康瑞甜品

营业中

休息中

今晚我哋成班人食完晚飯特登行幾條街去呢間甜品店舖幫襯，目的就係食一碗健康有質素嘅甜品！人人都講養生，我好相信呢一間店舖係其中一個選擇！佢裏邊有甜品買之外，仲有涼茶！喺門口嘅右手邊有個水喉位俾你洗手，我覺得好細心而且好着重清潔值得一讚！當然我一定係會食呢一個百配芋圓燒仙草糖水，因為佢裏面嘅材料實在太豐富，無可抗拒嘅選擇，裏面包含咗我所有嘅favour ，尤其是佢嘅芋圓係好好食㗎，我唔係Hea講，佢真係芋頭有芋頭味，番薯有番薯味，絕對唔係用色素整色整水，有咬口，而且佢唔係好甜，應該係用黑糖做底，所以我會覺得口感同層次都非常匹配。點解佢唔開分店在我家附近呢？

我超鍾意食芋圓 康瑞係一間我bookmark左好耐既餐廳 之前未搬鋪既時候已經想試 今日終於的起心肝特登揸車去食！選擇雖然唔算好多 但真係貴精不貴多 而且價錢真係好親民！我同老公二話不親就揀左凍既仙草百配！份量好多，啲芋圓我真係食倒粒粒芋頭，好煙un好香芋頭味。入面仲有珍珠，小丸子，薏米，紅豆，好足料！呢個價錢食倒碗咁豐富既糖水，真係好抵！其他我都好想試！我已經諗定下次食咩喇！🤣其實揸車過黎都超方便，不過我淨係泊係門口，食完就即走，為左呢碗糖水，我覺得值得！

由於係屋企附近關係，所以成日去食呢間芋圓。由街邊檔搬人舖頭感覺比以前焗仲促咗，不過就冇以前等咁耐。呢度都好多選擇，但我通常都係紅棗桂圓 x 芋圓，因為真心正。比較建議熱食，好味好多。

▸特式仙草百配
(芋圓/ 地瓜丸/ 小丸子/ 仙草/ 薏米/ 西米/ 珍珠/ 紅豆) 真係超足料，好飽肚🤤芋圓地瓜丸依舊煙韌，但我最中意都係佢嘅仙草，真係好滑嘟嘟😍 加埋其他配料好有口感，同埋唔會好似平時甜品舖個啲咁甜，感覺上健康啲😊。。。。。。。。。。。。。。。▸至愛什果啫喱(本身以為係平時食開嘅啫喱加幾粒什果)估唔到賣相咁靚靚，不過就真係好甜，係就係有不同嘅味道，但都只係不同嘅糖水味🤦🏼‍♀️。。。。。。。。。。。。。。。結論係，都係食番仙草芋圓把啦😋

呢個冬天凍冰冰,排隊等叫號食飯又未到我地個號碼,所以趁吾多人同朋友走左先去食康瑞,佢招牌特式鮮草百配必點,好凍叫左暖既暖下胃,地瓜圓同小丸子係我至愛,QQ口感超鐘意又吾太甜😋每次去深水埗食飯都會去食下,希望遲D吾好似其他甜品店大紅後大加價就好

每次經過康瑞甜品，門口都大排長龍，這次見比較少人就外賣買了個桂棗雪耳配芋圓($25)。這個甜品性價比高，超級足料，雪耳有四大塊，桂圓紅棗各有4-5粒，芋圓也有八九粒。至於味道方面，亦是不錯，糖水甜而不膩，感覺十分潤喉，芋圓地瓜圓口感Q彈，而且有芋頭和地瓜的香味，不會淡而無味，桂圓紅棗口感不會過於軟爛，帶有淡淡甜味。熱辣辣的一碗糖水，是冬天最合適不過的選擇，價錢平民，二十多塊錢能暖胃之餘，亦能潤喉，令人十分滿足。

每次一講話要食芋圓，都會諗起康瑞涼茶。呢間由中醫涼茶舖演變而成嘅芋圓糖水舖，晚晚都一樣咁多人。我最鍾意嘅係呢度嘅仙草芋圓，有滑溜嘅仙草，加上地瓜圓同芋圓，兩者都非常有咬口，口感煙韌。而且味道亦都唔會人工，地瓜圓有番薯香，芋圓亦有淡淡芋頭味道。加埋椰汁同仙草，有唔同嘅口感層次，味道亦都十分豐富。另一款仙草芋圓會加紅豆，有自然嘅紅豆香甜味，令甜品有如畫龍點睛，可謂一絕。另外仲有薑汁蛋花芋圓、桂花酒釀芋圓等等，試過咁多種之後，我都係鍾情於最原始嘅椰汁仙草芋圓。

近排愛上食台式仙草芋圓甜品，上次係長洲食過好好味，今日嚟開深水埗搵食，聽人講有一間甜品舖好出名食仙草芋圓甜品，一於去試一試。出咗名就當然要大排長龍，但係好彩條隊都算去得快，等一等15分鐘到就入座啦。但係店舖細細俾安排坐最後邊近後門嘅一張枱，舒適度認真麻麻。嚟到梗係食仙草芋圓啦，但係一上枱點解落咗花奶嘅，好彩我食花奶啫，可能唔食花奶嘅人要預早同佢講聲啦，但甜品味道一般般，芋圓都不夠煙韌，甜品淡淡的，又唔係好多料，仙草份量少，可能最吸引就係個價錢啦$25!

