廣麪子

营业中

休息中

係灣仔經過大王東街見到呢間“廣麪子”有門鱔魚蛋，即刻同朋友仔入去試下先🤭位置方便，店舖環境整潔。入坐時剛巧午飯時間，人流多到不得了！我同朋友隨即叫咗一枱食物😅唔知我哋為食定係肚仔餓呢😂• 登登登凳...王牌“四寶切腩撈粗”。切腩入口即溶，一啲都唔會韌；鮮蝦雲吞新鮮大粒，蝦肉跟豬肉比例恰當；牛丸口感Q彈，肉汁鮮嫩；門鱔魚蛋，乒乓彈牙，魚香鮮甜，真材實料！最佳拍檔梗係配埋魚皮啦！呢度啲魚皮、魚片日日新鮮炸，唔係唔食呀嘛😂• 魚皮金黃酥脆，鹹香恰到好處，鮮味回香，廚師細心製作，仲配埋上湯一併享用，真係正到冇朋友！😂• 再嚟一碗“切腩三拼湯河”自選配料，試下墨魚丸先，口感彈牙，墨魚味鮮甜味濃，果然真材實料👍(喜歡食辣嘅朋友一定要試試佢哋秘製祖傳自家製辣椒油，姐姐話辣椒油採用十多款材料泡製而成）唔怪之得麵食可以承傳傳統50年味道，簡直係經典麵家嘅味道！餐牌食物種類好多，下次在encore😂😂

如果鐘意食牛腩，對爽腩、坑腩同崩沙腩相信都唔會陌生。切腩又如何？雖然係港式麵店，但裝修新淨，午市人頭湧湧。餐牌好簡單，腩同粉麵係主打，最特別係招牌切腩。切腩四寶河“四餸”而經包埋切腩，價錢唔貴。平時食開乜腩物腩，不如試埋切腩。切腩同一般腩比，牛肉味道更濃，入口亦夠腍。其餘三寶仲有魚蛋魚片、牛丸同埋雲吞，相當豐富。沙腩魚蛋魚片河另一碗揀左魚蛋魚片河加崩沙腩，崩沙腩肉膜相連，肥瘦剛好，軟腍味香。魚蛋魚片日日新鮮炸。如果可以，加少少自家製辣椒油食令人更享受。酥炸魚皮食粉麵點少得炸魚皮，新鮮香脆，有埋湯比你。西多士厚西多好有誠意，外層脆口，非常邪惡。消脂青檸食到咁飽，飲杯消脂青檸解膩一流。

灣仔放工時間，見到有間舖頭新裝修靚靚囝囝一早入咗去。唔算太肚餓，所以就叫咗淨餸。淨切腩四寶($180): 切腩加加埋埋都起碼有15+舊 ，真係好抵食，下邊會有菜底，四寶有雲吞，魚片頭，魚蛋，牛丸。切腩整得好淋，而且好有牛味，但唔係蘇個隻，完全唔會咬唔開，懶人都食到。啖啖肉，正。酥炸魚皮($26):點少得炸魚皮，佢呢間舖頭標榜係每日新鮮自己炸嘅，上菜嘅時候會有一個紙袋同埋碟俾你，自己倒出嚟，當你浸落啲湯入邊嘅時候真係聽到lak lak 聲，好脆口！魚蛋魚片河加紫菜(+$10)($56):朋友想食河粉，所以咗一碗試下。自己覺得加咗紫菜嘅呢啲港式河粉係真係好食好多，完全帶出佢哋嘅鮮味，河粉亦都夠滑。消脂青檸($18): 檸檬梳打咁樣，正正常常。雜果賓治($18):見出邊好少有呢一類嘅飲品，就係雜果賓治梳打，唔算太甜，而且用料都好足。總結：街上面見到呢一啲港式麵店已經好少鬧，算係自己嘅comfort food，淨餸嘅份量真係好抵食。

