康瑞甜品

营业中

休息中

今日經過見到呢間懷舊嘅糖水舖☺️見款式幾多價錢又好優惠😍😍仲有我最愛嘅芋圓😋後來先發現原來係由涼茶舖轉型為以芋圓作主打嘅糖水舖，仲係人氣熱店🤩好彩我地冇走寶咋😝😝🍡 特色仙草百配 ($26)當然要試吓招牌菜😌呢個百配真係好豐富😍😍😍有仙草、芋圓、地瓜圓、珍珠、小丸子、西米、紅豆同薏米🤤🤤 仙草嫩滑，芋圓、珍珠同小丸子都好Q彈😆 仲有花奶同糖水唔會太甜☺️好食！三十蚊都唔洗就咁足料🤭性價比極高👍🏼👍🏼

我成日都好掛住康瑞的1號仙草，料多不用多說，甜度剛剛好；薑汁蕃薯糖水好好味，好濃好香嘅薑汁，唔係淨係得個辣字，仲有個好薑嘅味道；落單快，上菜快，埋單快，值得推介！

涼茶起家而成功嘅甜品舖🍰真係少之又少，而呢間真係出名得黎又keep到質素，價錢亦無大幅加價，真係良心食店😢小編食過呢間甜品好多次，真係大推呢間平靚正嘅甜品舖俾大家🤩==============================🍧 康瑞甜品 @hongs_dessert📍 深水埗荔枝角道323號⏰ 星期一至日15:00 - 00:00==============================1️⃣ 【凍 特色仙草百配（芋圓、地瓜圓、小丸子）】 $26小編鍾意咩都有啲，可以試晒唔同嘢，而呢碗就好啱我，真係咩都有😍有芋圓、地瓜圓、小丸子、珍珠、仙草、紅豆、薏米、西米🤤芋圓同珍珠好煙韌，唔會太淋，口感啱晒我😋紅豆甜度適中，少少起沙仙草滑嘟嘟好好食，仲有少少草藥味🤏🏼整體來講呢個價錢食到唔同配料真係好抵食🥰而且成碗口感好豐富，甜度都啱啱好，份量都唔少，一定會再encore！🙈（🔥 怒食指數：9/10）==============================🔥評分：環境：7/10 味道：9/10性價比：9/10總分：8.3/10==============================

買外賣4碗糖水，只有兩個好細細個嘅奶...問佢再攞返多兩個，其實都只係一碗一個奶無問佢攞多，但竟然話紫米露係唔跟奶...如果要奶要另外再加錢...真係有點離譜，如果堂食叫紫米露係咪一定唔會有奶跟呢？點解外賣會無奶比？要加錢呢？第二次叫外賣先知佢有咁嘅規矩，第一次仲以為佢比少咗兩個奶我地但已經返咗屋企...今次醒目叫完即刻check,點知都係少，問佢攞先知道有咁嘅原因，應該要好好檢討吓公司嘅制度啦！如果堂食嘅客要問你加奶係咪都要另外補錢呢？點解紫米露唔可以跟埋奶呢？真係10萬個為什麼

一間非常之值得推薦既芋圓甜品😍第一次食，叫左外賣自取，雖然係外賣但係都比我想像中好食，芋圓好煙韌同軟熟，買咗1號同4號，兩款都好足料😻🍧：特式仙草百配 芋圓 地瓜圓 小丸子(凍)評分：10 / 10 好足料，好好食，唔會太甜，加埋佢比埋既花奶 完美👍🏻🍧：椰奶紅豆沙配 芋圓 地瓜圓 小丸子(熱)評分：9 / 10偏甜左少少，本人比較喜歡食無咁甜既糖水，少甜dd 完美😍Food: ★★★★☆Price: ★★★★☆

