廚十三老壇酸菜魚 (D2 Place ONE) (已結業)

呢個商場裏邊有唔少嘢食，今次經朋友介紹嚟試吓呢間都幾出名既酸菜魚，地方環境都算寬敞幾好坐，特別係而家疫情梗係要同旁邊隔開啲啦，一睇個餐單覺得非常有趣，好多菜名都改得好搞鬼，即係好似冷盤青瓜咁樣，就改成拍死前男友😂，令到我真係唔叫唔得，講返主角酸菜魚，一上枱見到個份量已經好滿足，我哋叫咗二人份量，可以自選兩個加菜，我點左餐肉同埋寬粉，酸菜魚味道酸辣適中，我叫微辣，因為唔係好食得辣但又好喜歡嗰陣味，就算咁少辣都食得出好野味，魚塊非常非常之滑，寬粉吸左湯味之後超好食，一盤兩個人食絕對夠，佢有分唔同份量可以自由選擇，最後食完喇一定要食一碗冰粉，冰冰涼涼甜絲絲，令人回味👍

自問是一個無魚不歡的人，尤其是水煮魚及酸菜魚，更是至愛，今次來到廚十三酸菜魚專門店，當然要來個酸菜魚，當店員送上的餐牌時，看到午市套餐相當抵食，但細問下午市套餐份量會較正常的小一半，由於太愛吃魚，最後都點上了一窩酸菜魚，至於配菜方面，每份酸菜魚最多可配3款，我便加配了午餐肉及鮮腐竹。當一大鍋酸菜魚上桌時，新鮮熱辣，分量十足，那陣陣香味，己令我按奈不住，細看窩內，還有鍋內有花椒、八角、酸菜等，都是正宗的四川口味，酸菜湯底是小辣，愛辣的我只點了中辣，辣度剛剛好。那酸菜少少鹹中帶酸，爽口好味。已起骨的新鮮的片鱸魚肉，嫩滑有彈性。大大片的腐竹吸收了湯底的精華，帶點香辣更添惹味。滑滑的豆腐與湯底好夾，更突出了豆腐的豆香。清甜爽脆的藕片好滋味。午餐肉索汁後更是好味。因是首次來到長沙灣這家店內，發覺地方及環境也很寬敞，裝修簡約有格調，木製桌子，牆上掛上搞笑的黑白漫畫，有別於一般的食肆，給人一種新鮮的感覺。鍋內除了有大量魚肉外，還放有主角老罎酸菜、豆腐、藕片、青紅花椒等。只限午市供應的老壇酸菜魚雙人套餐 ($168)，包括了米綫或米飯及酸梅湯兩杯，十分抵食。店員送上的餐牌細看，除了招牌酸菜魚外，店裡還

呢日朋友約我去D2Place食酸菜魚，佢話好正，媲美內地嘅太二，一於帶我試吓喎正經的雞被撕即手撕雞，雞肉滑溜不嚡口，還帶有爽滑的雞皮，配埋小米辣椒，香辣惹味夫妻肺片即牛及牛肚用多種香料滷製，非常入味，顏色金紅發亮，味道麻辣鮮香，油而不膩蔥油撈豬肚唯一唔辣的一道菜式，豬肚清洗得非常乾淨無異味，口感爽脆又帶點軟腍，加上蔥油的香混和生熟蒜及芫荽同食，非常美味酥炸無臉男原來是炸豬肉條，炸漿薄而香脆，內裡肉質緊實有咬口，蘸點埋自家調製的辣粉，更可提升鮮味，入口香辣滋味老壇酸菜魚(小份)嘩！二人份量都十分大鍋，材料相當豐富，有酸菜、菊花、藕片、豆腐、金菇、青紅泡椒、騰椒及鱸魚片；酸菜爽脆，酸味自然唔嗆鼻；鱸魚魚片雪白薄身，鮮嫩有彈性，已經起骨，入口啖啖肉；湯底清爽不油膩加上豆腐軟嫩，藕片爽脆，再配埋Q彈嘅寬粉，掛湯一流，入口酸鮮辣香紅糖冰粉冰粉晶瑩通透，口感滑溜，配埋蒟蒻、椰果及紅糖，入口酸甜清爽，解辣一流雨露均沾即是紅糖糍粑，糍粑以糯米製成，外層香脆，內裡煙韌，食時配上黃豆粉及蘸上黑糖，口感香甜軟糯

