廿一堂

营业中

休息中

一向係中環食lunch 唔平🤦🏻‍♀️食好d 都過百蚊去左新開廿一堂😍多款選擇 而且cp 值高order 左個角切寶石井 $79🍚抵 呢間完全入左 my list of 餐廳❤️

每個星期都有會一至兩日同朋友係中環上堂，過左幾個月，已經試左好多間餐廳，上星期經過見到呢間餐廳既食物選擇好多，又有魚生飯，又有咖喱，今個星期決定試試佢。選擇多到唔識揀，見到有個新出既松葉蟹柚子胡麻冷烏冬，呢幾日天氣又熱就試試佢~份量都唔少，個烏冬有蟹肉、蟹柳、雞蛋絲同青瓜，配埋胡麻醬一流！呢度係快餐店形式，係門口counter先買飛，再自己搵位等number show左上螢幕就可以自己出去攞。食到一半有個店員提教我地要將另外個醬料倒埋入去一齊食會仲好味，食到尾聲仲有專登行過黎問我地加左醬料係咪好食好多，好貼心~同朋友都覺得可以黎多幾次，試埋其他野食！

本來周圍行下睇下有咩食路過見到門面幾靚就入左黎點知食物款又多又平到嘔幾十蚊野食有二三百蚊質素正到呢試左三文魚飯同牛肉飯都好食唯一差之處係坐低左就無餐牌睇要麻麻煩行返出去

最近留意到喺中環嘅橫街開咗呢間日式餐廳飯堂。人流都唔錯喎，搵位都要D時間。試咗呢個三文魚子套餐，跟餐有茶碗蒸同埋味增湯。平心而論，三文魚子就當然唔及係貴價日本餐廳食嘅新鮮，但係三文魚份量都唔錯，夠多塊，絕不欺場。整體個配搭都有一定水準。特別係$100唔使就已經有個日本午餐套餐，喺中環真係買少見少。

午飯在這間店和朋友食很多人等坐位對面有一個內地人食飯和玩電話，有服務員不禮貌對待對該女人說，這是快餐店， 早點快點走。 但女人說， 我還未食完。 服務員寸爆說，你在玩電話，不是食飯。態度差爆。要趕客嗎? 服務員可以用好少少的態度說話還有， 自助點餐機冇紙，拿不到收據。我找收銀員求救，她叫等，但她沒有行動之後我嘗試找其他人幫手。得到的回覆是要找收銀員我再找收銀員的時候拿收據時，她在垃圾桶內找回我的收據。 我問她為什麼要丟掉我的收據，她怪我走開了(1-2分鐘)和她只是reprint。食物還好，但這間店的服務超差。

為咗用上星期嘅 , 所以今日又嚟食廿一堂#3 個碗裝滿著燒香咗嘅雞柳, 有好滿足嘅感覺! 加咗幾滴檸檬汁, 味道就更加出. 筆到飯嘅中間先發覺原來有1層洋蔥, 索住咗燒雞嘅汁, 令成個飯好甜! 食到呢度我覺得設計呢個飯嘅設計師幾有心思!呢個餐另外仲有1個, 加埋呢個小小嘅甜品, 令成個套餐好圓滿雖然廿一堂有鼓勵大家主動回收托盤, 並且回贈2蚊, 但好多人都冇咁做~ 即使係咁, 工作人員都 好頻密咁巡查餐廳, 同埋收拾托盤加清潔桌面.今次第二次呢,一堂 時間係午餐時段. 成個環境都幾靜, 以快餐店離講非常之高質. 後黎上網查先知道原來廿一堂係翠華旗下個新嘅支線, 我覺得翠華有成功轉型或者開拓1個新嘅市場

今天上午係中環海濱玩完中西區康樂活動節後，又熱又曬消耗大量體力需要盡快食個午餐補充能量。星期日中環到處都咁多人，想搵個地方食餐便飯有d難度。諗起上星期食過一間日式可以再試下，於是就到依間［廿一堂］用饍。😊中環［廿一堂］地方寬大，卡位眾多，坐落覺得舒服不會逼狹，裝修是日式餐廳格局。在近門口counter買飛後等陣就到水bar拎餐了。今次我叫了個［日式咖喱燒牛金菇卷漢堡朳定食］,白飯份量適中，漢堡扒size大，連埋大福草餅夠哂飽肚。😎用餐後自己收拾餐盤可獲得$2 coupon，可7天內用餐使用，係翻食既推動力。😁

其實我鍾意下午茶先食午餐，一來少啲人，二來份量冇咁大，啱晒我哋呢啲Old lady 又為食又怕肥嘅人😆無意中經開士丹利街以前檀島嘅茶餐廳位置開咗呢一間廿一堂日式料理店，我想講佢嘅下午茶簡直係抵食夾大份😍😍😍😍我叫咗三文魚手卷再加個烏冬其實係輕食之選，三文魚手卷即叫即整十分新鮮👍🏻👍🏻👍🏻👍🏻👍🏻同事叫咗個番茄通心粉加個炒蛋雜菜薯餅，個炒蛋好滑同埋個薯餅唔油膩，推介👍🏻講真30幾蚊又有得坐得舒服，喺中環來講其實已經係上成自選🙈另外張收據有張$3 coupon, 七日內返去再食任何野都可以用😋

