廚匯濃湯雞

营业中

休息中

廚匯濃湯雞今次要介紹喺旺角快富街有一間粉麵店叫「廚匯濃湯雞」，聽講佢哋都開咗大半年，呢間餐廳門口係有一級，輪椅人士如果要入去食嘅話，要自備斜板！1.花膠濃湯雞鍋 配米線$75+凍檸茶$8（9.5/10）呢碗花膠濃湯雞鍋入面估唔到花膠係咁多，花膠有5舊，每一舊花膠都好厚切，雞件都有6件，每件雞肉肉質非常嫩滑，少少鞋同痴牙都無，其他材料紅棗、娃娃菜、木耳同菇類等，我揀咗配米線，米線入面仲有芽菜、腐皮同韭菜等，份量超級多，米線都索哂濃雞湯底，真係正到不得了！飲品就加$8揀咗凍檸茶，呢杯凍檸茶有4片檸檬，茶味好出，唔係好啱我飲！2.胡椒豬肚雞鍋$62 配米粉$75+凍奶茶$8（9.5/10）呢碗胡椒豬肚雞鍋如果胡椒味重多少少會更好味，份量一樣好多，有6舊豬肚、4舊有少少渣嘅白蘿蔔、8件肉質好嫩滑嘅雞件、紅棗、木耳同菇類等，我揀咗米粉，米粉入面仲有芽菜、腐皮同韭菜等，米粉都索哂胡椒豬肚嘅湯底，唔錯！飲品就加$8揀咗凍奶茶，呢杯凍奶茶好香滑！3.懷舊蝦多士$22（8.5/10）呢碟懷舊蝦多士最少要叫兩件起，每件$11，未咬之前已經見到成隻蝦喺多士上面一齊炸，不過咬落感覺多咗少少油，炸得好脆，如果無

今日嚟到旺角嘅廚匯濃雞湯，地理位置好方便，T.O.P商場直行就係，係正旺角中心後面，一啲都唔難搵。重點係依度嘅雞湯湯底真係好！濃！郁！🤤首先要推介嘅就係呢個小食 - 香芹蝦餅🍤！外脆內軟，食到卜卜聲，啖啖蝦肉，仲帶有淡淡嘅香芹味🌿，真係好fresh好好味！有驚喜！必食推介💯！胡椒豬肚雞鍋配米線🐔 $62胡椒味香濃，豬肚爽口彈牙，雞肉鮮嫩多汁，飲啖湯暖笠笠，真係好正呀！而且鍋配料十分豐富，菇菌、木耳、白蘿蔔、娃娃菜份量十足，必定夠飽肚呀！招牌🎖️花膠濃湯雞鍋配薯粉🐔 $75湯底濃郁到一個點，花膠大大塊，入口即溶，膠質豐富，真係好滋補！食完皮膚都滑咗啲咁🤪！一啖濃湯一啖雞，再配埋煙煙韌韌嘅薯粉，好鬼滿足總括嚟講，廚匯濃雞湯真係一間值得推介嘅餐廳👍！食物質素高，價錢合理，下次一定會再嚟幫襯！😋📍廚匯濃湯雞 (旺角)🔎旺角快富街33號地舖

泰式豬頸肉 🍖🌶️首先試咗小食——泰式豬頸肉，豬頸肉切的厚度適中，醃製得恰到好處，重要係夠脆口，令開胃又美味！仲配左粒士多啤梨😂😂 仲要幾好食，感覺新奇同fresh花膠濃湯雞鍋（配雞湯米線 )🍜🐔我點咗花膠濃湯雞鍋，鍋底的雞湯無想像濃，不過十分清甜，味道鮮美，食完唔口渴。花膠煮得剛好，口感滑嫩，跟雞肉一齊食非常搭。配上雞湯米線，米線吸收咗湯底的鮮味，配上其他配料（主要有菌類同蔬菜）真係好滿足！胡椒豬肚雞鍋（配雞湯米粉 )🍲🐷然後試咗胡椒豬肚雞鍋，鍋底的胡椒味道濃郁，帶有一絲微辣，十分開胃。豬肚煮得軟滑，與雞肉一齊煮出嚟，湯底香氣四溢，配上雞湯米粉，簡直係絕配！米粉吸收咗湯的鮮香，食落去真係超級好味！（呢個配料無菜但有白蘿蔔，平衡番胡椒的燥熱，養生重視者)飲品 🍹🍵飲品方面，我點咗凍檸茶同凍奶茶。凍檸茶清新爽口，檸檬的酸味非常醒神；而凍奶茶則奶香濃郁，甜度適中

