康瑞甜品

营业中

休息中

睇住舖頭由小舖搬去大舖，面向繁忙嘅街道，他們的手工製芋圓很具台灣特色，涼粉加埋淡奶，十分好味，而且最重要的是他們價格不是太貴，一般甜品舖頭售賣的芋圓最少也要30多元，而他們只需要20多元便能夠享受到台灣特色味道。整體甜品不是太甜，很適合我自己的口味。

專登坐車到深水埗食芋圓，我本人比較貪心，所以點了一客凍仙草百配，所有芋圓，地瓜圓，小丸子，仙草，紅豆，西米，珍珠，小丸子，薏米都有🤗只售$25，份量正常👍🏻👍🏻好好味，值得專程坐車去食老公側點了一客椰汁西米百配👍🏻👍🏻我同老公一致認為哩間芋圓地瓜圓是全香港最好食，有口感，粒粒平均，已經好想計劃幾時再來🤗食完回家途中不斷回味及讚賞十分其待下次再食希望冬天時可以試一下薑汁蕃薯百配😋

老字號，出咗名，水準好一般。材料馬馬虎虎，隔幾條街就搵到更好選擇。我食都冇食完就走咗。啲奶只係花奶，豆都冇粒，同我晌台灣食到的差好遠，感覺未到家，燒仙草的清香味一啲都冇，求求其其。

一直，把「康瑞甜品」，放在必試清單內。惜，每次，總擦身而過。 這日，堅持在附近蹓躂個多小時，再會合小姐，一起去還願…… 門口，設有洗手盆，供客人使用，窩心之舉﹗特式仙草百配芋圓、地瓜圓和小丸子$25，個人而言，這個招牌甜品，的確是大件夾抵食的﹗不太甜的糖水中，除了有挺多口感與食味似龜玲膏的香滑仙草凍和煙韌軟糯富咬口的三色芋圓外，還有大小口感不一的西米、黑珍珠、小丸子、薏米和紅豆等健康配料，多吃有益，且夠飽肚。 椰奶紅豆沙$20，紅豆煲得香腍細滑，甜品富豆香和奶香。但相對特色仙草配，明顯地，失色了﹗ 意猶未盡，再點來一客冰凍香滑腐竹蓮子配芋圓$20，一解饞癮，以及相思之苦﹗ 糖水夠晒冰凍透心涼，片片腐竹浮於糖水面上，入口甚是幼滑富豆香。糠水內，除了煲得香腍的蓮子外，還有甚有嚼勁咬口的芋圓、地瓜圓和小丸子。 下次，介紹 「長洲冰室」的台式芋圓。

My first time to be there!!It’s in a very cheap price , $25 only and I can get a big bowl of dessert, so nice !The sweet soup are tasty, the ingrediates inside are tendor enough ! Highly recommend this one to everyone !!!!I will come there next time !

今日食完飯，女友話要食甜品，平時食開又雪糕又沙冰既佢，今日竟然揀佐間叫康瑞，話係就我~~點解話就我呢，因為我自己真係唔太歡喜而家D 甜品，乜都整沙冰又雪糕，乜味都有但真係好考個人個膽色~~我自己反而鐘意食傳統野，所以同佢出去食甜品，我一般都只係食....芝麻糊....所以我都好好奇呢間康瑞有幾咁就我呢...仲要都幾多人...入到黎，望一望餐牌，好似真係幾好野選擇唔多，無雪糕無果盤無沙冰，但望落全部都好似好正咁，睇相好似好傳統，但又好似好有特色。我先點佐個特色仙草百配，女友點佐個紅豆沙配芋圓，再加個糖不甩先黎係我個特色仙草百配，望落好似平平無奇一個涼粉，但掃一掃個底，唔簡單超級重料。試落口，真係好似唔係普通涼粉咁，唔該，有無人可以話我聽到底咩黎，好清新下，質感同涼粉一樣，但我覺得反而似龜玲膏。唔好以為佢個名叫仙草就係中藥野，其實一D 中藥味都無，個底仲好多種類野芋圓系列粒粒，好煙韌，好足料。以呢個價錢黎講，真係無得頂。再黎就係呢個紅豆沙+芋圓啦，真係紅豆沙，起曬沙，正﹗好綿，個底同個仙草配一樣落佐好多料，唔會怕單調，口感十足﹗其實我自己麻麻地甜野，但呢個糖不甩我又接受到，其實應該唔止接受

呢日係深水埗附近做野 做完野醒起bookmark左好耐既康瑞涼茶因為唔近地鐵站 好多時係西九嗰邊食完野就忘記左呢個糖水下晝差唔多5點 鋪頭比想像中大 有d學生放左學黎食見到有桂棗雪耳湯底揀 就揀左3號 諗住養生少少芋圓係圓柱形 老實講 芋圓無咩特別 地瓜圓就食到少少甜味 如果我只係為左芋圓而黎應該會失望反而個糖水湯底先係我俾好評既主因一個字：潤 唔係死甜 雪耳份量多 有兩粒紅棗糖水高質素 一碗糖水落好多配料珍珠 芋圓 紅棗 雪耳 小丸子而且價錢相宜 難怪咁多人黎門口有個洗手盆 呢個安排都幾貼心 可以走之前洗洗手

