影片
以上资料只供参考，请与餐厅确认详情
寻晚睇社交平台睇到介绍呢间烧腊店，突然烧肉心起，今日一支公走入元朗食返餐。以前已经帮衬过几次外卖，佢哋既质素早已心中有数。第一次堂食，去到已经差唔多12点，担心已经卖完，好彩靓姐话仲有烧肉鸡，我话烧肉OK啦，结果上嚟肉鸡拼，原来系一定要食烧肉鸡饭，无单烧肉，OK啦，虽然我对鸡只系一般兴趣。明显呢个系烧肉唔够，鸡又有剩既安排😒。店员同收银好好口，好有礼貌，多谢唔该绝无欠你。不过当听到有客话唔食鸡𠮶阵，阿姐态度180℃变化就有啲令人惊讶😅。OK啦，揾食啫。大排档环境唔会干净，得两大一小枱，阿姐原本要我插入大枱窄缝入面，好彩细枱啱啱有人起身，我就唔使夹住食。一坐低上手既骨仲系度，睇下水渠水已经淹上嚟，嫌污糟真系可以直接外卖。鸡好一般，鸡胸肉，有啲实，但又唔系鞋，都可以的。都见有人好彩食鸡髀，无计，一切皆是命。戏肉当然系烧肉，佢哋话系新鲜肉烤制，有啲UN，有啲实，有肉味，块皮扑扑脆，绝对好食，每次质素都差唔多好稳定。饭就系最弱既一环，鞋口有生米，唔掂。埋单29，单双拼一样价钱。值得一提，之前买外卖烧肉，放几个钟啲皮依然香脆，记得佐敦有某家烧腊都系咁讲，可惜唔系事实。大排档唔影相啦，已经有人upload一堆相片，自己参考下。
继续阅读
听讲中午1 点几到2点，会开始冇脆皮烧肉卖，今次坐低，不慌不忙要烧肉加烧肉饭，职员话不可以，只能烧肉拼其他鸡鸭叉烧排骨，因为烧肉货量不够卖比其他客！ 记住入去要坐左手边，右边是另一档口，有分别的！ 我和家人坐一张大圆枱，几班食客都是唔认识的，我哋坐低喺度高谈阔论这间舖头点样平点样平，大家食得很开心！我嘅烧肉皮系脆卜卜嘅，但米饭真系争啲， 明解价钱要将货就价，影相喺张相度发现，原来师傅俾咗只鸭肶我，我今日真系Lucky day!
继续阅读
依家好难揾到咁抵食嘅双拼饭😋😋星期日早左起身专登黎到依间元朗著名冬菇亭😆8点咁早都见到有个阿叔等紧～要坐多两三个字先卖～环境就有少少少热，不过阿姐好细心转个风扇过黎🫶🏻嗌左个油鸡烧腩仔饭✨✨份量好多好抵食好味！葱油好邪恶但必要😝冇介绍错！四周连锁餐厅林立下黎，黎到食著名烧腩仔确有特色✨🫶🏻😙
继续阅读
😎 今朝特登早起系天后坐 968🚌 去元朗食也值得🤩 烧肉重暖𠮶皮咬落真系”chop chop” 声🤫大概 0815 到🧐 已经有人排紧买烧味外卖🫢堂食计埋我得麻佬3名😅我第一次去坐低谂住即叫番碗著名生熟地例🥣 (我起码有卅年未饮过😭) 点知😲 靓姐话要 1000 先至有🥺 原来佢就系喺度准备紧汤料😛叫咗碟烧腩叉烧🍚 呀姐话系爽叉㖞💁🏻♀️ 我话好呀🙋🏻♂️(其实我唔知🤷🏻♂️ 乜嘢系爽叉)呀姐写咗纸仔 $42🤔走咗之后尾睇番 OpenRice 餐牌双拼饭系 $30🙆🏻♂️ 唔通亚姐以为我会等到 1000 饮埋碗例汤🫨😬
继续阅读
上星期端午节10点半去到都有条人龙，但姐姐话冇拎飞既人佢就叫大家唔好等了，因为做节d 人朝早4点几就黎排队，卖哂就派飞，所以都派左好多飞，未必有剩俾排队客买了。但发现左平时原来可以即日打电话黎订定，咁就唔使特登黎排队!唯有隔一个星期，拣星期六9点零打电话去留定$200 烧腩仔，讲定11点去拎。11 点前去到都见到条长队，有接近20人。因为留左就可以行入去，等左5分钟左右，都即斩新鲜既俾我。呢度$199, 肥瘦适中，返到屋企都仲脆！唔会咸，又真系几好食，但偏贵。等既期间都会出堂食既饭同埋都有其他留左既人拎烧味饭。 但walkin 既话就继续排紧，所以有心想食既话，打去留定都唔错👍🏻
继续阅读