開發海鮮大排檔

今日去油塘大排檔，旁邊就係海鮮市場，仲可以直接買過黎加工！ 炸蠔看似簡單，但令人驚喜的酥脆。炸蠔非常新鮮，麵衣的厚度恰到好處，保持嫩滑狀態，又能完美鎖住蠔肉的鮮美汁液。 銀芽炒麵 沒有花巧的配料，純粹靠鍋氣和調味取勝。醬油調味鹹甜適中，炒得乾身不油膩，好有鑊氣，讓整碟炒麵香氣撲鼻，而且份量好多。 椒鹽海蝦 一上桌便散發著濃郁的椒鹽香氣，選用的是中大型海蝦，蝦肉飽滿而且新鮮彈牙，炸至外殼酥脆，殼脆肉嫩，最驚喜的是蝦膏甘香，滋味十足。 豉椒大蜆 上桌時散發豆豉焦香、蒜蓉與蜆肉鮮甜的濃烈香氣。…查看更多

偶然在行山片見到有山客行完山嚟呢間食店，話有平價海鮮餐。食指大動😛即刻望吓食店附近有咩山行，果然初中高級路線都有，任君選擇。其實食店個位置喺油塘，大本營行過嚟轉個彎就到。先講行山。高難度嘅魔鬼山西崖、普通級數嘅衛奕信徑魔鬼山、砵甸乍炮台碉堡、BB級行街路線嘅鯉魚門石礦場兼遊壁畫打卡。總之行個圈落番嚟四山街熟食市場。今次我哋hea遊石礦場，喺年香園買埋手信（推介合桃、豬肉乾和開心果蛋卷，有試食），趕及午飯時段。環境地踎，食物一流，性價比高！我哋叫咗四樣：龍蝦🦞$210三隻蒜蓉開邊蒸鮑魚清蒸每隻@15，最後五隻我哋掃埋魚清蒸$110蒜蓉炒豆苗$55三人份$450，人均$150。抵！味道？超讚👍🏻條石斑（紅瓜子）火喉蒸得啱啱好，蔥同魚汁豉油撈飯食😋龍蝦以為$70一隻好細隻，啖啖肉蝦頭有啲糕，正！呢個價錢我收貨。鮑魚都唔錯，唔un. 俾隻叉我拮嚟食會方便啲😅豆苗正常。$55算抵食個廚師烹調技術唔錯，處理海鮮能好好掌控火喉。呢餐好滿意個肚好滿足價錢好抵！推介😉留意星期日紅假唔開，食午飯時段，我哋1:30後到，三點幾關門。…查看更多

漁市場大排檔香港食海鮮個個都識鯉魚門，因為個度近漁市場，海鮮又新鮮又靚。既然係咁，不如直接試下去漁市場見識下，當去一次港式築地。同樣係油塘地鐵站下車往工廠區行到海皮便找到漁類批發市場，（正正新住宅對面）再向前行小小，便到達熟食市場。入面有幾間店，全部都好抵食，餐廳按果日漁獲分好ABC餐，叫左一個蒜蓉蒸原隻開邊龍蝦跟白飯跟飲品$108，另外叫左蒸魚及蒸雞，食物品質當然新鮮，大排檔風味，而且平到咁，邊度搵。由於附近仲有地盤開緊工，感覺更加地道，如果住附近或者自駕，可以叫外賣再車去鯉魚門公園對住個海露天品嘗美食。留意開店時間：星期一至六早上至3:30pm; 星期日休息…查看更多

