康記粥店 (已搬遷) 新店位置

老老實實，真係甚少寫食評，但今次真係唔寫康記粥店都唔得，講真環境唔係高級店，無冷氣可能係最趕客既原因，但係食物全部即叫即做，連腸粉都係即拉，仲要係不計成本咁落埋蝦米同葱，真係唔話得。小弟與女友去食，叫個魚腩粥，居然俾足三大嚿魚腩，都係賣27蚊，已經呆一呆，去佐敦食過成50蚊碗都只係得兩細嚿，你就知乜野叫做抵！佢仲要係好好食果隻，明顯有細心揀過兼夾去鱗去得好徹底。女友叫碗最普通既皮蛋瘦肉粥，真係料多過粥，放粥面既葱又脆又嫩，皮蛋好滑，唔多覺UP味，抵讚。兩碟腸粉先係重點，炸両雖然唔算脆，但個腸粉皮真係又滑又甜，個豬潤腸足料過佐敦棠記，係個皮無佢咁薄，但係難得老師傅80歲有多仲企足一日做即製腸粉，已值回票價。兩條友埋單唔使一百，堅係又好食又抵食，吹住風扇已經唔覺坐係入面有幾熱，最熱既反而係人情味......

11月17日, 是日想食下粥, 原來喺天后一帶並冇懷舊粥舖, 好彩嚟到大坑呢度有一間~ 雖然陳陳舊舊, 不過風味十足~::: 魚片碎牛粥 ::: $17魚片同碎牛呢d快熟野, 滾幾滾就熟, 加上個粥底熱辣辣, 成個粥好快就上枱~ 魚片有鮮味, 連帶個鮮味都滲入個粥度, 增加粥嘅鮮甜味~ 碎牛份量多, 啖啖都有粥有肉, 但係碎牛略為過碎咗d, 口感有點不足… 整體個粥都幾清, 應該都唔係味精粥, 係唔錯嘅.::: 豬紅碎牛粥 ::: $17豬紅碎牛粥好足料! 碎牛好新鮮, 感覺上醃料唔多, 豬紅一咬即散整明亦係新鮮野. 粥底好綿, 爆晒米花, 亦都應該係無落過味精, 所以整體味道會比較淡, 不過新鮮度爆燈, 有種家的味道!::: 銀芽炒麵 ::: $9可能少咗韮菜, 個炒麵望落唔夠色水~ 好彩芽菜都夠多, 補救番, 咬落都幾爽口, 麵嘅質地反而有d淋, 一咬就散得勁… 另外, 味道偏淡, 要落多d甜醬先得… 只屬合格.::: 腸粉 ::: $9腸粉應該係頗為滿意一樣, 普通嘅腸粉都有加蔥花~ 估唔到佢嘅腸粉係比較厚嘅一種, 之不過食落之下重米漿味之餘又幾嫩滑喎~ 卷埋厚厚嘅腸粉又唔韌,

Came by for breakfast the other day. The wait for a table was a couple minutes as we had to share a table with another party.Ordered the rice noodle wrapped in flour crisp which came out very quickly. One man was making the dish while another was frying the flour crisp in the back. The flour crisp was very fresh although the rice noodle was relatively too thick.Moved on to the beef and thousand year old egg congee which was good. The congee was smooth and the beef quality was good. The thousand

數天前到銅鑼灣買聖誕禮物, 大出血後決定晚餐要窮一點平衡荷包。想著想著, 便記起大坑好像有一間很出名的粥店, 便來試試環境舊式的粥店，地道的擺設，是街坊親切味道。門口放了用來製作腸粉的工具，證明是即點即製，好不興奮!食物點了皮蛋魚片粥，皮蛋有一整顆， 真是驚喜! 魚片份量也很多，粥底綿綿，沒有水汪汪，應該是煲上一整天吧。重頭戲是腸粉，點了魚片腸，因為即製，所以等候了一會。一吃下去，真的有感動的感覺! 這裡的腸粉，不是那種皮很薄的，但是米味十分突出，可能我見識小，但這般有米味而吃下去是綿綿的腸粉真的沒有吃過。下回一定要點淨腸粉，因為這種腸粉不用與任何配料吃也美味非常。服務煮粥的大叔(不知是否老闆)很親切，不過眼睛常常望著電視，邊煮邊看，很可愛的說。

