影片
港铁铜锣湾站 C 出口, 步行约2分钟
继续阅读
电话号码
56860622
营业时间
今日营业
12:00 - 15:00
18:00 - 22:00
星期一至日
12:00 - 15:00
18:00 - 22:00
以上资料只供参考，请与餐厅确认详情
相关文章
经朋友介绍，首次到弘文馆晚饭 ，顺便来试菜一次， 然后再计划预订房间和八位朋友食饭 。谁知去到查询有关包房餐单 ，经理竟然话只能提供a la carte menu， 叫我自己看过后再同佢磋商菜单。 我询问有冇以前嘅菜单可以参考，佢个答案竟然系𠮶啲菜单有个人名喺度，明白！ 即系赶客！ 经过今晚嘅经验，就知道点解香港食肆咁惨淡。 有客人查询八位用膳， 每位800-1000元，即接近$8000-10000元的生意，经理都唔太稀罕。今晚全场三枱客，加一间包房。经理服务态度仲仍然赶客一般，真可惜！ 上菜速度亦相当奇怪， 食完头两碟𩠌之后，半个钟有多都未有其他菜式到来， 再要追问下 才继续上其他菜， 如果生意旺，都明白 ，今晚只有三枱客，都可以咁样！我和朋友还反思是否我们叫的菜式未够名贵，未够收费高，所以被遗忘！真是为这间酒楼的老板感到可惜， 因为酒楼的食物质素很好， 而其他junior女侍应招呼亦都很好， 唯独是该位经理的服务态度 ，真系太有趣！！
继续阅读
总分：8.43🐑宋嫂鱼羹-清幽淡雅-7🐑小笼包-肉汁丰盈鲜香-8🐑清炖狮子头-原盅炖，肉本身冇乜腌味，食嘅系肉本身嘅原味，够胆唔落味，先系真功夫-8.5🐑猪肠豆腐-咪睇佢样衰衰，豆腐系师傅自己做，够幼滑、够豆味，猪肠亦卤得好，有应有嘅弹性，汁底带少许辣，好醒神-9🐑鱼香茄子-唔会好似一般港式嘅咁做到咁油，虽然冇咸鱼喺入面，但仍然做到惹味可口-8🐑扬州炒饭-首先系用嘅米种，叫泰州一号米，内有白米、黄米同紫米，十分幼身，但充满弹性，饭入面有火腿粒、海参粒，材料可谓非一般-9🐑红枣姜茶-红枣、圆肉、姜，简单配搭做出天下美味，我终于揾到比沪江更好味嘅姜茶-9.5🐑
继续阅读
谂住揾信和广场附近有咩好食，又想地方冇咁嘈吵，又想座位坐得宽阔啲，想环境事事正正，OpenRice map睇吓附近有咩食，就揾到呢间，出奇地评价好少，相信系新餐厅，见到啲相几精致，就胆粗粗就去食同行有两个BB ，冇谂过呢间餐厅都会有BB座椅，同埋BB餐具，虽然国内好流行，但系香港唔系间间餐厅都有，呢个都几欣赏👍🏻入返正题，总括嚟讲啲嘢食都好出色，午市$198/位，食物十分精致，真系一人一啖，质素真系几高，个人觉得佢个虾球🍤好好食，因为系配有咸蛋黄。好老实，依家大环境，如果平时做嘢食饭未必会选择，但系假期放松吓，一班人聚一聚，见吓客，想要舒服环境，唔想要咁嘈，食物质素又要得，呢间真系铜锣湾首选🥇
继续阅读
早前同屋企人一齐去试呢间新开嘅江南菜馆，上到去见到餐厅分开咗好多间房，睇嚟系方便附近公司预订见客或宴会用，普通冇book 位嘅就坐大厅，虽然地方唔大，但座位间空间都够大，都坐得舒服，同埋餐厅装修采用中式优雅风，又放置好多盆栽，都几适合打卡影下相。我哋总共叫咗6道菜，因为系秋天蟹季，所以叫咗好几道蟹粉菜式，当中最值得一试嘅蟹粉狮子头，本身好惊成口肥肉或者好韧，点知系入口即融，口感好松化，完全唔似食紧肉丸咁！另外，江南菜中必试嘅一定系河虾仁，河虾比海虾细粒，不过口感比海虾弹牙好多，配合蟹粉一齐炒，鲜味十足！其他菜式都好食，听职员讲好多食材都系新鲜由中国扬州泰州直送过嚟，以份量同味道嚟讲，价钱非常公道，下次如果有新季节菜单，都会想再试下。
继续阅读
系朋友介绍，第一次上到黎，都抱住唔大期望去试吓，因为人流唔太多，但其实呢个地方唔方便，铜锣湾地铁站劲近，但呢度私隐度都几高，又有好多 VIP房，最估唔到既系食物出众😍点咗既𩠌菜有当季既蟹粉河虾仁，蟹粉小笼包，蟹粉扒豆苗，河虾仁食落都几新鲜几弹牙；而蟹粉小笼包就是正常水准，都算皮薄馅靓；豆苗份量都算大份，豆苗都几嫩口，味道不错 。想讲吓个蟹粉狮子头，入口松化即溶，从来冇试过喺香港食过呢种口感嘅狮子头，一定系必食之选，真系大力推介👍🏻另外都要讲吓个扬州炒饭，啲饭超烟靭，口感好特别，听个名以为普通嘢，但系食落真系都几惊艳，都系必食之选😋
继续阅读