廚十三老壇酸菜魚 (D2 Place ONE) (已結業)

今晚收工同朋友咁啱係荔枝角附近，佢問我有冇聽過廚十三老壇酸菜魚，身為麻辣控既我雖然平時唔太好酸辣野，為免掃興都陪老友試下啦。3個人嗌左個小份老壇酸菜魚(餐牌寫住2人享用)，加左7款配菜: 午餐肉、金菇、豆腐、腐竹、寬粉、藕片、青筍片，再另外叫左小食: 雨露均霑同泡椒鳳爪。泡椒鳳爪小小辣，唔食得辣都接受到嘅辣度，泡椒入味又爽口。凍凍地非常開胃！後尾醒起嗌酸菜魚個時姐姐冇我地要咩辣度，唔知係咪有得揀嫁呢？！嚟左個酸菜魚個時真係嚇左嚇，個碗嘅容量超級大呀！本來唔抱太大期望，畢竟我唔好酸嘅嘢食，點知食左之後又幾正喎。酸酸地易入口，湯唔會太腥，魚片夠嫩滑，配菜都好入味，索哂湯既精華。雖然明顯見到湯面既油，但我都係忍唔住去飲個湯，鍾意食辣嘅我真係覺得個湯再辣啲就perfect喇！！雨露均霑，即係紅糖糍粑，灑左黃豆粉係面，配搭黑糖漿。熱熱甜甜，咬落外脆內煙韌，食完呢個甜品覺得非常滿足。好彩冇叫大份(3人份量)炸，我地3個人叫小份都已經食唔哂，最後捧住個肚走。今餐真係夠晒豐富喇！

疫情關係很久沒有北上食水煮魚、酸菜魚了！今日朋友介紹荔枝角有好味水煮魚，小妹樂此不疲立即行動。廚十三老酸酸菜魚果真沒有令我失望，目測已大為吸引，好大個湯碗滿滿的酸菜、花椒、菊花陣陣香氣直撲鼻尖😋。淺嚐一口湯清甜酸辣惹味是我想念味道，魚片大大片厚切，新鮮彈牙且入味，薯粉在短短時間內都盡吸湯汁，口感Q 彈好味真拍案叫絕。😘小份酸菜魚 $168甜品 ： 雨露均霑 $40這個甜品我特別喜歡，又名紅糖糍吧外脆內柔軟蘸上黃豆粉再蘸紅糖美味可口。😋餐牌座位寬敞，環境潔淨舒服。

睇啲食評以為好好食 一於去試下🤨點知咁垃圾！失望！中午去食 叫左份酸菜魚二人餐 $168滿心期待換來十分失望😪味道：都夠酸既 不過完全無辣味 仲有陣胡椒豬肚湯既味 怪怪地咁分量：魚大概有十舊 都算少 加左$28 一份豆卜 有9粒 仲要一開二 姐係得4.5粒豆卜 加左$28 一份寬粉 大概有20條 豆卜同寬粉都非常貴 豆卜完全吸唔到湯既酸味 寬粉只有煙韌而且無味 個底係有啲粉絲既 不過好林 一夾就斷總括而言：🤮哂錢！附上一張看似好靚既圖片 但其實係一啲都唔好食🙄

同老公兩個人叫左個3-4人酸菜魚，一上菜比個盤吓親😂😂好大盤，怕吃唔曬，原來唔使怕，得個盤大D，魚無咩幾夠，所以叫個3-4人酸菜魚啱啱夠我地兩個人吃，經理超好人，免費送左一罐可樂俾我地，叫左個辣雞腳超級辣，我覺得麻麻地，酸菜魚除左細份，味道都OK

同家姐一家人食飯當然要一早book定枱啦！返三成日都見到呢間十三，鐘意食魚嘅我地當然要試吓啦！我地一行五人趕得徹喺疫情收緊前食。入坐後我哋叫咗個大嘅酸菜魚、因為我地見到附近枱嘅人個酸菜魚都好大碟，裏面都好多配菜，如果唔夠食仲可以再叫配菜，我地仲叫埋冷盤小菜，好似刀拍前男友（刀拍青瓜），值得一試！

同事一直嚷著要吃酸菜魚，之前終於一起去吃了 ～ 反正比較餐牌，午市比晚市抵食好多。也順便去試試水準。相比散叫魚，其實套餐更便宜，個人喜歡配白飯多於米粉，也推介加配寬粉，煙煙韌韌好味道。湯底方面，叫了bb辣，我覺得剛好，朋友就覺得不夠濃味，還跟侍應要了花椒油和酸菜再加😂另外再點了紅糖糍粑，有一點點硬，不過已經很久沒吃過糍粑，勉強還合格吧！