我係第一㳄寫食評，因為懶，但今次好想表揚一下呢間毫不起眼既小店，隨住大坑既舊樓慢慢被收購清拆，唔知仲可以食幾耐呢？腸粉係全香港我食過最好既。因為貪靚，我夜晚通常只買粥食。但係今晚等外賣時見到老伯伯喺度包腸粉，好似好好食咁，就買左一碟淨腸粉試下，果然好好食！又滑又有口感，豉油味道剛剛好。全部親手新鮮整。粥是不用多說的好。我絕對是一個奄尖的人，又愛健康飲食，基本上一星期最少食幾次，當然都因為我住得近，但係大坑係有好多好嘢食，康記係我心目中既第一名。

係大坑番工都番左大概一年了每到午飯時間就頭痛因為可以食的都食過試過了同事經常講附近有間好好味既粥店一直都冇刻意去搵直至我星期四真係諗唔到食咩就上網SEARCH一下吧搵完地址, 原來真係好近, 大約兩分鐘路程就到今次買了一碗白粥及一份炸兩白粥好綿, 有種不懂形容的香味(米香??)炸兩的份量完全是平時在大連鎖店吃到的一倍多唯一可惜的是他們沒有麻醬如果有麻醬就更加完美了但我還是一定會再去的下次要試一下他們其他種類的腸粉及粥品

返工前,心血來潮想食粥...只係而家成個銅鑼灣要搵間平靚正嘅粥檔真係唔易,周街都係啲集團式粥舖,貴得嚟又難食到死...所以,絕對唔介意行多幾步去大坑幫撐下啲有誠意嘅小店~之前嚟過幾次,尤其冬天,天寒地凍整碗熱辣辣嘅粥,真係好爽~雖然而家大熱天時,但想食粥,就食啦~去到自己搵位坐後,叫咗碗皮蛋豬紅,同埋一碟炸兩;蛋紅is賣飛佛,豬紅幾實下,唔會一掂就散;炸兩送粥簡直一流,好過啲集團式粥舖~而家呢類自家小店真係買少見少,仲要喺大坑呢啲貴地段,真係要多多支持下~~

已是晚上十時多, 因早兩年前, 看過一篇報導介紹這間粥店, 被這間店鋪的故事感動, 專程來到試試看。剛剛老闆一家人開飯中, 因為我們來到幫趁, 弄到他們沒時間吃晚飯。我們點了皮旦瘦肉粥, 抄麵, 豬潤腸, 炸兩豬潤腸, 炸兩是由一位伯是新鮮整出來的, 非常新鮮, 而且滑, 仲好大碟皮旦瘦肉粥, 味道好夠味, 粥好綿, 份量十足抄麵好有住家菜風味, 少味精, 正! (是由一位小妹妹抄的, 估不到有如此水準)這店由一家八口去經營, 確實加唔溫情少分數, 而且有如此水準, 要讚!!!

下晝三點幾都仲未食野，坐底食碟腸粉食碗粥。下午茶時間，都好爆棚，要係路邊開枱。要炸兩同埋豬潤腸粉，即叫即整，不過都唔洗等太耐就有得食。腸粉皮唔算薄，餡就豬潤算係爽唔會好粉，不過唔係一塊塊，幾碎下，分佈亦唔太平均。炸兩就幾唔錯，條油炸鬼韌身少少濕，係我歡喜既炸兩，唔係果d太鬆脆既油炸鬼做既炸兩，幾唔錯。粥要左魚片皮蛋粥，粥底幾糊下唔算太綿，魚片有骨，皮蛋幾多。放低三十幾蚊，繼續下一站。

去行年宵前先充電, 見食評不俗, 立即試.粥夠熱, 但粥底普通. 腸粉中下, 即做但皮太厚, 且有點 '行' 味, 炸兩亦欠佳. 油器雖冷, 但好味. 整體不能說好吃, 不知是否掛住做年糕等賀年食品影響品質.雖然喜懷舊, 但不會再去, 有點失望.

幾年來，好像只有這年的聖誕這麼有氣份。說的是在四季越來越不明顯的香港，竟然還能享受到嚴寒下的聖誕節。寒流襲港，被窩立時成為最幸福的場所。當然，聖誕佳節， 日日窩在家也不是個辦法。不單是舌頭，身體在呼喚好想要一股暖流，好想喝碗熱湯，甚或是一碗暖在手，熱在心的粥。其中一天去了大坑吃滑蛋叉燒飯，離開茶餐廳時，看到跟一眾新食店寵兒成個反差的康記粥店，才想起這家的粥也算溫心可口。今天吃滑蛋叉燒飯，明天再來這個街角，就吃碗冬日下的暖粥。走到京街的街角，遠遠已經看到集結左門口的食客，大部份都是等外賣，買粥、腸粉和油器回家慢慢享用。跟朋友挑了個門外的座位，看著伯伯拉腸粉，慢慢考慮要吃甚麼。好久沒看到即拉的腸粉，幾年間，好像只在堂記看到即拉腸粉。真的不知哪裏染來的怪病，聖誕節才來胃痛，一連痛了一個禮拜。就當成是調理一下腸胃，點了一碗白粥。送上來，單是看就是一種享受，看到每粒白米都成了米花，就知覺一定好吃。聞一下，淡淡的腐竹香，卻完全沒有腐竹的縱影。入口，味道清淡不做作，就是米香和腐竹，就像在吃一服讓身體回復狀態的藥。要白粥好吃，不難，就花時間而已，但卻很少店可以做到。朋友不知怎的說要吃及弟粥。粥的顏色跟

