廣場飯店

营业中

休息中

來到 Disney, 走遍酒店和迪欣湖,我和友人決定要吃一頓好的, 來到這間廣場餐廳門前,看一看餐牌, 覺得食物應該不錯,於是進內一試我們也不用等位，多好! 餐廳內裝飾不錯，有一些不停轉色的燈籠，挺漂亮! 美食配美景，教人胃口特好！侍者摓上熱茶，茶濃清香，是為人生享受。我們要了一個二人餐，有羹，燒味拼盤，甜豆炒蝦球，炒牛肉，籠仔荷葉飯和精緻甜品，多豐富啊！羹清甜美味，甜豆爽脆，炒蝦球大隻爽口，炒牛肉味美汁濃，伴有西蘭花，餸菜份量多，燒味拼盤值得一讚，有我愛吃的海蟄和豬皮，相比之下，籠仔荷葉飯較遜色，份量過於小巧了，相信一些男士可能不夠吃，女仕還可。價錢算是物有所值啦。精緻甜品是紫米露，餐廳做的甜度適中　由於是大集團主理，服務還是不錯的！如各位到迪士尼樂園玩，可考慮到此餐廳用餐。

牛肉球 中點$28 有牛肉味及果皮味棉花鷄 大點$32 鷄及魚肚都入味肉絲炒麵味道很好而且麵亦很脆 $90(麵及飯大約$80-$98)，以前吃過乾炒牛河及楊州炒飯都十分美味!茶錢每位要$15全部$215左右因在樂園吃的關係，加上服務周到，所以可以接受。

諗住DISNEY的酒樓一定貴到飛起！對比起其他餐廳又唔係好貴喎！唔知間酒樓係咪美心集團呢？叫左幾個點心，包包，腸粉....等等樣樣都好食！有些點心的樣子仲有D 卡通人物的樣貌，見到開心晒，靚到又唔捨得食！下次去DISNEY這一個LUNCH都係不錯的選擇^,^

SEP 30, 2009 (TUE) LUNCH等咗3日終於等到今日好天唔落雨，嚟迪士尼Halloween嘅黑色世界睇吓先，嚟到諗諗吓都係食咗嘢先，唔係一陣嚇到食唔落就死喇！樂園裡面全部食肆都試過哂，間間都無咩太特別吸引，所以大人都係選擇最OK嘅呢間飲茶吧！開咗一壺鐵觀音 ~ 因為無龍井又無人參烏龍茶，於是揀咗鐵觀音，味道唔錯！鼎湖素粉果 ~ 皮薄透徹，飽滿嘅餡料顏色鮮艷，咬落爽脆，好清淡嘅口味，好好味！北菇雞包仔 ~ 至愛又飽肚嘅雞包仔又點少得呢！熱呼呼最好味，咬入雞汁流出來真得好香！蘿蔔絲酥餅 ~ 必叫嘅蘿蔔絲酥餅，真係百食不厭呀！四寶雞扎 ~ 我就最鍾意食層腐皮，其餘就大人食好了，佢肚餓呀！蟹拑 ~ 係久違了的蟹拑，記得以前細個係去飲嘅菜單，估唔到而家飲茶都可以食到，只係點心嚟！一口咬入去真係好彈牙，好有嚼口，無雪味仲幾鮮味，雖然好熱氣，不過真係忍唔住食咗兩件，好好味呀！鳳爪排骨煲仔飯 ~ 唔好以為我哋好大食，其實好細好細煲的，係迷你煲仔嚟！不過排骨好多，啱哂我呢個排骨王，鳳爪就留返俾大人喇佢最愛吃！椰汁紅荳糕 ~ 雖然已經超飽，但好耐無食紅荳椰汁糕，而且見到個米奇做型真係忍唔住

係 Disney 玩 Halloween, 嘩，人山人海，睇了夜魅parade, 煙花等，都成九點，要食飯喇，corner cafe 又大排長龍。黎試下呢間啦。話係門外都已見人龍，排了十分鐘，先入到裡面，點知都仲要排，不過有得坐，都好。等多十分鐘就有位。一早預左呢度係 high-end 的美心集團食肆，茶都要十五蚊一位，不過真唔錯的，好香，好像同紫玉蘭的那些靚茶一樣。我地點了$158一位的二人餐，有個粟米雞蓉羹，炒蝦球雞片，炒牛肉，鮑菇時菜，籠仔荷葉飯，甜品。okay 豐富。粟米雞蓉羹，無乜特別，不過玩到很累時，有碗有家的感覺的湯飲下，都是一件樂事。炒蝦球雞片，老公很滿意那蝦球，很彈牙，好味。籠仔荷葉飯，每位一份，籠仔上，好香，略細，配料唔多，但都有瑤柱，真好味。鮑菇時菜都唔錯，不過有段少插曲，多得經理非常好的服務，便解決了。甜品係紫米露，非常好味，濃濃的椰奶，so good!原來全年通行證有八折添! 那兒的佈置一絲不苟，d檯凳全都用傳統原木傢俱，好靚有好坐。那些燈籠佈置會不停轉色，好靚呀!

