康瑞甜品

营业中

休息中

特色仙草百配，用料充足，另外還有仙草西米奶露、湯丸、鹹肉糭及其他中式糖水前身係涼茶店,慢慢改成賣甜品既小店 廿幾蚊就食到高水準既手工甜品腐竹蓮子芋圓加雞蛋  什果味啫喱芋圓有兩隻味 芋頭和蕃薯味 口感煙韌唔太甜估唔到腐竹蓮子湯都可以加芋圓,呢個食法幾有創意 類似就加湯圓腐竹薄細碎,入口滑溜 糖水湯不太甜 加多隻蛋食味道仲豐富!傳統果凍啫喱造型可愛 細路食最鐘意 味道同樣唔會太甜幾彈牙深水埗荔枝角道323號地舖評分8/10消費$55

呢間仙草芋圓食過好多次，都係朋友介紹之後一試難忘，一直keep住去食，真心又抵又好食😆😆🍴特式仙草百配 $26超級多料，有仙草，小丸子，芋圓，地瓜圓，西米，珍珠，紅豆，啖啖料，口感豐富，芋圓超煙韌，仙草好滑，椰汁香濃，唔會太甜食一碗可以當一餐，勁飽🤣🍴楊枝甘露 $30酸酸甜甜，唔會太甜，幾多芒果，袖子肉比較少，個汁好濃稠，味道都ok~ 但覺得仙草好食好多~推薦指數: 9/10超高CP值，平民價錢高質素，真心推薦大家去食！

好耐無食啦，應該有年幾時間。今次晚餐係附近食完當然要買碗外賣返屋企食下啦，機會難得！一睇個價錢同之前無乜變過呢，無加價都算係良心商戶啊！之前經常食仙草百配，勝在乜都有，重要有我最愛嘅芋圓同仙草啊！但今次轉轉口味，揀咗香滑腐竹蓮子底，再揀芋圓地瓜圓小丸子嘅配搭。芋圓份量相當多，芋頭同地瓜味都出又煙煙韌韌，真是無得輸。腐竹糖水底好滑，個人覺得甜咗少少但糖水就係甜㗎啦。小丸子相對下少咗啲，但芋圓才是重點嘛，可以的。期待下次再食。

深水埗康瑞甜品食左個好潤嘅雪耳糖水，加左小丸子，芋圓，珍珠十分唔錯！26元都幾足料同朋友嘅飯後甜品之選🥰☺️雪耳養顏，食完都自我感覺良好依間店食仙草有名，但我就無試喇！大家不妨來深水埗食完晚飯就食個飯後甜品啦😍

呢間可以講係長期幫襯嘅甜品舖🤪要搵好食嘅芋圓真係唔係件簡單事😢特色仙草配 💰26呢款招牌幾乎每次都會叫😋配料好多好豐富😝仙草底搭配埋芋圓、地瓜圓、小丸子、紅豆、薏米、西米😆啖啖都有唔同配料口感豐富🤓🤓一碗滿足不同願望！味道唔會太甜，正椰奶紅豆沙配芋圓 💰26熱食紅豆沙冇得輸😛佢哋仲加左啲西米幾得意😆整體口感豐富左👍🏻味道又唔會太甜配搭埋芋圓、地瓜圓、小丸子簡直大滿足🥰🥰值得一提係啲三色🍡份量好多🤩🤩對於芋圓愛好者簡直福音🥳🥳不過就唔係好食得出椰奶味🥥唔睇個名都唔知原來係椰奶紅豆沙🥲🥲不過個人冇呢個執著，當普通紅豆沙都好接受到呢間糖水份量多👍🏻味道唔錯🤤價錢又唔算貴😝😝抵食🤪🤪

🍽 康瑞甜品 (深水埗)深水埗荔枝角道323號地舖🐽有一日行經深水埗好想食糖水，就諗起一直都好想試嘅黃店💛康瑞甜品🤤大家都知道比較出名既甜品店大多都位於旺角、九龍城、銅鑼灣等旺區，其他區要搵到好食嘅甜品店也絕非易事！今次就買左其最出名嘅招牌特色仙草配及最愛嘅紫米露返屋企慢慢食😋而呢間甜品店果然名不虛傳，相信係🐽近期食過最好食的中式甜品店！強烈推薦大家經過一定要試下🥳特色仙草配 - 凍 $26 (🧡🧡🧡🧡)​ 呢碗招牌糖水配料非常豐富，🐽食到有芋圓，紅豆，西米，珍珠，薏米及小丸子等，份量十足，芋圓亦十分Q彈。而主角仙草仙草味濃口感軟滑，連同其他配料一齊食，層次感非常豐富！整體甜度適中，唔會過甜， 熱辣辣夏天食完真係超爽🥴招牌甜品果然唔會令人失望！養生紫米露 $21 (🧡🧡🧡🧡🤍)​ 作為養生界嘅表表者😎一場黎到一定要試下佢嘅養生紫米露！紫米又稱黑糯米，膳食纖維很豐富，有效促進腸胃蠕動，而且紫米煙煙韌韌，店家更會加入珍珠，整體非常有咬口。🐽真的非常欣賞呢間小店嘅調味，完全不會死甜，淡淡嘅紫米獨有嘅香甜味配搭上椰奶嘅香氣真係超級夾🤩（5分滿分，🤍=0.5分）⁣⁣​環境 ：(外賣自取，目測新式