夜晚想食湯粉，search到呢間評價唔錯，決定試試！小店一間，樓面得一個人幫手，所以要等，入錯單有啲忙亂，但整體嚟講算唔錯，食物價錢合理，質素不錯。佢哋嘅切腩同魚片出名，所以叫咗個切腩四寶試下有魚片、牛丸、雲吞 。好大碗，正！切腩超好食！有少少肥根，瘦肉嫩口，值得推薦！牛丸好多汁，有牛味雲吞就正正常常，偏鹹 。而魚片同湯底都唔錯 。仲有條菜心整體來說不錯

是日喺灣仔覓食，中午12點🕛見地舖<廣麪子>麵家好熱鬧，就入咗去試🍽️ 勢估唔到，過多幾個字，門口變咗一片 people mountain ⛰️ people sea 🌊😱 午市人流流轉得好快，個個客人食完都帶住滿臉滿足嘅神情離開☺️ R 試過<廣麪子>美食，都明白點解上班族都選擇嚟食個靚晏😋店方標榜係超過半世紀老字號👍🏻👍🏻👵🏻🧓🏻 魚片日日新鮮炸，牛腩多拼似乎都係主打🧐R 就 order 咗<切腩魚片撈粗>($68)，切腩轉崩沙腩，扣底、<即炸雲吞>($48)同<蠔油菜心>($26)做豐富嘅港式午餐😁 因為見到隔離枱飲嘅<鮮忌廉紅豆>(跟餐特飲+$18) 好吸引，亦忍唔住追加一杯🤭<切腩魚片撈粗>望落非常靚仔，跟埋一碗香蔥清湯✨ 率先淨食試晒崩沙腩同魚片，兩者都係走味道香濃路線，食得到食材嘅原味、鮮美💗💗 至於撈粗底，蠔油完美地融入麵度，單獨食都有令人愉悅嘅咸甜味🫶🏻 將崩沙腩連同撈粗食，牛腩嘅脂肪香同撈粗嘅味道簡直係天作之合，仲可以自由搭配香蔥清湯、<廣麪子>

廣麪子是西灣河傳統麵家，經典味道，回憶裏的美食！## 凈切腩四寶集合了切腩、魚蛋、牛丸、雲吞和魚片，色香味俱全！切腩肉質鮮嫩，魚片、魚蛋和牛丸採用新鮮的魚肉和牛肉制作，彈牙有嚼勁，鮮香四溢，一入口即可感受到鮮美的魚味或牛肉香，每一口都是對味蕾的極致享受！## 即炸雲吞金黃色的外皮酥脆，一咬就碎，鮮美的肉餡與炸皮的酥脆形成鮮明對比，搭配辣椒醬吃，更增加了風味！## 雲吞河粉雲吞皮薄餡大，鮮甜滑嫩，河粉柔軟順滑，加上祖傳辣椒油瞬間提升了口感！祖傳辣椒油選用十多款材料，精心炮製獨家製作，那個辣味好刺激啊！## 西多土用刀從中間切開，西多士上邊的牛油就沿著縫隙流入多士中間，令人垂涎！## 酥炸魚皮每日新鮮製作，既有嚼勁又不失鬆脆，香氣四溢！## 紅豆冰幾乎半杯都是紅豆，甜美的紅豆軟糯混合濃郁的椰奶，香甜又不膩口！

今日去咗灣仔呢間潮式粉面店，真係有驚喜喎！鋪頭光猛乾淨，仲有卡位坐，坐得幾舒服，唔會好逼，啱晒我呢啲鍾意慢慢食嘅人👍炆腩米粉:碗米粉一上枱就聞到陣腩汁香，牛腩炆得夠淋，牛筋夠彈牙，個湯底濃得嚟唔會太鹹🥰切腩四寶河:雲吞皮薄餡多，咬開見到成隻蝦仔；牛丸都好彈牙；牛腩肥瘦均勻；魚片都好爽口☺️魚蛋魚片:魚蛋咬落去好有口感，有魚鮮味；魚片厚薄適中，蘸少少辣椒油食更加開胃🥰酥炸魚皮:炸到金黃色，浸一浸湯即刻食，半脆半淋嘅口感更正😋