很多年前已聽同事說北上深圳食酸菜魚，那時候想食酸菜魚的念頭便記在心裡，但卻一直苦無機會。直至最近發現酸菜魚專門店在香港如雨後春筍般開到成行成市，竟然有間新店開正喺我平時經常出沒的D2 Place!那天晚上我們到D2 Place搵食，經過這間酸菜魚專門店，聞到很香的花椒味道，望望餐牌，很吸引眼球，於是二話不說便走進店裡。坐低後便即刻點了招牌菜：酸菜魚！我們再額外點了一份米線用來放湯。不一會，一盤超級無敵巨型熱辣辣的酸菜魚被端到我們面前。嘩嘩嘩～首先試啖湯，我們揀了微辣，所以味道不算很辣，約莫是譚仔五小辣左右的辣度。但是充滿麻香，十分開胃，忍唔住再飲多幾啖湯。再試下啲魚，魚塊雪白嫩滑，冇骨又唔腥，接近入口即溶的狀態。酸菜則清新爽脆，與雪白嫰滑的魚肉簡直是絕配！最後，我們把整盤酸菜魚都吃光光，非常滿足！感恩在香港都能夠品嚐到正宗四川風味呢！

同朋友喺D2 Place行街，見到有廚十三嘅分店，久仰大名，但一直未有機會試，同朋友直接決定午餐地點。一入門口有等候區，木製嘅層架上面放滿醃製酸菜用嘅甕缸，別有一番風味。餐廳主打酸菜魚，價錢按份量劃分，分別有土豪份、大份同小份，可以按人頭選擇合適嘅份量，仲可以另加配菜。除咗酸菜魚之外，亦有小菜可以選擇，但種類並唔多。我哋揀咗午市雙人套餐，包括兩人份量嘅酸菜魚、米線同酸梅湯。一上菜我哋有少少驚訝，酸菜魚嘅份量少得可憐，數落大概只有七至八片，即使已經加入米線，望落依然空蕩蕩。湯底偏油，雖然味道唔難食，酸菜味道亦好重，但感覺就係單純嘅酸菜味，層次感唔重，欠缺該有嘅酸爽同辣勁，唔夠香亦唔夠濃厚。魚片算係爽口，但唔夠嫩滑，而且一夾就散。除咗魚片之外，仲有蓮藕片、豆腐、芽菜同金菇等配料，但份量同樣少得可憐，金菇更加係只有兩條，我差啲懷疑佢係咪蕩失路⋯⋯米線份量同樣少，而且偏硬，部份更似乎係未熟透⋯⋯米線硬到能夠「一柱擎天」，實在係無話可說⋯⋯飲品方面係原樽嘅康師傅酸梅湯，味道唔錯，清爽解辣。食過好幾間唔同嘅酸菜魚，雖然未至於間間都能夠同回憶中嘅太二去比較，但至少相距不遠，呢間係唯一一間令人失望成咁

自從荔枝角開咗D2 Place之後陸續有好多唔同種類嘅嘢食進占左喺入面。 而近年來酸菜魚突然之間成為左香港一大熱門美食，而估唔到今次係D2 Place都可以搵到佢嘅蹤影所以就要挑戰一下味蕾食吓😁一入到去就已經得到唔同侍應嘅熱情招呼而且店主亦都會主動推薦呢一度嘅招牌菜， 食物嘅選擇都幾多而且全部集中喺中國名菜，每一款都係經典所以可以放心盡情食。首先一定要介紹招牌菜就係酸菜魚，就算係少份都好但認真份量超級十足， 買到枱嘅時候真係令人嘩然，香味十足而且啲料都系一樣咁飽滿，酸菜有助令人開胃，再配合其他蔬菜可以帶嚟一種清新感覺先，魚嘅質感10分軟滑，份量真係十足到不能想像，湯頭唔會太辣所以非常推薦用匙羹放晒咁多樣配料再配合湯一啖食落去真係回味無窮齒頰留香小食方面如果鍾意食辣嘅話絕對要試一試麻辣牛展，份量都唔算細而且色澤上非常吸引人，辣到十足而且牛展已經滷得入晒味，少少鹹之餘背後仲有辣嘅後勁，值得挑戰下甜品就當然唔可以錯過紅糖糍粑, 即叫即做，確保係熱辣辣先上枱，無論熱食定凍左先食，糍粑依然保持韌勁，黃豆粉增加味道，配合紅糖甜度，為頭先食左D偏濃口味嘅菜溝番平衡，完美左成餐飯👍🏼👍🏼👍🏼