晌小鎮大街買左條頸鍊比老婆後，見這間餐廳係美心主理，飲茶都唔錯呀！ 侍應介紹我地試水晶蝦餃，鵝肝燒賣，同埋生煎包。另外點了老婆鍾意既鳳爪。 生煎包 （四件）- 包身鬆軟，外面煎得香香地，肉汁唔會大多岩岩好，難怪係招牌。 水晶蝦餃（四件） - 蝦餃皮一般，但中型蝦粒爽身唔錯。 鵝肝燒賣（四件） - 燒賣大大件，鵝肝細細一點為燒賣點精，唔好對鵝肝有期望。 鳳爪 - 入味算稔，不過不失。 點心份量足賣相唔錯，地方舒服，是日人流唔多，侍應服務殷勤，唯一係每位$15既茶質數一般，其他都幾滿意！

入到廸士尼,為咗爭取更多時間玩, 所以很多人都會選攞快餐. 而且可認為入面餐廳比較貴,之前試過大街餐廳,今次試吓PLAZA INN,因為我地有年票係呢間食有八折. 不過記緊要入場就去訂位! 因為都好FULL架!我地五個人叫咗個四人套餐和一碟瑤柱蛋白炒飯！　都唔錯！　八折後＄５２０都唔貴喎！上菜很快,雖然一定係快餐式生產,但想像中好味!而且坐得舒服,在放煙花前十分鍾意,工作人員會問閣下會否出外睇煙花,若會的話,佢到會把你們枱上既餸盍上盍,以待大家睇完煙花繼續進食! 服務很週到! (當然已經結賬了)

今日黎試晚餐，見到其他食評話份量少，要平反一下。晚市4人套餐認真ok，有五種食物，份量很足。咕嚕肉甜酸適中，蝦仁炒蛋的蝦又爽又大隻。野菌炒雞片都幾惹味，叉燒併海蜇﹑廚師炒飯和清炒田園蔬就普普通通。Overall 質素都幾好，有進步，媽咪和姨姨話好食過出面既美心酒樓。8折後每人才$90，實在是抵﹗

係disneyland hotel渡過了我的生日，第二日check out 後就入去樂園再行下。Lunch 係我們兩個人第一次的飲茶，呢度裝修富中國式，掛滿燈籠，幾靚。Lunch set 都幾抵，但我們想吃點心多過小菜，所以最後散叫。流沙奶皇包唔流沙﹑籠仔荷葉飯乾了少少﹑鳳爪和鍋仔生煎包都幾好﹑叉燒腸係雙層既﹑鮑魚燒賣純粹想食粒鮑魚仔。服務良好，annual pass有8折，應該有下次。

12/12(二) 1pm相約友人一行8人入樂園提早感受一下節日氣氛,其實主力是選購聖誕禮物!當一對友人正忙著四處留倩影時,我們一行6人到此中菜廳果腹;男友早已致電訂座,被安排坐於角落的木圓桌;裝潢佈置富十九世紀色彩,傳統中國味道濃厚的環境,柚木通花樓頂配以通花彩玻璃窗,予人風雅舒適之感,唯座位與座位的空間不夠闊落.點了演藝人員套餐$68/位,點心9選3:鵝肝滑燒賣,鍋仔生煎包及水晶鮮蝦餃.廚師精選4選3:士多啤梨蒜香骨,上湯浸菜心及菠蘿咕嚕雞球.飯麵3選1則要了籠仔荷葉飯.鵝肝滑燒賣--滴於燒賣上的鵝肝味道不算出眾,幸好質地尚算滑溜,以蝦及豬肉打成的燒賣入口柔韌有勁,鮮味十足.鍋仔生煎包--以趣緻的米奇頭鍋仔盛上,男友極力推介的一味,6個體型適中的生煎包煎得頗香脆,而包身厚度恰好,包身亦相當鬆軟且富嚼勁,內裏的豬肉餡鮮度挺足,口感也不俗!水晶鮮蝦餃--體型較的骰,一口一粒,餃皮偏厚,入口不見得彈牙,內裏的蝦蟆也談不上爽口,失敗失敗!士多啤梨蒜香骨--份量剛好,肥瘦均勻的蒜香骨炸得乾身香脆,入口肉汁於齒頰濺出,肉質充滿肉香,而士多啤梨的鮮甜中和了不少油膩感,是高水準的一味!上湯浸菜心--

