廈門風味阿珠小吃店 (已結業)

住咗呢頭幾十年都唔知有間咁嘅嘢。之前返屯門日日收工喺九龍城碼頭行返屋企都有經過，有晚卒之去試一試。間嘢好似話係食福建嘢，不過我就真係唔知福建菜係指乜嘢。我哋食咗個沙茶麵、一個蟶子羹、一個香芋盒同一碟雞翼。啲嘢食份量唔大，叫四樣嘢都係六十蚊。個蟶子羹又腥又有沙，沙茶麵同香芋盒味道就唔錯。最攪笑係好多福建人幫襯，可能因為個老闆係福建人啦。入到去個個講嘢好似嗌交咁，冇句聽得明，感覺簡直係去咗外國。

上個月試過第一次後,覺得值得再去, 諗住再去點知張貼內部裝修, 20號再開, 今日走去再試...無咩點改變o的裝修, 係乾淨了, 但人就已經換了.叫了個夏門麵線同招牌粽, 點知得麵線. 但係o的料唔同晒, 變了蠔仔,紹菜,蘿蔔絲,冬菇絲, 瘦肉絲...我仲以為比錯了蠔仔麵線, 但到比錢時佢都係收我夏門麵線價錢. 味道冇以前咁有鑊氣, 咁香口, 同埋o的麵偏濕同淋. 我o地一路食, 有個客先講間鋪原來易o左手. 之前既老闆娘太辛苦唔做. 真係可惜, 又少了一個可以回味的地方.

老板娘太辛苦唔做啦....

去食左個2送沙茶麵同芋盒.2送沙茶麵, 揀左牛肉同雞肉, $15, 大件夾抵食, 小小辣, 外賣又唔洗加錢. ^_^芋盒3粒, $10, 其實係芋頭皮鹹水角, 夠熱, 足料.$25 蚊食到咁滿足, 都唔需要理格局裝橫啦, 乾乾淨淨就算.我諗響銅鑼灣或者尖沙咀, $40蚊都未必食到咁o既質素.

好感動呀．我個日一早去．．未到１０點．．我問老闆娘開店未．．佢叫我坐啦．．問我食咩．．我話唔緊要．我可以一陣再來．．佢就話無所謂啦．．熟客咯．．食咩呀甘．．我叫左蠔餅同蠔仔ｃｏｎｇｅｅ．．．．人情味．．．．（想ｃｒｙ）跟住傾傾下．．佢話．．．ｍａｙｂｅ做多一年．．就休息啦．．大家要好好珍惜啦．．

早前看到食評，感覺這食店幾有特色，便決定找一日到來；但上次因沒有看清楚，原來星期日是唔開門的，白走一次。今次當然找一日平日到來，店鋪細細間，坐位唔多，但感覺都算幾乾淨。我們叫了什錦紅燒豆腐、馳名五香條、香芋盒、聖子羹、蠔仔面線湯和招牌沙茶麵。什錦紅燒豆腐- 豆腐切得細細件，一口一件剛剛好，腩肉切得薄薄的，爽口又好味，雪藏蝦還有點爽口，都算唔錯。馳名五香條- 外皮炸得好脆，帶有很香的香草味，一個幾特別的小食。香芋盒- 芋頭味很濃，有點像咸水角，但比較更好食。聖子羹- 這個比較一般點，沒有什麼特別。蠔仔面線湯- 面線太腍唔多喜歡，蠔仔大大隻又很有蠔味，但就有點沙，令口感變差，可惜。招牌沙茶麵(鹵肉/魷魚) - 麵係油麵，辣椒女就唔多喜歡了，早知改面線好過，魷魚過韌又無鮮味，腩肉還是一樣口味，湯底很香沙茶醬味。鋪面幾細，得幾張，多人一點都幾麻煩；食物有特色，價錢又平，有空再來試試其它的食物先。

懷住唔多開心的心情下搵食。呢晚要到土瓜灣處理一些事，之後是心灰灰的。一心也想到這裡吃。原來唔熟土瓜灣的話，呢度都少少難搵，唔起眼。因為行經一橫街去八”鴻福”火窩的關係，意外地發現美景街!梗係義無反顧地入去啦。如其名，此店的門面是“老”了點。我會覺得是一間老店。通常老店的食物會比較好吃。果然，這裡的賣點是食物，招呼亦不俗。本身好少好少食炸物，但見不少人叫香芋盒，亦試一下吧!果然好味道!好鍾意芋頭味，如果成個無肉，淨芋頭仲好。亦叫了招牌沙茶米，這個無特別，不夠味。另叫了廈門炒飯，好香口。有$15同$20之分，我地細食，所以叫少d的(要少油)。另加多一小碟菜。雖然樣樣份量唔似好多，但可能d野滯，多油，所以都好飽。$43! 抵!下次會想試$8五粒的甜芋棗，石花冰，炒什菇同風沙雞翼。

7.22(六)同男朋友食完米線無耐,就行過黎呢到食因為唔太肚餓,所以只係叫左五味卷,香芋盒,蚵仔面線同豆漿五味卷外表似腐皮卷,但食落口有一股特別既氣味,我都唔知係咩香芋盒似炸芋蓉球,但內裡有冬菇,豬肉等等,所以我覺得好似芋角同咸水角既混合體,新鮮熱辣炸起,味道好好,不過如果重d芋頭味就更好蚵仔面線d面線係偏淋身,但好多蠔仔,d蠔仔無沙,又重蠔味整體味道都唔錯~如果有機會想試埋沙茶麵~