講左咁耐終於有機會食到!!!!!!•特式仙草百配成碗都係芋圓 地瓜圓 小丸子個底仲有紅豆薏米 芋圓還好但糖水底比較偏淡 總括黎講足料 價錢好親民 抵食所以都值得一試 芋圓控萬歲

相信呢個名👂🏻熟能詳啦絕對係香港芋圓界名人🤣✨特色仙草百配（凍/熱） $26（我次次黎都係叫佢架🤭捨棄不了）呢個價出面既芋圓店除左一兩間外搵唔到架喇 出面大部分$30起跳仲要唔夠正宗同唔夠足料🤷🏻‍♀️

近排食完飯都會衝去食仙草，今次去左評價頗高嘅康瑞，其實一路有去開，芋圓同仙草係可以的，但食過多間甜品店之後覺得康瑞嘅芋圓唔夠煙韌,仙草軟滑但唔夠Q彈，仙草百配有芋圓、地瓜、小丸子、紅豆、薏米同埋西米配料好足好豐富味道尚可！同行友人太飽直接叫凈仙草，我分啲配料比佢就算數，其實多$5.00多左芋圓同小丸子都值回票價，不過如果晚飯食太飽，咁樣叫就唔會變大哂鬼啦！！康瑞甜品由細舖搬大舖，人流都其實好多，有時大熱天時等都幾辛苦，不過好彩大家食完都好快走！非常合作～

每次經過深水埗都會特登去買康瑞食,27蚊有齊曬芋圓,西米露,珍珠,薏米粒,紅豆,仙草凍,小丸子，食落好滿足，味道唔會太甜，芋圓煙韌，有芋頭同地瓜味，可以自己調教，份量亦都大大份可以夠兩個人分享。

食左呢間糖水舖 已經十幾廿十次, 近排見有人話佢差左 都想幫佢打返個「好評」!!!!以前, 佢係鐵打鋪既時候已經幫襯過到依家都有經常幫襯 十年如一日, 都係揀呢一味<特色仙草配> $26呢個價錢 呢個質素都冇得輸! 呢個仙草配 入面有芋圓 蕃薯圓 西米 仙草 紅豆 …加埋個UCC奶仔 好味 又有豐富口感所以 糖水黎講, 康瑞都係一個不錯既選擇!另外 , 我都幾鐘意紫米配($26) ! 濃味 而且有咬口!!! 食完都幾飽肚😂肚餓既話 可以揀呢一個選擇…

點左個紅豆奶竽圓，除左竽圓叫做keep到水準，（但都只是應有既要求），糖水稀到像水：味道冇乜甜味，豆少，好似無煲透（大把酒樓煲既紅豆沙有誠意有味道過佢）。身邊人嘅西米露都係稀汪汪。服務方面，老細：我對上一次（可能都有一兩年前），你同樣手段，話：我見唔到你等緊，所以飛俾左第二個所以你等耐咗。我明明企係正門前，我明明睇住你靜靜雞俾咗3人枱俾另一grp黎遲過我既人（我“當”佢地係你“朋友”，本來你唔咁講我係算既）。以後我唔駛再黎，唔食唔覺得可惜。因為真係無乜特別，點解要排你。

天時暑熱 行行下街 就會想行入甜品店 食個正甜品 抖一抖！今日係深水埗行完黃金 本身想去食一間係附近既甜品鋪 但行到去見到無開鋪🥲 所以即時用Google Map 揾下有無其他食芋圓既甜品店，就係咁我地去左荔枝角道既康瑞甜品！ 我地一人叫左一碗 < 特色仙草配> 同< 紫米露配>。兩碗糖水都好好食 裡面配有份量都幾多既小丸子、芋圓同地瓜圓。<特色仙草配>既味道唔會太甜同埋唔會太飽肚，相反<紫米露配>就甜D同埋有比較易食滯🙈 所以如果你唔係好餓 同埋個胃比較細 但又想食芋圓的話，建議你可以選擇仙草配😉 最後最後，不得不提尼間小店既甜品真係好抵食 大大碗都係$26咋，依家係香港好少地方有平過$30既糖水架！因此，行過深水埗又想食糖水，可以去試下！

一早就聽過呢間糖水鋪好多人推介，每次經過深水埗都會想試下。今次去到雖然已經過咗十點冇得堂食，但係就算要外賣都想食下。就算過咗堂食，門口都仲有大約十個人排隊買外賣，可想而知間鋪有幾旺。雖然人多，但係廚房出得好快，買完十分鐘內就拎得。😗我地嗌咗紅棗雪耳糖水同埋養生紫米露😋。紅棗雪耳唔會太甜，個湯好清，感覺好好。至於個紫米露都好正，甜度啱啱好，又足料。兩樣糖水都認真推介!啱晒想食糖水又怕唔健康嘅你🤗

康瑞嘅仙草芋圓好出名芋圓控必定會試過今日去開深水埗西九龍廣場配眼鏡順便行去康瑞買個甜品當下午茶點咗個招牌糖水「特式仙草百配」大大碗勁足料都只係$26咋有薏米、珍珠、西米、小丸子、地瓜圓、芋圓、涼粉每啖食落都有唔同口感糖水底係椰汁同黑糖椰汁味就唔太出，糖水整體偏甜芋圓同地瓜圓都算煙韌有咬口反而小丸子就好細粒無乜煙韌感啦不過整體泥講係好好食既而且價錢真係好抵！📍康瑞甜品🔎深水埗荔枝角道323號地舖