每次經過「康瑞甜品」都見到呢間糖水舖頭大排長龍，店内常滿狀態，可想而知佢係幾咁受歡迎👏🏻😹今日出開深水埗，就約埋朋友一齊去試吓究竟係咪真係咁好食😋今次試咗特色仙草百配（凍）$26嘩，佢既份量絕對冇將貨就價，真係好足料！配料方面有芋圓、地瓜圓、小丸子、珍珠、紅豆、薏米，呢個價黎講，真係勁抵食。最欣賞係佢嘅仙草，食落軟林林，好有仙草香，加上冰凍嘅仙草食落有種令人涼透心嘅感覺，爽呀！😍配料豐富，一碗糖水足已滿足晒所有願望同口感😋腐竹蛋蓮子配芋圓 $21依個都好好味，雖然賣相不太討好，因為腐竹同糖水分得好開，但食落啲腐竹足入味，夠哂滑溜，又甜，真係食到停唔到口😍總括而言，佢嘅價錢夠晒親民，糖水有質素，唔怪之得深受客人喜歡，有機會大家可以去試吓😉

以前同朋友聚會一講到下場，第一時間就會諗到食糖水🤪香港近年都有唔少芋圓糖水舖，相信康瑞係唔少人心目中都留有位置😌聽講以前康瑞係間涼茶舖，後尾轉咗做主打自家製芋圓嘅糖水舖😎當出面賣緊4x蚊 呢間用最貼地嘅價錢同質素征服咗小編個胃😋🌟特色仙草配 ($26)配料：芋圓地瓜圓、珍珠、小丸子、仙草、紅豆、薏米。糖水本身係淡淡嘅花奶同仙草味 甜度啱啱好😋芋圓同小丸子Q彈唔會硬 仙草滑溜。配料款式多 每樣都俾得好足，一次過滿足你所有願望，係選擇困難症嘅恩物🤩🌟養生紫米露配($26)配料：紫米、西米、芋圓地瓜圓、小丸子一向都鍾意紫米露💜呢間嘅紫米好香唔會死甜 食到後面都唔覺得膩，啱晒香港人口味！🥰芋圓地瓜圓煙韌但個味唔算好出 要細細品嚐先食到。🌟椰汁西米露配($26)配料：西米、芋圓地瓜圓、小丸子椰汁唔會好甜帶有淡淡嘅椰香味🥥配料同紫米露相似 西米俾得相對多。鍾意口味清淡少少嘅朋友不妨試試，個人覺得佢同紫米露配可以二選一~😆🌟秘製軟滑糖不甩($20)口感軟糯甜度適當 配上香脆嘅花生碎同椰絲🥜KO一碟只需一瞬間。呢到賣20蚊六粒，我諗香港都無幾多間做到咁😇味道：🌕🌕🌕🌕🌗環境：🌕🌕🌕🌗🌑價錢：🌕🌕🌕🌕🌗

紫米配芋圓🥣呢個芋圓真係世界第一😁😁有紫米啦西米啦有芋圓啦有珍珠啦有小丸子啦有蕃薯圓啦6樣嘢啊🤣🤣🤣🤣🤣🤣超足料🥰仲有椰奶香☺️芋圓超級極之煙韌彈牙😆熱既話更彈牙🦷😀成體都唔算好甜😁😁同埋上餐速度超快😄😄服務態度好wo😁😁真係大推你實要試一試啦🤣🤣🤣好正-🚽(5🌟滿分)🌟🌟🌟🌟估唔到甜品店都有廁所🚽整體都ok乾淨啊佢雖然細間d🤣都有基本設施🧻

講起食過返尋味嘅芋圓仙草😍，相信好多人都會話係深水埗「康瑞甜品」。原來康瑞以前主要賣港式涼茶，之後轉型甜品鋪賣芋圓甜品，上網睇佢哋嘅仙草、芋圓同丸子都是自家製😲。食左咁多次都擺脫唔到1號嘅引誘😫，每次都試唔到其他糖水。貼地價錢加上質素如一，試過一次就會明白點解咁人氣爆棚~————————————————👅特色仙草百配 ($26)👍🏻 識食之人一定係食凍仙草，質地超滑溜，豐富配料鋪滿成個碗面，有細細粒Q彈芋圓、地瓜圓、煙韌珍珠、小丸子、薏米、西米同紅豆，再加啲花奶添😋~適中甜度令人一啖接一啖，口感好有層次————————————————🚩總結：難以取代嘅芋圓甜品店！———————————————— 🌟注意：不收加一服務費，夜晚甜品時間預左要等一等位————————————————為食大眼妹💛自家製及黃店日常🐷