是夜要到小學開舊生會會議，要由元朗去到土瓜灣，車程都好遠，所以一夠鐘放工就動身。好彩事前有做過資料搜集，所以唔駛嚮街度茫茫然唔知去邊度醫肚。睇到openrice好多食家嘅好評，咁就一枝公試一試。地方比較細，屬小本經營。老闆兩公婆打理門面，都應付裕如。我根據餐牌上所寫嘅招牌菜，叫咗沙茶麵同五味卷。沙茶醬好香，但又唔會太辣，不過麵就煮得太耐，淋哂。配上鴨腎，爽脆中帶上香濃嘅沙茶醬，別有一番風味。五味卷係用腐竹包著糯米、馬蹄、豬肉再落鑊炸，所以食落好香口，加上馬蹄嘅爽同糯米嘅煙韌，令整個五味卷富有口感。食香口嘢係有代價嘅，就係做咗成晚“口臭”仔(佬)。幸好我是夜冇去搵阿K，如果唔係實收到好多投訴。價錢方面實在抵食，一碗沙茶麵十五蚊，五味卷八蚊，已經食得好飽。如果在土瓜灣區附近活動嘅，可以一試。

我已經成日去架啦．．不過都唔厭個下死ｗｏｒ．呵呵呵我今日未入到去老闆娘就：『２　日無蒞啦ｗｏｒ！』哈哈！！係呀我趕功\\\課嘛．．辛苦左２日．．我叫左我最中意的蠔餅，蚵仔面線同春卷唔唔唔．．．正正！！！咩辛苦都唔記得啦．．．下次要食雞翼．．．

曾經光顧過一次, 食物味道不過不失, 但叫了一支汽水後令我畢生難忘!!因飲管內藏有昆蟲,還要在小弟喝了一口時才發覺並吐出!!而店員奕沒甚麼表示及歉意,只是清理屍體了事。換了是女孩肯定花容失色並昏倒過去。一生也不敢再幫襯!!!

之前都想試下, 但同事見到門面咁舊唔同我試；今日佢無返, 我終於可以試下啦…我叫左沙茶麵+ 香芋盒, 其實1個人食2樣野, 都好飽!沙茶麵–本來以為係一種麵類, 但原來係沙茶湯+ 油麵…湯底好濃郁但多油, 而油麵好普通香芋盒–炸芋蓉裡面包住冬菇+豬肉+蔥, 炸得香脆但當我食到入面時有少少凍, 應該炸耐d….我發現好多都係熟客, 仲同d伙記講福建話添

如果唔係在KC食評得知,原來土瓜灣美景街,有間福建小食店\"老好清香\",做左差不多十年土瓜灣人,真係要打四十大板!本身少去呢條街,感覺上一早遺忘左.福建菜,理應在北角.土瓜灣本身,唔算係福建社區.只係同London東部一般,幾多印巴人,仲有幾多新移民,無話偏埋邊個族群比較大.福建菜本身最熟果幾味,就係雞卷,土荀凍,福建炒麵,沙茶麵,\"虫聖\"子羹etc.要講,都幾多.香芋盒,芋版咸水角,芋味夠濃,餡內包住肉同馬蹄,非常香口.五香條,有點似腐皮卷,但來得更脆更香口,好惹味.沙茶麵,$15可選兩種配料,沙茶醬同湯融為一體,少辣,質感豐厚.牛肉當歸麵線,湯底有點當歸味道,幾清甜,兼幾補.蚵仔麵線,蚵仔好新鮮,粒粒肥美.反而福建炒麵就麻麻,麵條質感模糊.唔夠入味.每一次來已經入夜,土荀凍,\"虫聖\"子黎親都無.注定無緣.順帶一提,此店逢周日休息,請注意.

成日見到食家對呢度既香芋盒讚不絕口琴日專登拉朋友仔陪我黎食叫左蝦仁豬腰沙茶麵線($15),香芋盒($10),鴨蛋煎蠔($25)同菠蘿石花冰($6)蝦仁豬腰沙茶麵線～蝦仁係未去殼,食得好麻煩,豬腰亦有陣味,配料份量唔多,麵線亦過淋,成碗麵得d沙茶醬味道好,不過以呢個價錢黎講都算ok香芋盒～呢個真係好正!推介!芋蓉多而且炸得一d都唔油,外面個皮酥化唔厚,入面d餡似足酒樓既咸水角,好好味!黎呢度唔食真係浪費!鴨蛋煎蠔～鴨蛋煎成有d怪味又較油,個人唔多鍾意,仲要食食下有幾粒蠔殼,呢味只係勝在蠔仔新鮮,結果最後都食唔晒!我都係鍾意食潮州蠔餅多d!菠蘿石花冰～其實似係菠蘿汁加細細粒既大菜糕,味道一般,可以唔試不過呢度真係好多街坊幫襯由坐低到食完都好多人入黎買外賣或者同老闆阿姐吹水

側聞這裡的名字已久，但到而家才第一次幫襯。這裡是一間在橫街的小舖，三點幾來到，都有不少人客在幫襯，不少還與店員在大談福建話，看來是街坊鄉里。叫了個牛肉湯，又貪心的叫了五香條及香芋盒。牛肉湯幾夠份量，湯鮮味而牛肉亦不錯，湯底亦有淡淡的當歸味，十五蚊一碗，是經濟抵食。點心都要等左一等至有得食，正香條是用腐竹包著糯米、馬蹄、豬肉等配料，用五香粉調了味再去炸。雖然有點油膩，但吃落香口，糯米更加強了質感及口感，幾好味，食得過。比五香條更好的是香芋盒，一客三粒，大大粒，外皮香脆又不油膩，賣相不錯。內裡芋頭香味濃，餡料又有肉、馬蹄及菜甫等，幾好味，令人吃完一粒又一粒，用來下酒，更是一流，必試之選。埋單33蚊，吃得飽飽的，非常之經濟抵食。當然不值得專誠來試這樣誇張，但順路經過的話，也是值得一試的。