話D 餐廳好有善心, 份量比好多, 質素好, 又賣得唔貴, 性價比幾唔錯,通常我地都會叫「佛心來著」, 但唔知點解世界上宗教何其多, 又唔會叫「耶心來著」,「釋心來著」「孔心來著」等等等。其實我最想講都係康瑞碗仙草百配姐, 賣25蚊一碗就咩都有, 珍珠 意仁 紫芋圓  仙草 黃芋圓 紅豆 西米 咩都有, 份量又唔欺人, 講真, 買一杯珍珠奶茶加仙草都唔止25蚊啦,所以我覺得呢碗仙草百配真係好抵食。

芋圓是台灣最有名的糖水🍧芋圓是「煙韌」有嚼勁，帶有淡淡的芋香，台灣人喜歡把這種質感叫做 Q吧 ! 和地瓜圓真是最徍拍檔🤝自從在台灣返到黎之後，一直念念不忘那種口味。但香港之前一直找不到那個味道，直至有朋友推介「康瑞甜品」👏🏻由小店去到現在，人山人海。老闆親切有禮，推薦我地叫 - 特式仙草百配 $25內裡有芋圓，地瓜圓，薏米，紅豆，西米，珍珠，仙草。再加上花奶😋口感豐富，芋圓有咬勁及香味，仙草滑嘟嘟。其餘配料都覺得很健康。多吃2碗都不怕

近日變咗仙草控🧚🏻‍♀️🌱 食咗6-7間仙草飲品同甜品☄️😝 就咁比較仙草：sharetea第一 康瑞第二 👉🏻仙草滑嘟嘟的感覺🤩❤️ 仙草本身都好甜 有藥材味但唔過份 唔會話好似天仁咁有中藥味🌿👉🏻芋圓+地瓜圓煙韌👅夠甜👅芋頭番薯味好出👅每個aspect都好出色但得兩色圓圓😼想要埋紫色圓圓 🔮👉🏻底佢有花奶 開心仔 唔似點點甜無奶或者椰汁底🤥可惜全個甜品嘅扣分位係極甜 ☠️我食完之後無飲水 全程走到地鐵🚇都極脫水mode但料多都癡線 食到勁飽🤤如果想去嘅朋友記得留意 康瑞係四點鐘先開門㗎🚪

要講全香港我最鍾意嘅糖水鋪一定係康瑞涼茶，由舊鋪食到新鋪都依然咁鍾意。舊鋪果時得幾個位，所以通常都係買外賣返屋企食，雖然細碗少少，但食得舒服d，唔洗逼逼夾夾咁。到而家搬左新鋪，價錢好像冇變過，但空間大左好多，最重要嘅係味道冇！變！過！好多鋪頭一但做起左就加價同埋水準下降，但康瑞冇！廿幾蚊大大碗，超級正！我例牌都食芋圓仙草，芋圓夠Q，仙草夠滑，加埋其他配料，例如小丸子、珍珠，全部都保持水準。令我食完一碗仲想買多碗返屋企食

而大家食糖水 又貴又未必好食淨係食賣相唔食內饀既舖頭太多最緊要可以post to public 呃下like咁但作為貼地又平民既小巿民我都係幫襯返啲好味又唔造作既小店從中醫走到甜品店 手作丸子某圓同仙草簡單 直接 無花巧 但人龍照舊大排深水涉 不難發掘不同美食 尤其係當地居民既必然推介選擇上 不用多 最緊要夠最多係食極都唔夠架啫 每一次都會揀呢個特色仙草百配 $25 要唔要忌廉就除你自己選擇 總知我就要了大大碗 有齊我想食既丸子 珍珠 仙草 芋圓 紅豆 西米 應有盡有 啖啖 清甜加新鮮水準穩定 每一次食都有相同既感覺就係人情味

黎開深水埗食飯，知道呢頭附近有間好出名既芋圓甜品鋪，就係呢間康瑞甜品！因為都算早去食，所以都唔洗等位，但入面已經爆曬～（走個時已經好多人排緊隊）甘睇個menu其實唔多選擇，因為始終都係專門食芋圓既～甘就同朋友嗌左特式仙草百配，酒釀桂花配芋圓同埋仙草珍珠奶露！碗碗既料都好足，芋圓仙草好多料都可以食到，廿幾蚊可以食到真係超級值！我要特別推介特式仙草百配，口感一流👍🏻細胃口既女仔可以同朋友share tim😍不過要食就記得要早點去，因為都幾多人下😇

剛吃過母親節的晚餐，我們便駕車到深水埗，到友人上月介紹的康瑞甜品一嚐它的特色。我們不約而同都點了特色鮮草百配。在炎熱的初夏，吃過一些熱氣的餸菜，來一碗鮮草百配，簡直暑氣全消。整個甜品不太甜，鮮草粒冰冰涼涼，裏面的西米粒，煙韌彈牙，其自家製的芋圓，大小恰到好處，一粒一口，滿足又充實。加上花奶，香滑可口，不枉我們千里迢迢駕車來品嚐。

康瑞甜品深水埗荔枝角道323號地舖前身賣涼茶，因手工搓製台灣芋圓而彈起了，轉了新舖就只賣糖水啦！上年同少爺來卻不巧就是搬新舖，今次有時間專登再來 有台灣同港式糖水，$25 鮮草同芋圓都係我最愛，兩者加埋一碗先只$25好抵食成碗都係滿滿架仙草，本身無味口感似港式涼粉和jelly，比較滑身架。而手搓的芋圓qq糯身，很喜歡那嘴嚼感，連同加了糖水的仙草一齊滑入口，涼透心呀 另外前段提到有中式糖水，同樣可以加入芋圓女人係有2個胃，個甜品胃仲可以一次過食2碗，價錢平都係引誘我食多碗架原因