弘文館

係朋友介紹，第一次上到黎，都抱住唔大期望去試吓，因為人流唔太多，但其實呢個地方唔方便，銅鑼灣地鐵站勁近，但呢度私隱度都幾高，又有好多 VIP房，最估唔到既係食物出眾😍

點咗既餸菜有當季既蟹粉河蝦仁，蟹粉小籠包，蟹粉扒豆苗，河蝦仁食落都幾新鮮幾彈牙；而蟹粉小籠包就是正常水準，都算皮薄餡靚；豆苗份量都算大份，豆苗都幾嫩口，味道不錯 。

想講吓個蟹粉獅子頭，入口鬆化即溶，從來冇試過喺香港食過呢種口感嘅獅子頭，一定係必食之選，真係大力推介👍🏻

另外都要講吓個揚州炒飯，啲飯超煙靭，口感好特別，聽個名以為普通嘢，但係食落真係都幾驚艷，都係必食之選😋

黎個開胃前菜，有花生，醃蘿蔔，醃白菜（好似），全部好開胃👍🏻

叫咗芥末繡球菌，從來未食過，但一試難忘，芥末味道好出但又唔供鼻，仲好爽脆，一定要試吓，好少喺香港食到！👍🏻😋

由於咁啱係食蟹季節，所以叫咗個蟹粉河蝦仁，啲河蝦仁幾得意，好細隻，好少喺出面食到咁細隻～🦀不過味道唔錯

💟好似話呢度既獅子頭係必食之一，即管叫黎試吓，又真係一試難忘！因為出面食開嘅獅子頭，通常都係好實好嚡，但呢個我食落口係鬆化，仲要有埋蟹粉，都幾驚喜😱😱

1

蟹粉小籠包同樣好出色👍🏻👍🏻

1

嘩嘩嘩！！ 真係好好好食😋😋😋 好煙韌，從來冇喺香港食到咁樣嘅揚州炒飯，好驚艷，必吃No.1