐竹雞蛋糖水。今晚再次經過一定去支持吓，點知一試難忘，魚肉碗仔翅從未試過咁難食，魚肉無味又「鞋」，碗仔翅淨係食到木耳及一件冬菇，仲有一嚿粉團，真係食咗幾啖就放棄。煎腸粉永遠都沽清。好彩糯米飯依然有水準，飯夠軟糯，豉油咸甜適中。下次都係買糯米飯同煎腸粉，其他真係要諗清楚。米芝連都係咁話，唔值得囉。失望而回！希望強記好好改善，做番以前水準，唔好再令人失望啦！

強記，除了是米芝連推薦外，更是童年回憶，兒時跟朋友的到銅鑼灣及灣仔逛街也會光顧的餐廳舊舖細細，更要坐半露天的座位上，冬天享受到寒風中嘆著熱辣辣的雙腸糯米飯及煎腸粉。原來已經搬了一年，路經舊址都會懷念着那味道，上星期在社交平台看到朋友貼文新舖，於是即刻去掃店，當然因為香港鋪租高昂，令成本上漲，所以價格都比從前增加了不少。🍚鴛鴦腸雜錦臘味糯米飯 糯米飯粒粒粒分明，內裡軟糯非常好咬口，加上臘味粒油香包住每粒糯米飯，尤其勁多潤腸粒，令更加滋味。上要配有粒冬菇，另加鴛鴦臘腸潤腸及上面灑了滿滿的蔥花令整碗飯的外表及味道更加圓滿。🍲旺菜豬骨粥🍲旺菜即係淡菜是青口乾，在醃製過程中加了鹽，使烹調後令食物提鮮，結合豬骨/ 排骨粥，粥底綿綿順滑，一碗簡單的粥能夠如此豐富，鹹鮮味十足，非常好美。🥢香煎蝦米腸粉強記的蝦米腸證明左將簡單事程用心做，都能夠做得與別不同，他們在煎的過程下盡心機，每條都會煎到有層薄脆，上面撒上勁多芝麻、麻醬、甜醬，真心推介。🥣🥚腐竹薏米糖水加雞蛋 足料腐竹煲至全溶，手豆香好濃，似濃稠版的豆漿，加入已煮得綿綿薏米，另外甜度非常恰到好處，無有死死的甜。