成日都會行過嚟 D2食晏, 酸菜魚係我地其中一間心水好選擇。除咗買埋佢嘅酸辣粉返屋企食之外, 哥日趁放早小小 的起心肝同佢黎食晚飯。鐘意佢地樽熱茶 食酸菜魚飲 感覺幾舒心。食過大部份涼菜小食 都唔錯架。平時多數叫刀拍前男友 木耳 無面男 皮蛋 同 脆荀諗住清清地, 佢又想試下,所以食脆荀食過好多間酸菜魚, 廚十三嘅魚片最得我心！塊塊滑滑啖啖肉得黎 我無試過食到骨！我真係食得好開心！我係哥啲怕骨怕到一食到小小骨 就成餐唔敢再食落去嘅人黎呀因為...入面嘅蓮藕片好好味架每次都努力夾黎食個湯底酸酸辣辣恰到好處, 配米線食好好味 好開胃架!!! 今次我失策咗, 平時 lunch 慣咗有米線, 無發現晚餐係無嘅... T_T 所以我啲米線係後尾追加嘅, 個湯稍為涼咗啲先至放落去, 結果唔夠淋唔夠入味, 嗚嗚嗚...食到一半, 見到隔離枱叫餐, 抵啲架, 會好似 lunch, 咁跟埋嘢飲的, 前菜啱口味嘅話, 記要叫餐啊。

香港食酸菜魚好似唔係太多選擇 呢間廚十三有分店又幾好味 值得一試 午市二人餐只係168 一大碗！送既配菜有豆腐同金菇可以揀米線/ 白飯 同埋野飲 我地都揀左酸梅湯我再另加左闊粉 腐竹同藕片～ 本身魚既份量好足叫左小辣唔太辣 朋友本身唔食辣都食到闊粉好夠彈牙 藕片爽口 整體黎講係好食☺️☺️☺️跟餐既酸梅湯都幾好飲 酸酸地唔會太甜另外叫左兩個小菜 蔥油豬肚同萵荀豬肚就不過不失啦 我個人鍾意食芫荽都算加分🤣而萵筍就好夠新鮮同爽口！

好想念返大陸食太二酸菜魚，但疫情關係冇得返大陸唯有系香港食酸菜魚，系網上搵到間廚十三老壇酸菜魚就一於去試吓。見到門口既餐牌酸菜魚已經好吸引，唔止有酸菜魚食仲有好多小食可選擇。大份酸菜魚包埋金針菇，豆腐，我地再加一些配料有午餐肉，藕片，寬粉，土豆片，我地點了小辣好彩都唔是好辣，酸菜又唔會好酸好夠味道，魚片切得好均匀，魚片又嫩滑又好鮮甜，湯底又好好味加埋配料又可以索埋湯底的精華正經的雞被撕，手撕雞肉嫩滑又有雞皮，涼拌微辣幾香又唔會好麻。泡椒鳳爪唔會好辣，鳳爪又爽脆又入味。呢個糍粑上面淋上豆粉外層脆內煙煙韌韌，糍粑沾上黑糖漿甜甜地又煙韌超好味。

上星期五和同事收工後去到荔枝角分店既廚十三分店，一出地鐵站行3分鐘左右，由於我地7點零去到，吾駛點排隊好快入左去坐低！跟住叫左2人份量既酸菜魚，叫左皮蛋同埋蔥油撈豬肚。首先講下酸菜魚，2人分量都夠料，自問平時都食得下既都覺得大份量，酸辣湯底好正，我平時鐘意酸辣野多，我連飲左3小碗湯。跟住上左皮蛋，皮蛋是都不錯，但是我主打食酸菜魚，食左2舊皮蛋就停口了我地仲嗌左蔥油撈豬肚，呢樣都係陪襯食物。總結：去到廚十三一定要點酸菜魚如果吾叫就吾好去喇😂.環境都優雅，燈光適宜，服務員，我會再去幫襯同推介朋友去食。

