康瑞甜品

营业中

休息中

呢間野每次經過門口都一大堆人等 本身對芋圓冇乜興趣 但朋友好鍾意食又極力推薦 所以都排隊等咗 星期六夜晚九點等 比想像中快有得入 大概等咗10分鐘左右 見到餐牌都有啲驚 以為佢咁出名都唔會平 點知大部份都係20幾蚊 仲好多配料 平過好多糖水鋪 😵‍💫👍🏼我嗌椰汁西米露配芋圓地瓜圓 個椰汁底唔錯 唔會太濃太膩 芋圓同地瓜圓好食過我以前食嗰啲好多 唔會又韌又鞋又冇味咁但可能因為我唔太好芋圓 最後食到好濟🤣 朋友話呢間最出名係仙草 我試左少少佢嘅仙草 又真係好好食 仙草味好濃 質地好滑～ 係一絲絲 唔會散開一舊舊

有日夜晚上完堂好想食芋圓，就去咗呢間芋圓專門店，雖然睇落好full好多人，但大部分人都係等外賣，所以唔洗等就可以入去坐😆平時叫啲有配料嘅糖水都要$30起，呢度最貴都只係$26，我哋試咗特式仙草百配($26)同養生紫米露配芋圓($26)，兩碗都好足料，性價比非常高👍🏻仙草百配有大量珍珠同小丸子，完全滿足到我呢啲煙韌控，係飽肚宵夜嘅最佳選擇🥰鋪面唔算大，所以枱櫈擺得較密，未必適合坐耐啲傾計🙈芋圓類嘅食物最重要係夠彈牙，佢哋嘅芋圓係中上水平，有咬口得嚟食得出幾濃嘅芋頭/蕃薯味，不過唔算最Q彈，有一兩粒仲會硬得滯、黐埋一齊，但相信呢個只係個別情況，所以整體嚟講都唔錯☺️紫米露煮到軟糯香甜，有口感得嚟唔會過硬，同煙韌嘅芋圓非常襯，甜度適中、食曬成碗都唔會滯👍🏻仙草凍滑捋捋又爽口，不過涼粉草味唔濃，但因為椰汁西米露好夠味，所以整體嚟講好夾、口感豐富😋

食了飽飽的晚餐，又係好想食芋圓，咁岩係深水埗食飯，就同老公講不如行遠少少去康瑞甜品食個芋圓糖水啦。７點幾黎到都開始坐滿一大半人，雖然選擇一眼望晒，不過我都係會食返依度嘅招牌－凍特色仙草百配$26凍特色仙草百配$26份量好多呀，我最鐘意唔係芋圓，係其他配料，即係西米，薏米，小丸子之類，相反芋圓較失色，食落粉左Ｄ，不過價錢咁平，冇投訴啦～我老公揀左貴妃楊枝甘露，$30黎講已經好合理，出面閒閒地$40以上。價錢合理而且味道唔錯，再夜d就開始多人等位。

晚餐之後食一碗冰凍的甜品，有我至愛的台灣芋圓，芋圓口感非常好味，夠煙韌，糖水又不會太過甜，份量又大碗，非常抵食，已經幫襯過幾次了，發現這裏的人客以年青人為多，店員也是，有禮貌服務態度又很好👍🏻

足料抵食芋圓糖水🥳康端甜品呢間食芋圓真係好出名！！都可以話係香港嘅頭一頭二🤯之前已經食過一次㗎啦，今次再次到訪依然都冇令人失望🥰❤️‍🔥嚟到梗係要嗌佢招牌糖水🤪🥣特色仙草百配 $26佢呢個名真係嗌得啱😂材料真係「百配」～有薏米、紅豆丶珍珠丶西米丶小丸子，三色芋圓，同埋做底嘅仙草😋材料真係好多，雖然$26但大大碗，材料有好豐富😆！佢唔似一般糖水，講咗話有嗰啲材料，到出嚟淨係比幾粒😵‍💫名副其實真係有好多料☺️每啖食都有好多唔同口感，好得意有好豐富😍薏米紅豆整得軟淋，雖然紅豆唔算係起沙，嗰種但係勝在好足料🤪珍珠西米小丸子亦都好咬口，個人好鍾意小丸子😝但就相對地係咁多款材料裏面比較少，不過畢竟佢都唔係碗糖水嘅主角🤔三色芋圓份量都多，而且口感煙韌😆唔會係未煮得透咬落去好硬好奇怪嘅口感！亦都唔會煮到過龍👐🏻同埋三隻口味都食得出💞有時去糖水舖食三色芋圓，煮完都真係唔知邊隻打邊隻😂😂呢碗就冇呢個問題！最後仲有仙草中和返，成碗糖水好完美❤️不過呢應該都落咗唔少糖水，椰汁黑糖呢啲～甜味都比較出，所以整體成碗糖水都偏甜～不過我個人就好鍾意甜🤣再加上呢個價錢真係冇得輸啦！！