係就係貴,但係好好味喎!點心方面,奶皇包又靚又好味,餡好多呀!包面仲印有米奇頭!可愛呀!仲有素粉果都好好,又清又美味…我地又叫左瑤柱蛋白炒飯,幾得喎!最重要係唔油嘛!另外又叫左個小炒,係彩椒炒雞片,呢個一般啦!粟米蟹肉都係ok,但勝在真係有蟹肉!甜品叫左個椰汁紅豆糕,超正呀!米奇頭型已經好可愛,紅豆糕夾係兩片椰汁糕之間,好好好好味呀!要左個特飲,係青檸果款,甜度適中,又夠凍,nice!

排隊等很久才入到去吃一餐。查實都只是美心集團的酒樓。我們點了一個4人份量的套餐，$460多元。其中有一款只有6粒草菇和4條芥藍菜。另外有一款叫做什麼甜醋排骨，只有6粒排骨。難道4人套餐的意思就是每人每款吃一件嗎?可真是前所未見耶...<w<"

因DISNEY 入面冇咩選擇, 又怕貴夾唔飽, 選返美心穩陣D ! 前幾日入黎玩.... 都BOOK 好左3圍枱, D 豆苗好唔掂, 成枱夾左幾叉都冇人再食了! 叉燒都麻麻~! 略肥! 反而一碟3件既糯米雞OK 喎!是日甜品係熱既"咋咋" 都係感覺怪怪地~ 要投訢原本我地2大枱坐得晒, 之後要坐出面8人枱 ! 而以所知,好似得一間獨立半透明房FOR 12人用.而待應勁唔夠人手, 叫左好多次都冇人應!

因為向酒店住既關係,可以早出門一個鐘9點入黎食早餐.本來book左enchanted garden,點知昆我原來chip n dale向呢度出現,所以先轉過黎食.全場只有3張檯有人..我地已經佔左2張.早餐buffet都ok多野食,味道都幾好,每人有碗鮑魚粥同一份奄烈.buffet就有生果,穀類,點心,冷盤,甜品,果汁tea & coffee任飲等.有花木蘭,木須龍同chip n dale出黎影相,覺得少d character lor. $170一個人抵唔抵就見人見智!服務態度都ok,不過當中有人生日,拎埋蛋糕都唔識點candle,有d唔醒目.不過可以叫其中一隻character出黎慶祝,叫左chip n dale,佢地好識做加番唔少分!怕人多,所以順便book埋呢度食lunch.中午就唔多野”簡”,叫左2碟腸粉,2個清菜,1個豆腐,燒味拚盤同蛋白炒飯,味道都ok.總體上都幾好,不過埋單速度超慢!!

第二十四回——迪士尼樂園奇妙之旅《二》中式菜尚可惜安排不善預先知道可能食肆不足應付人潮﹐到了樂園後本想先去訂座﹐但遇上卡通人物高飛狗﹐還是花了點時間排隊影相﹐十時半左右到達大街餐廳和Plaza Inn餐廳門口時﹐侍應小姐都說訂座已滿了。十二時吃過東西後﹐可能排隊有點累和天氣熱的關係﹐到了三時多開始肚餓了﹐經過不少賣快餐的食肆﹐都已經人頭擁擁但又沒有冷氣﹐令我和朋友更加想找個地方抖抖氣。再回到小鎮大街﹐吃西餐的大街餐廳說可以walk-in等位﹐但門外沒有遮蓋的地方就有約二十人在排隊﹐我們便轉去吃中菜的Plaza Inn餐廳。侍應小姐說walk-in等要約四十五分鐘﹐但他們的安排卻是不可以拿飛等﹐要直接在門口排隊﹐擾嚷了一會﹐朋友卻已經在人龍中等了﹐但人龍不知為什麼﹐突然縮短了許多﹐約只有四、五個人在排隊。等了兩、三分鐘﹐侍應小姐開始登記排在頭位客人的名字﹐登記後再進入餐廳裡面有冷氣和座位的地方再等﹐等了約五分鐘就有位了。由正式等位到入座﹐我們大概等了十五分鐘吧﹐也不算太耐﹐只是給侍應小姐起初說的四十五分鐘嚇怕了。這裡的檯椅不算太密﹐座位也很舒服。大廳中間有一組會變色的燈籠﹐我數過顏色﹐有