放咗工之後本身諗住同屋企人去排隊食Little Napoli 嘅手工pizza，奈何實在太多人排隊，於是諗住周圍行下睇下有冇第二啲餐廳嘅選擇，點知就係隔離見到呢間Jimmy O. Yang 近排喺社交平台介紹話好食嘅廣麪子🍜，而且又唔使排隊，於是即刻入去食😂嗌咗佢哋最出名嘅切腩四寶撈粗🥢，入面有墨魚丸牛丸雲吞同切腩，好豐富，墨魚丸就冇乜特別，牛丸就好彈牙，雲吞好爽口，而切腩一啲都唔嚡口，唔錯唔錯👍🏻第二碗我哋嗌咗魚蛋魚片湯河🥢，魚蛋同魚片都好彈牙爽口，同筲箕灣嗰間安利總店有一樣水準🙌🏻我地仲嗌咗一份炸魚皮食，魚皮炸得好脆好香口，而且冇油膱味，所以食得出係新鮮每日炸嘅我仲嗌多咗份鮮奶油多士，可能冇嗌大火，所以望落好似冇乜點炕過咁😕，但係夾埋塊厚嘅鮮牛油同煉奶，真心幾好食😛，下次如果再嗌一定要叫大火😂

餐廳由西灣河起業，到今日已經有50年歷史。餐廳一到lunch time 就大排長龍，今日lunch 時間去都要等一陣位先入到去。上菜好快，好啱lunchtime 趕住食飯嘅上班族。切腩四寶撈粗$76 四寶包括切腩、魚蛋魚片、牛丸、雲吞，用料好豐富。切腩唔會太肥，但係同時仲有條油脂邊，肉質夠腍，好有牛味。魚片有鮮味，仲知道餐廳嘅魚片係每日新鮮油炸，好有心思。外層炸到個皮好香口，裏面白色嘅肉質好結實 ，爽口彈牙。豉油撈湯麵嘅鹼水味唔會太重，豉油嘅顏色令到啲麵睇落去好吸引！酥炸魚皮$26 餐廳嘅魚皮日日新鮮炸，誠意十足。炸到好脆品，做解口痕嘅小食一流。佢嘅調味唔會太過鹹同埋濃味，等緊個餐嚟嘅時候就開胃前菜就啱啱好啦。

係港島請人食飯然係要講面子啦😹晚晚炸場都係為魚皮炸！食佢日日新鮮炸😹老闆話佢用傳統50年嘅味道製作😱食撈粗就要加佢嘅祖傳自家製辣椒油，足料炮製+$1 可以仲可加崩沙腩🍜黎食魚蛋粉居然有西多士，同其他包款唔驚食飽人咩？我叫左撈粗！切腩四寶撈麵 $76🍜切腩四寶湯粉 $64🍜濃味啲食撈！清啲就食湯！中辣意辣就係撈粗加醬！西多士係驚喜 $28炸魚皮 $26真係絕，浸極都係脆，真係唔知點做到！雜果賓治/消脂青檸 $18蠔油菜 $26地址: 灣仔大王東街2-4號安興大廈地舖

切腩魚片撈麵 $68切腩是比一般腩牛肉味道更濃而且轉咗崩沙腩，呢款肉嘅位置肉膜相連，肥瘦啱啱好！另外餐廳嘅魚片日日新鮮炸，入口彈牙！鼓勵大家必須要加佢哋祖傳自家製嘅辣椒油，當中採用10幾款材料炮製，鮮味同辣度十足！撈麵亦都配有清湯，如果驚太鹹嘅話可以沖一沖湯然後再食！粗麵蛋味濃，爽口而且好滑嫩！紫菜湯 $20 非常多份量嘅紫菜，而且湯好鮮甜油菜 $26 菜心煮熟程度非常食，每一條菜都爽口！特飲消脂青檸 跟餐$18