天氣熱辣辣🔥，行行下街頂唔順就搵間糖水舖，食下野涼下冷氣休息下。知道深水埗有間食芋圓糖水，又平又足料既鋪頭，即刻去朝聖下特色仙草配（芋圓、地瓜圓、小丸子）$26叫左一熱一凍，一致認為凍既比較好食，因為椰味比較重啲酒釀桂花配（芋圓、地瓜圓、小丸子）$26呢款糖水只限熱食，一送上枱已經好大陣桂花酒既味，食完好暖身（較適合冬天食）椰汁西米露配（芋圓、地瓜圓、小丸子）$26係平時食開既味道，仙草配比較抵食三款糖水既份量都好多，十分多料，而且先係廿幾蚊一碗，咁既價錢真係無得輸👍🏻

天氣咁熱去到深水埗 咁緊係搵間鋪頭去坐下 飲下野啦 又打開個openrice 見到間 康瑞甜品 咁睇睇個菜單啦 價錢係今時今日已經係好低食 （又足料又大碗) 咁就點左兩個糖水食下 消消暑啦分別係 1.特色仙草百配（凍） 同 21.養生紫米露配（凍）咁大家都睇到圖片啦 d 料係多到滿晒出黎 咁地瓜圓 同 芋圓 食落口仲係好彈口 唔會好似其他爆水鋪咁食落去硬棒棒咁如果$26 食到咁多料 真係十分低👍👍咁另一個就係紫米露啦 咁糖水 甜度又唔算太甜 紫米就有少少咬口 唔會好似食粥水咁咁大家有機會都可以黎試試

炎炎夏日出外行街，真係中途要揾個地方坐低歇下腳，日日三十幾度，係條街到真係熱到暈🥵今日黎左康瑞甜品真係合曬我意，店舖強勁冷氣座位坐得舒適坐低抖一抖再叫糖水食叫左碗1號，凍既特色仙草百配真係十分足料，料仲多過水主要材料有仙草、芋圓、地瓜圓和小丸子再加上的紅豆、西米、薏米。$26蚊一碗真係抵到爛芋圓煙煙韌韌，整體口感唔錯另外叫左21號，凍既養生紫米露配，同樣$26 紫米一粒粒好有咬口，味道濃郁其他甜品大約都係廿零蚊碗，價錢親民，料又多，絕對值得去食

係深水埗食完飯想食番個糖水就諗到哩間平民小店幾年前都試過一次個時仲係舊鋪假日晏晝排隊排左成個鐘轉左新鋪之後第一次食平日七八點去人都多近乎滿座不過就唔使等—————————————特色仙草百配 （$26）哩個甜品真係岩哂我哩啲心多既人唔止有佢寫出黎既芋圓 地瓜圓同小丸子仲有珍珠 紅豆 薏米 西米同埋主人公 —— 仙草凍軟糯 滑溜 煙韌 每樣食落既口感都唔同層次感非常豐富椰汁西米露（$21）同行既男朋友就淨係嗌個最普通既糖水西米軟硬適中係預期中既味道———————-最鐘意既係佢啲糖水既甜度唔過火而且極為足料哩個價錢 哩個質素實在係搵唔到有咩可以挑剔既地方