悠長會議之後 好想食日本野好好慰勞下自己中環食野不嬲都貴 即時諗起係中環工作既朋友推介 即時同同事行過黎試下係咪真係性價比甘高先！現場環境闊落 光線好充足同同事一人叫左一個set鐵火井配玄米茶，72蚊睇個樣都知好味啦 呢個價錢竟然都有6塊魚生甘多仲要好新鮮好厚切我覺得絕對對得起價錢有餘玄米茶就普通茶包貨色但佢晤係主角嘛。who’s care😝同事晤鐘意食生野叫左鐵板角切和牛配燒魂丼，88蚊聽個名就霸氣十足 上到枱分量都晤少和牛中規中矩，咬得開 都係個句 對得住個價錢朋友晤食生野，溫泉蛋俾左我食雞蛋來源晤錯 無奇怪味道個晚我亦都無肚痛🤣🤣🤣 合格啦呢間店開係中環，價錢算中下食物水評平均 係一間可以再來既餐廳😁

起中環想食D日本野, 即使簡簡單單都一定唔平, 星期日行行下發現呢間"高級吉吉家"! 基本set既擺設, 份量足夠, 係滿足既 (1) 鐵板角切和牛配燒魂丼和牛粒易咬的, 快餐黎講係高質既!(2) 鐵火丼淨係賣相片魚生已經好吸引 $100內仲想點 (1) 場地大, 枱與枱之間有空間感/適當距離 可能係星期日, 容易搵到合適既坐位 (2) 背景音樂係舒服+音量適中, 同朋友聚舊唔錯唷 有自助機+收受多種付款方式, 係方便既

中環抵食之選～同朋友企係點餐餐牌前面諗左好耐要咩餐好🤤樣樣都想食😆😆😆最後點2個share😆·🐽豚肉生薑燒配65度溫泉玉子（$58 配大福+飲品）味道比較淡，但整體不錯👍🏻·🐮鐵板角切和牛配燒魂丼（$78 配大福+飲品）珍珠米鋪滿紫菜仲有隻蛋😍😍一見到已經覺得好吸引！厚切和牛粒口感不錯⋯但鐵板上滿滿的都是油🤭朋友話好油膩🤭·🍨大福 跟餐送既😍🤤皮唔厚～唔太甜👍🏻-📍廿一堂中環士丹利街33號地鋪

睇個門口賣麪包第一眼未必知係食lunch 嘅日本餐廳穿過門口嘅窄位就見到入面超闊落D位都好舒服打破中環想食平少少就一定要迫嘅定律今次試咗呢個鐵火丼$78幾新鮮喺中環嚟講價錢合理仲配一個飲品唔錯同同事會keep住嚟

聽聞呢間廿一堂係舊年翠華集團接班人嘅新攪作講真翠華茶餐廳就不了 性價比低 又多大陸遊客🤦🏻‍♀️即管試吓呢間廿一堂會唔會俾到d驚喜我先我地一行二人 叫左兩個set 分別係三文魚親子丼同埋炙燒三文魚帆立貝丼個set跟一個日式蒸蛋 仲有野飲跟 可以揀可樂/麵豉湯/玄米茶總共都只係盛惠$170 喺中環茶記食個炒公仔面都要$88啦！ 價錢非常合理個三文魚親子丼飯冇多到完全遮蓋飯面但係都已經非常豐富呢個價錢 啲三文魚一定唔係厚切㗎啦但係都算新鮮 味道都滿意三文魚籽就大大粒脹卜卜😍而個炙燒三文魚帆立貝丼都正燒得夠香 惟帆立貝無乜鮮味唯一唔好呢就係要自助取餐等位 喺中環嘅繁忙午飯時間 餐廳內遍佈等候嘅人群個個都對住你虎視眈眈 食得有d趕😅期待下次試吓佢啲燒丼同麵食🥰🥰

廿一堂抵食鰻魚飯中環食lunch 真係人間苦難。選擇少, 價錢貴，又迫人。翠華餐廳近年開多左副線，廿一堂就是其中之一。點餐採用自助形式，落單後等一陣就有得取。餐廳裝橫走日系風, 坐得舒適。食材標榜用日本蛋及日本米。溫泉蛋剛剛好，嫩滑,日本蛋的蛋黃就是燈黃色！一整條鰻魚上，質素超越預期，醬汁沒有過甜。唯飯量對大食量男仕可能不夠？中環地方有此日式快餐，收貨！同一地方有埋蛋糕及無添加麵包賣，一次過滿足晒甘多需要。

朋友推介，話哩間餐廳好好食 ，就即刻好想試下佢餐廳嘅裝修係日式風格，仲有一個角落係賣麵包一入到去，我都呆一呆。原來餐廳採用係快餐店形式，先結帳，等叫number拎餐。佢有2個counter, 2個自助點餐機，夜晚無咩人都算等得快出餐叫number嘅係分開兩個廚房, 一條隊係魚生同丼； 一條隊係熟食 分別嗌左兩個SET，#2 廿一燒牛丼 同  #4  鐵板角切和牛配 燒魂丼每個SET 包 1）麵鼓湯 ，2）可配 大福 或 韓式泡菜，3）飲品： 玄米茶 /汽水 麵鼓湯味道啱啱好#2 廿一燒牛丼（跟麵鼓湯 ，配 韓式泡菜，可樂 ）韓式泡菜味道偏鹹，麵鼓湯味道啱啱好 廿一燒牛丼，味道okay #4鐵板角切和牛配 燒魂丼（跟麵鼓湯 ，配大福，可樂 ）和牛粒都軟身，哩個價錢係唔錯，可以一試嘅 燒魂丼正常，雖然好多紫菜係面，但無咩特別 大福 完全喜出望外，佢俾係綠茶味～外面嘅粉唔多，糯米口感啱啱好