廚師叫我唔好推介人去食，又唔好祝佢生意興隆，因為佢已經好忙。咁我唯有只作介紹，不作推介啦。首先，環境係差嘅！地方嘅衛生都唔好架啦，不過唔等於食物唔衛生，兩件事嚟。如果唔係朋友帶我去，好老實，一定過門而不入。有時就係咁，好多隱世美食就走甩咗。呢餐海鮮餐係omakase 嚟架，要選擇喺2:00後食廚師先至得閒，因為午市佢哋做附近啲工人生意好忙。朋友係熟客仔，訂咗幾多人就咩都唔洗理，坐低等食。呢隻長腳蟹目測4斤，我地1:40 到見佢已經整好咗， 2:00食嘅時候就唔係熱，但都好味。佢忙未有枱招呼我地，冇計。龍蝦有兩碟，佢份量預多不預少，我地8個人。蒸鮑魚同蒸魚時間都掌握得好好。嚟賴尿蝦好似隻碟咁長，啖啖肉好好食。食完蒸鮑魚，一人再有2隻椒鹽鮑魚，呢個餸少見，做得出色，乾身唔油但又淋。其實仲有啲食物冇影，例如白灼蝦，花膠冬菇。廚師仲整件西多我地食，第一次見識咁勁嘅西多。個個飽到上心口。老闆娘（應該係）話本來$350位，熟客收$250。勁抵。仲包飲品。…查看更多

開發海鮮大排檔，位於四山街熟食市場入面，呢間大排檔嘅海鮮同小菜真係非常有水準，而且價錢又唔貴，真係值得多多幫襯，咖喱牛腩好出色，真正屬於港式嘅咖喱(紅油咖喱)，有薯仔、紅蘿蔔(兩樣都非常好食！）、牛筋同牛腩，牛筋、牛腩都炆得非常軟淋，而且夠哂大件，咖喱汁辣度十足，真係辣到標哂汗🥵，白飯可任添，送凍熱飲，每客$48元，抵食！備註：熟食市場環境一般，但場內所有飯店嘅食物質素真係相當之好，而且價錢又夠哂大眾化，good！…查看更多

網上有人出PO寫這裡的食評，自己住在附近，特意行來試試。都好多選擇，自己叫了個蒸班頭腩。價錢$45連凍飲/湯，市區食個梅菜蒸鯇魚都唔得啦，現在居然有這個質素的腩魚肉，係抵的。但環境是大排檔沒有冷氣，食客多是附近的工人，有無上衣大佬，如果你接受到可以一試。…查看更多

同事突然叫一齊食飯，神神秘秘。一行五人，經過麗港城入，到達熟食巿場約1230，差不多座無虛席，但大部份地盤朋友食碟頭飯，食海鮮？同老闆講平均150，十分鐘到有得食。飲個飽魚湯，飽魚大大隻，切件點雞腿汁，正，有驚喜（餐牌價$98）。雞腿，量多入味，但要有心機食。蝦量不多，但新鮮肉地夠實。魚連粉絲，正。蜆肥美，份量夠。龍蝦都唔細隻。同事羊腩煲，汁都飲埋連埋3杯飲品，1支啤酒，埋單780。抵食。老闆好好口，又唔hard sell。…查看更多

全因有Peninsula East後有電梯可以上四山街，我地就周圍行睇下有無其他野食，搵到呢個四山街熟食市場，入面環境唔係個個ok，但班同事同我都ok就得！家下每日就上去炒小菜食飯，火喉夠又好味，價錢公道，全部$40，白飯任裝，有埋野飲，男人去最啱！由於佢收6點，只有星期六先可以去食海鮮，150或者200一個人，由老世發板市場有咩新鮮就有乜，魚蝦蟹都有，想食豪啲可以加錢食長腳蟹，4月頭一個星期六就會去食海鮮！…查看更多

一間隱藏在油塘四山街,熟食市塲的大排檔,有超平早餐及午市套餐,每天有不同款式的小菜及海鮮提供!價錢由$38蚊起!1款餸+1碗白飯+例湯或咖啡奶茶(凍飲唔洗+2蚊),我食過蛋白蒸花蟹$80,有2大隻新鲜花蟹,红酒炆羊腿$58,波士頓龍蝦滾瓜粒湯$68,篜瓜子班尾$80！另外$38蚊之套餐有鮑汁豬手,雞脚!東波肉,等等,太多!不能晝錄!另外如有一班人聚會,可向老板提出,佢會專程+做夜晚,每位约$350至400左右!酒水另計!…查看更多