廿一堂

营业中

休息中

不是第一次來了，呢間餐廳堂食好過外賣好多，所以如果可以要盡量選擇堂食。而且餐廳都大，有好多卡位，在中環來講，算吾錯。今晚我同男友各自選了廿一咖喱唐掦雞丼套餐，有麵豉湯同大福再加$12配抹茶紅豆冰特飲。炸雞丼好好味但杯特飲吾好飲，好一般麻麻地要加$12吾值囉男友果份廿一炭燒鳥丼套餐一樣有麵豉湯同大福$8巨峰椰果梳打，燒鳥丼好味，雞肉嫩，吾錯。值得一讚係柜檯職員，個人喜歡食炸物鐘意配沙律醬，炸雞丼無跟，所以到櫃檯問，職員好有禮貌地用碟載上，值得一讃，雖然好簡單的一件事，但她好有禮貌，所以感覺良好，對呢間食店有分加😆

之前介紹過佢哋嘅下午茶，覺得真係好抵食，唔使$40嘅價錢，就可以喺中環區食一個都幾飽嘅下午茶。不過今次去到未到下午茶時段，於是就試吓佢哋嘅午餐，午餐價錢大概$50去到$90不等，如果你係食魚生飯，咁都係$100內。今次我就叫咗一個咖喱烏冬，加上炸雞。炸雞好大件大概有五件左右，炸得好香脆。加上蛋黃醬係絕配之選。咖喱烏冬好香濃，每一啖烏冬都有滿滿嘅咖喱醬，鍾意食咖喱嘅你千祈唔好錯過！另外魚生飯下次都可以試吓

好耐之前已經有聽過呢間餐廳，因為真係好鍾意食咖喱，所以一路都好想來，不過一直都夾唔啱時間，今日放假終於約到朋友一齊嚟食啦我叫咗一個咖喱炸雞飯，份量好大份，咖喱味好好味，炸雞都係好嫩滑分量大到食唔晒，唔想浪費，就打包餘下嘅部分回家佢跟餐仲有個好似麻薯咁嘅甜品架，哈哈因為份量真係太多，都完全唔記得咗食，食落口佢冇好Lim嘅感覺，不過當然都係講唔到嘢嘅，味道甜得來唔會太過火，好好味呀講真以60幾蚊來講食早呢個質素嘅咖喱炸雞飯真係好扺食

中午12:40pm黎到, 好多人都等緊位 人山人海，等左大概10分鐘先有位坐。食完都要匆匆忙忙走，因為好多人都會望住你地，等你地走燒豚肉丼 （$55）配玄米茶 + 大福一個大概有十塊豚肉，每一塊都好重黑椒香味，用黎餸飯唔錯！不過食晒啲肉都仲有好多飯，所以建議可以加啲豉油，咁就唔使食白飯咁齋。大福有花生味同埋綠茶味，服務員會隨機附上大福，所以係冇得揀味㗎！呢個價錢有飯又有甜品，真係好滿足！overall：中環平價之選！

行過見入面好闊落又無咩人，就入左去。原來係日本既快餐，我叫左炭燒鳥飯，朋友叫左魚生飯，每份都係$70幾蚊姐，質素都吾錯，只係d雞有少少乾，仲包埋麵豉湯，泡菜同茶，魚生飯都好有鮮味！

呢日同啲朋友黎試新餐廳 其實都唔新 開咗幾個月㗎喇 但係一直未試過 12:40搭九先嚟到 餐廳好多人 佢嘅位置都算多 夠大 但係太多人所以都係要等位 你食我哋就去咗買嘢食先睇下個menu一個係早餐Menu一個係lunch set Menu有飯有烏冬可以選擇食物嘅款式唔算好多但係都揀到有心水中我地三個人 兩個朋友叫21咖喱唐揚雞當我就揀咗唐揚炸雞udon 我嗰set可以選擇咖喱/ 鰹魚 / 番茄湯底我就揀咗堅魚湯底 清啲 整體黎講都幾好味 炸雞啱啱好 個大福就麻麻地但係我朋友兩個都話啲雞唔熟有紅...但係唔記得同返啲職員講🤷🏻‍♀️

樓面寬敞，有大量卡位吧位，環境舒適乾淨睇緊餐牌時，店員好熱情咁打招呼同介紹熱門菜式點餐後好快就有得拎了關東煮配烏冬果然係日本直送！烏冬煙韌、有香味，一直浸喺濃度適中嘅鰹魚熱湯入面，不過到最後果啖都超有咬口！關東煮嘅獅子狗比一般長，密度高，有咬口，好似食緊高質靚魚肉燒賣咁年糕福袋由豆腐皮到年糕餡味道都好夾、入面超煙韌仲有芋絲同大大舊蘿蔔，蘿蔔做得好用心，全面浸滿湯味，可惜蘿蔔本身不太係時候，唔夠甜。而麵豉湯就太咸了，只飲了一啖（曰本朋友話麵豉湯係唔應該咁咸的）。揀左麻糬做甜品，外面沾滿黃豆粉，一夾落去已感覺到質感極級柔軟黏糯！！！　好食到尖叫！入面仲有淡淡嘅鮮忌廉，好感動呀燒鳥丼米飯都係日本直送，飯香＋口感就一定的了，面頭啲燒鳥味道有啲似日本黑色炭燒雞肉！而且仲夾雜雞軟骨，加埋新鮮檸檬汁。。。每個餐都只係$60左右，咁高質抵食嘅日本菜，實在難得！