今晚天氣突然轉涼，行過旺角呢間餐廳，見到有胡椒豬肚雞鍋食，仲要價錢幾平，就一於入去試吓。胡椒豬肚雞鍋配薯粉（薯粉要加$2）先飲啖湯，好香胡椒味，即刻好暖胃，雞件好嫩滑，豬肚份量好多，好淋得黎而且唔會有腥味，配料的白蘿蔔好甜，再加上好多爽口黑木耳，薯粉好煙韌，份量又超級多，呢個價錢真係好抵食。花膠濃湯雞鍋配米線個湯好香濃，雞件一樣又多又嫩滑，花膠炆到好淋，索晒個雞湯味，配料有好多的黑木耳同埋娃娃菜，米線份量又係好多同爽口。我哋都係跟餐要左凍奶茶，估唔到佢個茶味幾夠香濃，口感順滑。懷舊蝦多士有兩件，炸到好脆口，蝦肉都好彈牙，點埋佢個蜜糖芥末醬嚟食，真係好夾。總括嚟講呢一間性價比真係非常高，值得推介。

天氣涼涼哋就好想食啲暖胃嘅嘢，無諗過喺花園街附近都有咁高質嘅雞湯米線！入到去嘅時候都坐得幾滿，落單嘅時候店員都有特登推薦新出嘅蝦多士，我哋就嗌咗兩份主食再加一個小食😛花膠濃湯雞鍋 配米粉🐓 ($75)朋友超鍾意，飲落勁養生！入邊仲好足料添，有好多花膠之餘，仲有紅棗同埋木耳！啲雞仲係好新鮮，比想像中多，真係啖啖肉、啖啖都咁健康！💪🏻💪🏻胡椒豬肚雞鍋 配瀨粉🐽 ($62)啱晒個人口味！食落相對上辣少少，豬肚嘅數量比想像中多！雞、紅棗、木耳樣樣都齊，再加上少少芹菜吊味，好啱風大凍凍地嘅時候食！🤗蝦多士🦐 ($22)啱啱炸起脆卜卜，啲蝦肉都好足，點埋芥末醬好惹味！🤤整體而言性價比幾高，好足料好新鮮，可惜太多人冇得坐好耐添🥲

餐廳裝修簡約每枱放有數個加熱裝置大約十款鍋物選擇除左雞 另有豬及海鮮 配白飯/ 粉麵類麵類有齊芽菜 腐皮 韭菜 配料用QR code落單 清晰方便快捷花膠濃湯雞鍋 $758 嫰滑雞件 4-5 厚實花膠大量配菜 娃娃菜 雲耳 菇類本身雞湯底較清淡可能預計客人一邊食一邊加熱 最後會變更濃味胡椒豬肚雞鍋 $62除左雞件 豬肚同白蘿蔔分量多白蘿蔔吸滿胡椒湯底 好入味2款鍋物分別配左米線同薯粉+$22款麵類湯底非常似某連鎖米線店既清湯底😂建議直接放入鍋物內一齊食配料中既腐皮👍🏼米線同薯粉麵質正常小食腐皮釀蝦滑 $364件長方體 鋪係沙律菜上面薄脆炸腐皮包住彈牙蝦滑冇油膩感覺跟酸甜醬 點唔點醬都咁好食👍🏼總結食飽冇口渴情況 應該冇加味精👍🏼

依家出街食飯都真係唔平，冇理由日日都食貴嘢，所以其實大部份時間都要食啲cheap嘢，價錢都係一個好重要嘅因素，百物騰貴，最好可以用五六十蚊有肉有菜醫飽個肚。呢幾年旺角啲嘢都貴咗好多，點知俾我搵到呢間食雞湯粉麵嘅舖頭，講緊用$58可以有一大鍋黃酒雞湯再加一大碗米粉，真係好平。而且佢最特色嘅地方係會用火幫你慶住個雞湯，冬天食就最啱，食到一半都仲係好熱嘅，雞件都唔少，配料都大大份，有極多紹菜同埋杞子，黃酒雞湯煮得剛好，唔會太鹹，仲有就係個米粉都煮得唔錯，面頭有啲薑粒，如果唔食得辣，記住同職員講返走薑粒。另外叫咗豬三鮮胡椒湯薯粉，又係大大煲，有四大嚿蘿蔔，同埋都有啲菇同木耳，鍾意食豬內臟嘅人就梗係要點呢個啦，我自己都幾鍾意個胡椒湯嘅，夠辣又唔會太搶個豬味，仲有個小食喺香芹墨魚餅，炸得都幾好，淡淡香芹味，如果想試真啲個香芹就記得唔好點甜辣醬。目測平日夜晚都好旺場，梗係啦咁嘅價錢，仲要係旺區咁近地鐵站，仲可以喺邊度搵？

