影片
以上资料只供参考，请与餐厅确认详情
「四点钟闩门，迟到连阿姐都唔吼你！」元朗大棠道熟食市场C11号舖「张光记」，呢间冬菇停大排档已经over 40年历史～.专程为咗排骨蒸饭冲过嚟，$50有找嘅蒸饭，底层铺满7-8粒半肥瘦排骨，腌到豉油香入晒骨，丝苗米粒粒分明弹牙到识跳舞，最邪恶系腊肠油慢慢渗落饭焦度😈.马蹄牛肉球够晒古惑，大大粒咬落「索索声」，有种童年嘅快感～ .霉香咸鱼排骨饭系「重口味之选」，咸鱼不过不失，排骨依然keep住嫩滑。.☕️奶茶先系隐藏大佬！茶底浓到黐脷，撞埋花奶滑过溜冰场。温馨提示：记住带现金同埋早过两点嚟～呢度收四点闩门
继续阅读
大家见到咁旧式既冬菇亭，会唔会好奇而走入去揾吓有咩好食呢？ 有次同长辈倾开，佢话原来呢间嘅盅头饭好好食，好出名。住元朗嘅街坊通常都知道的。我从未试过，出于好奇之下去咗试吓。环境当然就要将就下啦，好在有好多个大风扇吹著。坐就坐折枱。饭系粒粒分明。饭面淋上嘅豉油甜甜哋，几好味。佢哋拣做排骨嘅部位刚刚好。有肉有骨又有少少脂肪食到。唔会好似出面有啲好唔匀称或者太多脂肪好难咬。同埋排骨个味道调得几好味，唔会好咸好甜，刚刚好。食得出制造嘅用心。凤爪正常发挥。3样嘢配合得几好。下次可以再去试吓佢哋嘅粥品和中式点心。
继续阅读
放假特登一早入去元朗食下好嘢，知道有间冬菇亭叫张光记，出名食点心、粥品同埋盅头饭，去试一试，叫咗个凤爪排骨饭加冻奶茶，再加一个北菇蒸鸡点心，个凤爪排骨饭好大盅，啲𩠌都唔少，凤爪好腍，个汁微甜，至于排骨唔算滑，上枱之前个饭冧咗豉油同猪油，佢嘅豉油味唔突出，但正正因为咁，令到豉油味冇盖过猪油味，猪油味好出，如果豉油味重啲啲就perfect，所以个饭重点系猪油捞饭，至于个北菇蒸鸡嘅点心，鸡都算滑，冇蒸过龙，但系啲鸡肉唔多，可能靓嘅部位拎晒去蒸饭，至于味道中规中矩，而且蒸出嚟嘅鸡油亦唔算好多，唔会食到成口油，但系杯冻奶茶就差少少，一开始送过嚟嘅时候可能落错咗走甜，所以一啲糖水都冇落，但系都饮得出茶味几浓，但唔够香，之后叫佢加返糖水，加完之后只系甜咗好少好少，唔知系咪又变咗少甜，如果佢最终系冇加少咗糖水嘅话，甜味嘅份量就唔系太理想，不过相信如果糖水嘅份量系啱，杯奶茶应该唔算太差，最后，冬菇亭就唔好谂住有咩服务，不过通常都系比较有人情味，但用餐体验又唔觉得啲伙计同食客好相熟好有人情味，可能真系冇熟客喺度，三样嘢埋单$65，一啲都唔算贵，但系以冬菇亭嚟讲亦唔算平，但的确猪油捞饭，而家依个年代唔系周围都有。
继续阅读
今日帮衬元朗冬菇亭嘅张光记朋友介绍话佢哋嘅点心同埋蒸饭好好食今日又系嚟到元朗觅食嘅时候见到门口都好多人排队一坐低朋友叫咗梅菜肉片饭我就叫咗凤爪排骨饭佢哋系倒转吸落个碗度所以影相嘅时候唔系好影到个面有𩠌其实啲𩠌喺晒个底本身仲想试吓佢嘅腊味饭但手因为我哋今次得两个人食，所以一人一个饭就冇特别再嗌其他野啦排骨软熟得来有咬口凤爪亦都好入味个饭唔太腍亦都唔硬仲有少少烟靭添讲讲环境，嚟得冬菇亭食嘢都系食个情怀所以唔好期望会系好好，但系都干净嘅我下次会再嚟帮衬，下次真系会想试吓个腊味饭呢度食嘢唔系真系食香港情怀咁简单而啲嘢真系好好食唔系一般酒楼嘅一式一样嘅味道推介大家值得一试
继续阅读
有一排无入元朗，今日见天气OK入去探个朋友顺便食最近上网睇到介绍既张光记。其实呢个冬菇亭我唔系第一次帮衬，但上次咖啡通粉既体验十分恶劣，所以无再去帮衬，估唔到原来入面仲有间历史悠久既老店可以试下。去门口见好多人排队，谂住有排等，点知原来都系等外卖，咁见到有位就坐喇。事前做功课决定食凤爪排骨饭同牛肉球，同店员直接落单，大约等咗十五分钟左右，算有啲慢但都OK既。冬菇亭环境一般，但对香港人嚟讲系有种情怀，只系天气开始转热，无冷气唔系个个都接受。凤爪排骨饭既凤爪口感有啲爽，同酒楼淋滑口感唔一样，而排骨更加系面豉腌制，跟酒楼既都唔一样。见阿姐上饭前会加三样酱料，猜测可能系熟油，老抽同生抽挂，但味道唔浓，少甜味。牛肉球如传闻中扎实，有牛味有口感，感觉真材实料。好快咁食完，呢餐合乎期望，都几满足。麻烦阿姐睇数，阿姐收钱𠮶阵讲句多谢，我都讲句唔该，礼貌睇嚟基本，但唔系间间餐厅都会。
继续阅读