味道：⭐️⭐️⭐️⭐️⭐️最初既係一間醫館🏥由於呢度既芋圓太受歡迎 就轉型轉賣糖水每次嚟食都依然人山人海👭🏻👫🏻👬🏻❶特色仙草百配 $26 （冷熱同價）就算天氣再冷 都係偏愛食凍既糖水❄️零舍有一種透心涼既快感🥶呢一碗糖水就有齊晒我鍾意食嘅配搭😚芋圓、地瓜、小丸子、仙草 樣樣齊👍🏻一來 成碗糖水唔會過甜🍬二來 仙草滑溜、芋圓同地瓜既口感都係軟硬適中 又夠煙韌😈最重要係 20幾蚊就有交易 非常抵食💰💰每次經過總會抵擋唔住美食嘅誘惑😈

人氣甜品店，長期有人排隊，特登去買外賣返屋企試下。 要咗一個招牌仙草百配，應該係店中最受歡迎的甜品 ，下單等一會就有得攞啦。仙草白配 $26 ，材料很豐富， 有仙草，薏米小丸子，地瓜圓，芋圓 。上網睇這店的仙草和芋圓/丸子都是自家製的。仙草滑嘟嘟， 芋圓/丸子細細粒好Q彈， 帶有少少微甜。整體很配合很夾 ，值得再幫襯。

自問係個芋圓控宜家連男朋友都被我感染埋今日竟然係佢主動撩我想食芋圓本身我哋打算近近地去大角咀某小店但男朋友想食附有多啲湯水嘅芋圓所以就第一時間諗起深水埗呢間康瑞甜品一去到都幾多人叫外賣看來香港都好多人喜歡吃芋圓今次試以下兩款：特式仙草百配～有芋圓、地瓜圓、小丸子。每粒芋圓都係bite size！啱哂慢慢食另外叫左個暖胃薑汁配芋圓、地瓜圓、小丸子。薑汁有點辣但很適合冬天食呀！仲有好多唔同嘅組合，下次再試。

相信大家應該都有黎食過呢間嘅芋圓🤪因爲佢地嘅芋圓實在太岀名了！食完晚飯心思思仲想食甜野，就黎買左個外賣返屋企食啦❤️•🍨椰奶紅豆沙配芋圓(HKD 26)睇到相就見到有幾咁多紅豆同西米😍！！！雖然咁多豆，但食落係超滑身，唔會成口沙痴哂牙。椰汁味好濃郁，一碗有齊地瓜圓、芋圓同小丸子，而且數量都好充足👍🏼食落煙煙韌韌，好有咬口。依家疫情晚市無得堂食，但外賣自取速度超快，買左5分鐘都冇就已經拎得啦👍🏼😍

以前不嬲唔食芋圓，粉雷雷的，又冇咩味道，唔會嘥呢啲Quota。但自從上年食過一次康瑞的鮮草百配芋圓，便愛上了。每月總心思思去食返一兩次，多數是外賣回家慢慢嘆。今天一樣是買了鮮草百配，回家自己加椰汁，另一碗是薑汁配，走了蛋花。鮮草百配，材料豐富，唔太甜，甜度個人來說十分適中，外賣會配上一小個coffee cream，但我較為喜歡配上椰汁。 薑汁比較辣和甜，自行加了少少滾水（個人口味），芋圓蕃薯丸都好煙韌，有芋頭味有蕃薯味，唔會好似其他糖水店咁，只知食緊一舊甜嘅粉團。

人在 深水埗-荔枝角道 , 就沒有不去 💛 「黃店」康瑞甜品 吃甜品的理由 ~人氣旺店 , 長期排大隊 , 不過只要啱時間 , 例如等開舖 , 做等一枱客 , 那就可以安安樂樂 , 吃得自自在在 ~Menu ~仙草百配 : 招牌貨 , 賣到開巷 , 我每次都一定會點來吃 , 據報所知 , 這店的仙草和芋圓/丸子都是自家製 , 仙草滑嘟嘟，芋圓／丸子煙韌韌，甜味不會過份甜 , 味道好難去形容 , 但就是好吃 ~糖不甩 : 在彈牙糰子上黏上很多花生糖，咬落香口，吃落香甜又不失傳統之味 ~本篇完 ~