經開旺角發現快富街有間地鋪小店主打食雞鍋幾吸引。店鋪雖細小簡潔，但食物相當真材實料，絕對有驚喜。湯鍋有好多選擇，我哋點選左花膠濃湯雞鍋$75配米粉，另胡椒豬肚雞鍋$62配米線。雞鍋有爐烘住保持住溫度唔怕食食下唔夠熱夠晒暖心。聽聞雞湯係每日新鮮熬製5小時，所以一上枱已急不及待要飲啖湯試下果然係精華所在非常鮮甜。花膠厚身，雞份量都唔少肉質仲好嫩滑。特別鍾意佢果米粉好爽幼配上好多牙菜腐竹好豐富。胡椒豬肚雞鍋味道一樣濃郁，辣辣地好暖胃。配菜都誠意十足有鮮菇、蘿蔔、西芹、雲耳、紅棗，令到胡椒味不會太重，仲帶出辣中帶點清甜而且豬肚都處理得好好不會有腥味。小食就叫左手拍青瓜酸酸辣辣好醒胃。仲有香芹炸墨魚餅，外脆內裡彈牙煙勒帶著香芹香味，好好食

最近天氣凍凍地，食雞煲真係一個好好既選擇。 今日係旺角經過見到呢間廚匯濃湯雞，見都幾唔錯，就入去試下。 入到去姐姐好好介紹，就簡左花膠濃湯雞鍋，配左個薯粉，再叫多個腐皮釀蝦滑。 一個人好似有啲多，但凍凍地就食多啲。 個雞鍋黎到都好吸引，簡單幾磚臘係枱上面煲住，入面好足料，一排既雞肉，再有約4，5件花膠。 仲有菇，紅棗，同好多娃娃菜係底。 啲花膠都幾厚身，最正係冇沙同腥味。 係第二度食到處理得唔好既花膠好難食，佢地呢度好唔錯。 而且雞好嫩滑，冇肥膏，仲有啲雞味，令到個湯都超好味。薯粉真係冇令人失望，夠爽滑，食左令人好舒服。 仲有好多芽菜，韮菜，腐皮，真係好抵。仲有個新鮮炸既腐皮釀蝦滑，真係不得了，竟然一啲都唔覺油膩，真係好好食。今日竟然係旺角食到間咁正既雞煲，真係好開心。

最近試了幾款簡單卻味道不錯的小吃，先說說炸腐皮蝦滑。外層炸得挺脆，腐皮咬下去有種輕輕的酥香，裡面的蝦滑嫩而不散，鮮味剛剛好，吃起來不算驚艷，但確實是份舒服的小點心，挺滿足的。再來是胡椒豬肚雞米線，湯頭帶點胡椒的溫暖辣味，喝下去很暖胃。豬肚處理得軟嫩不腥，雞肉也不柴，米線吸了湯汁，滑溜溜的，整碗吃完覺得挺舒服，沒什麼可挑剔的地方，簡單踏實的一道。最後是胡椒豬三仙米線，裡面有豬小腸、豬肝、豬心和豬肚，算是雜碎愛好者的福音。湯底一樣有胡椒的微微嗆香，每樣豬雜都煮得恰到好處，小腸軟韌、豬肝滑嫩、豬心有嚼頭，豬肚也沒讓人失望。整體來說，味道不算太搶眼，但搭配米線很協調，吃完覺得挺滿足。這幾款都不算什麼大菜，但勝在用心做，味道穩當，偶爾想吃點熱乎乎的東西，這些是不錯的選擇。

近天氣開始轉涼，同朋友去食個熱辣辣嘅湯煲暖下身。我哋叫咗兩款招牌雞鍋：「花膠濃湯雞鍋」同「胡椒豬肚雞鍋」，仲加埋前菜「腐皮釀蝦滑」腐皮釀蝦滑金黃酥脆嘅外皮加埋入面嘅蝦滑彈牙爽口，蝦膠新鮮味濃「花膠濃湯雞鍋」湯底熬得濃郁，入口香滑順喉，帶有淡淡嘅花膠甘香。雞肉皮滑肉嫩多汁，啖啖肉都充滿雞的鮮甜。花膠軟腍入味，咬落去有少少QQ彈牙嘅口感，而且吸飽咗湯汁，食落去格外鮮甜。配埋米線就更絕，米線軟硬適中，吸滿湯汁，食完湯再食埋米線，層次感十足。「胡椒豬肚雞鍋」胡椒味溫和！豬肚處理得乾淨無異味，爽脆彈牙又易咬，同雞肉一齊煮，兩種肉質互相配合，層次豐富。我哋揀咗薯粉做主食，薯粉煮到軟滑唔會過爛兩款湯底各有特色，花膠濃湯雞溫潤滋補，胡椒豬肚雞就溫厚整體嚟講，「廚匯濃湯雞」嘅食物用料新鮮，份量十足，價錢合理，最緊要係個湯熬得夠足夠濃