有時真係想食返啲地道嘢，男朋友都係佢哋嘅常客，仲話佢個多士好好食，同埋佢哋啲魚片魚皮都係每日新鮮炸。鮮油奶多士 $16雖然好邪惡，但真係好好食，有時放縱吓自己都幾好。個多士有煉奶同埋牛油，食落香脆但又唔會覺得油膩。切腩四寶撈麵 $76（魚蛋魚片 雲吞 墨魚丸 ）粗麵聽講佢哋嘅切覽都係熱門招牌菜，食落唔錯，軟腍帶濃厚牛肉味。以呢個價錢食到四寶，都真係算均真。酥炸魚皮 $26見到呢個都係推介菜式，嗌埋試一試。佢個魚皮除咗做得好脆口之外，佢每塊魚皮都有一定厚度，食落去比較有質感。.整體我覺得呢間水準質素唔錯，如果係想食返啲比較地道同埋港式餐，好推介去試吓佢哋嘅麵同埋多士。喺灣仔嚟講，呢個價錢都算均真，同埋每一份都足料。

平時諗唔到食咩嘅時候魚蛋粉就喺我既Comfort Food❤️ 呢間50年歷史嘅老字號果然有料到🫶🏻魚蛋食得出用料高質🥹不得不試嘅係佢嘅秘制辣油🌶️ 加上十幾種材料辣中帶鹹香配上魚蛋畫龍點睛☺️⭐️ 切腩四寶撈粗 🍜魚蛋牛丸同雲吞都好爽口用料有心思🐮切腩入味唔會太肥🥓 係好道地既滋味⭐️ 原條切魚片 🍥必食既高質推介🩷魚味鮮甜而且好彈牙🌊喺外面食唔出嘅新鮮感⭐️ 墨魚丸湯粉 🦑食到一粒粒真材實料嘅墨魚肉😚清清地唔會太鹹不錯👍🏻⭐️ 酥炸魚皮 🐠魚皮炸得香口但保留了魚味好有水準呢😉⭐️ 蠔油菜 🥬新年食得多揀咗啲菜心清吓腸胃💚新鮮夠健康⭐️ 西多士 🍞炸得黃金又酥脆真係好邪惡🧡如果牛油份量多啲就會更完美🧈⭐️ 鮮忌廉紅豆 🫘紅豆冰再加上鮮忌廉🍼濃郁既紅豆上面增添一份幼滑😀

過年度度都冇開，見到佢哋咁勤力就試吓。Menu 有撈就試吓。四寶撈，粗麵，已經撈好，每條麵都上汁，而且上得好均勻，碗底一滴汁都冇，麵身好乾爽。如果你鍾意多汁，可能🤔要佢另外俾。我自己都鍾意，不過多少少汁可能我更鍾意。片頭一舊，好食但正常嘢。 黑椒牛丸，好好，丸多汁，而且黑椒好多，真係食到細細碎粒。白魚蛋反而正常嘢。最好食係雲吞，蝦有鮮味，雲吞皮已經糊糊地，但勝在味道好。牛腩都正常唔太黐牙，但未算好腍。呢種麵一定要辣椒油，佢哋聲稱自己制，辣度正常，但少咗潮式辣椒油香味。一般啦。

今日心血來潮想食返啲本土粉麵，見到呢間咁多人排隊，一於就試下佢！中間1點幾2點都仲排晒長龍，由我地入座到食完走都仲有人係門口排緊，成間鋪人山人海好熱鬧呢到主打傳統牛腩同魚片粉麵，咁難得排隊入黎，緊係乜都試下！切腩四寶撈粗，一次滿過幾個願望，最impress到我既係佢啲撈麵，完完全全索晒啲汁好入味，應該係腩汁，後勁有少少甜味，好好食！面頭牛腩好軟身一啲都唔會硬，魚片亦爽口出色朋友叫既切腩魚片都話好好食，忍唔住叫多一碗魚片魚蛋呢到亦出名呢個自家製辣椒醬，試左少少唔算好辣，食落有啲咸香唔係淨得死辣，不過個人唔太食得辣淨係試左少少黎到當然唔少得試埋啲小食，炸雲吞自細就中意食，值得一讚既係雲吞皮係有鹼水味，呢個先係炸雲吞既精髓，配上甜辣醬食完全停唔到口！西多士即叫即炸，上到枱睇住面頭牛油慢慢熔化，加上蜜糖我諗唔洗多講大家香港人都好中意食！如果可以中間夾埋花生醬就無得輸