要再次推介中環廿一， 因為又出新餐， 厚切牛舌。 🤪😝今日同事兩人點了兩個餐， 牛舌及豬肉丼。 👍🏻牛舌比我想像中軟滑及有肉汁， 而豬肉你會覺得唔係叮熟的感覺。 不過有兩樣野可以改善 ：😅1. 飯汁唔算多， 喜歡以汁送飯人士要留意🙄2. 如果你發現所叫的餐號愈來愈後， 就要注意， 因為已漏了你的單。 🤣

❤️廿一堂❤️黃色既招牌 好易睇好易搵以中環呢個貴地段黎講有間又好味又唔貴又坐得幾舒服既餐廳實在難得👍🏻今日大約3點幾黎食唔算太多人唔需要等位自助方式見位就自己去坐有卡位 有單邊位今日叫左個下午茶G餐有三款手卷簡 分別有 吞拿魚 三文魚 飛魚子 同埋有個手打烏冬😍我簡左吞拿魚 唔差 又未去到超級鮮甜 但三十幾蚊您想點呀？？？烏冬都唔差 唔會太重味精 食得過 加3蚊仲有杯凍飲野食都唔算等得耐 5分鐘左右已經叫到男朋友嗌左個炒滑蛋牛肉公仔麵我試左幾啖都唔差 一樣都係30幾蚊 真係好鬼抵食食完最尾自己拎番個盤去收番仲有得拎$2現金卷下次用 幾好 不過其實自己食完放番去收回真係一啲都唔出奇 但真係仲有人食完好似大爺咁放係到等人執🙄

第一次到中環，在這裡被各種琳琅滿目的各國料理吸引，一時選擇困難 ，最後還是選擇了熟悉的日本料理。（隔壁的咖啡、蛋包飯是同一個集團，個人覺得餐點內容和價格都沒這麼吸引人，不要走錯了。）點餐是自己用點餐機點餐，好像不能用現金。取餐是叫號，有分生魚片和其他的櫃臺。菜單種類非常豐富，有烏龍麵、烤肉丼等，生魚片料理也很多元，看了照片覺得很心動，可惜價格偏高。這次點的是期間限定的胡麻烏龍麵，痕適合夏天，不過配樂就有的現成的感覺，烏龍麵蠻有彈性的不錯！

午餐試試新野， 但係中環區要食到平野， 真都要周圍試， 近日比我發現到廿一堂係中環開左， 快餐價錢， 日本風味享受。 我差d以為去左大x樂.我唔係太食得辣既人， 都可以接受到佢既咖哩， 但有驚喜就係炸雞， 唔會炸到好乾身， 保留到雞既juice. 同埋好脆口🥰🥰， 加埋軟綿綿的大福， 好正。😝😝三文漁丼都唔錯， 三文漁入口即溶， 兩者飯量， 男士都ok . 其實， 當食完之後，如果自己執番自己的餐及盤， 仲可以減$2下次用。 其實尼d習慣， 係外國快餐已經流行啦⋯👍🏻👍🏻

店面吸引，進去才發現原來是快餐，價錢合理。食物選擇多可以排隊有專人幫你點餐或是自行點餐位置多Order 了唐揚雞配日式讚岐烏冬，加溫泉蛋，配玄米茶朋友則試麵豉湯。溫泉蛋永遠都是最好味的，很少機會會出事雖然聲稱是讚岐烏冬，但個人覺得比較像普通烏冬，不過不失。對唐揚雞很失望，因為唐揚雞是冷的（不是暖）。個人認為食物一定要夠熱才好吃。朋友說以前來要等比較久，大概20分鐘，因為食物即叫即炸，十分吸引和好吃！這次那麼快（大概5分鐘）食物便準備好了，大概原因是因為食物先炸好，有人order便馬上出。但送上大福，外面是糯米糍，煙煙韌韌，可是裏面包着的都是cream, 個人不太喜歡。

喺中環呢個地段其實食一餐飯我諗$100都走唔甩，除咗麥當勞啦。依間日本野開咗我諗大概半年嘅時間，價錢我諗都係$70左右，甚至下午茶時段$40都有找。基本上每次喺中環做完嘢我哋都會食，而且環境好寬闊，服務態度亦都好好。最鍾意係試佢哋嘅咖喱烏冬加埋唐楊炸雞。另外重送你一杯汽水。炸雞嘅數量好多有大概四至五件，烏冬亦都好大碗，比較細食個女仔未必食得晒。除此之外亦都會有刺身，壽司，鰻魚飯，洋蔥牛肉飯等等嘅選擇。

兩個人叫咗“廿一燒豚丼”同“鐵板角切和牛配燒魂丼”，和牛都幾好味，豚肉普普通通，正當兩碗飯食到一粒米都冇，食緊湯嘅時候，突然有個男士拎住碟燒豚肉走過嚟講：我係負責搞度嘅人，我見到你地頭先叫嘅燒豚丼質素只有平時嘅六成，呢碟先係我地嘅水準，請你地食嘅，希望保持好嘢水準俾客人。我仲以為佢見到我餓狗搶屎咁食驚我唔夠飽，請我食多幾塊豚肉，但佢請呢碟又真係堅·好味，又Juicy，真係同我食嗰碗差一段距離，咁嘅專業態度真係冇得頂！

呢間新開個時勁多人食，見而家少左人再去食多次。餐廳面積比較大，光線柔和，坐落幾舒服。食物方面，送餐速度快，曰式丼飯比較簡單，又唔差。午市套餐有珍珠飯，有即叫即燒既肉，仲送汽水同大福，份量唔細，都幾滿意啦。如果鍾意有味，需要自己拎醬汁倒落肉度。要彈既係今日食既燒肉韌有一半以上都好韌，直頸咬都咬唔到開，吉野家既肉質素會隱陣同juicy好多。整體唔伏既，但唔好期待係專門店咁，只可以講係日式快餐飯堂，會想試埋魚生飯。