山長水遠去到深水保，其中一個目的就係想試下依間康瑞甜品作為芋圓控既我去台灣旅行真係日日都要食芋圓，聽講依間野咁耐終於可以試下舖面就普通糖水舖隔局啦，不過下就去就唔洗點等位仙草百配係必點既入面有齊仙草 芋圓 地瓜圓 西米 薏米等等好豐富仙草好啲布丁咁好滑，芋圓好q彈，配埋其他西米薏米一啖食落口，口感好好等我多啲再去深水保搵下有咩食啦〜

🍀🍀🍀the best mesona grass jelly in Hong Kong at only $20-25what can you ask for more？！the shop wisely not targeting all kinds of sweetsthey just target one thing 💗💗💗Taiwanese MESONA GRass jellyserved hot or cold the jelly is so soft and spongy the sweetness🍯is not just white sugar some aroma I can't tell what one more thing🍶🥛the special gras jelly drink the milk they use is aromatic too which means full of fat😭taste of 🇹🇼 good feature well-doneservice is so good and tailored that you know they ac

✨香港數一數二的深水埗必食Encore系列❤️康瑞甜品「特式仙草百配」❣️從小就喜歡💕煙煙un un 的口感😋👉🏻一碗有既配料有「芋圓、地瓜圓、小丸子、珍珠、 西米、 薏米、 紅豆」溝埋忌廉奶🥛👉🏻小丸子食落都有好香糯米味，QQ🤤🤤👉🏻芋圓 地瓜圓，都係食得出芋頭味同蕃薯味的‼️‼️🍠不過咬口不夠，偏軟！👉🏻仙草好軟滑 ，可以一下啜入口😘👉🏻 配搭恰到好處，集我喜愛的於一身！口感豐富，啖啖煙韌❣️不甜不膩💕👉🏻成碗野$25 ，雖然總有可以挑剔的地方，但以一碗有咁多配料來說已好抵食！👉🏻一人KO 一碗無難道🉐🤤去到深水埗兜兜轉轉都係食返佢💖______________________MUST ENCORE 系列💰$25 仍未加價！深水埗-康瑞甜品

每次經過康瑞甜品，門口都是滿滿的人龍，依間舖頭我由她在醫局街時已幫襯，雖然甜品種類唔算多，但我一個月仍是會幫襯數次。其中特式仙草百配是該店最受歡迎之作，老公每次都會叫這款甜品，這款甜品可以是凍食或是熱食，今次老公點選了凍食，當然我也有品嚐。仙草味濃但唔似一般涼粉咁帶有腥味，而且好滑，芋圓、地瓜圓、小丸子等煙韌，糖水亦不是死甜，令人回味無窮。而我就叫了一碗熱的酒釀桂花配，帶有豐富的酒釀糯米味及清新的桂花味配上蛋花、芋圓、地瓜圓、小丸子等，甜度適中，食落非常暖胃。康瑞甜品味道好，而且價錢合理，每次食完都有幸福的感覺。

$25上次食熱嘅 今次試凍嘅 👅其實啲芋圓真係唔覺特別出色 但係近近地所以買嚟食住先 😝仙草呢款反而無薑汁嗰個咁甜 食落清新好多 🤣整體嚟講都係鍾意今次呢個多啲 😚

熱仙草百搭$25好食指數:7.3/10好多人都話呢間係全港數一數二既芋圓甜品店 未夠開店時間已經有條人龍不過場面混亂好多人係隔離排巴士而人龍又唔知邊度係隊頭隊尾不過我今日係買外賣所以都唔急既落左單 等一陣就有得拎速度夠晒快 拎到去西環都仲係微暖今次叫左碗熱既燒仙草 仙草比較有口感 帶少許煙韌 而主角當然係芋圓 芋圖 地瓜圓 小丸子等 體積剛好 芋頭味同蕃薯味唔算好濃 只帶有淡淡既味 但口感好煙韌 除此之外 仲有一啲薏仁 令整體有不同層次既口感

康瑞係唯一一間會翻頭食嘅芋圓店品店，點解？因為芋圓同地瓜圓真係粒粒真材實料。食得出芋頭蕃薯味，仲會見到有蕃薯纖維同埋芋頭嘅顆粒。平時食開凍1號，但想試下新嘢，就試下佢地嘅椰汁西米掂唔掂！原來椰汁西米都唔錯喎，一碗大約有十幾粒芋圓同幾粒嘅小丸子，西米好彈牙粒粒都原原整整。唔會好似有啲舖煮到好爛，而且仲唔彈牙好gel口。椰汁底夠甜，但椰汁味未算好濃郁。丸子類全部都煙煙unun，芋圓就好似開頭講咁樣，又有蕃薯芋頭味，又食到入面嘅顆粒，真材實料，食完好滿足。總括嚟講係唔錯，但我會鍾意食1號多啲，1號多料啲夠抵食，而且豐富啲甜啲口感多啲。