影片
港铁油塘站 A1 出口, 步行约5分钟
继续阅读
电话号码
23493307
营业时间
今日营业
全日休息
星期一至六
06:00 - 15:30
星期日
全日休息
公众假期
全日休息
以上资料只供参考，请与餐厅确认详情
偶然在行山片见到有山客行完山嚟呢间食店，话有平价海鲜餐。食指大动😛即刻望吓食店附近有咩山行，果然初中高级路线都有，任君选择。其实食店个位置喺油塘，大本营行过嚟转个弯就到。先讲行山。高难度嘅魔鬼山西崖、普通级数嘅卫奕信径魔鬼山、砵甸乍炮台碉堡、BB级行街路线嘅鲤鱼门石矿场兼游壁画打卡。总之行个圈落番嚟四山街熟食市场。今次我哋hea游石矿场，喺年香园买埋手信（推介合桃、猪肉干和开心果蛋卷，有试食），赶及午饭时段。环境地踎，食物一流，性价比高！我哋叫咗四样：龙虾🦞$210三只蒜蓉开边蒸鲍鱼清蒸每只@15，最后五只我哋扫埋鱼清蒸$110蒜蓉炒豆苗$55三人份$450，人均$150。抵！味道？超赞👍🏻条石斑（红瓜子）火喉蒸得啱啱好，葱同鱼汁豉油捞饭食😋龙虾以为$70一只好细只，啖啖肉虾头有啲糕，正！呢个价钱我收货。鲍鱼都唔错，唔un. 俾只叉我拮嚟食会方便啲😅豆苗正常。$55算抵食个厨师烹调技术唔错，处理海鲜能好好掌控火喉。呢餐好满意个肚好满足价钱好抵！推介😉留意星期日红假唔开，食午饭时段，我哋1:30后到，三点几关门。
继续阅读
渔市场大排档香港食海鲜个个都识鲤鱼门，因为个度近渔市场，海鲜又新鲜又靓。既然系咁，不如直接试下去渔市场见识下，当去一次港式筑地。同样系油塘地铁站下车往工厂区行到海皮便找到渔类批发市场，（正正新住宅对面）再向前行小小，便到达熟食市场。入面有几间店，全部都好抵食，餐厅按果日渔获分好ABC餐，叫左一个蒜蓉蒸原只开边龙虾跟白饭跟饮品$108，另外叫左蒸鱼及蒸鸡，食物品质当然新鲜，大排档风味，而且平到咁，边度揾。由于附近仲有地盘开紧工，感觉更加地道，如果住附近或者自驾，可以叫外卖再车去鲤鱼门公园对住个海露天品尝美食。留意开店时间：星期一至六早上至3:30pm; 星期日休息
继续阅读
厨师叫我唔好推介人去食，又唔好祝佢生意兴隆，因为佢已经好忙。咁我唯有只作介绍，不作推介啦。首先，环境系差嘅！地方嘅卫生都唔好架啦，不过唔等于食物唔卫生，两件事嚟。如果唔系朋友带我去，好老实，一定过门而不入。有时就系咁，好多隐世美食就走甩咗。呢餐海鲜餐系omakase 嚟架，要选择喺2:00后食厨师先至得闲，因为午市佢哋做附近啲工人生意好忙。朋友系熟客仔，订咗几多人就咩都唔洗理，坐低等食。呢只长脚蟹目测4斤，我地1:40 到见佢已经整好咗， 2:00食嘅时候就唔系热，但都好味。佢忙未有枱招呼我地，冇计。龙虾有两碟，佢份量预多不预少，我地8个人。蒸鲍鱼同蒸鱼时间都掌握得好好。嚟赖尿虾好似只碟咁长，啖啖肉好好食。食完蒸鲍鱼，一人再有2只椒盐鲍鱼，呢个𩠌少见，做得出色，干身唔油但又淋。其实仲有啲食物冇影，例如白灼虾，花胶冬菇。厨师仲整件西多我地食，第一次见识咁劲嘅西多。个个饱到上心口。老板娘（应该系）话本来$350位，熟客收$250。劲抵。仲包饮品。
继续阅读
开发海鲜大排档，位于四山街熟食市场入面，呢间大排档嘅海鲜同小菜真系非常有水准，而且价钱又唔贵，真系值得多多帮衬，咖喱牛腩好出色，真正属于港式嘅咖喱(红油咖喱)，有薯仔、红萝卜(两样都非常好食！）、牛筋同牛腩，牛筋、牛腩都炆得非常软淋，而且够哂大件，咖喱汁辣度十足，真系辣到标哂汗🥵，白饭可任添，送冻热饮，每客$48元，抵食！备注：熟食市场环境一般，但场内所有饭店嘅食物质素真系相当之好，而且价钱又够哂大众化，good！
继续阅读
网上有人出PO写这里的食评，自己住在附近，特意行来试试。都好多选择，自己叫了个蒸班头腩。价钱$45连冻饮/汤，市区食个梅菜蒸鲩鱼都唔得啦，现在居然有这个质素的腩鱼肉，系抵的。但环境是大排档没有冷气，食客多是附近的工人，有无上衣大佬，如果你接受到可以一试。
继续阅读
您可能会有兴趣的...