今次去到深水埗食高CP值嘅糖水舖🧡特色仙草配芋圓 $29有超多配料嘅糖水，包括珍珠，薏米，紅豆，仙草同埋芋圓👍🏻小編最鍾意薏米，因為煮得非常腍😀成碗糖水唔會太甜，配料都係好低糖，所以唔會好有負擔感。唯獨是配料真係太多，女仔一個可能食唔晒㗎🤣今次呢一碗配左UCC奶仔，一齊食仲多份奶香🧡呢個價錢食到咁多配料，每款配料質素都係中上，冇得輸😊唔洗諗，去食吧！

特色仙草百配，用料充足，另外還有仙草西米奶露、湯丸、鹹肉糭及其他中式糖水前身係涼茶店,慢慢改成賣甜品既小店 廿幾蚊就食到高水準既手工甜品腐竹蓮子芋圓加雞蛋  什果味啫喱芋圓有兩隻味 芋頭和蕃薯味 口感煙韌唔太甜估唔到腐竹蓮子湯都可以加芋圓,呢個食法幾有創意 類似就加湯圓腐竹薄細碎,入口滑溜 糖水湯不太甜 加多隻蛋食味道仲豐富!傳統果凍啫喱造型可愛 細路食最鐘意 味道同樣唔會太甜幾彈牙深水埗荔枝角道323號地舖評分8/10消費$55

呢間仙草芋圓食過好多次，都係朋友介紹之後一試難忘，一直keep住去食，真心又抵又好食😆😆🍴特式仙草百配 $26超級多料，有仙草，小丸子，芋圓，地瓜圓，西米，珍珠，紅豆，啖啖料，口感豐富，芋圓超煙韌，仙草好滑，椰汁香濃，唔會太甜食一碗可以當一餐，勁飽🤣🍴楊枝甘露 $30酸酸甜甜，唔會太甜，幾多芒果，袖子肉比較少，個汁好濃稠，味道都ok~ 但覺得仙草好食好多~推薦指數: 9/10超高CP值，平民價錢高質素，真心推薦大家去食！

好耐無食啦，應該有年幾時間。今次晚餐係附近食完當然要買碗外賣返屋企食下啦，機會難得！一睇個價錢同之前無乜變過呢，無加價都算係良心商戶啊！之前經常食仙草百配，勝在乜都有，重要有我最愛嘅芋圓同仙草啊！但今次轉轉口味，揀咗香滑腐竹蓮子底，再揀芋圓地瓜圓小丸子嘅配搭。芋圓份量相當多，芋頭同地瓜味都出又煙煙韌韌，真是無得輸。腐竹糖水底好滑，個人覺得甜咗少少但糖水就係甜㗎啦。小丸子相對下少咗啲，但芋圓才是重點嘛，可以的。期待下次再食。

深水埗康瑞甜品食左個好潤嘅雪耳糖水，加左小丸子，芋圓，珍珠十分唔錯！26元都幾足料同朋友嘅飯後甜品之選🥰☺️雪耳養顏，食完都自我感覺良好依間店食仙草有名，但我就無試喇！大家不妨來深水埗食完晚飯就食個飯後甜品啦😍

呢間可以講係長期幫襯嘅甜品舖🤪要搵好食嘅芋圓真係唔係件簡單事😢特色仙草配 💰26呢款招牌幾乎每次都會叫😋配料好多好豐富😝仙草底搭配埋芋圓、地瓜圓、小丸子、紅豆、薏米、西米😆啖啖都有唔同配料口感豐富🤓🤓一碗滿足不同願望！味道唔會太甜，正椰奶紅豆沙配芋圓 💰26熱食紅豆沙冇得輸😛佢哋仲加左啲西米幾得意😆整體口感豐富左👍🏻味道又唔會太甜配搭埋芋圓、地瓜圓、小丸子簡直大滿足🥰🥰值得一提係啲三色🍡份量好多🤩🤩對於芋圓愛好者簡直福音🥳🥳不過就唔係好食得出椰奶味🥥唔睇個名都唔知原來係椰奶紅豆沙🥲🥲不過個人冇呢個執著，當普通紅豆沙都好接受到呢間糖水份量多👍🏻味道唔錯🤤價錢又唔算貴😝😝抵食🤪🤪