最近天氣咁凍最啱就係食酸菜魚呢啲酸辣嘢暖吓胃老壇酸菜魚(小份)餐牌標榜酸菜比魚好食話係精選小葉芥菜入罎醃製經過成年時間發酵再由成都直送抵港夠哂酸爽入味；餐廳採用新鮮鱸魚肉質白滑細緻而且魚肉連皮切片每塊厚薄均等口感鮮嫩爽彈加上人手去骨挑刺保證啖啖肉冇細骨魚湯色澤奶白用咗大量越南以及湖南辣椒同埋花椒八角熬煮飲落鮮酸辣麻層次豐富加配寬粉質感柔韌之餘仲索哂啲湯好鬼正蔥油撈豬肚豬肚處理得當成功癖除內臟異味同時口感脆嫩撈埋炸蒜蔥油以及芫荽芝麻解辣得嚟又幾清香正經的雞被撕手撕雞肉質感嫩滑柔軟而且雞皮黃油脂香加埋芝麻油同辣椒微辛刺激夫妻肺片之前以為夫妻肺片係用牛肺整嘅加上望落紅噹噹好地獄唔太敢食後來先知其實原來指係牛𦟌同埋牛肚而且的確麻辣鮮香越食就越上癮酥炸無臉男炸豬肉條金黃香酥而且肉濃甘香蘸埋乾碟上嘅辣椒粉食香辣惹味雨露均沾糍粑外脆內軟撒啲黃豆粉再蘸埋紅糖漿食香甜軟糯無論幾飽都必需食紅糖冰粉冰粉晶瑩剔透質感滑溜有啲似台灣嘅愛玉但本身冇咩味所以要加紅糖食落冰涼清甜

今日放工約左朋友食荔枝角廚十三老壇酸菜魚，上次喺D2 Place行街經過見到好多人食，一向都中意食酸菜魚😋今晚又可以試多一間✅叫左二人份量嘅酸菜魚，仲有三人同四人份量選擇，酸菜魚分量剛剛好兩個女仔夠晒食本身有蓮藕片芽菜豆腐等配菜送我哋嘅另外追加左金針菇同寬粉主菜一上我哋真係有啲嚇親😂好大盤！最後我哋啲配菜都食唔晒個湯好清唔會好油，酸度十足，岩哂我地口味😆唔夠酸有得加$22要多份酸菜仲叫左清炒萵筍絲，加咗條辣椒絲去炒唔算太辣，唔錯棒棒雞，味道好惹味，雞肉質地唔會太軟，我唔中意食林bad bad嘅肉😂飽到不得了，下次再嚟試下其他小食先

星期日放假同男朋友行D2 place，好中意佢d舖頭好特別，又多自家制product，唔似得其他商場得名牌野行到咁上下諗住搵野食醫肚，去到3樓見到一間酸菜魚叫廚十三老壇酸菜魚，岩哂我同男朋友都好中意食！環境光猛，都幾寬敞舒服原來午市有酸菜魚套餐，可以配米線或者飯，$88都幾抵食我地食晚市只可以單點，有二/三/四人份量揀 揀左二人份量嘅酸菜魚，再加配料：午餐肉、金針菇、寬粉不過本身就送豆腐、芽菜、蓮藕片等配料一上檯，連男朋友都嘩一聲超超超大盤，送嘅配料份量一啲都唔寒酸酸菜可以加錢另加，不過我同男朋友都覺得夠酸味唔洗加二人份量嘅魚啱啱好夠食仲叫左我最愛嘅泡椒鳳爪，去到邊都要叫！男朋友就叫左夫妻肺片肺片係牛展同牛肚雙拼，好夠味，我地清哂呢間酸菜魚比到我哋驚喜，只係行街經過入去食反而試到好味餐廳，服務員都好好，經常來換一樽新茶比我哋，又好味又好服務嘅餐廳一定要支持支持！

近年香港人鍾意食酸菜魚，酸菜魚開到成行成市😅 經常中伏。 但朋友鍾意食，又再同佢試多間，估唔到有驚喜！餐牌主打酸菜魚，加其他頭盤小食。 酸菜魚 我哋就叫咗個正常辣。 上枱時真係超級大鍋 幾驚食唔曬 haha。先飲湯底，溫和的酸，夠味不焯喉，辣度適中 唔會辣到冇咗條脷 😂 （我平時係三哥小辣人）。 個老闆講得啱，呢個配飯真係超正， 可惜我哋已經嗌咗寬粉，下次再配飯。主角魚超讚，夠薄，爽又鮮 ( 平時出去食中伏最多，就係啲魚有泥味有腥味 ) 。 我哋加嘅配菜蓮藕同萵筍， 又薄又爽脆，再加埋 腐竹吸曬啲湯！我地清哂成窩，真係好滿足。另外叫左小食前菜全部都 出乎意料之外好食夫妻肺片 ( 牛肚牛展) ，最有驚喜，有少少孜然辣味，非常野味， 炆得 入味又夠淋但係仍然有咬口我最愛刀拍男朋友( 唔知點解咁陰公 🤣其實即係醃青瓜) 瓜爽脆，好入味但仍脆囗，有麻油及蒜香朋友好愛 泡椒鳳爪，呢個幾辣，不太酸， 鍾意lun骨嘅就至啱!茶係用米茶幾特別。 店主見我哋個位有少少凍，不停幫我哋換熱茶，好有心！環境嚟講坐得舒服唔會畀人吹住走，like呀。 咁出嚟食飯都係想同朋友吹下水啫， 坐得舒服都緊要㗎。一定再黎