話說在銅羅灣利園的愛馬仕派對后, 意興闌珊, 兼地方逼狹, 人客又多, 飲了２杯香檳便轉戰大坑"康記粥品"食手拉豬長粉!行了15 分鐘, 遠遠看到一個細路托晒腮, 悶悶不樂的坐在康記粥品門口張檯度, 眼有淚光, 細問之下, 原來他是康記粥品的太子爺, 老板娘叫他不要吃零食, 因為就黎食晚餐, 他就吾開心, 冇問題,即刻係手袋拎出剛才在Hermes Party 拿的Candy給他, 噢! 他當堂破涕為笑, 開心番哂, 不過老板娘就吾多高興!連隨太子爺康仔, 年紀大約五歲, 還在書包裏淘出一疊獎券叫我們買, HK$20@, 為善最樂, 鬼到佢禁Cutie咩!手拉豬長粉, 現叫現制羅白糕店東自家製充滿羅白香, 粉下得不多, 煎 得香噴噴, 精品也牛肉腸, 粉皮滑不留口, 配上甜鼓油, 正呀!蝦米腸蔥花蝦米雖然少了一點, 但清清地, 配上甜辣醬, 也很好味是日用餐愉快, 因遇上活潑可愛康仔和用心經營的小店!For more about today adventure, please feel free to read my blog, enjoy and thanks for reading

個人愛吃粥,但最怕吃白粥,與白飯一樣地惡掯,如非必要,上到粥店也不會吃白粥.凡事也有例外,就是大坑康記的白粥,才會令我開金口.也有超過五年沒有來過,當年來的原因,是友人有了身孕,在聖保祿住上一段日子,那時我在同區上班,當夜班前也會過去探望,事前總要買些東西給她吃,除了丹麥餅店的熱狗,尚有康記的白粥.闊別多年,如今契仔也五歲,下年上小學,不能不說光陰似箭.康記的白粥,沒有整色整水,基本就是最好,煲到爆米花,火喉十足,吃落帶有清幽米香,煲一碗出色的白粥,不是太過難吧,為何還有地方,要狂下味精呢?與其走精面,不如腳踏實地,煲粥同做人,也是同一道理.炸兩是即拉,油條剛好炸起,兩者新鮮熱辣走在一起打得火熱,越親越熱然後短兵相接,水準當然不差.大坑越來越多食店進駐,西餐cafe串燒甜品店各式其式,康記仍然氣定神閒,繼續為大坑街坊送上好粥,住在大坑的人,實在幸福.

和 W 先生看大坑舞火龍。本來是說好了賞火龍後一同試吃某意大利餐廳，可是離開時已差不多十時，猜想該餐廳的晚飯時間早已過了吧？我們便決定在附近食店「醫肚」；見康記內坐滿食客，似乎挺受歡迎的，便打算嚐嚐這兒的粥品，卻只剩門外的一張枱。才剛坐下，見有堂內食客結賬，便一個箭步進前坐下；座位剛好向著店內的電視機。即場所見，腸粉、炸兩等都是即叫即做的，所以即使時候已不早了，東西吃來也不會有擺放了一整天、「賣剩」的味道。伴隨著熱騰騰蒸氣送來的是不絕的堂食和外賣「柯打」，門庭若市果然自有其原因。我點了最愛的皮蛋艇仔粥，W 先生點了粥及炸兩。我們倆一直看著伯伯拉粉皮、包油器至裹好一條條的炸兩，被他那份專注吸引了。用餐時店主的小孩從舞火龍盛會蹦跳回來，興奮的跟大人們訴說些趣事；不難想像這粥店是附近街坊的集體成長回憶，而眼前的孩子們又在這集體回憶中添寫著一頁又頁新的故事。滾熱辣的粥品及炸兩加上人情味，一餐吃來心頭暖暖的。

男朋友帶我去食~~D腸粉和炸兩好好味..比起別的店好味得多...XD可能是即叫即整的關係... 店員招呼好有禮貌~豆漿也很好味~^^下次會去食,因為我忘不了炸兩!