呢排最鐘意食雞湯米線，呢個係花膠雞湯小火鍋，配米線，雞很鮮味，花膠有腥味。有雲耳，有菇有菜有紅棗吾錯，可惜火鍋的湯底係吾同米線個湯底，係兩個種味道，米線的湯太淡，搞到個米線係吾好味，火鍋個湯清甜好多，如果米線是用火鍋湯底會好好多。

5小時鮮雞熬製濃湯，見到呢間介紹好耐，想試好耐。一入到去呢間餐廳就聞到好濃郁嘅湯味，我同朋友已經流口水。我哋叫咗一個胡椒豬三鮮鍋，一個胡椒豬肚雞鍋，兩個鍋一嚟到乾濃湯嘅香味真係好不得了。然後我哋嘅面嗌叫咗一個米粉同一個米線。首先講吓個胡椒豬三鮮鍋，個豬腸係超級好味，好香好滑，果然係三鮮，真係每樣嘢都好新鮮，另外都仲有啲配菜嘅，有鮮菇有蘿蔔等等，當然最重要係個湯底啦，試咗餐係好香濃雞味，個胡椒味唔會太重，所以遮蓋唔到個鮮雞味，但係反而帶出個雞濃香嘅味道。再試埋個雞鍋，其實見到啲雞望到已經覺得佢係好滑，食落果然係冇令我哋失望，畫得來不失雞味，湯底都唔使講真係一流，非常好味。加埋呢啲天氣食，真係非常非常配合。

最近天氣轉涼，最適合打邊爐暖身！旺角新開業的「廚匯濃湯」主打滋補養生鍋物，其中「花膠濃湯雞鍋」和「客家黃酒雞鍋」更是人氣之選，湯底真材實料，一試難忘！☆花膠濃湯雞鍋 配 薯粉 ★一上桌就被奶白色的湯底吸引，濃郁的雞湯香氣撲鼻而來！湯底以全雞熬製多時，再加入花膠食材，鮮味十足，每一口都充滿膠質，滋補養顏。雞肉嫩滑，花膠彈牙，配上吸滿湯汁的薯粉，口感豐富，令人回味無窮！☆ 客家黃酒雞鍋 配 米線 ★喜歡酒香的朋友一定要試試這款黃酒雞鍋！選用客家黃酒，酒香濃郁但不嗆喉，與雞肉完美融合，湯頭甘甜順口，暖身又暖心。雞肉同樣嫩滑，米線吸收了湯汁的精華，每一口都充滿酒香，令人食慾大增！☆ 椒鹽墨魚咀 ★除了鍋物，小食也相當出色！椒鹽墨魚咀炸得金黃酥脆，外皮香脆，內裡彈牙，椒鹽調味恰到好處，鹹香惹味。.【廚匯濃湯】📌旺角快富街33號地舖

最近天氣凍，經開旺角見到新開左間雞湯米線的鋪頭，仲要我鐘意既胡椒豬肚湯底，所以晚餐就決定食佢。呢到主打係濃郁既雞湯，感覺係好健康既湯底! 胡椒豬肚雞鍋每個鍋上菜時都有個爐即熱住咁上，咁就唔怕太凍既天氣，個鍋物好快凍。豬肚雞鍋好足料，有雞件，有豬肚，有白蘿蔔等等。呢個湯底第一啖係雞味好突出，但唔會咸! 胡椒豬三鮮鍋呢個第一啖飲落去就係胡椒味好突出，而且內藏唔會有腥味，冬天食呢個真係好暖胃。原來呢到既粉面係另上，配既係清雞湯底，同朋友分別簡左米線同埋薯粉，2款都係幼身個款，所以口感更加彈牙。椒鹽墨魚咀好惹味，炸得夠脆口，份量又夠。整體價錢相宜，冬天去食一碗濃雞湯米真係好滿足!