我朋友去了荔枝角長義街9號D2 Place的廚十三老壇酸菜魚，已經聽聞這間餐廳食酸菜魚做得不錯，所以來這店試下。餐廳位於三樓，裝修相當闊落， 在門口的地方有些老壇的裝飾，好有懷舊酸菜魚的氣氛。店員很有禮招呼我們到了一個卡位坐，並推介食酸菜魚。我們點了小份的酸菜魚並加了豆卜和粉絲。雖然是細份的酸菜魚，但已經足夠兩位用。酸菜魚上枱時非常大盤，裡面魚片，豆卜，粉絲，蓮藕片，金菇等配菜放得滿滿。酸菜魚的味道已經不禁令人吞口水，魚片肉質細滑，已經清了魚骨，即使是怕吐魚骨的朋友，也可以放心食用。另外豆卜與粉絲已經充分吸收了湯汁的味道，非常惹味。臨走前看見他們有自家出品的酸辣粉，原價$108/6盒，現在做特價$68/6盒，我也買了一箱回家試下。總結：廚十三的酸菜魚做得有質素，食品不錯，而且坐的地方夠闊落，坐得舒服，是間不錯的酸菜魚店。

太掛念內地的酸菜魚經過D2 place 有午市套餐 $300再加一就可以吃一份小份酸菜魚再配上兩份配菜配菜揀咗蓮藕片同埋金菇然後再包兩支飲品，揀咗酸梅湯雖然價錢比大陸都係貴咗一倍但質素是可以接受份量超大，我覺得可以三個人食酸菜份量都好多，魚肉非常鮮嫩由於冇得揀辣度的關係一開頭食係唔覺得辣但係有越食越辣嘅感覺而且都比較多油

隔咗一段時間無北上食酸菜魚，有啲掛住陣味道，所以就搵咗呢間酸菜魚嚟試下。無訂枱早段WALK-IN有位，招呼嘅兩位侍應姐姐同一位黑框眼鏡哥哥態度都超級大改善空間。睇餐牌主打酸菜魚，可以加配其他料入去，有涼菜炒菜可點，無套餐架記住，而且正常都唔會話入嚟食廣東小炒啦係咪？叫咗一客二人份量酸菜魚加配金菇及豆腐、棒棒雞。清炒窩筍絲及單點白飯。期待個小辣酸菜魚，送到上枱係無失望! 辣椒、花椒及酸菜相伴，聞到嘅酸辣香氣，已經按捺不住! 湯底依然有魚湯味，不過始終會用好多油，幾啖OK架啦，唔會太嗆! 無加配酸菜份量都好足夠，部份味浸淡咗入湯，並無太酸或太咸味，入口啱啱好。魚片厚薄大小均一，入口無骨輕嚼肉片，滑溜溜~~ 魚片本身無味，沾滿晒湯底及油份取味。雖然話係小辣，但其實係無乜辣味，所以不食辣嘅朋友，都可以試下，無辣就始終無埋個麻味。二人份量舀下舀下啲魚片其實都好多。加配咗金菇同豆腐又係好足份，唔係得兩抽或者兩片，數數下應該都有成8片豆腐。好在叫咗個飯都打埋個底亦都中和返，如果唔係成個胃都係油份會好滯。好米線嘅朋友不妨試下淨叫米線，可能又會唔同風味。棒棒雞其實係辣雞腳，份量約莫一個手掌咁多。嗰層辣油

聽聞呢一間係內地「太二酸菜魚」班底籌組但我覺得同太二味道差好遠有d油 同唔夠酸唔夠辣 但份量都算大 魚量都算多小份酸菜魚加兩份配菜$300未計加1 貴大陸好多 差唔多貴一倍價錢