可以試吓嘅川菜餐廳食物質素正常但員工就怪怪地😂😂叫咗酸菜魚雙人份 $168 加左蓮藕👉🏻酸菜餐原本會包左三種配料（豆腐金菇粉絲）但Menu就冇寫明有啲啲含糊😂👉🏻魚嘅份量就唔太多大概6,7塊👉🏻酸辣口味冇得揀辣度跟餐有得揀米線或者飯但米線就比較少飲品可以揀汽水或者酸梅湯（支裝）👉🏻叫咗一個炸物味道普通但呢個價錢就比較貴$80兩人total 大約$300

同媽媽兩人book左18：30，星期六。入座時已經八成滿座。算係幾多捧場客。叫左個酸菜魚（大，三人份），$450。另加腐竹同米線。（各加$28）有兩個魚頭，相信係兩條魚嘅份量。😄😄味道同太二近似。米線如果再淋少少會好d值得一試

唔知自己食緊酸菜魚湯飯定係酸菜魚，話送兩個配菜，到最後買單都係要自己俾返錢。上檯個陣都真係好懷疑係米湯，300蚊魚片加加埋埋得10快左右，同個fd全程係到海底尋寶咁，兩條友四百幾都食唔飽。

原本打算去荔枝角吃壽司郎，網上訂座實在太難訂了，walk-in 去吃原來也超級多人。我和朋友都很早放工，6:30不夠已到達，但結果我們失望又傷心，拿不到籌，於是去了D2吃其他餐廳，試試2小時後再回來。我們到D2後，走遍整個商場，最吸引我的是酸菜魚的厨十三，因為香味四溢，半層樓也有香味。餸菜名字很有趣呢！我們選了避風塘炸魚，很多脆蒜，辣椒，香葱，炒得特別香。炸魚柳無雪藏腥味，反而嫩滑得很。青椒土豆絲，重點在於酸酸的醋味，土豆絲不能太淋，要有爽爽的口感，絕對無令我失望，吃個不停。麻辣牛𦟌，牛𦟌腌製剛好，肉很入味，小量辣度，芫茜沾辣汁拌飯也很棒，底下有些青瓜，爽口好吃。最後店員還送了甜點，紅糖冰粉，冰粉好像仙草的質感，透明的，加紅糖，正合我口味。

今日約朋友去荔枝角食飯 附近西餐食到厭 咁啱見到呢間新嘅酸菜魚 就決定入去試下😋黎到先知原來呢間呢係聲稱來自太二美國？團隊😅我地點左個3人份嘅酸菜魚 $450加左窩荀$28同粉絲$28、另外侍應姐姐仲送左金菇同豆腐比我地🤣勁好人呀 黎到之後個碗勁大😂嚇死人講返味道先 首先有食過深圳「太二」嘅朋友 個味其實係似嘅 但湯底就比較淡又偏油 好似好稀好水咁魚肉都尚算滑 冇骨酸菜方面 就比太二失色好多 基本上冇乜味同唔酸🤨整體黎講都ok ge 不過價錢真心有少少貴 唔太抵食仲嗌左2個小食 麻辣冇骨雞腳同皮蛋其實小食嘅水準唔差 雞腳值得推薦👍🏻最後仲點左個甜品 兩露均沾$48其實即係紅糖糍粑 外皮都叫用炸得夠脆 但味道都係普通😂

見荔枝角D2新開間食酸菜魚，特別wor!去食啦，結果完全係吠！！！首先，原來出面有張外賣自取傳單既menu係冇堂食既，入到去先發現堂食menu 貴好多！Hm... 自己誤會左，唔緊要啦！照食，不過大家要留意小心啲啦！入面最平嗰餐$168兩位，留意出面個外賣係$50。係咪差好遠呢？侍應哥哥sell $450/3人餐仲話送三個餸咦，又好似ok喎！但lunch食又好似有啲誇張，所以最後決定都係要返個兩人餐加個寬粉$28。每位未計加一差唔多$100。首先個酸菜魚二人餐有咩餸呢？有豆腐、米線、酸菜、魚、少少芽菜。丫，包酸梅湯或者汽水首先冇咩辣味，完全感覺唔到有酸菜魚湯嘅特色，如果話有特色的話豆腐有酸味囉，算唔算？米線正常量，魚每人有三四塊但冇咩特別。總結，如果為左生存的話係可以嘅，睇你覺得$100買一餐生存抵唔抵啦。